مبروك على النصر
دى كانت اول بشاير النصر
وده الذروه
وده حسن الختام
وده بكره المشرق
مبروك عليكى يا حماس التعويضات والاعانات
وماتنسوش تبعتوا مع وفد التهنئه الاخوانى كام مليون حق تعب الرجاله معاكم
ماهى المظاهرات مش ببلاش الناس تعبوا بجد ولازم يتراضوا
نفعنى انفعك وشيلنى اشيلك
وده الذروهوده حسن الختاموده بكره المشرق
مبروك عليكى يا حماس التعويضات والاعانات
وماتنسوش تبعتوا مع وفد التهنئه الاخوانى كام مليون حق تعب الرجاله معاكم
ماهى المظاهرات مش ببلاش الناس تعبوا بجد ولازم يتراضوا
نفعنى انفعك وشيلنى اشيلك
هناك ٥٠ تعليقًا:
انا عجبنى مقال فى المصري اليوم النهاردة لاسامة الغزالى حرب بيقول فيه بمنتهى البساطه انى محدش كسب فى الحرب دى والكل خسران
مابلاش صور من دي كفاية والنبي
كلنا اعصابنا تعبت من كتر المشاهد المؤلمة دي والله
انا معاكي ان حماس تاجرت بالدم الفلسطيني زيها زي دول عربية كتير بس السياسة احيانا بتكون قذرة
شكرا اختي الكريمة على البوست
وان شاء الله القادم احسن
تقبلي تحيتي
ما هو مفهومك لكلمة نصر ؟!!!؟
مع العلم انى لست من الاخوان ولا من حماس..
يعنى مش عارفه بتلومى مين يا نودى فيه ايه بس
دول شهداء وخلى بالك اغلبيه اللى ماتوا حماس وفتح ومن المقاومه لو كنتى رحتى المستشفيات وزورتى المصابين كنتى عرفتى
ولا اعانات ولا بتنجانات
كل المصابين فى المستشفيات اساليهم وهما هيقولوا لكى
واهاليهم
كلفى نفسك وانزلى لغايه معهد ناصر او مستشفى فلسطين او الاسماعيليه وانتى تعرفى
وبعدين فى الحرب بتاعتنا كنا بنفقد اكتر من كده
احنا بدل ما هنلوم اسرائيل هنلوم الناس دى ما تيجى اضربهم احسن علشان بقوا شهداء ايه رايك حماس وزفت وقطران اللى عامله حساسيه للناس دى بس مفيش بلد من غير مقاومه هو لما حد يحتل بيتك يعنى هتسيبيه وتقولى خليه قاعد فى الاوضه التانيه
وانتى عجبك اللى اليهود بيعملوه فى المسجد الاقصى بتاع المسلمين
على فكره انا مختلفه مع حماس بس مش معنى كده انى اعمل كده فيهم فى وقت كل شبابهم اتقطعوا علشان بيدفعوا عن حقهم
نسيت اقولك بس علشان عارفه ان اللى بيقول الكلمتين دول يا بيقولوا عليه اخوان يا حماس يا بتاع
انا مش محجبه وبلبس على الموضه خالص خالص
ومليش علاقه باى حاجه والنبى بس بقول كلمه حق من ارض واقع وكلام ناس
نودى
نسيت اقولك هو يوم ملخبط عندى متزعليش اذا حسيتى عصبيه فى ردى بس علشان انا بحبك ومبحبش دماغك تلف منك وتركزى بس فى حاجات كتير يا حبيبى
رئيس جمهوريه نفسى
فعلا مافيش حد كسب
والى يقول انا كسبت ماهو الا كداب
تحياتى
قلم رصاص
حماس والدول العربيه تاجروا بالشعب الاعزل
وبعد كده طلعوا يقولوا انتصرنا
نورتنى
DY IBRAHIM
مفهومى للنصر بيكون عن طريق اهداف تحدد قبل الدخول للمعركه
وتحقيق الاهداف بيكون هو دليل النصر
وليست الخطب الحنجوريه
تحياتى
APPy
اولا انا ما بزعلش من اى حد يختلف معايا
لان ده جو صحى جدا وطبعا اختلاف الراى لا يفسد للود قضيه
اما بخصوص حماس
فاايه الى هى استافادته بعد الحرب دى
رجعوا تانى وها يتفاوضوا مع اسرائيل
