الحكايه وما فيها

لما نكون مسلمين كده

وتبقى عقولنا زى كده

وكل همنا كده

وحكامنا كده

فكان لازم يحصل فينا كده

ويوم ما اتحركنا عملنا كده

الضمير العربى

بقى بالذمه فى كده

صوره محود عباس ومبارك من عند سوسه المفروسه

لله الامر من قبله ومن بعده

أطلق عدد كبير من المواقع والمدونات على شبكة الانترنت أمس السبت 8-3- 2008 حملة دولية باسم "اليوم العالمي لنزع الحجاب" استعانت فيها بصورة امرأة تخلع نقابها وجزءا كبيرا من ملابسها. وقالت إن هذا هو نموذج الحجاب "الذي تريده ولا ترضى بغيره بديلا" ردا على ملابس عرضتها حركة المقاومة الالكترونية (حماسنا) على المطربة اللبنانية هيفاء وهبي.وكانت "حماسنا" التي أطلقها نشطاء انترنت اسلاميون بدأت حملة "اليوم العالمي للحجاب" في 25 فبراير الماضي واستمرت لمدة أسبوع واستهلتها بدعوة إلى هيفاء وهبي "لارتداء ملابس محتشمة" قالت إنها ستقوم بتوفيرها بدون مقابل، مع صورة لزوجة الرئيس التركي عبدالله جول مرتدية الحجاب ومحتفية بكونها اول إمرأة محجبة تدخل القصر الرئاسي في تركيا منذ سقوط دولة الخلافة العثمانية واعلان العلمانية على يد كمال أتاتورك.كما نصحت زوجة حارس المنتخب المصري لكرة القدم عصام الحضري التي ظهرت لأول مرة اعلاميا حاسرة الرأس أثناء وجودهما في سويسرا للتعاقد مع نادي "سيون" بالعودة إلى حجابها.واعتبرت المواقع والمنتديات التي أطلقت حملة نزع الحجاب هذه النصيحة تدخلا في شؤون خاصة وارهابا فكريا، وطالبت كل امرأة وفتاة بخلع حجابها للرد على من وصفوهم "بالأصوليين والاخوانيين الراغبين في تكميم المرأة وحرمانها من حقوقها الشخصية والاجتماعية والدينية".بدأت الحملة التي اشتركت فيها مواقع ومدونات عربية علمانية وقبطية وتونسية بدعوات للمشاركة عبر المجموعات البريدية وعن موقع "فيس بوك"، وتضمنت رسالة بتوقيع د. الهام المانع تطالب فيه بخلع الحجاب وتبرر ذلك بأن "شعرها ليس رمزاً جنسياً تخجل منه، وجسدها ليس مسرحاً لتهيؤات شهوانية، وأنها كائن سامي بشعرها وجسدها".

الحملة دون سقف زمني
وتم وضع صور لنساء يخلعن الحجاب والاستعانة بصورة قديمة للرئيس التونسي الراحل الحبيب بورقيبة خلال نزعه لحجاب إمرأة. وقال محمد السيد رئيس حركة المقاومة الالكترونية إن نحو 30 موقعا ومدونة الكترونية يشاركون حتى الآن في الحملة المضادة لهم والتي لم تحدد سقفا زمنيا لها.وتقول د. الهام المانع موجهة رسالة عامة للنساء المسلمات إن "الحجاب لم يكن يوما فريضة دينية أو ركنا من أركان الاسلام. ولانه رمز استعباد المرأة، فليكن يوم 8 مارس يوما لنزع الحجاب، لتوعية المخدوعات بشعارات الاسلامويين بخطر مشروعهم في اضطهادها وتحويلها لعورة ونصف انسان، وتضامنا مع اللواتي يجبرن على وضع هذه الخرقة (قطعة قماش) على رؤوسهن".وأضافت أن تاريخ اليوم العالمي لنزع الحجاب "ممتد وليس نهائي ولا يهم كثيرا بقدر أن تصل الفكرة لأكبر عدد ممكن. هي ليست دعوة للاجبار أو التهديد بالقتل أو الاهانة كما يفعل الاخوانجية (الاخوان المسلمون) بل هي دعوة للاقناع والفكر والنور".واستطردت المانع "الحجاب ليس حرية ملبس بل اجبار عقائدي واول خطوة للنقاب وعودة استعباد المرأة. الصمت على أن الحجاب فريضة سادسة وقدس أقداس الاسلام وهذه كذبة كبيرة، تعني السكوت على تغلغل أفكار سلفية".ثم تدعو الحملة مباشرة كل فتاة إلى نزع حجابها قائلة "هذه دعوة لك اختي المسلمة لنزع الحجاب. دعوة صادقة وليست خبيثة، لا تسعى إلى تدنيس طرفك ولا أن تحثك على الانحلال. بل تدعوك إلى اعمال عقلك واستخدامه. فأنت وعقلك وحدهما يكفيان دون حاجة إلى البحث في الكتب والتاريخ والتنقيب في الدفاتر عن آراء المفسرين".وتقول الحملة إن "حجاب المرأة قضية سياسية وفكر اخواني يهدف للوصول للسلطة من خلاله، لكن التبرير له واقناع المرأة أخذ ثلاثة أشكال، أولهما وثانيهما انساني وثالثهما ديني. الأول يقول إن المرأة عند ارتدائها للحجاب تغطي مفاتنها وتحمي الرجل من الغواية، والثاني أنها تؤسس بذلك المجتمع الفاضل، والثالث يقول إن جوهر تلك الدعوة ديني".

