مجرد سؤال

عاوز تبقى ايه لما تكبر؟

طبعا كلنا فاكرين السؤال ده مافيش حد فينا غير لما اتسأل السؤال ده وهو صغير

(عاوز تبقى ايه لما تكبر؟)

ولسه لغايه دلوقت السؤال بيسأل( وازا كان قل نسبه السؤال

لأن ماحدش بقى عاوز يفكر فى المستقبل)

وزى ما حنا شايفين السؤال واحد عبر كل الأوقات لكت الاجابه اختلفت

من حوالى 25 سنين

كانت الاغلبيه الولد يبص لك بشموخ ويقولك دكتور

تحس ان عنيه بتقولك لانى شاطر عاوز ابقى دكتور

وكذلك البنت تقولك دكتوره

ولو سئلت ليه؟

يكون الجواب

علشان أعالج الناس

وفى الكام سنه الاخرنين من (8-10)سنين

اصبحت الاجابه العظمى

الولد يقف لك ومتنح وعنيه بتطق شرار

ظابط ياعمو لدرجه انك ممكن تخاف من منظره

ولو سألته ليه يقولك علشان أسجن الناس

دلوقت بقى لو سئلت

تلاقى بلاهه على وش الولد وفخر

لعيب كوره

ليه ياحبيبى ؟

علشان أبقى مشهور

نقطه ومن أول السطر

ليه الاجابه اتغيرت؟

فى الوقت الى كان كل طفل يتمنى انه يبقى دكتور لما يكبر

كان الناس لسه شايفه ان التعليم والعلم هما الحل فى تغير حياتهم وجعلها أحسن

وكان ما زالت الدرجه العلميه ها بتزود شأن صاحبها

وكانت المهن العلميه محترمه

فكان الطبيعى انه يكون حلم اى طفل انه يكون دكتور او مهندس

لانه بيلاقى الدكتور او المهندس الى فى شارعهم او فى بلدهم الناس بتحترمه وتقدره

فا بيتمنى يكون زيه

بعد كده بدأت مفاهيم ومعايير المجتمع

وبقوا بيشوفوا ان المهن العلميه ما بتأكلش عيش وانها اصبحت غير مرموقه

وتغير حال المجتمع وبقت البلطجه هى الحل

واصبح الطفل بيشوف ان الظابط ممكن يسجن جاره

والناس كلها بتخاف منه ومن سلطاته المطلقه

دا غير ان العنف زاد بين الناس والهمجيه

فكان لازم يبقى الحلم انه يبقى ظابط

علشان يعرف ياخد حقه من كل حاجه فى البلد دى

وحاليا خلاص وقعت ورقه التوت

وعلشان العولمه دخلت بلدنا بالهيافه والخيابه بس ولان

أصبح حلم الشهره والثراء السريع هو حلم الشباب

ولان مابقاش فى قدوه غير لعيبه الكوره

وما بقاش حد بيحترم وياخد حقه غير لعيبه كوره

وكمان ضياع العلم والتعليم

وانحطاط وضع اصحاب المهن العلميه

كان لازم يكون الرد لعيب كوره ياعمو

وهى دى المصيبه

جامعه القاهر تتزين من أجل أوباما

كلنا فى انتظار أوباما

كلنا مستنين أوباما علشان يجيب لنا الديموقراطيه علشان احنا مش عارفين ناخدها

و مستنين يصلح صوره المسلمين علشان احنا مش عارفين نصلحها

و مستنين أوباما نصعب عليه ويبعت لنا قمح ناكله علشان مش عارفين نزرعه

و مستنين أوباما يدينا ماعونه علشان مش عارفين نتعلم

وياريت ما ينساش وهو جاى يجيب لنا منشطات علشان مابقاش عندنا رجاله

تركيا ومسلسلتها

الدراما التركيه
هوس كبير أصاب المجتمعات العربيه للمسلسل التركى الشهير نور ومهند
وتوالت بعد كده المسلسلات التركيه على الشاشات العربيه عامه والمصريه خاصه
مظاهر الشغف بمهند ونور جعلت من المسلسل التركى وسيله لجذب المشاهدين لاىقناه
الكل قال ان السبب وسامه مهند وان دى فتره وهاتعدى
بس محصلش كده وزاد الاقبال
وانا شايفه ان فيه اسباب كتير لجعل المسلسل التركى رقم واحد عند المشاهد العربى عموما والمصرى خصوصا

السبب الاول
عدم وجود بديل للمسلسل التركى
وده ما أقصدش بيه ان مافيش مسلسلات مصريه بتتعرض
ولكن اقصد ان كلها قديمه ومكرره لاننا طبعا عارفين ان بقى شهر رمضان هو المحتكر الأوحد للمسلسلات
وبعد الشهر ما يخلص يفضلوا يعيدوا ويزيدوا فى المسلسلات القديمه لرمضان الى بعده
ونتيجه لكثره قنوات المسلسلات المتخصصه فا اصبح المسلسل الواحد بيتعرض بدل المره اتنين وتلاته
واربعه لغايه مايجى للناس ملل من كل المعروض
فى حين ان المسلسلات التركى الناس بتشوفها وتابعها لاول مره فابيكون ده أحد عوامل الجذب