وماتقولليش انهم وضعهم اقوى
لان اسرائيل ما وقفتش حرب النار تحت اى ضغط من حد
وكلنا عارفين كده
ولا وقفته علشان خافت من حماس
بدليل انها قالت للبهوات العرب انها خلاص خلصت يالا ياحبيبى اعملوا القمه بتاعتكم علشان يبان انى انسجبت علشان خاطركم
وجم يتفاوضوا معاهم فى القاهره
طب ما كان من الاول ماهم لو حققوا اى انجاز
او عززوا موقفهم كنا قلنا ماشى
انما طلعوا فى نص الحرب يقولوا اردنا استفزاز اسرائيل ولم نكن نتقوع منها هذا
طب ده والنبى كلام؟
زاما بقى بخصوص التعويضات والاعانات
فا خالد مشعل مقطع الدنيا وعمال يقول ابعتوا لحماس الفلوس مش لفتح
والاخوان رايحين يباركوا لهم على النصر فى سوريا
طب ما يروحوا يباركوا للناس الى فى غزه
واشك ان الاخوان دول ممكن يكونوا بيعملوا حاجهه لله
تاريخهم بيقول كده
والكلام ده بتقوله واحده محجبه
نورتينى
حبيبى يا نودى بصى
اولا لازم تفهمى ان قيادات حماس منفيه ومتقدرش تدخل
فلسطين
لوما دخل واحد منهم نسفوه هو وعيلته كلها
وافتكرى ايام الحروب عندنا الناس الصغيره كانت بتفدى القيادات لان سهل ان يبقى عندك جنود انما مش عقليه قيادى
والدى ايام النكسه قلع هدومه واداها للقائد الاعلى منه علشان مش ياسروا القائد ودى حقيقه لو والدك حارب اساليه
موضوع حماس انتصرت انا مقولتش انتصرت
اسرائيل بتموت لما كلب يموت لها مش بنى ادم اسرائيل عددها كام والفلسطنين كام
الستات الاسرائليه بتخاف تبقى حامل دول اللى داخل اسرائيل
شوفى الست الفلسطينيه قد ايه بتخلف وهمها انها تحافظ على اولاد جنسها الفلسطنين يعنى
اسرائيل بدات تتجنن فى الاخر يا حبيبتى
لما لقت ان بيتقتل منها ناس وفعلا اتهزت وده معروف عنهم من زمان
وزى ما قولت لكى اغلبيه اللى استشهدوا حماس والمصابين
ودول فعلا مؤمنين بقضيتهم
على فكره موضوع الاعانات وصلت او لا انا ولا انتى ولا الجرايد ينفع نحددها اهل غزة بس
وانا عندى كريم من غزه وقالى بتوصل
لو اليهود معطلوهاش
والانروا بتوزع على كله
ومتنسيش ان اول مؤتمر قمه حماس رفضت اللى اسرائيل قالته وقالت لهم تطلعوا خالص من غزة واصرت على موقفها وبالفعل اسرائيل قررت فى يومين الخروج
يعنى الناس صمدت
وعلى فكره قرارات حماس مش لوحدها هى وكل فصائل المقاومه يعنى الجناح العسكرى بتاعها
اللى هما القسام
وفيه حركه المقاومه الشعبيه
وفيه الجهاد
كله ده مش قرار قاده حماس لوحدهم يا حبيبى
خالص
فهمتى
وبعدين مش موضع اتفاوضوا فيه فرق اتفاوض وانا طلعتك بره شقتى وفرق وانت جواها هما طلعوا بره غزة
وانا اتفاوض اه بكل قوه
وفى النهايه ربنا يرحم الشهداء ومنقدرش ندخل نيه الناس سواء حماس فتح اى جهه
بس مينفعش ننصب نفسنا نحاكم الناس يا حبيبتى فى نيتهم وعملهم
appy
انا ما اتكلمتش عن وجودهم فى سوريا وبعدهم عن غزه
لان دى حاجه ترجع لقاده حماس
ولا حد فينا يقدر دلوقت يقةل نتايج التفاوض ها تكون لصالح مين
لان السياسه ابعد كتير عن اى توقعات
انا كل الى بتكلم عليه
هو مقوله الانتصار
اه فى صمود وفيهم ناس مؤمنه بالقضيه