الشعر ليس رمزا جنسيا

حملة الكترونية لنزع الحجاب
وتختم حملة اليوم العالمي لنزع الحجاب رسالتها الموقعة باسم د. الهام مانع" بأن التبرير الثالث الذي يقول لكِ و لي إن الدين هو الذي يفرض على المرأة الحجاب هو في الواقع أضعف تلك التبريرات، لأننا لم نسمع هذا القول إلا في نهاية السبعينات، ولم نره واقعاً إلا بعد أن أصبح التفسير الأرثوذكسي للدين الإسلامي هو السائد في العالم العربي والإسلامي".وأضافت "أنا لا أدعوك إلى الكف عن صلاتك. لا أدعوك إلى التوقف عن صيامك. لا أدعوك إلى الكف عن الإيمان بالله عز وجل. بل أدعوك إلى نزع حجابك".واستطردت د. المانع "شعركِ كشعري، ليس رمزاً جنسياً أخجل منه. جسدكِ كجسدي، ليس مسرحاً لتهيؤات شهوانية. جسدكِ كجسدي، كيان أحترمه وأفخر به.أنت كأنا، كائن سام، بشعري، ,بجسدي".وتابعت "أنتِ كأنا، قادرة على أن أكون فاضلة في الخلقِ والتعاملِ، دون حجاب يغطيني. سلوكي هو الحكم، لا قطعة من قماش."وردا على اعلان حركة المقاومة الالكترونية عرضها ملابس محتشمة إلى المطربة هيفاء وهبي في بداية انطلاق اليوم العالمي للحجاب، أعلنت حملة نزع الحجاب عن ملابس قالت إنها لن ترضى غيرها بديلا وهي صورة لإمرأة في طريقها للتعري من معظم ملابسها. وقال أحد المعلقين إنه سيوزع هذه الصورة في قطارات مترو الانفاق بالقاهرة ردا على دعوات التحجب.

الاسلاميون يردون بأدلة شرعية
وأبرزت الحملة صورة لرجل الأعمال المصري نجيب ساويرس الذي وجه قبل عدة شهور انتقادات لظهور الحجاب الايراني في الشارع المصري، وعلامة مرورية توحي بمنع دخول المحجبات، ولافتة تقول "ادعم الدانمارك – دفاعا عن العالم الحر" قاصدة الرسوم المسيئة للرسول وعلقت على ذلك بأنهم "أحرار في بلادهم، أحرار في أفكارهم".كما نشرت صورا مع تعليقات تهاجم أصحابها لكل من حسن البنا مؤسس الاخوان ومهدي عاكف المرشد الحالي، والشيوخ متولي الشعراوي ويوسف القرضاوي وعبدالمحسن العبيكان ويوسف البدري وتاج الدين الهلالي مفتي استراليا السابق والداعية عمرو خالد". بالاضافة إلى صورتي المستشار محمد سعيد العشماوي ود.سيد القمني ووصفتهما بأنهما من "رواد التنوير".وقال محمد السيد رئيس حركة "حماسنا" تلقينا عشرات الرسائل التي تسبنا وتوجه لنا انتقادات عنيفة، مؤكدة أنهم لن يتركوا لنا الساحة الالكترونية وسيقومون بمقاومتنا عبر عشرات المواقع والمدونات المتوفرة لهم في العالم".وأضاف "نقوم بالتصدي لحملة نزع الحجاب بالأدلة الشرعية التي تقول إنه فرض وإن الهجوم الحالي ضده يحاول الخلط بينه وبين النقاب أو غطاء الوجه، لكننا نؤكد أننا لا نجبر احدا على ارتداء الحجاب، بل يخضع لحرية المرأة الشخصية في اختيار لباسها ما دامت تدرك الحلال والحرام، وما نفعله هو مجرد النصح فقط".
نقلا عن العربيه

يحكى انا

بلغنى ايها الملك السعيد ذو الراى الرشيد انه لما كانت هناك دوله معموره فى ارض مقصوره تدعى مصر

حكمها الظالمون وسرقها الناهبون وعتى عليها العاتون

فضاع فيها الحق وجاع فيا الخلق ومرض فيها المرء

فساءت فيها الاحوال وانشغل فيها البال

ومات اهلها فى العبارات والقطارات واللبلعات

ورتع فى جسدهم الوباء وسكن عقلهم الغباء

وكل هذا ولم ينطق ملكهم بل نام فى شرم

واخد يتمتع بالهناء

لم يؤرق نومه جائع ولم ينغص صفوه مريض

ولم يقضايق فكره عاطل

بكل كل ما جال فى خطره هذا المسكين الضعيف

الذى بلغ الخامسه والثلاثين

ولم يلعب سوى فى الاهلى اللعين

فأمرهم ان يتركوه وشأنه يذهب اينما يريد

حتى لايحرموه من فرصته

فسفق له الشعب وقال

اخترناه اخترناه

happyValentine's Day

بما ان ما فيش حد قالها لى

قلت اقولها لكم انا ولانى طبعا مش زعلانه ولا متغاظه ان ما فيش حد

عبرنى حتى بكلمه

بقولكم عااااادى يعنى عاااااااادى

ايه يعنى لما كل صحباتىاتقالهم هابى فالنتين داى

وفيه الى جالهم هدايا لاء وكمان البت اسماء النهارده الخيس بتخرج هى وخطبها يعنى يوم مفترج من كله

يمكن شيماء بس هى الى محدش ها يعبرها علشان جوزهامن انصار قال الله ةقال الرسول

بس الباقين اتقالهم

اوعى حد يصور له عقله انى مخنوقه ولا هاطق من جنابى ولا اى حاجه

ادينى عماله اسمع ام كلثوم فات المعاد وبقينا بعاد

ادى اخره التناكه على خلق الله

الناس تسمع بحب الحب الى جمعنا

وانا اسمع بينى وبينك هجر وغدر وجرح فى قلبى داريته

يالا

تفيد بئيه يا ندم

مبروك على الحكومه

مش ها قول بقى الكلام الحلو بتاع مبروك على مصر مبروك على الشعب

ده كلااااااااااااااام فارغ

انما الكلام الموزون انه مبروك على الحكومه النظيفه الشريفه الرشيدهالى طبعا

مبروكه

الناس خرجت ناسيه كل شىء ناسيه ازازه الزيت الى بقت بتسعه جنيه ناسيه قضيه العباره الى لسه لغايه دلوقت بتنظر فى قضيه جنح

طب شوفتوا والنبى المسخره بقى ابراهيم عيسى يتحاكم فى الجنايات وامن الدوله وممدوح اسماعيل يتحاكم فى محكمه الجنح