السبب التانى

ضيق المشاهدين من المواضيع المطروحه
كلنا لو بصينا للمسلسلات الى بقت بتتعرض علينا هانلاقيها يا اما عن أطفال الشوارع يا عن الادمان يا عن
الاتجار بالاعضاء اوبيع الاطفالا ا والاغتصاب ا والتحرش ا والسرقه
الخ الخ الخ
كلها مواضيع قاتمه ما قلناش ان دى مش مشاكلنا بس مش معقول عرض مستمر
ومش معقول انهم يكونوا عايزين يفهمونا ان مصر كلها عايشه فى العشوائيات
وكل كلامنا خارج ومبتذل

ماينفعش المفروض يكون فيه تنويع
نعرض مشاكلنا اه بس من غير مبالغات واسفاف وزى مايكون فيه عرض للوحش يكون فيه عرض للحلو
وفى نفس الوقت لو بصينا على المسلسلات التركيه نلاقيها فى صراعات كتير
لكن فى نفس الوقت فى ايظار متوازن
مش كله ضرب وقتل وشتيمه
داغير ان عندهم جانب كبير من الرومانسيه
وده الى بيخلى الناس تستحمل طول المسلسل

السبب التالت

الستات وجدت فى المسلسل التركى ضالتهم المنشوده

دلوقت الست واخيرا بعد سنوات كتير من الضياع والقهر وحرقه الدم
من جوزها وهو عمال يتفرج على الحريم فى التلفزيون
ويقول جاتنا نيله فى حظنا الهباب
ويوقلها شايفه دى حلوه ازاى ولا دى معرفش ايه
بقوا هما كمان على نفس قدم المساواه مع الرجل
نتيجه لان الرجاله فى المسلسلات التركيه
رومانسين جدا مع الستات وبيقدروهم جد وبيعاملوهم معامله مهذبه
والواحد بيبقى قمر وبيحب واحده والستات بتترمى تحت رجله وما يرضاش يخونها
مش زى عندنا لو جاب بدله جديده يفتكر نفسه جورج كلونى
دا غير انهم هناك بيجيبوا للستات ورد
مش زى عندنا الواحد يهون عليه يجيب للبواب هديه وما يجبش لمراته

وفى الاخر يقول جتنا نيله فى حظنا الهباب
وان كان حد حظه هباب فا هى الست المجنى عليها

انا فى ورطه

نودى فى ورطه

اولا وحشتونىىىىىى

وأسفه كتير علشان فى ناس مقدرتش ارد على تعلقياتهم فى البوست الى فات وكمان اتاخرت على ما نزلت البوست

بما ان طبعا بوستاتى ينتظرها القراء ههههههههههههههههه

ثانيا مرسيه للاى حد سأل عليه وخصوصا ولاد بلدى الجامدين قوى

بصوا بقى انا فى ورطه

بقالى حوالى شهر منعزله عن الدنيا

جهازى اللعين بايظ وكل ما اصلح حاجه حاجه تانيه تبوظ

لما بقى عامل زى كرتونه العيش الفاضيه

ومقضياها اخبار من على الدش بس مدونات حبايبى وحشانى والله كتير

وانتم كلكم واحشينى كتير جدا جدا وسامحونى على قله متابعتى ليكم بجد

وادعو الجهاز يتصلح

نيجى بقى للموضوع المهم

انا فى ورطه تانيه

بما انى حد عاطل عن العمل كا معظم حال كتير من الشوباب وحيث انى بااعتراف موثق من جامعه المنصوره

مدرسه عربى قد الدنيا

فا انا اقترحت على ماما انها ماتديش لاخويا الصغير درس عربى باره وانا الى ادى له

وقد كان بالفعل ياساده

والموضوع ماشى كويس بالنسبه ليه ولأخويا انا من ناحيتى بسلى نفسى وما بنساش قواعد النحو والصرف

وهو بيلاقى اهتمام ومتابعه اكتر

ولكن تأتى الرياح بما لا تشتهى المراكب

أخويا فى تانيه اعداى وبيدرسوا فى العربى قصه اسمها كفاح شعب مصر

بتحكى الكفاح المصرى منذ مينا موحد القطرين لغايه حرب اكتوبر

المهم جه الفصل السابع وبيتكلم عن ثوره 1919

طبعا الحماس اخدنى وقعدت أشعر له فى الثوره وأقوله ان دى الثوره الوحيده الى قام بيها المصرين

ما كناش فيه فرق بين مسلم ومسيحى وراجل وست

وحده عنصريه ووطنيه من أجل الاستقلال والحريه

وبسبب الثوره دى أصبح عندنا انتخابات حره ووزاره الشعب اختارها

ودستور 1923 وفضلت امجد له فى الدستور ده وان احنا لحد دلوقت مش قادرينت نتحصل على واحد زيه