لاكن ماحدش انتصر فى الحرب دى وخصوصا حماس
ولما بخص حماس ده لانها الاغلبيه وهى المسيطره عاى القطاع
يا ستي مش مهم ال 7 الاف اللي ماتوا او اتشوهو
المهم ان المقاومة لسة معاها شوية بمب.. قصدي صواريخ بتضربها
على فكرة معظم الفلسطينيين عندي هنا مقتنعين تماما ان حماس انتصرت
بقولهم يا جماعة انتصرت ازاي ... يقولو صمدت... يا فرحتي لولولييييييي؟؟؟
يلا مبروك عليهم
امجاد يا عرب امجاد
تحياتي يا زملكاوية
فى حب مصر
أمانه عليك تبقى تشغلهم الاغانى الى كانوا بيخدرونا بيها فى النكسه
التاريخ يعيد نفسه وربنا
منورنى ياأهلاوى
ربنا يتم عليهم النصر
BA5MA
والله لو فى نصر ربنا يتممه
هو احنا نكره
انا معاكى انها كانت لعبة ومصالح شخصية والدليل بعد الانسحاب حماس ضربت اخواتهم من فتح يعنى كله بيدور على مصلحته فى القطاع وخلاص ادوات فى ايدى دولة تاينة وبتتحرك بغباء حتى انهم نسوا ان الحق البنى ادم انه يشعر با دميته لا لية مش كفاية انهم استببوا فى موت الاف بغطرسة وفكرة اسمها المقاومة وهى بعيدة عنهم جدا لانها والله كانت مصالح اكتر منها مقاومة كمان بيقتلو المسلمين اللى زيهم من حركات فتح اية العقول دى لكن مهما كان مش هقول حصل نصر لكن حاصل حراك جوا الكل وفى ناس اعتقد فهمت اننا كنا مستهدفين كمان من اللى بيحصل من ايران او امريكا او اسرائيل اللى استغلت الوضع فى اول الهجوم وغمت العيون على اللى بتعمله وخالت الكل يقول مصر موفقة ومصر كانت بتحاول تدافع عن نفسها من غزو جديد مقنع بفكرت حمايات المعابر ودا كان غلط كان المفروض ايوا على حكومتنا تكون اكتر من كدا شفافية وتقول من اول وهلة الوضع كذا مش تسكت وحدش فاهم حاجة وتسيب الهوجة المتخلفة على مصر ومن كل اتجاه.. انا شايف انه نصر لمصر مش لى حماس او فتح او العناصر الفلسطينية اللى مش بتدور على الافراد العادية اللى بتحاول تعيش من لقمة عيش عزة انها توصلهم معاكى الصورة قاتمة بعض الشئ هناك لكن فى روح ظاهرة اتمنى انا تستمر
3arfa ya bent elmansoura
enty msh 3arfa ay a7aga fi ay 7aga
akid 2areetymaqal li abdallah kamal; aw osama saraya we ba3deen bahat 3aliki keda
shamtana en feh na bt2ol e7na muslemeen we moqawma mato
msh 3arfa en dool homa elly wa2feen li israel zay el lo2ma filzoor
we n 3abas elkalb da khayen we 3ameel
ya reet abl mat3mili ay post keda
te2ry el2awel
3ashan feeh nas btshoof da
we momken tsada2
s.m
=======
سورى يا نودى بقى ما هى المدونة زى بيتى ولا ليكى كلام تانى
بس بوجهه كلامى للخ او الاخت والله مش عارفه اولا اهلا بيك
ثانيا يا ريت تشترك فى منتدى شباب فلسطين علشان تعرف الاخبار هناك
ونعرف كلنا ان المشاكل بين بعض من القيادات مش باقى الافراد بدليل ان الفتحاويه وبتوع حماس عايشين كويس مع بعش
ومفيش اى مشاكل واللى بيتقال ده اى كلام وملوش برضه اساس من الصحه الا اذا انت شوفت بعينك
الشباب نفسهم انتبهوا ان فيه خونه بينهم سواء فى حماس او فتح
وبدأوا يصفوهم على فكره
وينتبهوا على حالهم جميعا