ماعلينا نرجع لموضوعنا

الناس نست كل البلاوى الى فى حياتها وخرجت فى الشارع تحتفل بالنصر فى الشوارع واتقفلت الشوارع

وطبعا مش مهم المرور ولا حتى عربيه اسعاف ولا حتى مطافى كله يهون لجل خاطر المعلم ورجالته

والغريبه يا جدع ان الحكومه والامن المركزى سابوا الناس تزحم الشوارع وتوقف المرور براحتها

انما لو مظاهره

خد عندك ضرب وتكسير وامن مركزى بيلطشوا فى الكل

لله فى خلقه شئون

لا والحج عرف يلعبها صح

اه امال ايه

بيتابع الماتشات وبعد كل ماتش يتصل بيهم فى غانا

ماهو مش دافع حق المكالمه

الاهو الحج اشتراك ولا وصله

ولومؤخذه يعنى الا هو تلفزيون الحج ما بيجبش غير الماتشات بس يعنى ما بيجبش مظاهرات ولا محاكمات ولا اى حاجه تانيه

يالا هو يعنى ها يقطع نفسه

نرجع تانى لموضوعنا مش عارفه انا برغى كتير ليه يمكن من الفاقعه الى انا فيها

احتمال

الناس مانامتش وفضلت طول الليل فى الشارع برغم انى كنت فرحانهبسبب الفوز الا ان حزن الدنيا كله حسيت بيه لما شفت منظر الناس

افتكرت حاجات كتير اوى

افتكرت يوم استفتاء تعديل الدستور افتكرت يوم الانتخابات بتاعه مجلس الشعب وانتخابات الرياسه وافتكرت يوم قطر الصعيد والعباره وافتكرت الالف الى المعتقلات والملاين الى معندهاش عشى تتعشى بيها

وفضلت ابص للمنظر فى التلفزيون وسالت نفسى سؤال واحد

ما الناس اهيه بتحس وبتعبر اشمعنى ما بتعبرش غير فى الكوره ؟

هى الناس دى لو عبرت عن كل حاجه بتحصل فى البلد بالشكل ده كان بقى ده حالنا ؟

هما يعنى بيقلدوا اوربا

ماشى خلينى معاهم علشان ما ابقاش وحشه ووش نكد

طب اوربا دول لسه اول امبارح الحكومه سقطت فى ايطاليا علشان مشكله القمامه والحكومه مش عارفه تتصرف فيها

لما الحكومه تسقط علشان مشكله القمامه يبقى من حق الشعب يرقص للمنتخب بتاعه فى الشارع

انما لما الناس ما تلاقيش تاكل وتدور على لقمه فى الزباله يبقى الشعب يتلهى هو والحكومه

الله يرحمك يا محمد يا عبد الوهاب والنبى ما حد اترحم عليه

ورحل مجدى مهنا

وافته المنيه امس الجمعه بعد صراع مع المرض كتم اخبار مرضه لعده سنوات حتى خرج عن صمته فى احد المرات من خلال عموده المتميز فى الممنوع فى المصرى اليوم وقال

لا أرغب في الدخول في تفاصيل حياتي الصحية.. المشوار طويل.. وعلي أن أتقبله بنفس راضية مرضية، وأن أشكر الله في السراء والضراء.. فليس أمامي طريق آخر لمشوار غيره، لكي أسلكه، وسوف يؤيدني الله بنصر من عنده.)

كما رفض ان يتعالج على نفقه الدوله وظل يصارع المرض وحده حتى اشتد عليه الالم فى الفتره الماضيه حتى وافته المنيه ليله امس

دعى المصرين له با لفشاء والان يدعون له بالرحمه

اللهم ما تقبله فى فسيح جناتك

راجل يا سركوزى

بالرغم انى كنت معترضه على ان الرئيس الفرنسى ساركوزى يجى وهو وصاحبته كارلا مصر وينزلوا فى سويد واحد

لان ده ضد العادات والتقاليد الاسلاميه والمصريه بجانب القانون

الا انى لم اكن معترضه على العلاقه لان ما فيش مخلوق على وجهه البسيطه ليه انه يعترض لان دى حريه شخصيه

الا نى بجد انبسطت كتير لما عرفت ان ساركوزى اتجوز كارلا

انا ما فرحتش علشان بكره سيسليا طليقه ساركوزى ولا بحب كارلا

انا انبسطت علشان ساركوزى ده بجد طلع راااااااااااااااااااااااااجل

ايوه راجل وده راى الشخصى

الراجل حب الست وعمل معاها علاقه ولما جه يقول يا جواز وكان متاكد انها بتحبه وانه بيحبها وانهم ها يسعدوا بعض

ما ترددش واتجوزها الراجل ما قلش لا دى واحده انا عرفتها ومشيت معاها ازاى اتجوزها

اصله هو كمان مشى معاها وان كانت هى غلطانه فا هو غلطان قبلها

ده تفكير الناس المحترمه انا واحد محترم وفى حالى وبخاف على بنات الناس وبتقى الله فيهم اكيد يوم ما ها جى اتجوز ربنا ها يدينى

واحد تتقى الله ومحترمه وبنت ناس ومتربيه وما عندهاش حاجه غلط وحتى ان كان حد فيهم حب قبل كده فا لحب مش حرام

الا ازا كان الانسان هو الى غلط او اختار غلط

وساعتها بيكون الرك كله على البنى ادم عل انه ها يوافق على الغلط او انه ها يقضى على الغلط ده

وهنا يكمن الاحترام

لان كلنا معرضين للغلط

لكن كلنا مش بنخاف من ربنا ولا بنحافظ على غيرنا علشان غيرنا يحافظ علينا

انما انا واحد مش فى حالى وبعمل علاقات مع طوب الارض بس بقى خاللى بالك يا معلم انا الى امشى معاها لا يمكن اتجوزها ايوه