وخلص الموضوع

جه يوم ما طلعلتوش شمس

بفتح الفصل الى عليه الدور لقيت قدامى الصوره اياها

بتاعه العصابه الى انتم عارفنها

ونزل عليه سهم الله

طب أعمل ايه؟؟؟؟؟؟

أقوله الكلام الى الوزاره رصاه

ان الايام الى قبل الثوره دى كانت سوده مخططه اسود وان كل حاجه كانت فساد فى فساد

ملك فاسد وحكومات فاسده وحاشيه فاسده

وان جت الثوره المباركه خلت كلل حاجه بمبى بمبى

طب اعمل ايه

دى كلمه ثوره دى اصلا كدب

يعنى اقوله الحقيقه

أقوله ان مش كل حاجه كانت بالشكل ده

اقوله اه كان عندنا ملك بس كان الناس لما بتطلع تشتمه فى المظاهرات بتروح على بيتها عادى

اقوله كان عندنا النحاس باشا زعيم الامه ورئيس الوزرا اتضرب بالقلم فى الشارع اخد الولد الى ضربه

وعمل له محضر فى القسم لان كان فيه احترام للقانون

وكان عندنا احزاب وحريه سياسيه

مش كل حاجه كانت سوده كده

واقول ان عصر ما بعد الانقلاب ده ما كانش ربيع زى ما كاتبين

كان فيه قمع واغتصاب للسلطه

ولا اقوله على النهب الى اتنبهب من املاك العائله المالكه والقصور والعمارات للظباط وأهاليهم

والمعتقلات والناس الى اتعذبت ظلم

والى ماتوا بدون اى ذنب

ولا عن النكسه

وقيمه الجنيه الى بقت فى الارض بسبب السياسه الميمونه

طب ولما يسألنى اخويا عن محمد نجيب أقوله ايه؟

اقول زى ما حفظونا؟

انه كان مجرد واجهه للثوره وانه ساب الحكم للناس الى تصستحق تحكم

ولا اقوله ان الراجل لما حب ان الشعب هو الى يختار الى يحكمه اعتقلوه داخل بيته وعزلوه عن الحكم

اغتصبوا الحكم لحد ما بقى حواز فؤاده من عتريس باااااااااااااااااااااااااااااطل

بصراحه احتارت

أقول الحقيقه ولا اسكت؟

طب وضميرى

والامانه؟

مش عارفه

صحتنا عمرها ما كانت أمانه

صحتنا عمرها ما كانت أمانه علاقتى بالتأمن الصحى المصرى لا تتعدى عن التصريح الى كانت ماما بتعمله ليه من المدرسه بحجه اننا رايحين التأمين

وطبعا ما اروحش واروح البيت اذاكر علشان كانوا بيشددوا فى الغياب

انما أروح التأمين أكشف كلا البته
بس حكمت الظروف انى أروح التأمين الصحى مع جدتى

اليكم بعض الى حصل

المشهد

أنا وجدتى قاعدين مستنين دورها ف عمل رسم القلب والاستراحه ممتلئه بالناس

مستنين دكتور المخ والأعصاب الى طبعنا متأخر عن معاده كتير اوى

وفجأه جه الدكتور

والممرضه تزف البشرى بعض للمرضى الى جاين يعرضوا عليه نتايج الأشعه

انه وافق يتغاضى عن العدد وها يسمح لهم يدخلوا له بعد مايخلص المرضى الى جاين يكشفوا

وطبعا انا مش فاهمه

بس لقيت الناس الى معاهم اشعه فرحوا

ولقيت سيدتين منهم بيتكلموا مع بعض وواحده منهم عماله عماله تقول الحمد لله

ربنا يهديه يارب

أنا الفضول بداء ياكل فى قلبى

عاوزه اعرف ايه الموضع بس أنا كوبه اوى مع الناس باره ما بحبش اتكلم مع حد بحب اقعد فى حالى

بس خلاص مش قادره عاوزه اعرف تقصد اعرف هما فرحانين ليه وليه بتدعى ربنا

وتقصد ايه

خلاص بقى يابت يانودى تشجعى وأسئليها وقد كان وتشجعت نودى ويارتها

وهاتعرفوا ليه

انا هو يعنى ايه يامدام انه ها يه يتغاضى عن العدد ويسمح لكم بالدخول

هو مش انتم جاين تكشفوا ولازم تدخلوا؟

هى احنا جاين نورى له نتيجه الاشعه الى كتب لنا نعملها

وهو ما بيقبلش اكتر من24 والمرضى الى جاين يكشفوا 24

والى معاهم نتيجه الاشعه دول بالرغم انهم مش هايهايخدوا من وقته اكتر من

نص دقايق كلهم الا انه ممكن مايرضاش يقابلنا

أن ليه ؟

هى علشان هو ليه عدد معين

أنا يعنى يروحكم؟

قالت اه عملها كتير دا حتى الاسبوع الى فاتت روح ناس مرضى مارضاش يكشف عليهم وطردهم من الاوضه

بتاعه الكشف وكان فيهم واحد معوق والناس اترجوه علشان هما من بلاد تانيه ومع ذلك مرضيش وفضل يشخط فيهم

أنا يسلام ليه يعنى هما خدامين عند الى جابوه دا هو كمان بيجى متاخر وفيها ايه لو كشف على اكتر من 24 واحد بدام هو لسه