ده بجانب حاجه كمان
ان فى الحرب فتح وحماس وقفوا مع بعض
يعنى الموضوع منتهى
نودى بالنسبه للاخوان
ساعات بيعملوا حاجات عارفه الناس اللى سنها صغير فى الاخوان كويسين وهدفهم كويس العيب فى الكبار اللى دماغهم مش عارفه ماشيه ازاى وبتمشى الاولاد دول
والشباب الصغير لما بينتبه لنقطه المصلحه الشخصيه او الهدف اللى بيخالف مبادئه بيبعد
اما يروحوا يهنوهم فى اى مكان يا ستى ما يروحوا شعب فلسطين مش زينا عمرهم ما بيبصوا لده ابدا الناس دى حاله بقى صعب اوى وقوتهم غريبه لو اقولك يا نودى اننا اخدنا قوه من الشباب اللى زورناه مش هتصدقى بجد مش احنا اللى كنا بنواسيهم ده هما اللى كان فاضل شويه ويطبطبوا علينا
معلش يا نودى انا طولت فى القعده عندك بس دى اخر حاجه
S.M
هما المشكله انهم بعد الحرب ما خلصت اول رجعوا تانى بهاجموا فى بعض
على مسمع ومرأى الفضئيات
المفروض الصفوف تتوحد ويحددوا اهدافهم ويجدوا وسائل لتحقيق الاهداف
مش جعجعه وخلاص
تحياتى
ahmed elshibly
يعنى ايه مش عارفه حاجه فى اى حاجه؟
هو انا علشان مختلفه معاك ابقى ما بعرفش حاجه؟
طب مافيش احتمال ولو واحد فى المليون تكون انت الى مش عارف حاجه؟
يا ما ناس عاشت تحارب علشان قضايا كانت فاكره انها على حق
وبعد كده اكتشفوا انهم كانوا بيدافعوا عن وهم
وعلى فكره انا ما بتأثرش برأى حد
لان عاندى عقل وبفكر بيه
واعرف افرق بين المقاومه المدروسه وذات الفائده
عن الجعجعه وفنجره البؤ الى بيروح ضحيتها الابرياء ويارت بيستافدوا حاجه
~*§¦§ Appy §¦§*~
اولا انا متابع للاحداث اللى بتحصل هناك جدا عن طريق اصدقاء وعارف اللى بيحصل ولما قولت وجهت نظرى كانت عن اقتناع بجد والدليل زى ماهو واضح انه فى حاليا خلاف ظاهر تانى على الساحة عقب الانسحاب وكل واحد من الفرقتين بيدور على مصلحتة وسيطرته على القطاع وبعدين اللى مات من حماس وفتح ولا افراد مدنين عادين وكلهم اطفال ونساء وعجائز
....
وبعدين اى منطق مقاومة يقول ان كل القيادة هربانه فى دول تابعة او شيعية هتقول انه لازم يحموا نفسهم من الاغتيالات لية بقة يهرب ويعرض غيره دا هروب فى وجهت نظرى احمد ياسين فضل على ارض فلسطين وهو عاجز مهربش الى انا ربنا اكرمه بى الشهادة وعلى فكرة والدى الله يرحمة شارك فى حرب 73 وكان فى الثغرة والقائد اللى كان معه معملش زى غيره وسبهم وهرب الموضوع انته عاوز تناضل يبقة مقوماتك جهازة لى الحرب مش يبقة معايا حجر مقابل دبابة ولا رصاصة مقابل ار بى جى وبعدين فى حاجة اسمها عامل التوقيت يعنى العالم كله بيعانى من ازمة اقتصادية رهيبه وفى عاملة فى مصر دلوقتى الشركات بتفصلها علشان تخفيض للمشاكل دا حسن الاختيار من حماس بقة وهى كانت من قبل الازمة بتعانى من ازمة وحصار .و علشان المقاومة تستمر مش تبقة اده فى ايد وشخصيات تتحرك على اهواء سورى فى اللفظ زى الانعام يعنى اية اللى حماس او فتح اكتسبوه من المعاركة حتى بعد خروج اسرائيل ولا اى حاجة اطلاقا غير موت اطفال وتشريد اسر وكمان التسبب فى فى حالة عجز ومرض نفسى للاطفال والشباب ...
