الأحد، ٢ أكتوبر ٢٠١١

الاثنين، ١١ أبريل ٢٠١١


وبعدين يازفت؟؟؟؟

طلع لنا دلوقت بطلعت اهلك البهيه ليه؟ واشمعنى فى التوقيت ده بعد ما الجيش بدأ يهلفط مع المحتجين فى التحرير

وسايب لنا البلد فوضى وخلا الناس تكره الثوره والثوار

طلع تشجىنا بخطبك الرنانه وتقولنا شرفى العسكرى؟

شرف ايه ياابو شرف الى انت بتكلم عنه هو الى زيك عندك شرف

كان فين شرف ده وانت بتجوع فى شعبك سنين ودايس على رقبتنا بنعل جزمتك انت والى حواليك

وروحت جبت لنا الطبال والرقاص والخدامه علشان يساعدونا فى سرقتك؟

انت تعرف ايه عن الشرف؟

هو الشرف عندك ايه يعنى حرمه الزنا؟

يعنى تقصد علشان انت ما سرحتش سوزان فى جامعه الدول

يبقى انت كده شريف

يعنى انت ياحسنى ماشى على نظريه الشرف عند الحرميه والمسجلين خطر

انا بسرق اه بس عايشه بشرفى

لا ياحبيبى الشرف مش كده ماتسرقنيش وتبقى شريف ما تقتلش اسيادك وتطلع تضحك لنا وتقولن ها غير الحكومه لاء مش هاترشح للانتخابات

الشرف انك متكدبش على شعبك

الشرف انك تعمل لشعبك كرامه الشرف ما تجبش حراميه وتمسكهم البلد وتقولى انا شريف

لا ياحبيبى عندها ولمطبلتيه وقمامه المجتمع الى طلعوا بعد خطبك المشبوه لميدان مصطفى محمود دول نفايه ياحسنى عارف يعنى ايه نفايه

ماتسواش ضافر راجل قتلته انت والكلب العادلى

عارف يعنى ايه راجل اصلا ياحسنى

فيه فرق كبير بين راجل وذكر ياحسنى

الذكر ده زيه زى اى ذكر من الكلاب او الخمازير يقدر على المعاشره والانجاب

ودول كتير اوى شفنا منهم كتير فى عهدك

انما الراجل هو الى لايكدب ولا يسرق ولا يهين الناس

ودول انت لا تعرفهم ولا شفتهم فى حياتك

انسى ياحسنى انك هاتفلت ولا انك هاترجع

لانك لو فكرت فى كده ا نت اوى حد حتى لو كان مين ها تلاقى مصر بقت كله ميدان التحرير