الساعه ماجتش اتنين

هى لا حتى لو لسه فى وقت بيقفل على نفسه وما بيكشفش على حد الحمد لله النهارده هو رضى يشوف الاشعه بتاعتنا

ربنا بس يهديه ويرضى يكتب لى انى اعمل اشعه رنين مغنطيسى

أنا هو حضرتك محتاجه رنين مغناطيسى؟

هى اه يابنتى انا فقرات ضهرى تعبانى ومأثره على رجلى وهو مارضيش يخلينى أعمل غير أشعه عاديه

ودكتور الاشعه قالى يامدام حاله حضرتك تستدعى رنين مغنطيسى بسهو مارضيش

قالى لا مش هاتعملى غير دى ولو عاوزه رنين مغنطيسى اعمليها على حسابك ولما قلت له مش مقدرتى ادفع 700جنيه قالى هو كده بقى

أنا ( وكنت خلاص الغيظ هاينط من عنيه ) اعمليها باره؟؟؟

امال لازمه التأمين ايه وبعدين وهو ماله هو هايدفع الفلوس من جيبه؟

وبعدين فقرات ضهر ايه الى يتعمل لها اشعه ابيض واسود ههو انتى بتقولى له دراعى مجزوع؟ هو البعيد ما بيفهمش ؟

دا معنى انها أثرت على رجلك يعنى معنى كده ان الفقرات السفليه تعباكى ومش اقل من فقرتين

واكيد انتى ماشيه على مسكنات ومسكنات العضم دى بتتعب المعده وفيه حقن مضره للكبد المفروض تاخدى علاجك بسرعه او لو فى عمليه تعمليها ارحم من العذاب الى انتى فيه ده ووكل ده مش ها يتحدد غير لما تعملى اشعه مقطعيه او رنين مغنطيسى علشان بيبن فى ايه

هى ها نعمل ايه يابنتى كل حاجه فى ايده

أنا حسبى الله ونعم الوكيل ليه يعنى هو بتأمر على الناس كده دا اتعلم بفلوسهم وبيقبض مرتبه من فلوسهم بارضه

ماحدش هنا بيشحت منه هو موظف عندهم مقابل الفلوس الى بتتخصم منهم علشان هو وامثاله يعالجومهم

وفى أثناء الحديث قاطعنا رجل مسن

هو يابنتى هو بس الدكاتره الى ما بيسعفوش المريض دا حتى الدوا يابنتى ما بيسعفش

أنا أزاى؟

هو انا يابنتى عاندى صمام فى القلب تاعبنى وباخد دوا تصدقى بالله يابنتى ما بنام خالص لما بتعب

الدوا الى بيصرفوا ليه الماده الفعاله الى فيه ولا بتعمل حاجه

الدكتور الى باره لما روحت له كتب لى حبوب تانيه فعاله عنه علشان اعرف انام

ووزير الصحه بيطلع يقول ان الدوا ميه ميه والماده الفعاله فيه مافيش بعد كده

ها نعمل ايه بس مانقدرش على تكاليف دكاتره باره ولا على العلاج الشهرى بنضطر ناخد ده

واحنا عارفين انه مش ها يعمل حاجه

ما باليد حيله

انا بصراحه كنت خلاص أستويت منظر الناس وكأنهم بيتسولوا من الدكتور النكره ده جابلى احباط

ايه الى احنا وصلنا له ده؟

ازاى بنى ادم يوصل بيه جبروته انه يتحكم فى اوجاع الناس

ويستخسر فيهم حتى العلاج وهو مش دافع لهم حاجه من جيبه من هو اصلا ولا ايه يكون

بيثبت لنفسه انه صاحب سلطه مثلا؟

طب ما يتشطر على حد اكبر منه مثلا ؟ولا ما بيحسش بنفسه وانه راجل غير لما يذل الناس؟

ده حشره من حشرات الزمن الى يتعالا على الناس ويبيع ويشترى فيهم واحد ناقص

قليل الاصل

انما ده لو كان ابن ناس وعنده اصل ما كانش عمره عمل كده

الناس الى بتروح التأمين دى ناس موظفه يعنى بتشتغل فى الدوله وبيتخصم منهم فلوس مقابل العلاج على نفقه الدوله

من حقهم يلاقوا معامله محترمه وبنى ادمين يكشفوا عليهم مش ناس مقعده نفسيا طبعا (مش كلهم كده فى ناس عندها ضمير بس ده بقى قليل )

ومن حقهم علاج فعال يعتمد عليه

مش شويه بودره محوجه من عند العطار والاسم علاج

لامتى هانفضل كده لا فيه ضمير ولا دين ولا أخلاق

نفسى اعرف هو لو وزير الصحه تعب ولا حد من المحاسيب كده ان شاء الله

هايتعالج فى التأمين وها ياخد الدوا بتاع وزاره الصحه؟

نفسى اعرف ازاى بيجى لهم نوم

وازاى بيحترموا نفسهم وهما عارفين انهم بيكدبوا على الناس ؟

حسبى الله ونعم الوكيل

لحظه وداع

لحظه وداع

تحديث

ياجماعه كل الى انا كتباه من وحى خيالى شتا ايه الى هاقف اتفرج عليه

انا وقت الشتا ده بكون تحت البطنيه وقافله عنيه وبقول يا ستار

الساعه الحاديه عشر مساء فى احدى ليالى الشتاء القاسيه

بينما المطرالمطر ينهمر وكانه منحه الاهيه لغسل ذنوب الارض ومن عليها
بينما كانت الخادمه تزيد من حطب المدفأه كنت انظر الى السماء من النافذه