دا راى تانى وان اختلاف معاك فى وجهت مش معنه اختلاف على الشخصيات واتمنى فعلا نكون اصدقاء لكن فى النهاية انا كنت مشارك مع اختى لينا فى حملة الدفاع عن احداث غزة وفعلا اتصدمت من فكرة الغرب عننا وان المسلمين سورى تانى اقل من الحيوانات والابادة افضل حل علشان العالم يعيشوا فى سلام دا اللى صدمنى لان الفكرة اللى بتترسخ من افعال حماس وفتح بتوصل كدا ... نودى متزعليش مننا اننا اقتحمنا منك المدونة بس انتى فتحتى موضوع بجد حلو ومحتاج منقاشات كتيرة اسف على الاطالة
m s
=======
عموما اختلافنا على راي نودي ظاهره صحيه ولا يعنى تكليفهم اكتر من طاقتهم
وفى النهايه انا وانت وغيرنا بنقف مع المظلوم وهى دي روح الشعب المصري عموما
موضوع التحليلات وجهات نظر اختلفنا اتفقنا احنا اخوات فى النهايه
انا كمان بتصدم زيك بالظبط فى موضوع مهاجمتهم لبعض ومضايقنى
بس لو على الثغره واللى حصل
اقولك كلمه قالها زمان اوي هتلر قال ادينى عقل المانى وسلاح روسى وجندي مصري وانا اغزو العالم يعنى فى النهايه مفيش زي المصريين فى بسالتهم لدرجه ان اسرائيل نفسها كانت بتستغرب من شجاعه المصرين فى الحرب بس احنا كان عندنا امكانيات كتيره
موضوع الشيخ ياسين الله يرحمه ده شئ تاني لانه كان رمز ومكنتش فى فتره معينه تقدر تغتاله اسرائيل زي ما عملت لان الشعب كان هيقوم عليها بس لما اسرائيل قدرت تعمل الانقسام اللى احنا شايفينه ما بين فتح وحماس قدرت تغتال رمز زي ما بتعمل دلوقتى وزي ما اغتالت عرفات لانى مؤمنه انها اغتالته فعلا مش مات كده وبس
نودي مش هتزعل دي بنت بلدي وعمرها ما تزعل من النقاش وده كويس يمكن بفتح نقط غايبه عننا او انا اقتنع فى بعض النقاط بوجهات نظر الاخر
وحتى لو اختلفت فالاحترام موجود يا فندم ويشرفنى انكش فيكم جميعا مع وجود الاحترام واهو كله بيستفيد وبيشغل صواميل مخنا
وعموما ابقوا شوفوا المدونه اللى عملنها علشان اهل غزه والقضاء عموما على اسرائيل اسمها العداله
وشكرا بجد على الحوارات المفيده دي ليكي ولنودي وانا فعلا زرت مدونتك وعارفه انك مع المقاومه ومش زي بعض الناس ضد انما انتم قلبكوا وجعكوا زينا على اللى استشهدوا وخاصه الاطفال
APPy ,S M
اهلا بيكم بجد وانا والله سعيده بمناقشتكم
اولا لانها مناقشات محترمه ومهذبه
ثانيا لانى مؤمنه بمبداء انا اختلف اذن انا موجود
وحتى لو احتلفنا يبقى الاحترام والود بينا
بس والنبى بلاش انتوا الاتنين تجيبوا سيره ابهاتكم الى حاربوا فى 67و73
بلاش تحسسونى بالنقص
انا بابا عنده 44 سنه
عيب عليكوا بجد
هههههههههههه
نورتونى
عجبنى تشبيه سمعته كان بيقول
فتوه على اول حارتنا مش سايب حد عمال يلطش فيه .... اروح اجر شكله ولا اتدرب واقوى نفسى علشان اقدر اواجهه ؟؟؟؟
اعتقد ده اقرب شىء للموضوع بين حماس واسرائيل
وللأسف ليست حماس وحدها تدفع ثمن جر الشكل وانما اكثر من 1400 شهيد دفع الثمن غير الاف الجرحى
اللعبه كبييييره جدا فوق ما الكل يتخيل
واللى كان بيلعب اللعبه ايران من بعيد لبعيد وكان هدف منها مصر
لااله الا الله
حسبى الله ونعم الوكيل والله اعصابى تعبت من الصور دى
عايش ولكن
اهم ياسيدى بيروحوا يجروا شكل الفتوه
وفى الاخر الناس تدفع التمن
ويطلعوا يقولوا انتصرنا
ناس معندهاش دم
نورتنى
البت المشمشيه
حسبنا الله ونعم الوكيل فى الى كان السبب