امشى معاها ازاى الجواز حاجه والحب حاجه تانيه خالص

انا لازم الى اتجوزها تكون قطه مغمضه ما فيش واحد شافها ولا عرفت حد

ايوه دى ها تبقى ام العيال الى ها رميها فى البيت واسيبها تتطبخ وتزاكر للعيال وانا داير باره ابصبص للى رايحه والى جايه

وانا واثق ومتكد انها عمرها ما تبص لغيرى وانها ها تصونى

لازم تكون قطه مغمضه

انما الى هو حبها ووعدها بالجواز دى لا والف لا

دى واحده مجرمه هى اى نعم لا اخدت قرض ولا تخابرات مع اسرائيل

بس هى عملت جريمه اشنع من كده وثقت فى انسان مزدوج الشخصيه عنده عقد نقص

ويروح صاحبنا بقى يتجوز القطه الغمضه

علشان الى قبلها ما تنفعش بما انه طبعا معمل لاختبار النساء يعمل معاهم العلاقه من دول مش علشان حاجه لا سمح الله

بس علشان يشوف اخلاقهم

بس هو بينسى حاجه مهم جدا انه دان تدان

وزى ماهو عمل اكيد شريكه الحياه عملت

ماهو ربنا حكيم بعلمه

وربنا يخلى دكاتره امراض النسا

وطبعا هو مفكر نفسه عنتر زمانه

ويقولك لا يا عم دى ولا كلمه

هو انت مفكرنى ساركوزى ولا ايه

طبعا هو مش فرنساوى

هو هندى

تخاريف

عارفين بقى موسم امتحانات وكل سنه وانتم طيبين

وبصراحه موسم با لنسبه لى مش لطيف انا ناويه ان شاء الله ابقى انشر مذكراتى مع المذاكره والامتحنات

بس ان شاء الله بعد ما اخلص امتحانات وادعو لى انى ما اكونش خلصت قبلها

بس انا قلت استعرض كده شويه حاجات قراتها فى الحف وشاهدتها فى التلفزيون لفتت انتباهى

اوربا تنتقد وضع حقوق الانسان فى مصر

اسم النبى حارسهم وصاينهم ما جابوش حاجه جديده بس ياترى ليه ما انتقدوش وضع حقوق الانسان بالنسبه للافارقه المهاجرين فى اوربا وخصوصا فرنسا لما ساركوزى نزلهم الدبابات فى الشوارع

وسرور يرد بان اوربا اعتمدت على مصادر مشبوهه تكن العداء لمصر

ياعم والنبى بلا مشبوهه بلا بتكن يعنى هى جرايد مصر هى كمان بتكن ولا كان عماد الكبير بيكن

الحكم على عاطلين بالاعدام قتلوا صاحبهم واستولوا على 15 الف جنيه كانوا بحوزته

مش مشكله ان المجنى عليه مات ولا ان المجرمين ها يموتوا لان كلنا هانموت بس المشكله ان المجنى عليه حصل على 15 الف دول من بيع كليته علشان يجهز بيهم اخته

هيكل بيهاجم السادات وبيقول ان مصر في وقت عبدالناصر، لم يكن فيها رشاد عثمان ولا توفيق عبدالحي، ولا عشرات غيرهما سوف يظهر أمرهم وكل واحد فيهم قضية تكفي لإنهاء عهد».

بس للاسف ياهيكل عبد الناصر فى عهده كان فيه عبد الحكيم عامر وصلاح سلام وبلاش بقى نجيب سيره الميتين

مش كده ولا ايه

ويكمل الاخ هيكل ويقول ان السادات مات فاقد للشعبيه والحج مبارك اتى واكتسبها

هو انت ياهيكل مش مكفيك لعب البخت فى تاريخ مصر كمان ها تستعبط وتلعب البخت فى الواقع المعاصر

وسعت منك ياهيكل

مصر تفوز ببطوله افرقيا لكره اليد بفوزها على تونس

ولاحد حس ولاحد درى وكان مصر مافيش فيها غير الاهلى هو بس الى نسمع عن ماتشاته وبطولاته هو ومنتخب القدم المصرى

سميه الخشاب بتقول ان ربنا وفقها جدا فى مشهد اغتصاب فيلم حين ميسره

ربنا ايه علاقته بالاغتصاب يا سوسو

فازت الراقصه المبتداه ايستيل اللبنانيه بالجائزه الاولى فى مسابقه الرقص الشرقى التى اقامتها نجوى فؤادعلى قناه lbc واسمه هزى يا نواعم

البرنامج ده جمع العرب يا جماعه كان يشتمل على العديد من الجنسيات وكمان كان فيه مشتركات اجانب من اوكرانيا وروسياوالبرازيل