هاتلاقىة بنات قبل الشباب واقفين وفاتحين صدرهم لطلقات الجيش ودباباته

ولا هايهمنا منك ولا من مين ماكان

احنا لحد دلوقت مطولين بالنا على الجيش

وبنقول هو الى حافظ على الثوره

وسايبين حبه الخشا بينا وبينه وبنقول هانت

انما تفكر تلعب بديلك انت ولا النفايات الى تبعك

لا مش هايبقى فيه لا عيب ولا خشا

وهايبقى انا واخويا على ابن عمى وتولع بقى على دماغك انت والى يتشددلك

السبت، ٩ أبريل ٢٠١١

سوريا تستغيث

سوريا على الطريق





كلنا مع سوريا

كلنا مع الحريه ورفض الذل والاستعباد

لا للظلم

لا للديكاتوريه

لا لقتل المدنين

لا لحزب البعث

لا لبشار الاسد

الى الجحيم يابشار اساتذتك فى مدرسه الفسد بيقولوا لك انا فى انتظارك

وتحيا سوريا حره

الاثنين، ٤ أبريل ٢٠١١

بقى لهم صوت

لك ان تتخيل

ازا اصبح زمام الامور فى يد السلفين


ونجحت الجماعه الاسلاميه فى عمل ما يسمى الحسبه


فما سوف يكون تعليقهم على فتاه مثل هذه نزلت من بيتها لتساعد فى تنظيف الشوارع؟


من يستطيع التخيل يرسل لنا الا جابات على


ص ب

قريش دار الحكمه

الأحد، ٢٠ مارس ٢٠١١

مبارك علينا من تانى

مالاخوان والسلفين والوطنى ايد واحده
يحيا الجهل والتعصب
ولا عزاء للحريه

الخميس، ١٧ مارس ٢٠١١

كلمتين وبس
هانقول

لا
لا
ومافيش غير لا

الأربعاء، ٩ مارس ٢٠١١

أصبح لها طعم اخر

كنت أمشى فى طرقاتك مطأطأه الرأس
أشعر بالخوف ان ماشاهدت همجى يرتدى زيه الميرى
ينتابنى الضيق حينما أرى شوارعك وقد لوثت بأسماء هؤلاءالظلمه
يتملكنى القىء عندما أسمع المرتزقه أصحاب المنافع يتحدثون عن مستقبلكى البائس فى ظل وجودهم
يجتاحنى الغضب حينيقال انكى اصبحتى ارث لهؤلاء القتله
تنهمر دموعى وانا اشاهد ابنائك قد سلبوا كرامتهم وضاعت هيبتهم وسالت دمائهم الطاهره على يد الزبانيه
أرثيكى وشعبك وأنا اشاهده خانع ومطأطا الرأس
اما الان
فلم أعد أرثيكى أنت فأنت عدتى الينا من جديد
اصبحت أمشى فى طرقاتك واشعر لأول مره ان هذه الطرقات أصبحت لنا
أبتسم وأنا أشاهدك كالمرأه التى خاضت فى مخاضها ثلاثين عاما حتى انجبت مولودا فتيا
واضحت تغدو انثى جميله ذكيه الرائحه مثيره النظرات تمشى فاتحه ذراعيها لكل ابنائها
اراكى وقد تطلعتى للحريه تبحثين عنها مع شعبك بعدما كنتى تتروكيهم يناضلون من أجلها وحدهم
لكنى حين أرثى فا أنا أرثى شهدائكى
الذين سالت دماؤهم العطره من أجل أن تعودى لنا مجداد
أيتها المعشوقه العنيده

الأربعاء، ٩ فبراير ٢٠١١

ميعادنا الجمعه
بعد صلاه الجمعه قدام جامع
النصر
ها مين قال جاى
بنات

وبشاب بلدى الى هايجى
يتواصل معايا على الميل ببقى
وحيده مش معايا حد
أعر فه
lvcaty@yahoo
وتسيب
اوف لاين بلاش حد يبعت ميلات ما بتتفتحش عاندى

الأربعاء، ٦ أكتوبر ٢٠١٠

فى ذكرى التطرف

القتلهكذلك شوه القتله ذكرى النصر والعزه والكرامه وهذا هو جزائهم الرحيم
اما ماكنهم فهو الى مذبله التاريخ
والى جانبهم تلك الدوله البشعه التى لازلات تخلد اسمائهم على جدران طرقاتها الخبيثه