سواء اسرائيل ولا حماس
تحياتى
خلاص يا نودي متزعليش يا ستى ربنا يخلى بابا يا رب ليكي وبلاش سيره الحرب امشي يا حرب
بجد انا اللى سعيده انى بتناقش مع شباب زي الفل فاهم يعنى ايه احترام الاخر ورايه
وده بيدينى انا امل شخصيا فى ان البلد دي ممكن تتعدل
تحياتى واحترامي ليكم جميعا بجد لكل من اختلفت واتفقت معاه
salam again
3arfa ya nody
israel keda 3agbany 2awy
zay ma garet el3alam kolo en howa ysada2 en 7amas erhabeya
e7na kaman sada2na
nas mt7asra we mssh la2ya takol
t3mil eih
3arfa kaman
elnas bt2ol en ana erhaby
wallahi zay maba2olik keda
kol 7ad hena bykhaf yeza3alny
khayef a2telo we amawet nafsy we adkhol elganah ma3a 70 virgin women
homa shayfeen keda
we e7na bada2na e7na kaman nshoof keda
en e7na erhabeyeen
3arfa kaman
ana msh za3lan menek en enty 3amla elpost da
ana za3lan 3aliki
bgad wallahi
we 3alaia
we 3ala masr welmuslemeen kolohom
by theway
ana asef 3ala my sillt comment
~*§¦§ Appy §¦§*~
انا سعيد جدا باملناقشة دى والله لانها بتفتح رؤا ممكن تكون غيبة عنا
( اقولك كلمه قالها زمان اوي هتلر قال ادينى عقل المانى وسلاح روسى وجندي مصري وانا اغزو العالم يعنى فى النهايه مفيش زي المصريين فى بسالتهم لدرجه ان اسرائيل نفسها كانت بتستغرب من شجاعه المصرين فى الحرب بس احنا كان عندنا امكانيات كتيره ) هى دى النقطة اللى انا اقصدها اننا كعرب كلنا بنعتمد على العنصر البشرى او الفرد المقاتل بس وجيشنا بيقوم حاليا على كدا لكن ربنا قال واعدوا لهم ما استطعتوا من قوة ومن رباط الخيل يعنى معنى الاية استعدوا بكل امكانيتكم
مش زى ماحصل من حماس دى من وجهت نظرى استهتار بمقدرات شعب مطحون
شكرررررررررررررا اوى يا نوادى على حرية التعليق عندك وشكرا ليكى ~*§¦§ Appy §¦§*~على الاختلاف المحترم جداااااااااا جدااااااااااااااا فى الاراء وسعيد اوووى وربنا بوجودى معاكم ومتزعليش نوادى مش هنجيب سيرة الحرب تانى هههههههههههههههه وربنا يحفظلك والدك يارب من كل شر وسواء
appy
ربنا يخليكى انتى ياجميل
ويبعد عن كل الناس الحرب ودمارها
ويارب يدوم الاحترام بينا وبين كل الناس
منورانى دايما
AHMED ELSHIBLY
وانا ماقلتش على حماس ارهابين ولا شمتانه فيهم
لان اولا مافيش حد بيشتم فى نفسه
لان المسلمين كلهم جسد واحد
انا زعلانه على الناس الى ماتت واتشوهت
واتصابت
وكله بلا فائده
ومن هنا للصبح هاقول ان بلا فائده
والتاريخ هايقول كده
مش علشان حماس مقاومه اسلاميه يبقى كل حاجه بتعملها صح
لا والف لا
فى عقل
وفى ناس هما امناء عليهم وها يتسألوا عنهم يوم الدين
يارب تكون فهمت انا اقصد ايه
نورتنى
S.M
شفت بقى ديموقراطيه اكتر من كده ؟
طب بذمتك انا مش اجدع من كل الديموقراطين الى فى الدنيا؟
ههههههههههههههه
ربنا يخلى لك باباك وتغظنى بيه ياسيدى
شرفتنى بوجودك
nody_1987
هههههههههههههههه
طبعا ماشوفتش ديمقراطية احسن من كدا ربنا يوفقك وتستمر عليها ومتعمليش زى بعض الدول بتمارسها بى الكلام ههههههههههههههههه لابهرج على العموم والله شكررا ليكى على اتاحة الفرصة لينا كلنا نقول ارائنا ودا اجمل حاجة شدتنى انى اتابع المدونة وفعلا هى جميلة ربنا يديم عليكى التوفق اختى العزيزة ...