انها ليست بأمطار عاديه

احسسست وكأن أصوات الرعد ماهى الا صرخات غضب من السماء

وفجأه دوت طرقات مدويه على الباب

اسرعت الخادمه لتلبى لهفه الطارق

سرعان ما ادخلتها الخادمه كانت صديقتى الحميمه

وجدتنى اتأملهاكانت مبتله ترتعد والدموع تملاء عينيها

ساعدتها فى تجفيف ملابسها واجلستها بجوار المدفأه

وامرت الخادمه بأن تصنع لنا كوبين من الشاى جلست بجوارها

وسرعان ما أحضرت الخادمه الشاى أمرتها بالانصراف

وبدأنا نتحدث سويا

كانت هى صديقتى الوحيده نشأت صداقتنا منذ الطفوله

أحببتها كثيرا وهى أيضا كنا لانفترق ابدا الا ان حالت ظروف عائلتها فى بقائنا معا فى مدينه واحده

ولكننا ظللنا على اتصال

قاطعنى صوتها وهى تعتذر عن مجيئها فى هذا الوقت المتأخر

أجبتها بأن لا يجب اتلا تعتذر فهى أكثر من أختى

ماذا بكى؟

صمتت

ثم جاوبتنى

سيتزوج

انا من؟

ارتمت بين أحضانى وازدات فى البكاء

وانا لم أعد بحاجه لمعرفه من تقصد

فلم تنجب البشريه سوى شخص واحد

قادر على جعلها فى هذه الحاله

ثم رددت

سيتزوج

وازدادات فى البكاء

لم أرها فى هذه الحاله منذ سنوات

كانت قويه كاأمواج البحر صلده كالماس

كانت تخفى وراء ملامحها القاسيه ونظراتها البارده

عاطفه جياشه تحيطها بكم هائل من الصلابه

لتخفيها

وسرعان ما أحبت

كنت انا شاهده على هذا الكائن الذى خلق فى احشائها

احبته حتى نخاعها

كنت أراها تذوب عشقا له

ولم أتوقع ان يكون هذا الحب هو سبب هلاكها

سرعان ما وجدتها تسقط

خارت قواها امام الخيانه

كنت شاهده على الحب وايضا على الالم والعذاب

كرهت هذا الشخص بقدر ماهى أحبته

لكنها لم تستطع ان تكره

سألتها

من الذى أخبرك بزواجه

قالت هو

انا هو؟؟؟

قالت أجل قابلنى أمام عملى صدفه وأخبرنى انه سيتزوج الاسبوع القادم

وطلب منى ان اسامحه

صمتت ثم أكملت

هل تعرفى لو كان يعلم كم أحببته

ما كان ليطلب منى أن أسامحه

أنا أذن لماذا تبكين؟

هى سيكون لأخرى

أنا لم يكن لكىوالا فعاد اليكى

هى أحببته

انا لم يحبك

هى ولكنه

انا من يجب لم يخون لا يؤذى حبيبه

صمتت

انا فاليتزوج أو يذهب للجحيم ماذا يعنيكى انتى

هى أحلامى

انا كانت سراب

انا هل تعتقدى بأنك لازلتى فى تفكيره؟

الان هو نائم فى ثبات عميق مثلما كان ينام وانتى تتألمين وحدك

تركك وحيده ليكمل حياته مع اخرى

ماذا تنتظرين لتعلمى انه نكره

يجب ان تتخلصى من كله ذكرياته معك

بأى حق يبداء هو حياته ويكملها مع اخرى وانتى تستمرى فى بكائك على زكريات كاذبه

أى حماقه تلك وأى ضعف هذا

زاد بكائها

ولم يهداء غضبى وسخطى عليها لأنى كنت أحبها

وكنت أراها اقوى من هذا

حاله قرف

دماء على الشاشه بما انى انسانه عاطله وفاضيه وماورايش اى حاجه

فا وقتى بقضيه يا اما نايمه يا بتفرج على التلفزيون يا على النت يا بقراء اى حاجه

والتلفزيون ده بقى مش حبيبى قوى
لانه بحس ان معظم القنوات بتساعد على زياده نسبه العته والبلاهه

ودى رأى الشخصى

نيجى بقى لموضوعنا

مسلسل اسمه بنت من الزمن ده بطوله الممثله الفلته داليا البحيرى

مسلس بيناقش ظاهره بنات الشوارع على التحديد شفت من حلقات كتير

لكن فيهم حلقه اثارت استيائى وقرفى واشمئزازى

وهى الحلقه الى بيعتدى فيها (كونه)باسم السمره على شروق(داليا البحيرى)