الأحد، ٣ أكتوبر ٢٠١٠

مصرى اصلى

لو سالتك أنت مصرى تقولى ايه؟هاتقولى ده مصرى وابن مصرى
وابن مصر الله عليه
اكيد الكثير يجهلون هذا الرجل
وليس السبب هو ان هذا الرجل يستحق الجهل بل انه لديه من العلم الكثير والشأن الجليل
الذى لو قيس بمقياس الاحترام لدى أناس يحترمون العلم والعلماء لوقروه وأعطوه الأوسمه والنياشين
ولكننا ياساده فى بلد لاتكرم سوى لاعبى الكره والفنانين والفنانات الأحياء منهم والأموات
ولا نعطى النياشين الا لذوى البنادق والرتب
أما العلماء من أمثال الدكتور عصام حجى لا يلقون لدينا الا كل تجاهل وتحطيم
فهذا الرجل المصرى هو دكتور فى علم الفلك ويعمل حاليا فى معمل الدفع الصاروخى للمحركات فى وكاله ناسا الفضائيه
الذى يقوم بدوره بااجراءالعديد من الابحاث لاكتشاف المجموعه الشمسيه
كما كان الدكتور عصام دورا مهما فى العديد من الاكتشافات على كوكب المريخ
لدرجه انه مشهور فى الاوساط العلميه فى الخارج برجل المريخ ويعكف الان الدكتور عصام على تدريب عدد من رواد الفضاء وذلك لارسالهم الى الفضاء فى وقت لاحق والان هو موجود فى مصر لاجراء تجارب جولوجيه فى الصحراء الغربيه والمقارنه بين تركيبها الجولوجى والتركيب الجولوجى للقمر يتبع كوكب زحل
هذه نبذه مختصره عن عالم مصرى يحترمه الغرب ويرفعون له القبعه احتراما
بينما نحن هنا لم يلتفت اليه اى مسؤل فى هذه الحكومه المبلجه
ولم تكرمه جامعه القاهره الذى هو احد ابنائها وتعطيه الدكتوراه ا لفخريه
ملحوظه ( الدكتور تم فصله من جامعه القاهر لانه تغيب فى الخارج اكثر من 3 سنوات )
وفى الختام
اتمنى الا يحبط الدكتور عصام من هذ الجفاء من بلده وان يقرر فيما بعده ان يجعل من ابنه لاعب كره
او من ابنته فنانه لكى ينعموا بتكريم واهتمام رسمى لم يحصل هو عليه

الثلاثاء، ٢١ سبتمبر ٢٠١٠

دراما على الميزان

يوسف الصديق بغض النظر عن بغضى الشديد للنظام الايرانى
وعدم ارتياحى للدوله الارانيه
وبغض النظر ايضا عن فتاوى التحريم التى طالت الملسلسل بسبب تجسيد شخصيه سيدنا يوسف
ألا ان المسلسل قد نال اعجابىو اعجاب الكثير من الناس
فى اراء بتقول ان المسلسلات الايرانيه هى وسيله للمد الشيعى
وده ممكن يعتبر صحيح
بس لو حتى المسلسلات دى هى وسيله للمد الشيعى
توجب علينا بارضه اننا نرفع القبعه احتراما وتقديرا لهذا العمل
لان العمل يعتبر جيد جدا من جميع النواحى
سواء من الناحيه التاريخيه او التمثيل المقنع والديكورات الرائعه
بجد شىء مبهر والملابس والمنطقيه فى كل شىء داخل المسلسل
فعلا عمل يحترم الماشهد
وبالتالى على المشاهد ان يحترم هذا العمل
لأننا لو جينا بصينا على الأعمال التاريخيه أو الدينيه الى بنعملها فى مصر
فاانك ياعزيزى المشاهد سوف تنتابك حاله من الغثيان رغبه شديده فى القىء نظرا لما سوف تجده من
استعباط واستهبال واستخفاف بعقول المشاهد
يعنى هاتلاقى الممثل فى مسلسل تاريخى لابس ساعه
ووالاحداث التاريخيه كلها غلطات
ولو انتبهنا للديكورات هايجى لك اكتئاب زى الى جالك فى مسلسل كيلوبترا وعمرو ابن العاص
ونصيحه منى بلاش حد يتفرج على معركه اأكتيوم البحريه فى مسلسل كيلوبترا
حرصا على عدم ارتفاع ضغطكم
يعنى لو جينا عملنا مقارنه كده بينا اعمالنا التاريخيه او الدينيه وبين اعمال ايران التاريخيه والدينيه
هاتحس انك بتقارن بين عربيه 28 وعربيه هامر
وازا كمان أضافنا الأعمال التاريخيه والدنيه السوريه
فا طبعا لا تعليق
وكلنا نتذكر لما عملنا مسلسل بيبرس
وسوريا هى كمان عملته واتعرض فى نفس التوقيت
كانت حاجه تكسف وتفضح وتعر
الكلام الطويل ده كله ليه؟
أقول لكم
علشان انا نفسى احنا كمان يكون عندنا هدف زى ايران ماهى عندها هدف
ونجند كل طاقتنا لتحقيقه
حاجه كلنا نلتف حوليها ويكون لينا حلم ونحققه
بس يكون حلم محترم مايكونش مثلا وصول المنتخب لكاس العالم
عاوزين هدف قومى زى ماايران عندهم هدف وبيحاولوا يحققوه بكل الوسائل وبكل الامكانيات حتى لو كان مسلسل
ليه احنا مانحولش نعمل زيهم ؟
احنا كمان من حقنا يكون لينا هدف ونحققه علشان نبقى كبار بجد
فى المقدمه بصحيح مش بالفبركه وشغل التزيف
مش كده ولا ايه؟