اوعى تطلعى من توريل علشان احنا قررنا نعزل من المنصورة ومتخافيش مش هغيظك بوالدى كتير بس ادعى لية برحمة والجنة ياااااااااااااااااارب
ٍS.M
لا ياسيدى انا مش من توريل
فى حد يعزل من توريل بارضه؟
ربنا يرحم والدك وسائر المسلمين
تحياتى
ماشى لينا ملاحظات على سياسة حماس
بس ميصحش ان احنا نقول كام مليو ومتاجرة والكلام ده
احنا للاسف سيبنا العدو واتكلمنا على المجاهدين اللى بيموتوا فدى ارضهم
ارجو تقبل تعليقى مع العلم انى ليا ملاحظات على سياسة حماس
فين النصر الي قالو عليه
ضرب و تدمير غزه
ولا الاف الشهدا والاف الارامل اليتامي
ولا الاف العجزه و الاصابات الخطر
اي نصر في بلد محتل و شعب بيموت كل يوم
فعلا الكل خسران
لكن ظهرت معطيات جديدة للمنطقة
كل مجموعة لها هدف -لكن لو أنهم جميعا اتحدوا وكان الهدف واحد وهو تحرير الارض
ما سمعنا كثيرا من المهاترات واللغو
اذا كان الهدف واحد يجب أن تكون هناك مجموعة واحدة للمقاومة
،،،
حسبي الله ونعم الوكيل في كل من تاجر أو استغل القضية والموقف لتحقيق نصر لنفسه أو عائد مادي أو حتي معنوي
تحياتي
arsenalwy
والله مش انا الى قلت
قاده حماس هما الى اول ما طلعوا بعد مجزره غزه
فضلوا يتكلموا عن الاعانات وقرفوا الدنيا
علشان مش عاوزين اى فلوس تروح بااسم فتح
نورتنى
emy
نصر الحناجر الرنانه
هو ده النصر
فى اكتر من كده نصر بذمتك ياشيخه؟
تحياتى
hasona
فعلا حسبى الله ونعم الوكيل فى كل من اعتبر الدمار نصر
وتاجر بيه
تحياتى
عفوا
مش عارف ليه حضرتك متحفزة كده
ثم اريد ان اعرف ما هي الصورة المثلي في نظرك للرد علي اسرائيل
كلامك معكوس بطريقه غريبة
يعني بعد اللي حماس عملته في انها صمدت امام رابع الة عسكرية علي مستوي العالم يبق يده مش انتصار
ان سقف احلام اسرائيل ينخفض من ابادة حماس للمفاوضات معاها ده مش انتصار
يعني ايه
حماس تعمل ايه يعني
بلاش حماس
المقاومة تعمل ايه
ليه بنفترض سوء النية
ليه احنا بنتأثر قوي كده بالاعلام
نعمل زي عباس
نقعد نعمل مفاوضات وفي الاخر لا نحصل علي شي
نعمل زي دحلان
امال ايه
في الشرف فين معاني المقاومة
الناس ذي استشهدت علشان رجالة
انتوا بقي مستكترين عليهم كده
يعني انتوا بتقولوا انهم غلطانين
محدش من اهل غزة اعترض
الناس دي كلها مؤمنه بالمقامة
ممكن حضرتك تقري تاريخ وتقري الواقع صح علشان تعرفي
الاستاذ // fahd
بعد ازنك يا نوادى لو سمحتى
