الجمعة، 18 يناير 2008

تخاريف
عارفين بقى موسم امتحانات وكل سنه وانتم طيبين
وبصراحه موسم با لنسبه لى مش لطيف انا ناويه ان شاء الله ابقى انشر مذكراتى مع المذاكره والامتحنات
بس ان شاء الله بعد ما اخلص امتحانات وادعو لى انى ما اكونش خلصت قبلها
بس انا قلت استعرض كده شويه حاجات قراتها فى الحف وشاهدتها فى التلفزيون لفتت انتباهى
اوربا تنتقد وضع حقوق الانسان فى مصر
اسم النبى حارسهم وصاينهم ما جابوش حاجه جديده بس ياترى ليه ما انتقدوش وضع حقوق الانسان بالنسبه للافارقه المهاجرين فى اوربا وخصوصا فرنسا لما ساركوزى نزلهم الدبابات فى الشوارع
وسرور يرد بان اوربا اعتمدت على مصادر مشبوهه تكن العداء لمصر
ياعم والنبى بلا مشبوهه بلا بتكن يعنى هى جرايد مصر هى كمان بتكن ولا كان عماد الكبير بيكن
الحكم على عاطلين بالاعدام قتلوا صاحبهم واستولوا على 15 الف جنيه كانوا بحوزته
مش مشكله ان المجنى عليه مات ولا ان المجرمين ها يموتوا لان كلنا هانموت بس المشكله ان المجنى عليه حصل على 15 الف دول من بيع كليته علشان يجهز بيهم اخته
هيكل بيهاجم السادات وبيقول ان مصر في وقت عبدالناصر، لم يكن فيها رشاد عثمان ولا توفيق عبدالحي، ولا عشرات غيرهما سوف يظهر أمرهم وكل واحد فيهم قضية تكفي لإنهاء عهد».
بس للاسف ياهيكل عبد الناصر فى عهده كان فيه عبد الحكيم عامر وصلاح سلام وبلاش بقى نجيب سيره الميتين
مش كده ولا ايه
ويكمل الاخ هيكل ويقول ان السادات مات فاقد للشعبيه والحج مبارك اتى واكتسبها
هو انت ياهيكل مش مكفيك لعب البخت فى تاريخ مصر كمان ها تستعبط وتلعب البخت فى الواقع المعاصر
وسعت منك ياهيكل
مصر تفوز ببطوله افرقيا لكره اليد بفوزها على تونس
ولاحد حس ولاحد درى وكان مصر مافيش فيها غير الاهلى هو بس الى نسمع عن ماتشاته وبطولاته هو ومنتخب القدم المصرى
سميه الخشاب بتقول ان ربنا وفقها جدا فى مشهد اغتصاب فيلم حين ميسره
ربنا ايه علاقته بالاغتصاب يا سوسو
فازت الراقصه المبتداه ايستيل اللبنانيه بالجائزه الاولى فى مسابقه الرقص الشرقى التى اقامتها نجوى فؤادعلى قناه lbc واسمه هزى يا نواعم
البرنامج ده جمع العرب يا جماعه كان يشتمل على العديد من الجنسيات وكمان كان فيه مشتركات اجانب من اوكرانيا وروسياوالبرازيل
والى اللقاء فى تخاريف

هناك 5 تعليقات:

كلام لوجيك يقول...

السلام عليكم ورحمة اله وبركاته

اتنى جمعتى شوية أخبار وتعليقات متنوعة وفى عدة مجالات وكلها تصب فى خانة التناقض والاستغراب أو السخرية
وأنا اتفق معكى تماما خاصة فى موضوع فى موضوع انتقاد اروبا لحقوق الانسان ، فنحن لسنا بجديدين على ازدواجية معاييرهم وكيلهم بمكيالين ، تلك الدول تتجاهل أكبر مأساة انسانية فى العصر الحالى (مشكلة فلسطين) ثم تأتى لتتمسك بأمور أخري من قبيل دارفور (قبائل دارفور كلها مسلمون أي ليس هناك تطهير عرقى كما يقولون) ولكنهم يفعلون ذلك من باب المصالح الخاصة وبغرض تفكيك الدول وزعزعة استقرارها
فما حدث فى تيمور الشرقية ليس ببعيد عنا عندما فصلت عن اندونيسيا

المهم أننا ومن الناحية الأخري كما رأينا فى تصريح سرور لا نقبل بكل تصريحاتهم ونختار منها ما ترضاه حكومتنا ونلعن ونهاجم ما لا يأتى على هوانا

أما موضوع فوز مصر ببطولة أفريقيا لكرة اليد وهذا التعتيم الاعلامى الكبير لهو أمر مستهجن وغير عادل اطلاقا ، فمن الحرام أن نبخس حق فريق كامل جماعى قام برفع رأس مصر وأدي مجهودات جبارة لينال هذا الشرف .... ثم بعد ذلك لا يجد من يهنئه ويدعمه ويهلل له اعلاميا

اسف على الإطالة

خالص مودتى

اسامة سامى

nody_1987 يقول...

