الجمعة، 6 مارس، 2009

صحتنا عمرها ما كانت أمانه

صحتنا عمرها ما كانت أمانه علاقتى بالتأمن الصحى المصرى لا تتعدى عن التصريح الى كانت ماما بتعمله ليه من المدرسه بحجه اننا رايحين التأمين
وطبعا ما اروحش واروح البيت اذاكر علشان كانوا بيشددوا فى الغياب
انما أروح التأمين أكشف كلا البته
بس حكمت الظروف انى أروح التأمين الصحى مع جدتى
اليكم بعض الى حصل
المشهد
أنا وجدتى قاعدين مستنين دورها ف عمل رسم القلب والاستراحه ممتلئه بالناس
مستنين دكتور المخ والأعصاب الى طبعنا متأخر عن معاده كتير اوى
وفجأه جه الدكتور
والممرضه تزف البشرى بعض للمرضى الى جاين يعرضوا عليه نتايج الأشعه
انه وافق يتغاضى عن العدد وها يسمح لهم يدخلوا له بعد مايخلص المرضى الى جاين يكشفوا
وطبعا انا مش فاهمه
بس لقيت الناس الى معاهم اشعه فرحوا
ولقيت سيدتين منهم بيتكلموا مع بعض وواحده منهم عماله عماله تقول الحمد لله
ربنا يهديه يارب
أنا الفضول بداء ياكل فى قلبى
عاوزه اعرف ايه الموضع بس أنا كوبه اوى مع الناس باره ما بحبش اتكلم مع حد بحب اقعد فى حالى
بس خلاص مش قادره عاوزه اعرف تقصد اعرف هما فرحانين ليه وليه بتدعى ربنا
وتقصد ايه
خلاص بقى يابت يانودى تشجعى وأسئليها وقد كان وتشجعت نودى ويارتها
وهاتعرفوا ليه
انا هو يعنى ايه يامدام انه ها يه يتغاضى عن العدد ويسمح لكم بالدخول
هو مش انتم جاين تكشفوا ولازم تدخلوا؟
هى احنا جاين نورى له نتيجه الاشعه الى كتب لنا نعملها
وهو ما بيقبلش اكتر من24 والمرضى الى جاين يكشفوا 24
والى معاهم نتيجه الاشعه دول بالرغم انهم مش هايهايخدوا من وقته اكتر من
نص دقايق كلهم الا انه ممكن مايرضاش يقابلنا
أن ليه ؟
هى علشان هو ليه عدد معين
أنا يعنى يروحكم؟
قالت اه عملها كتير دا حتى الاسبوع الى فاتت روح ناس مرضى مارضاش يكشف عليهم وطردهم من الاوضه
بتاعه الكشف وكان فيهم واحد معوق والناس اترجوه علشان هما من بلاد تانيه ومع ذلك مرضيش وفضل يشخط فيهم
أنا يسلام ليه يعنى هما خدامين عند الى جابوه دا هو كمان بيجى متاخر وفيها ايه لو كشف على اكتر من 24 واحد بدام هو لسه
الساعه ماجتش اتنين
هى لا حتى لو لسه فى وقت بيقفل على نفسه وما بيكشفش على حد الحمد لله النهارده هو رضى يشوف الاشعه بتاعتنا
ربنا بس يهديه ويرضى يكتب لى انى اعمل اشعه رنين مغنطيسى
أنا هو حضرتك محتاجه رنين مغناطيسى؟
هى اه يابنتى انا فقرات ضهرى تعبانى ومأثره على رجلى وهو مارضيش يخلينى أعمل غير أشعه عاديه
ودكتور الاشعه قالى يامدام حاله حضرتك تستدعى رنين مغنطيسى بسهو مارضيش
قالى لا مش هاتعملى غير دى ولو عاوزه رنين مغنطيسى اعمليها على حسابك ولما قلت له مش مقدرتى ادفع 700جنيه قالى هو كده بقى
أنا ( وكنت خلاص الغيظ هاينط من عنيه ) اعمليها باره؟؟؟
امال لازمه التأمين ايه وبعدين وهو ماله هو هايدفع الفلوس من جيبه؟
وبعدين فقرات ضهر ايه الى يتعمل لها اشعه ابيض واسود ههو انتى بتقولى له دراعى مجزوع؟ هو البعيد ما بيفهمش ؟
دا معنى انها أثرت على رجلك يعنى معنى كده ان الفقرات السفليه تعباكى ومش اقل من فقرتين
واكيد انتى ماشيه على مسكنات ومسكنات العضم دى بتتعب المعده وفيه حقن مضره للكبد المفروض تاخدى علاجك بسرعه او لو فى عمليه تعمليها ارحم من العذاب الى انتى فيه ده ووكل ده مش ها يتحدد غير لما تعملى اشعه مقطعيه او رنين مغنطيسى علشان بيبن فى ايه
هى ها نعمل ايه يابنتى كل حاجه فى ايده
أنا حسبى الله ونعم الوكيل ليه يعنى هو بتأمر على الناس كده دا اتعلم بفلوسهم وبيقبض مرتبه من فلوسهم بارضه
ماحدش هنا بيشحت منه هو موظف عندهم مقابل الفلوس الى بتتخصم منهم علشان هو وامثاله يعالجومهم
وفى أثناء الحديث قاطعنا رجل مسن
هو يابنتى هو بس الدكاتره الى ما بيسعفوش المريض دا حتى الدوا يابنتى ما بيسعفش
أنا أزاى؟
هو انا يابنتى عاندى صمام فى القلب تاعبنى وباخد دوا تصدقى بالله يابنتى ما بنام خالص لما بتعب
الدوا الى بيصرفوا ليه الماده الفعاله الى فيه ولا بتعمل حاجه
الدكتور الى باره لما روحت له كتب لى حبوب تانيه فعاله عنه علشان اعرف انام
ووزير الصحه بيطلع يقول ان الدوا ميه ميه والماده الفعاله فيه مافيش بعد كده
ها نعمل ايه بس مانقدرش على تكاليف دكاتره باره ولا على العلاج الشهرى بنضطر ناخد ده
واحنا عارفين انه مش ها يعمل حاجه
ما باليد حيله
انا بصراحه كنت خلاص أستويت منظر الناس وكأنهم بيتسولوا من الدكتور النكره ده جابلى احباط
ايه الى احنا وصلنا له ده؟
ازاى بنى ادم يوصل بيه جبروته انه يتحكم فى اوجاع الناس
ويستخسر فيهم حتى العلاج وهو مش دافع لهم حاجه من جيبه من هو اصلا ولا ايه يكون
بيثبت لنفسه انه صاحب سلطه مثلا؟
طب ما يتشطر على حد اكبر منه مثلا ؟ولا ما بيحسش بنفسه وانه راجل غير لما يذل الناس؟
ده حشره من حشرات الزمن الى يتعالا على الناس ويبيع ويشترى فيهم واحد ناقص
قليل الاصل
انما ده لو كان ابن ناس وعنده اصل ما كانش عمره عمل كده
الناس الى بتروح التأمين دى ناس موظفه يعنى بتشتغل فى الدوله وبيتخصم منهم فلوس مقابل العلاج على نفقه الدوله
من حقهم يلاقوا معامله محترمه وبنى ادمين يكشفوا عليهم مش ناس مقعده نفسيا طبعا (مش كلهم كده فى ناس عندها ضمير بس ده بقى قليل )
ومن حقهم علاج فعال يعتمد عليه
مش شويه بودره محوجه من عند العطار والاسم علاج
لامتى هانفضل كده لا فيه ضمير ولا دين ولا أخلاق
نفسى اعرف هو لو وزير الصحه تعب ولا حد من المحاسيب كده ان شاء الله
هايتعالج فى التأمين وها ياخد الدوا بتاع وزاره الصحه؟
نفسى اعرف ازاى بيجى لهم نوم
وازاى بيحترموا نفسهم وهما عارفين انهم بيكدبوا على الناس ؟
حسبى الله ونعم الوكيل