حاضريتك اللى شايف الايه بالعكس تقدر تقولى اللى حماس عاملته غير قتالا وجرحة فى صفوف المدنين العزل وصمود دااللى انته شايفة على اساس اية على اساس اننا مشوفناش بعنينى الجرح والمقتولين فى المستشفيات تقدر تقولى حماس صمدت بى الحجارة قصدك بالصواريخ اللى على كامها وقعت كام زجاج فى بيت اسرائيل ومعملتش اى اصابات بشرية حتى لو فى كلها سطحية اى منطق يقول الناس محاصرة وهتموت من ازمة والعالم مطحون اقتصادى وبقدرة قادر عباقرة حماس شفوا التوقيت دا اللى صح راحوا لمين الحجارة والعصيان على اساس ان دا قول الله تعالى واعدوا لهم ما اسطتعتوا يعنى هى الاستطاعة العصى والحجارة اى منطق يقول الاف االعاجزه مقابل اكتساب الفتت واللى حماس مش كمان لاقيها لا وبترسقه وتقولى انه مش هيوصل ليهم اى منطق يقول ان حماس بعد الخنزير مايخرجوا يقتلو اخوانهم من حركة فتحالمسلمين اللى زيهم لا قبل الحرب يسبهوهم فى السجون وقت الاكتساح دى سيطرة على القطاع كلها مصالح ايوا انا معاك ان عباس فضل يناقش وهيناقش وعمره ما هيتوصل لاى نتيجة لكن لما تحب تعمل حاجة مترميش وتهرب كام واحد من قيادى حماس موجود اساسا فى غزة كلهم هربنين فى سوريا او لبنان
يعنى الاتنين ايران شيعة يعنى كلها محاولات فرض سيطرة ورسالة تهديد من ايران للموجودين اصحوا العراق ابيادة وانا هخلص عليكم اقراء انته تانى اقراء انها فرض سيطرة من ومصالح وكلها اهواء او لعب فى ايدى ناس عرائس متحركة بتتوجه وبس والله حماس ما بتدور فى التوقيت دا على الافراد المدنين لكن كل همها انها تزيح فتح وتبقة هى المسيطرة لو شوي فكرت ولاقتلك صديق فى فلسطين يمكن تفهم الوضع ماشى ازى مش زى ما قولت لنودى احنا ماشين ورا اعلام بلاش انته الاعلام المعى عندك دا وفى فى الوضع من كل الاتجاهات يمكن تعرف انها كانت مصالح
انها تدوينه خارجه من لسان كل عربى محترم
احتررررررم حضرتك جدا
فعلا
الناس دى معندهاش دم
ة تقوليلهم ماحدش انتصر يقولولك لا المقاومة انتصرت طالما العدو ما حققش اهدافه بالقضاء على حماس..على اساس ان اسرائيل لو عايزة تبيد حماس مش هتعرف مثلا
كان فى تحليل حلو اوى فى المصرى اليوم خلاصته ان اسرائيل اكبر مستفيد من الانقسام الفلسطينىيعنى مش من قوة المقاومة اسرائيل حسرت.من خيبة العرب اللى بيهللوا لاى حد..و الخاسر الوحيد هو الشعب الفلسطينى و الاطفال العزل
مممممممممممممممممممممممم
اية الغيبة الطويلة دا فين البوستات الجديدة اتمنى يكون النت اللى مرخم وتكونى بخير يابنتى بلدى
ومتتاخريش
حماس فتحت باب مابتقدر عليه. اسرائيل مصره مافي تهدئه من غير جلعاد شاليط. يعني علي نفسها جنت حماس. انا ماقادر افهم كيف انتصرت حماس رغم موت الالاف وانهزمت اسرائيل رغم موت 7 بس.
بعد التحية والتقدير لعقلية كاتب المقال..
نصيحة أبوية .. عشان تفهمي وتقيمي أى وضع .. يجب تحييد الحالة النفسية وكل المؤثرات الخارجية والداخلية .. بإختصار لما تختاري تكوني حكم أو قاض وبإرادتك فى قضية ما فالحكم لا يصدر هكذا بدون الإحاطة بكافة جوانب القضية وإلا لأصبح كل القضاة مقصرون فى أحكامهم و بإرادتهم
لن يستقيم فكر متعصب أو جاهل
إرسال تعليق