والى اللقاء فى تخاريف

وإليكم أهم الأرقام القياسية التي تمكنت من حصرها بلا تجن أو افتراء ومن قلب صحيفة أحوال الحكومة:1- الحصول على أكبر صفر في عدد الأصوات لترشيح إحدى الدول الإفريقية لاستضافة كأس العالم للكبار 2010 م.2- في آخر تقرير لليونسكو حصلت مصر على المركز 180 على مستوى العالم في عدد المهتمين بالقراءة وهو مايعادل أقل من 7، 0% .3- تجاوز عدد غرقي العبارة سلام 98 ألف 1300 فرد بين طفل وامرأة ورجل,ابتلعتهم أسماك القرش وتحويل الجاني بعد ذلك إلى محكمة الجنح بعد تهريبه إلى لندن من صالة كبار الزوار.4- رفع الحصانة عن النائب أيمن نور صاحب المركز الثاني في انتخابات الرئاسة 2005 وتقديمه إلى المحاكمة في أقل من 24 ساعة فقط وأثناء الأجازة الأسبوعية للمجلس.5- الاستيلاء على 270 مليار جنيه من أموال التأمينات الاجتماعية، وهي جزء كبير من مستحقات أكثر من 18 مليون موظف، وضم وزارة التأمينات الاجتماعية إلى وزارة المالية في سابقة عالمية لتهرب الحكومة من تسديد ديون وزارة المالية إلى وزارة الشئون الاجتماعية.6- شراء الحكومة بضائع راكدة بمبلغ 40 مليار جنيه واستحالة استخدامها.7- حققت الحكومات المصرية الرقم القياسي العالمي في عدد سكان المقابر حيث يقطنها أكثر من ( ثلاثة ملايين مواطن حي جنبا إلى جنب مع الأموات ) وثلث سكان القاهرة في العشوائيات وأكشاك الصفيح.8- حققت مصر إنجازا كبيرا في عالم الفئران حيث أثبتت إحدى الدراسات وجود أكثر من 100 مليون فأر في مدينة القاهرة وحدها بمعدل خمسة فئران أو ستة لكل مواطن في القاهرة، وتستهلك الفئران 30% من إنتاج المواد الغذائية وبهذا يشاركون المواطنين همومهم المعيشية.9- هروب رجال أعمال استولوا على أكثر من 37 مليار دولار وتسوية ديون بعضهم بالتنازل عن حقوق الشعب لصالح الفارين.10- في تقرير التنمية البشرية التي أصدرته الأمم المتحدة في عام 2006 حققت الحكومة المصرية أعلى معدل فقر في تاريخ الحكومات المصرية بلغ 39 % وجاء ترتيب مصر الـ 111 من بين أفقر 177 دولة في العالم.11- وصول حجم الديون المصرية في هذا العام إلى 700 مليار جنيه وهو ما يعادل 130% من إجمالي الدخل القومي، وبذلك تجاوزت مصر حد الخطر 90% ووصلت إلى حد الانهيار التام بنجاح كبير.12- وجود 2300 قرية مصرية بدون مياه شرب- حتى تاريخه- من عدد إجمالي القرى المصرية 4300 قرية والبقية الباقية من تلك القرى اختلطت فيها مياه الشرب بالمجاري.13- تجاوز عدد الاحتجاجات الشعبية للعمال والموظفين وغيرهم 283 احتجاجا في سبعة أشهر فقط في المدن والقرى المصرية من عام 2007م.14- حصول مصر في حرية الصحافة على المركز 146 من 169 دولة بعد معظم الدول العربية والإفريقية.15- في دراسة إحصائية وجد أن نصيب المواطن المصري من البروتين لا تتجاوز 19 جراما للفرد يوميا، وهو ما يعني أن هناك مواطنين لا يعرفون لون البروتين ولا شكله طوال العام في ظل سوء توزيع الدخل بين أثرياء مصر وفقرائها.16- حبس خمسة من رؤساء تحرير الصحف المستقلة والحزبية وعدد آخر من الصحفيين في أقصر فترة زمنية لا تتجاوز أسبوعا واحدا تحت دعوى الحسبة.17- أعلى نسبة إصابة بالسرطان دوليا 7 أمثال النسبة في أي مكان بالعالم.18- وصلت نسبة المكتئبين 30 % من الشعب المصري وهو معدل عالمي جديد.19- نسبة المصابين بالتهاب الكبد الوبائي 20% من السكان وهي الأعلى عالميا.20- أعلى نسبة تلوث في العالم سجلتها وتسجلها مدينة القاهرة في عرض مستمر للسحابة السوداء وملحقاتها.21- حققت مصر مركزا متقدما في أعداد القتلى في حوادث السيارات في الطرق والمواصلات بلغ 7000 قتيل في عام 2006 وحده.22- اختفاء الجامعات المصرية من قائمة أفضل الجامعات في العالم وتذيلها قائمة الجامعات الإفريقية.دعوة للمشاركة : بهذه المناسبة أرجو من القراء الكرام المساهمة بمعلوماتهم القيمة والموثقة في إنجاز موسوعة جينز للأرقام القياسية المصرية
التوقيع
على اسم مصر التاريخ يقدر يقول ما شاء أنا مصر عندي أحب وأجمل الأشياء باحبها وهي مالكه الأرض شرق وغرب وباحبها وهي مرميه جريحة حرب باحبها بعنف وبرقة وعلى استحياء واكرهها وألعن أبوها بعشق زي الداء