اولا شكرا على مرورك الكريم وعلى تعليقك الطيب
ثانيا ان العناواين دى دغير مستهجنه فقط وانما تدعو للاحساس بالتقزز من هذا الجرم بحق الشعوب لمجرد المصلحه سوا مصلحه كيان اقنصادى وسياسى عالمى استعمارى او نظام حاكم استبدادى
اما بالنسبه لكره اليد فا نعمل ايه مصر ما بقاش فيها غير ابو تريكه

nageh يقول...

تخااااااااااااااااااااريف ؟؟
يمكن

اما بالنسبه للإمتحانات والمذاكره فأنا متشوق لمعرفت اخبارك فيها عن طريق المذكره اللى هتعمليها

اما بالنسبه لأوروبا
مش عارف انتى بينك وساركوزى طار بايت باين

وسرور دايما دايما موافقه(( بيوافق على اى حاجه سيبيه يعترض مره من نفسه)))
اما بالنسبه للعاطلين انا مش هعلق على الموت ولا على الكليه اللى باعها انا هعلق بس على كلمة العاطلين ((ممكن اسألك واسأل كل اللى يقرأ تعليقى مين السبب فى هذه الكلمه العااااطلين

اما بالنسبه لهيكل مع السادات انا عارف انتى بتحبى السادات يا ايتها الكاتبه للعلم انا مش مع حد ولا ضد حد انا بس هقولك ان السادات هو اول رئيش عربى اعترف بإسرائيل كدوله فى المعاهده اياها ليه حق فى انتصاف الدوله الفلسطينيه
اما بالنسبه للشعبيه السادات لو كان عايش عمره ما كان وصل للى وصل له ابوعلاء (((99.9%))) كان هيجيبها

واما بالنسبه للمنخب القومى لليد انا واحد من الناس اللى تابعت المتش ومش زنب الناس انهم يتابعوا المتشات الأهلى لأنهم مش بيتمتعوا غير بيهم لعيبه عالميه والمنتخب الوطنى لكرة القدم نصه اهلاويه يبقى لازم يتابعوه

مع الأسف مفيش فريق تانى مهما كان بياض قلبه قدر يغصبهم يتفرجوا عليه وهو بينقط جماهيره وبيجيب ليهم الضغط والسكر وقريبا الكاس وقولى يارب

اما بالنسبه لسوسو
كانت فيه نكته حضرتنى دلوقتى بتقول ان الحرامى قبل ما يخرج بيصلى ركعتين لله علشان يسترها معاه وهو بيسرق ومش يتمسك مع الإعتزار للفنانه

اما بالنسبه للفنانه نوجه

فهى فنانه كبيره وبتشجع الفن اللى من نوعها وعلى فكره انا معرفش البرنامج ده يمكن علشان مليش فى ثقافة نوجه
وكويس انه فتح صدره للعرب والأجانب
ولا هو كده كده فاتح كل حاجه على البحرى من حتى الفنانات اكيد فتحين كل حاجه على البحرى
معزره انا مش اعرفهم ولا شوفتهم بس بخمن
وأهى من ضمن التخااااااااااااااااريف


وشكرا

nody_1987 يقول...

اهلا بيك وشكرا على تعليقك
اولا انا مافيش بينى وبين ساركوزى طار بايت ولا حاجه بس انا حبيت بس اوضح ان اوربا ذات نفسها فيها انتهاكات جباره لحقوق الانسان وما حبتش اضرب مثل لفلسطين او العراق مثلا لان اليد الاولى هانا اسرائيل وامريكا انما لما اقول ساركوزى فى فرنسا يبقى بجد حميها حراميها
اما بالنسبه للسادات فا انا مش مع حد ضد حد انا احب الحياد ولمفروض هيكل يكون محايد والكل عارف هو شغال مع مين ضد مين بس ما ينفعش يقول ان فى فتره السادات كان فيه تجاوزات ويجمل فى فتره عبد الناصر الى كلمه التجاوزات اتعملت علشان خاطر الى حصل فى الفتره دى انا لا انكر ان الانفتاح كان ليه اضرار لاك لا السادات كان لص حواليه قطاع طرق ولا عبد الناصر امسيح ابن مريم وحوله الحواريون كده عك ولخبطه
وبالنسبه للاهلى انا ما ضربتش المثل لحاجه فى نفس يعقوب انا ضربت المثل للمقارنه بين منتخب باسم مصر حقق بطوله افريقيه وتاهل لللاولمبياد ولم ياخذ حقه الاعلامى مثل ما يحدث مع الاهلى لان ده كان اقرب مثال يمكن لو كنت تاخرت فى كتابه البوست كنت قارنت بينهم وبين منتخب مصر لكره القدم وما يحدث له من بروباجانده اعلاميه لمجرد فوزه على الكاميرون
وعلى فكره القارىء العزيز لو لعد عدد لعيبه المنتخب ها يكتشف ان مش نص المنتخب مش من الاهلى ولا حاجه

arab girlscool يقول...

This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
شات انحراف
انحراف
منتديات منتديات عرب كول
غلا الروح
شات غلا الروح
شات صوتي
شات مغربي
قوانين الشات الصوتي
برامج كام وصوت