هناك 33 تعليقًا:

أحمـــــــــــــد أبو العلا يقول...

مهو اللي بيجي التأمين الصحي يعني ميقدرش يروح بره
وميقدرش يعني هو بني آدم عادي ملوش ضهر يتسند عليه
اللي بيشتغلوا في التأمين الصحي بأه -كتير منهم بس مش كلهم- بيعتمدوا على النقطه ديه وبينسى أنه دكتور مش سمسار.

بس الموضوع محتاج حاجتين:
1. رقابه
2. أن الناس متسكتش على حقها وتطالب بيه

thunder يقول...

معاكى الحق ان الحشرات كتيرة اوى اوى اوى والله ودا لو عنده احساس لا زرة احساس كان يقدر التعب اللى الناس فيه ويقدر ابسط شئ عامل السن فعلا كلمة حيوان قليلة علية ولا والله كاننا بنشتم الحيوان لما نشبة وضيع زى دا بيه فعلا حسبى الله ونعم الوكيل فيه عارفة لو ان الدعاء على المؤمن حرام كنت اتمنى انه يكون زى مريض واحد ويجرب بس استفغر الله احنا مش من طبعا الدعاء على العموم ربنا مطلع عليه واكيد يمهل ولا يهمل حسبى الله ونعم الوكيل بجد فية وكل واحد من شكلته وعينتة الوضيعه دى

nody_1987 يقول...