جنسيا

هما اى نعم ما بيجبوش منظر الاعتداء لانها طبعا بتكون متخدره

لكن بيجيوا قبل وبعد الاعتداء

المنظر المقرف بجد هو ان (كونه) بيحتفظ بلملايه الى عليها دماء العذريه للبطله

علشان يذلها ببيها

وبتظهر فعلا الملايه فى المسلسل وفيها اكتر من بقعه وكانها حد فاتح كرش حد على الملايه دى

حاجه كده تدعو للقىء

انا مش ضد الموضوع لكن ضد الطريقه

افتكر فى فيلم الطوق والاسوره اتعرضوا لموضوع دماء العذريه لكن الموضوع كان مقدم بطرقيه احسن من كده

جابوا المنديل اياه والعريس (احمد عبد العزيز.) ماسكه فىايده وخلاص

واحنا فهمنا

انما ليه دلوقت المناظر دى بقت بتيجى فى التلفزيون

يعنى كمان مش فيلم سينما

لو اتعرض فى التلفزيون ها يبقى بالليل بعيد حتى عن الاطفال

انما مش فى مسلسل بيتعرض ليل ونهار قدام الجميع

يعنى لما طفل يشوف منظر زى ده والفضول يشتغل

مامته ولا ابوه ها يردوا عليه يقولوا له ايه؟

المشكله مش فى المسلس ده وبس

بقت فى كتير من الاعمال بتعرض الحاجات دى بشكل فج ومبتذل بدون اى مراعاه لمشاعر المشاهدين

المفروض يكون ليهم دور للنهضه بالذوق والاخلاق العامه

مش العكس

ولا انا غلطانه؟

ليه كده

فى حاجه غلط

اه والله العظيم فى حاجه غلط

يا فى الناس يافينا احنا يا اما فيه انا

ازاى يعنى ايران تطلق قمر صناعى محلى الصنع

واحنا أساتذه البحث العلمى مش لاقين يأكلوا

وازاى اسرائيل عندها انتخابات حره ونزيها

واحنا من ارادت ان تثكله امه يذهب الى لجان الاقتراع لانتخاب حد من المعارضه

وازاى عندنا حد محترم زى العالم أحمد زويل والدول المجاوره والدول المتقدمه عننا بمراحل بيجاهدوا علشان يستفادوا من علمه

واحنا لا

ازاى الحكومه بدل ما تتحرك شويه فى مجال الطب والدواء والبحث العلمى وتنشأ مركز بحوث ومصانع ادويه بدل ما احنا تحت رحمه الشركات العالميه

تقوم ماتلاقيش حاجه تعملها غير انها تبداء وتبتز الصيادله الى فاتحين صايدليات صعبان على الحكومه ان فى حد فى البلد دى ممكن يكون له دخلو كويس يعيش بيه زى البنى ادمين بدل كده ماتتشتروا على الشركات الى بتنزل الدوا غالى اصلا ولا حتى تشوفوا

الصيادله الغلابه الموظفين فى المصالح الحكوميه والى مش لاقين

ازاى الحكومه بقت عامله زى اليهودى الى فلس وعمال تدور فى دفاترها وققرت تشيل بعض الفئات الى استفادت من الكادر الخاص للمعلمين بعد ما امتحنوا الامتحانالمهين اياه وقبضوا الفتات الى اتوعدوا بيها

وازاى عاوزين يلغوا المقطورات علشان حوادث الطريق وان السواقين بيكونوا مدمنين

طب ما يحطوا قوانين صارمه محترمه الكل يمشى عليها ويحاولوا يفكروا فى حل المشكله بدل ما يكفروا فى قطع عيش اللاف الناس

وازاى ولد فى انجلترا عنده 13 سنه يبقى اب نتيجه للمارسه الجنس مع بنت عندها 15 سنه وما اسمعش حد من بتوع الاسلام الى بيغتصب الطفوله

يقول ده اسمه ايه؟

وقاحه

مبروك على النصر

دى كانت اول بشاير النصروده الذروهوده حسن الختام
وده بكره المشرق
مبروك عليكى يا حماس التعويضات والاعانات

وماتنسوش تبعتوا مع وفد التهنئه الاخوانى كام مليون حق تعب الرجاله معاكم
ماهى المظاهرات مش ببلاش الناس تعبوا بجد ولازم يتراضوا



نفعنى انفعك وشيلنى اشيلك

كلا يغنى على ليلاه

سيد نجيب من فضلك اخرس تحديث ده اللينك بتاع الخبر http://www.almasry-alyoum.com/article2.aspx?

بس احقاقا انى اكتشفت انه قال ضد وليس للقضاء

وانا كتبت للقضاء لان ده الى فهمته من كلامه

صرح السيد نجيب انه بيدعوا الليبرالين بمعاونه الحكومه للقضاء على الاخوان

عارف فين ياعم نجيب

عندها

انا لا بحب الحكومه ولا الاخوان

ولا شايفه فيك ولا فى الحكومه ولا فى الاخوان ولا حتى الليبرالين خير

بس مش معنى كده انه نقضى على الاخوان

يعنى ايه نقضى دى؟

وحت اى مسمى نقضى

فين بقى الديموقراطيه حريه الرأى والتعبير

ما كل واحد حر فى الى يشجعه وينتمى ليه

الناس مش عبيطه ياسيد نجيب وبقت بتعرف مين الى يهمه امرهم ومين الى يهمه امره ومصالحه