الاقصر بلدنا

بلد سواح

خبر يهم كل واحد مصرى

ساركوزى والمزه بتاعته فى الاقصر لقضاء الكريسماس

واحده واحده كده معايا علشان الضغط

ساركوزى فى مصر هو وصاحبته يقضوا الكريسماس

ونازلين فى سويد واحد

صاحبته

هى دى صاحبته

مش مهم ان الحكومه لغت الدعم عن العيش الفينو ولا ها ترفع سعر اللبن ولا اى حاجه

فيها ايه يعنى لما نجوع علشان ساركوزى يتفسح

بس الى مش عادى ان ساركوزى يجى ومعاه صاحبته وينزلوا فى سويد واحد عينى عينك كده

ليه يعنى هو خلاص بقينا بقرون

طب ينزل فى سويد وهى فى سويد وبالليل يبقو ايعنى

انما مش على عينك يا تاجر

وازاى اداره الفندق توافق انهم ينزلوا مع بعض من غي قسيمه زواج ولا حتى ورقه عرفى

او حتى وصل امانه كاتبه ساركوزى على نفسه

والغريبه ان فاروق حسنى معاهم ومن غير حرمه

اكيد

دا كان انهار انتم مش شايفين المزه عامله ازاى

اهو الفرنساوين طيبيبن

فين بقى شيخ الازهر دى جريمه زنا تحت حراسه الامن

وكمان بيتفسحو عينى عينك

والامن بيفضى لهم الطريق وعامل لهم حراسه جامده

والمصرين ساكتين

على المسخره

علشان احنا والحكومه بقينا بقرون

وتحياتى لشيخ الازهر

مبروك على نايتمش ها قول مبروك على وائل عباس حصوله على جايزه نايت

لا

مبروك على نايت انها انكتب فى تاريخها انها كرمت مدون من احسن مدونين العالم العربى

وده راى بنت المنصوره

واكيد راى حد يعرف وائل عباس ويعرف مجهوده فى مجال التدوين

فى كشف حقائق كتير من تحرش جنى وانتهاكات وتعذيب فى السجون

مجهود واخلاص وخطر

لازم يكون فيه تكريم

ماهو مش كتير عليه بالعكس اقل كتير

بالرغم من انى كتير بختلف معاه

يكفيه كل ما يلاقى من تصريحات الداخليه ضده

ومحاولات عديده لوقف حسابه فى اليوتوب لكليباته عن التعذيب

ووقف حسابه ايضا فى الياهو وكافه السخافات التى يتعرض لها وائل

واخرها برنامج تسعين دقيقه وسخفات معتز الدمرداش معاه

لكنه يكفيه جايزه نايت ويكفيه حب الناس

جائزه نايت الدوليه للصحافه

وائل تم ترشيحه من قبلcnn ليكون شخصيه العام

للتصويت اضعط هنا

الصور دى من عند وائل عباس

http://edition.cnn.com/CNNI/Programs/middle.east/blog

وجهه نظر

حدث بالفعل فى السودان الشقيق

تم الحكم على المعلمه البريطانيه جيليان غيوبنز بالسجن 15 يوم والجلد

الجريمه التى ارتكبتها هى انها طلبت من احد تلاميذها ان يختار اسم لدميه تقوم هى با استخدامها فى التدريس نظرا لانها بتدرس لاطفال فى المرحله الابتدائيه

الطفل اختار انه يسمى الدميه على اسمه وهو محمد

والمعلمه وافقت

وطلبت من كل التلاميذ تخيل يوم قضاه مع الدميه التى اسماها زميلهم

ويكتب ما سوف يفعله معاها

وفى اليوم التاى تجمهر اوليا ء الامور وتظاهروا لمعاقبه المعلمه

وسادالهرج السودان من مظاهرات وزفض لتصرف المعلمه وتصريحات للدبلوماسين ورجال السياسه حول فعله المعلمه

وقد كان بالفعل وتمت محاكمه المعلمه باسجن والجلد والترحيل خارج السودان

لكن دعونا نستعرض الامر من جميع الجوانب

هل المعلمه هى من اختارت الاسم؟

هل طلبت المعلمه من الطفل ان يسمى الدميه على اسمه؟

الاجابه لا

وبشهاده الاطفال جميعهم

هل كانت المعلمه تعلم ان هذا الاسم سوف يثير حنق المسلمين

الاجابه لا يعلمها الا الله

ولكن هل كام يجب ان تثار تلك هذه الضجهوالمظاهرات والتصريحات السياسيه فى الداخل والخارج ؟

هل كان يتبغى اولا على اولياء الامور ان يعرضوا الامر على اداره المدرسه وان لم تتراجع المعلمه وتعتذر وتبين انها اخطات

كانوا يفعلوا ما فعلوا ؟

الغريب ان الاخوه السودانيون ثاروا ثوره لم يثروها على اوضاع دارفور اوموت اللاجئين فى القاهره

ثاروا من اجل خطاارتكبته معلمه

اعلم انه خطا كيبر ولكنه لا يوجد دليل على تعمدها وهذا ما اكده الاطفال انها لم تقترح الاسم ولم تقل للتميذ ان يسميه على اسمه وامنا وافقت

وكان اعتذار عن الخطا يكفى لكى نسامحها على الخطا

لان وقتها سوف تثبت عدم التعمد وان لم تعتذر فيحق قتلها على تعمدها

ولكن هؤلاء العرب

قاله يا بابا علمنى الغتاته قاله تعالا فى الهايفا واتصدر

صفعه اخرى لوزير الداخليه والنظام بالكامل

الحكم بسبع سنوات مشدده على الظابط محمد محمود معوض معاون مركزالمنصوره

والشرطيان احمد عبد العظيم وياسرالمكاوىبتهمه التعذيب للمواطن

نصراحمد عبدالله حتى الموت

مما ادى للوفاه

اهالى نصر يتلقون العزاء بعد صدور الحكم

للاسف لم اتمكن من حضور الجلسه مع انها كانت فى المنصوره

نظرا لان الجريمه وقعت فى المنصوره

الضحيه كان من تلبانه والظابط معاون قسم تلبانه

والغريبه ان الضحيه ما كانش ليه دخل بالموضع لان الموضوع ان اخوه مطلوب فى القسم

يقوم البيه الظابط يروح يجيبه من بيته ما يلقهوش بس لاقى اخوه الى هو نصر

وبنظريه اضرب المربوط يخاف السايب اتصرف الباشا هو والجنود

وضربو نصر واهانوه ادام اهله وضربوه على دماغه بخشبه وسحلوه على الارض ادام كل الناس

ماهى قدره بقى

واخدوه القسم وفضلوا محتجزينه بدون وجه حق

وهو فى حاله يرثى لها

وفين لغايه ما سمحوا لاهله ياخدوه مستشفىطوارىء المنصوره وهناك توفى نصر

صدر الحكم امبارح فى جلسه مطوله امتدت ا12 ساعه فى جنايات المنصوره

والله انا مش عارفه العادلى مستنى ايه علشان يفارقنا

لما كلنا نموت بسبب رجالته

وان ما متناش بسبب رجالته فا هانموت بسبب حاجه تانيه

المصري هايغرق هايغرق..يا في بلاعة يا في عبارة ممدوح اسماعيل يا هايغرق قبل ما يوصل ايطاليا يا اما هايغرق في الديون ..المهم انه غرقان غرقان

لقطات من حياه الرئيس الراحل محمد انور السادات

مع الشعب بدون حراسهزواجه الاولمع جولدا مائيرالسيده جيهان الساداتبرفقه زوجتهاثناء لجؤ شاه ايران السياسىوفاه شاه ايرانفى القدسوهو فى المدرسه الحربيهاثناء الحربفى مجلس الشعباثناء الحجمناسبه مرور ثلاثون عاما على زياره السادات الكنيست
طبعا وكا العاده الناصارين ها يطلعوا علينا هما والجزيره بالشتيمه
ويقولوا