السبت، ٧ أغسطس ٢٠١٠

اسألوا وزير الماليه عن الضرايب

عشنا وشفنا ال ايه الدنيا قايمه فى أمريكا ومش عاوزه تقعد
ليه بقى؟

بيقولك ال الست ميشيل أوباما راحت ابصر فين فى أسبانيا رحله استجمام
وال ايه الرحله دى هاتكلف 400ألف دولار ها يتحملها المواطن الأمريكى دافع الضرايب
ال الدنيا قايمه ومش عاوزه تقعد فى أمريكا علشان 400 الف دولار
والنبى هما لو كانوا ميلوا على اى دوله صديكه من اصدكائهم فى الشرك الاوسط
كانوا دفعوا لهم
وعليهم 400 الف بوسه
ال فلوس دافعى الضرايب ال
طب وفين فلوس دافعى الضرايب عندنا ما احنا الحاجه أم قرش بندفع عليها 5 قروش ضرايب ودمغات
ومانعرفش بتروح فين
وما بنفتحش الماوس بتاعنا مش علشان احنا اغنى من دافعى الضرائب فى أمريكا
لا خالص
علشان احنا لو فتحنا الماوس واتكلمنا التانج هايتقطع
انما هما يفتحوه يقفلوه
سورىو يتفوا على اوباما ومراته الى بتتمرغ فى خيرهم وشقاهم
ومش علشان هما بيتعبوا فى شغلهم والى عندنا لا
دا بالعكس ازا كانوا هما بيتعبوا على ما يجيبوا الدولارالى عندنا بيتمرمطوا ويطلع عين أبوهم علشان يجيبوا القرش
بس هى الفرق انهم ناس ما تعودوش يتضربوا على قفاهم
انما احنا لو متضربناش على قفانا قفانا يوجعنا
يبقى اذن ومن موقعنا هذا
نناشد الصحافه والشعب الامريكى
انهم يتلموا شويه ويخلوا عندهم دم
ويبصوا كده على مصير فلوس ضرايب غيرهم
علشان يعرفوا نهم فى نعمه والى يتبطر عليها يعمى

الخميس، ٥ أغسطس ٢٠١٠

الثلاثاء، ٢٧ يوليو ٢٠١٠

نودى نجحت

نودى نجحت

ماحبتش أجى غير لما أجيب لكم خبر كويس
أنا الحمد لله نجحت فى التيرم التاني
وبتقدير عام جيد جدا
الحمد لله عدت سنه فى الدبلومه وفاضل سنه
وندخل بعد كده على الماجيستير شكرا جدا لاى حد دعا لبابا ان شاء الله ربنا يتقبل منكم
وانا مالقتش احسن من انى ازاكر وما تاثرش باى حاجه وانحج وبتفوق لان ده شىء كان بيبسطه
مش هانسى ان اخر خبر حلو سمعه قبل الوفاه هو نجاحى فى التيرم الاول وطلب منى انى احافظ على التقدير فى التيرم التانى
وأنا وفيت بوعدى معاه
ورغم انى كانت خايفه ومرعوبه اقل عن التيرم الاول
رفعت شعار ياجبل مايهزك ريح
والحمد لله
وشكر لكل الى وقفوا جمبى
ودعواتكم اكمل امتحانات icdl
على خير وربنا يوفقنى فى كورسات الانجليز ى
وانتظروني قريبا وها نرجع ونقول الوووووووووووووووو

الجمعة، ٢٦ مارس ٢٠١٠

أسألكم الدعاء لبابا

بابا توفى يوم الخميس امبارح
أسألكم الدعاء ليه
عسى يتقبل الله منكم