وافتكر انتخابات 2010ها تبلرو ده والناس مش ها تبهدل نفسها علشان تنجح الاخوان لانهم عرفوا الى فيها

يبقى حضرتك ما تقولش كده ولازم تفهم انه ما ينفعش نقضى على تيار مناهض لانه مش على كيف جنابك

ويعنى لما الناس تاخد كلامك من منطلق طائفى وتقول اه اكمنك مسيحى

عاوز تقضى على الاخوان

وساعتها التعصب ها يشتغل

ومش بعيد تزداد شعبيه الاخوان

يبقى من الاولى تنقطنا بسكاتك انت كمان

وتشوف ملياراتك واكل عيشك

ويانحله لا تلسعينى ولا عاوز منك عسل

هناك فرق

قوه الملاحظه

كل واحد عنده قوه ملاحظه

يقولى ايه الفرق بين الصوره دى والصوره دى

وكمان الفرق بين الصورتين

للصبر حدود

سرور ازا أيدت(الايداريه العليا) وقف تصدير الغاز الى اسرائيل

سوف تلتزم الحكومه فورا للقرار

نقطه بقى كده معايا ومن أول السطر

وواحده واحده

اولا الغاز ده بتاع مصر بيروح فين لبنت القديمه اسرائيل وكمان بسعر مخفض

يعنى يا حلوين العسكرى الاسرائيلى يستحمىبميه سخنه من السخان ابو غاز

(مع العلم ان غزه الناس الى فيها صدت من قله الحمى

لام مافيش وقود يخبزوا بيه عيش

ولا فى اصلا ميه نضيفه )

وبعد ما يستحمى مراته تكون طبخت له على الغاز المدعم المصرى ده الاكل

يطفحه بالسم الهارى

وينزل يقتل فى غزه بر و جو يامعلم بصواريخ ماشى

قنابل وماله ذخائر محرمه ومسرطنه مايضرش

عاااااااادى

وبعد ما يروح طبعا الراجل عرقان وتعبان

يستحمى تانى بميه من السخان ابو غاز

وكمان متدعم

وبعد كده يتعشى( وبارضه مع العلم ان غزه الناس بيناموا من غير عشى مش علشان مافيش غازلا خالص

علشان مافيش اكل اصلا يطبخ)

وينام نوما هانئنا

وغزه بتندب موتاها

وبس

النقطه التانيه بقى

الغاز المصرى المتدعم ده الى بيروح لجارتنا اسرائيل

احنا فى مصر فى ناس مش لاقينه

اه وربنا

ورحمه القطه بتاعه بنات بوش الى نعاها البيت الابيض الاسبوع الى فات(على فكره لم ينعوا ضحايا غزه)

فى ناس فى مصر ما اسعدهمش الحظ لسه بتركيب الغاز الطبيعى

وماهماش لاقين الانبوبه الى سعرها وصل 10 جنيه من اصل 4 جنيه

http://www.almasry-alyoum.com/article2.aspx?ArticleID=194471

http://www.almasry-alyoum.com/article2.aspx?ArticleID=194584

شوفوا حتى هنا

واسرائيل بتاخده مدعم

وكل ده وفتحى سرور مستنى قرار الاداريه العليا

عارفين لو النظام ده بيستنى احكام القضاء ولا بيعبرها كنت بلعت الجزمه الى رومها الاخونجيه امبارح فى مجلش الانس وسكت

بس للاسف فيه الاف من الاحكام القضائيه فى البلد لا تحترم

اشمعنى يعنى دلوقت

حد يقولى علشان انا خلاص تعبت

انا واحده ربنا ابتلانى فى النادى الى بشجعه بلاش والنبى البرجين الى فاضلين يضيعوا هما كمان