اهدر حق العرب

على اساس انه راح باس ايد الاسرائلين وقالهم انا مقدرش احاربكم تعالوا تنفاوض وخدوا الى انتم عاوزينه
مصر دى ارضكم وارض بلادكم
ولا الراجل حارب وانتصر وعمل بكتاب الله فى الدعوه للسلم

وراح وهو منتصر بكرامته علشان يحقق السلام وينهى حاله الحرب
ويجيب للفلسطنين حقوقهم الى لغايه دلوقت مش عارفين يحصلوا على ربع ما كان السادات سياخده لهم ووصفوه وقتها بالخيانه
الراجل كان بيكلم بيجن عن حقوق الفلسطنين قام بيجن قاله اى حقوق سيدى الرئيس للفلسطنين
دول بيوصوفوك باخيانه على بعد كيلو مترات من هنا )القدس

ويفضلوا يقولوا ضيع هيبه مصر
وكانت هيبه مصر دى ها تفضل موجوده لما الناس تموت من الجوع واحنا كل يوم ندخل لنا حرب
ومواردنا كلها رايحه على الحرب كانت ها تبقى مصر ساعتها ليها هيبه؟

وكان فين الدول الى فضلت تشتم دى ساعه الحرب؟
العراق والجزائر وهما من اكبر الدول البتروليه العربيه قدموا لمصر ايه فى الحرب وطبعا ليبيا
وبعد الحرب وقناه السويس مليانه مخلفات حرب عملوا ايه العرب؟
ولما كانت البلد مافيهاش فلوس وعامله زى الخرابه

كانوا فين؟
كل الى عملوه فضلو يشتموا فى الى اذكى منهم وبس
ومع ذلك الراجل ما راحش اسرائيل منكسرلا

راح منتصر
يملى عليهم شروطه علشان يرجع باقى الارض
والى عاوز يعرف هل كان السادات على صواب ام خطا ينظر الى حال من عارضه
وهم سوريا وفلسطين
واكيد هانعرف مين كان على صواب
اما بقى الاخوه الناصرين
فيكفينا فخر انا السادات هو من قاد معركه النصر وليس فضيحه الهزيمه
اصل السادات ما كانش خرع زى ايدن
مستعد اروح اسرائيل

فى المطار

استقبال يليق برئيس منتصريصافح جولدا مائيرمكررهمع موشى ديان

مع جولدا مائيرفى القدسفى الكنيستا

وفى النهايه

ساداتيه وافتخر

واى ناصرجى او اخوانى مش عاجبه ينتحر
ويكتب على قبره واحد منقهر

اكيد فى مصر

لما تزاكر جامد ومتنجحش يبقي انت اكيد في مصر ولما تتخرج ومتشتغلش يبقي انت اكيد في مصر ولما تشتغل ومتكسبش يبقي انت اكيد في مصر ولما تحب وتفشل يبقي انت اكيد اكيد في مصر ولما تخطب ومتتجوزش يبقي انت اكيد في مصر عظيمه يا مصر يا ام الدنيا ... ابعت الرسالة لعشرة خد ثوابهم وفهمهم الحقيقة المرة

الصليب على سجاده الصلاه

دى سجاده بتتباع عند الحرم فى السعوديه

يارب بقى نفهم ونشوف دينا الى عاوزين يمحوه ونبطل خيابه

وننسى موضوع البيضه ولا الفرخه الى ها يودينا مكان الامبراطوريه الرومانيه

الحكم بثلاث سنوات على اسلام نبيه

بجد انا فرحانه جدا علشان المجرم اخد عقابه

بس هو كان يستحق اكتر من كده

وشىء جميل ان عندنا حد ما ببيسيبش حقه زى عماد الكبير

وعقبال كل ظالم لما يكون عبره زى ننوس الدخليه

مصر بتتقدم بينا

هو ده شعار المؤتمر السنوى للحزب الوطنى المنعقد حاليا

بس انا نفسى حد يطلع من البهوات المتلمعين ويقول لنا فين النقدم ده

يمكن احنا ما بنشوفش وما بنحسش

وطبعا الوزره الحريفه بتوعنا ها يطلعوا ويفضلوا يعدوا فى الانجازات الى حصلت ويقولا حاجات وارقام تحس بيها انهم بيكلموا عن بلد تانيه ياما احنا ظلم وبنفترى عليهم بس الحكايه لا كده ولا كده

الحكايه ان الوزره دول تمت اختيارهم بعنايه فائقه بحيث يعرفوا يسكتوا الناس

امال ايه اصل المصرين معروفين بطيبتهم

انا مش بقول الكلام ده من باب رغى الحريم بس اصل المؤتمر هدفه مناقشه ماتم انجازه خلال عام مضى ومناقشه ماتم انجازه من برنامج الريس الانتخابى اطال لنا الله فى عمره

انا عصرت على نفسى كيلو ليمون وسمعت

اهم واول حاجه اتكلموا عن انجازها هى المواطنه

وكان الانجاز انهم عينوا العديد من الاقباط فى مراكز قياديه فى الحزب وخارجه كذلك وصلت نسبه التمسيل النسائى فى الحزب 15 فى الميه

هو ده يا اناس الى حصل بالنسبه للمواطنه

تعالوا كده بقى نعرف المواطنه

هو ان يتساوى جميع المواطنين من حيت الحقوق والواجبات بغض النظر عن دجين او جنس

جميل طب ليه ما تعينش واحد مسيحى وزير داخليه او خارجيه او دفاع وكذلك الستات

ليه مازادش عدد الطلاب المسيحين فى الكليات العسكريه

وفين بقيه تعريف المواطنه؟

هو ان يشعر الفرد فى جميع نواحى الوطن بان جميل الموظفين فى الدوله فى خدمته

يعنى من اول الريس ابو طلعه جويه لغايه المخبر الى فى قسم الشرطه

يعنى الواحد يروح قسم شرطه يتعامل كويس من اول العسكرى لغايه مامور القسم

سوافق التاكسى لو ماشى بالتاكسى بتاعه وخبططته عربيه تاينه بتاعه ابن مستشار

سواق التاكس ياخد حقه من ابن المستشار بالقانون بعيد عن الكوسه والقرع

ولما يكون لسواق الميكروباص نفس الحقوق الى بياخدها الحج ابو جمال

هى دى بقى بقيه تعريف المواطنه

فين ؟

لا يوجد

ده على المستوى الحقوقى نيجى بقى للمستوى السياسى

يقولوا ايه التعديلات الدستوريه

وهى اصلا اسمها الاجهاضات الدستوريسه

خلت البلد بقت عامله زى العزبه تبع الحج وابنه

خد عندك تسهيل اعتقالات وحبسش وتعذيب وكله

لاى حد يقول لا

والى مش مصدق يسال ابراهيم عيسى او ياخد الفتوى من شيخ الازهر

ونيجى بقى لانجازات حكومه الريس

افشل وزراء فى العالم

نبدا با ايه؟

بوزاره الثقافه وزاره الفنان الوزير فاروق باشا حسنى

مصر خرجت السنه دى من استفتاء عجائب الدنيا السبع

اثار مصر مترميه فى متاحف العالم ومش عارفين حتى نجبها ولو على سبيل الاعاره

القوى العامله

برئاسه عائشه عبد الهادى

الحمد لله مصر الدوله الوحيده الى سواقين التاكسى بمؤهلات عليا

خد عندك بكالريوسات وليسانسات

من كل نوع

هندسه وتجاره وزراعه

واداب وحقوق ما سبوش

طبعا من البطاله

صفقات الخادمات المصريات فى السعوديه كانت لسه قريب

مالهمش حتى حقوق الفلبنيات دا غير كمان ان هناك الخدامه المصريه هناك عامله زى سينما مترو الى يدفع يخش

وكل يوم اخبار عن غرق مهاجرين مصرين غير شرعين على سواحل ايطاليا واليونانهربانين من نار الفقر والجوع لجحيم الموت

لسه النهارده الصوره نازله فى جريده الاخبار لشاب مصرى مرمى ميت على سواحل ايطاليا والجندى الايطالى بيبص له با احتقار

منظر والله يقيل وزاره

بس احنا عندنا مافيش الكلام الفارغ ده

ايه يعنى لسه من يومين 33 واحد غارقنين وهما مهاجرين غير شرعى لايطاليا مش مهم خالى الزحمه تخف

الداخليه

برئاسه العادلى جيت

حدث ولا حرج

ادخل ياريس اى قسم واتفرج على شباب ورجاله المخروسه

وهما متعلقين ومضروبين ومجلودين ومغتصابين بواسطه رجاله العادلى

روح المعتقالات واتفرج على الناس الى بقالها عشرين سنه

وكانهم اصحاب الكهف

كل ذنبهم انهم بيقولوا رايهم وبيقولوا لا

وزاره النقل

محمد لطفى منصور

نبدا بايه العباره ولا القطر ولا الاتوبيسات

مش عارفه بس ممكن استعين بممدوح اسماعيل هو ادرى

وبالمره نقى نساله هايقف فى اللكونه امتى اصله فى لندن

اصل عاوزه ابعت السلام لاشرف مروان

الاعلام

انس الفقى

بعد ماكنا رواد الاعلام بقينا اقل العرب فى كل حاجه

البرامج

والنشرات الاخباريه

حتى المسلسلات

شوفواالفرق بين مسلسل الظاهر بيبرس المصرى ونظيره السورى وانتم تعرفوا الفرق

وكمان البيه الوزير بيمنع المحجبات من الظهور على شاشات التلفزيون المصرى ولو واحده اتحجبت وهى مقدمه بتتنقل عمل ايدارى اصله تلفزيون الفاتيكان

تلفزيون lbcبيجيب مذيعات محجبات

انما بلد الازهر لا

السياحه

محمد جرانه

مصر فيها اكتر من تلت اثار العالم ومع ذلك دخل اسبا نيا الى ما فيهاش نص اثارنا

دخلها من السياحه يفوق دخلنا بملاين

مع اننا ماشاء الله كل اعلانتنا عن السياحه مابنجبش غير راقصات المجتمع

هاله سرحان ودينا وغيرهم

وكان بنقولهم مصر فاتحه لكم رجليها

قصد ايديها

ومع ذلك مافيش فايده

وزاره التربيه والتعليم

مصر وبعون الله فى ديل قائمه الدول من حيث جوده التعليم

ودروس خصوصيه

وعندنا اوائل الثاويه العامه المفروض يكونوا عشره عندنا بيكونوا خمسين

وده مش عبقريه

دى قدره حفظ خارقه

العيال بيوصلوا للاعدادى وما بيعرفوش يقرؤ

التعليم العالى

هانى هلال

الى جاب السنه دى 83 فى الميه فى الثانويه العامه ادبى يادوب دخل حقوق انتظام

والى جاب 95 علمى ماجابش غير علوم

ليه ؟

علشان الجامعات الخاصه تتملى منين طلبه

مش مهم الى معندهمش فلوس ما يتعلموش

الموت للى زيهم احسن

المصاريف الجامعيه بتزيد سنه عن سنه

الكتب كمان بتزيد

وطبعا مافيش تعليم

الاتصالات

طارق بدوى بتاع نبض الشارع

حجم الانتر نت

اه هما شعب جهله يعملوا ايه بالنت

اخرهم يلعبوا جيمز

التليفونات حيرانين يسرقوا من الفاتوره ازاى

شويه الفاتوره كل ست شهور وشويه كل تلاته

عادى يعنى

فلوس المصرين للمصرين

واخيرا الصحه

حاتم الجبلى

خد عندك

اكياس دم ملوثه

فلاتر غسيل كلها غير صالحه للاستخدام الادمى

اول دوله على مستوى العالم اصابه بسرطان الاطفال

تامين صحى حدث ولا حرج كله دواء بديل حتى الطبيب بيكون طبيب بديل

وماليش نفس اتكلم عن وزاره البيئه علشان السحابه السوده خانقانى وعماله اكح نسيب البيئه والرياضه بعد ماتش الاهلى

ونورت مصر

ومصر بتتاخر بيهم