حراااااااااااااااااااااام

عبود على الحدود

اخر نكته

عبود وطارق الزمر يطلبان الخروج من السجن للتبرع بالدماء

بصراحه مش عارفه اقول ايه

الى اقدر اقوله

قاتل عاوز ينقذ مقتول؟؟؟

ياترى ياسيد عبود انت وزمايلك عرفتوا قيمه الراجل ده

الله يرحمه لو كان حد سمع كلامه ما كانش كل ده حصل

يالا تفيد با ايه ياندم

احنا فى زمن المسخ

مصر يا أما ياهفيه

من غبير اى كلام مش محتاجه اقول قد ايه كل بنى ادم عنده ضمير قلبه بيتقطع

على بيحصل فى غزه

مش شرط يكون مسلم

ولا عربى

يكفيفه انه يكون انسان

الاحساس مش محتاج دين ولا وطن ولا جنس

الاحساس محتاج بنى ادمين

بنى ادمين يحسوا بريحه الموت الى عششت داخل بيوت ناس غلابه

كل ذنبهم ان ربنا رزقهم بمرتزقه اغبيه بهايم يحكموهم

ده بس كل ذنبهم

وطبعا ولان ده الحال العربى

مافيش شعب يقدر يغير حكومه بتحكمه

لانه حتى لو غير هايجى الأسوء

الموت والدم فى كل مكان

ومع ذلك بدل ما نفكر فى الناس

لا نفكر فى غباوتنا

خالد مشعل قال لن نتراجع حتى لو أبيدت غزه

والنبى حد يقولى هو مش ها يتراجع عن ايه؟

راجل ابن حلال كده متربى يقولى حماس الزفت دى لن تتراجع عن ايه

عن صواريخ العيد الى بترميها على اسرائيل؟

ولا ما يكونوش عندهم طيران

وصواريخ اربيجيه

وبيضربوا بيها اسرائيل وانا مش واخده بالى

او يمكن تلفزيونا ما بيجبش الحاجات دى؟

ولا بجد وبصحيح الراجل ده ما فيش عنده غير بمبم العيد الى بيحدفه على اسرائيل

وبيعمل لهم بيه جو اكشن

ومش ها يتنازل ولا ها يتراجع عن ده حتى لو ابيدت غزه

حسبى الله ونعم الوكيل فيك بجد

مئات ماتوا علشان صواريخ حماس الى بيزغزغوا بيها تل ابيب

وطبعا الحكومات والانظمه العربيه بدل ما يقعدوا ويشوفوا الكارثه الانسانيه دى
فضلوا بقى يطلعوا فى احقادهم وقاذورتهم علينا

اولهم السيد المبجل حسن نصر الله السيد رجل ايران وسوريا الاوحد

الراجل ياجماعه عاوزنا نعمل انقلاب عسكرى علشان نضغط على الحكومه انها تفتح معبر رفح

وهاجم مصر مهاجمه شديده

وكمان تقريبا حملنا مسؤليه عدم انعقاد قمه عربيه

دلوقت السيد حسن نصر الله عاوز قمه عربيه

ولما كان الطحت شغال فى لبنان قال لهم مش عاوزين قمه عربيه

دلوقت القمه العربيه بقت حلوه وبيوزعوا فيها هدايا

طبعا ده مش كلامك ياحسن

ده كلام اسيادك

ايران

هما دلوقت عاوزين قمه عربيه وعاوزين الكل يشتم فى بعضه

وانقلابات عسكريه كمان فى المنطق علشان هى فى الهوجه دى تكمل النووى بتاعها ونلاقيها بقت غول وماحدش قادر عليها

ايران هى الى ادتك الورقه وفيها الكلمتين دول

طب اقولك بقى احنا دوله ضعيفه وبينا وبين ولاد الرخمه دول معاهده

طب ماتخلى ايران تضربهم هى بصواريخها الى ممكن تطول تل أبيب؟

على الاقل هما فى حاله عداء معاهم ولا خايفنن على الفستق الى بيصدره لاسرائيل ؟؟؟؟

ولا اقولك طب ماتضرب انت شمال اسرائيل بدام انت عامل فيها ميه راجل فى بعض

بذمتك مش لما تدخل فى حرب معاهم علشان غزه

احسن ما تدخلها علشان جوز عساكر؟

طبعا عمرك ماهاتعمل كده

عارف ليه؟

علشان الاوامر الى جايه من طهران مش كده

ولما هى بقى الحكايه مصالح ولعب قذر من تحت الترابيزه زى الى حصل بين امريكا وايران فى العراق

يبقى تسعنا صمتك الرهيب احسن

ويادوب تلحق تحضر لخطبه عاشوراء

وماتنساش تبقى تهلفط على اسيادك زى ماعملت السنه الى فاتت

وشويه شويه نسمع عن مين الى عمل مظاهرات ضد مصر والنظام

وبيشتم وبيتسافل كمان

قسما بالله لو حد عمل كده

كنت عصرت على نفسى ليمون وسكت

انما الاقى سوريا بتشتم طب يعنى ما انتم عمالين تبوسوا الايادى علشان تقعدوا معاهم

وانتم معاهم على الحدود وبيكم حرب

فين الهمه؟

والاردن كمان بيشتموا قدام السفاره المصريه وبيطالبوا بسحب السفير الاسرائيلى من مصر

طب والسفير الاسرائيلى الى عندكم نظامه ايه؟ ؟

وكمان ليبيا الى المفروض ينقلوها جمب اخواتها فى الخليج بتهلفط

هى بقت كده

ما المعبر مفتوح والنعمه وفيه جرحى بيتعالجوا عندنا

لازمه السفاله ايه؟

وكله كوم بقى وقطر وقناه الجزيره كوم تانى

مافيش على بؤهم غير ليفنى

ليفنى اتفقت مع الحكومه المصريه على كل حاجه

مصر بنت الكلب العميله استقبلت ليفنى

طب ما يولاد السابوهات

ما كانت المزه عندكم ودبحين لاها عجل على باب المحطه

سمعتش انا صندل اتكلم

عرسه زنت؟

ابدا

والنبى المحن ده بلاش منه

الى عاوز يعمل حاجه للناس دى يعملها وهو ساكت

محتاجين دعايا ليه؟

انما المزايده من اشكال ضاله من باره

وناس من جوه بتعانى من امراض عقليه ربنا يشفيهم بقى

الواحد اى نعم ما لوش فى نفسه حاجه

بس مش لدرجه انه يحدف غباوته على الناس