احمد ابو العلا

المفروض وده فى الدول المحترمه
ان كل واحد له تامين صحى يستفاد منه
يعنى زى امريكا كده

انما زى ما انت عارف كده الواحد طلعت عينه بس علشان نعمل رسم قلب

وفعلا لازم الناس تطالب على حقها وتبطل الخنوع ده
هما ما بيشحتوش منهم ده حقهم

nody_1987 يقول...

thunder

والله العظيم لولا انى عارفه يعنى ايه حد فقرات ضهره توجعه وتاثر على رجليه
لاكنت دعيت ان ربنا يجرب عليه
بجد الموضوع مؤلم جدا ربنا يعافى مرضى المسلمين
بس هو الم\فروض دكتور عارف يعن ىايه مرض
وعارف ان المريض ده بيكون مسكين
الموضوع مش محتاج اكتر من ضمير واحساس نحس بيه بغيرنا

Bondoka يقول...

هو كده المصريين غلابه ومافيش حد بيسال فيهم
والدكتور ده لما اشتغل فى التامين كان عارف انه ولا عليه اي مسؤليه ولا حد هيحسبه على الناس دى بيعمل فيهم ايه

والاشعه اللى كاتبها دى مايقدرش يكتب غيرها لان دى بس اللى فى سلطته ودى بس اللى يقدر يكتبها

اصل التامين الصحى ده نظام موظفين يعنى لوائح وتعليمات ولو شالوا الدكاتره وحطوا دبلومات ولا هتفرق حاجه
لانهم عارفين الرتبه الفلانيه" ممارس , استشارى , اخصائى" كل واحد معروف بيطلب تحاليل ايه وايه الدوا اللى مسموحله انه يكتبه

وحسبى الله ونعم الوكيل فعلا فى ادويه التامين والسرقه اللى فيها
الدوا ده فعلا ولا بيعمل حاجه والماده الفعاله فيه اقل من النص
وحرام عليهم بيغلوا اسعار الدواء بره بدون مراعاه للمرضى الغلابه

والله الواحد بيدعى ربنا يخلص منهم كل اللى بيعملوا فى الناس ده
عشان كده حراااااااااااام
والرسول عليه الصلاة والسلام قال: كلكم راع وكلكم مسؤول عن رعيته

Bondoka يقول...

نودى انا بعت الدعوه ياترى وصلتك؟؟؟؟؟؟؟؟؟؟

مسدس صغير يقول...

ايه اللى بيوديكى الخطر الصحى ده؟
تأمين؟؟
قال تأمين قال.
من زمان واحنا بنستنى الفرج واللى الناس متعرفهوش ان فرج غرق فى السفينه وكل عام وانتم بخير.
ربنا يتولانا...
اشكرك على البوست
تحيتى وخالص دعائى للجده بالشفاء العاجل.

زوجة عنيدة يقول...

شوفتى انتى قلتى اية حسبنا الله ونعم الوكيل

احنا مفيش فى ايدينا نعمل غير كدة

بس معلش زى ما نقول السوء لازم نقو الكويس

انا والدتى ربنا يديها الصحة كانت مريضة فى حالة متأخرة

بعد علاج على حسابنا فى مستشفى خاص
وروحنا بيها البيت

وبليل الساعة12 لاقيتها تعبانه اوى
اخدنها انا وبابا وبسرعة على مستشفى التأمين الصحى
اخدوها بسرعة وحاولوا يعالجوها
(كان عندها مشاكل فى اللوزتين)
فسد التنفس عندها وبسرعة على غرفة العمليات وعملولها تنفس صناعى وباتت فى العناية المركزة
وقبل ما نمشى دخلت اطمنت عليها
وحاولت ادى الممرضة فلوس عشان تهتم بأمى ولكنها رفضت اوى وزعلت كمان

وكانت راعية لامى تحفة والنظافة اكتر من رائعة

ودى تجربتى مع التأمين الصحى

والصراحة كانت مش وحشة امى الحمد لله بخير

تحياتى ليكى

حياة يقول...

هو فاقد الدين والضمير والإحساس بآلآم الناس الي محتاجين انهم يشعروا انه إنسان قبل مايكون دكتور .. وبما انه مافيش رقيب عليه يحاسبه ومش مؤهل فبيتصرف من منطق انه مافيش زيه وانه هو الوزير والمدير والدكتور .. وتصرفاته ديه علشان لما يعطي دواء مش فعال أو خطأ المريض مايناقشهوش أو يطالب بحقة .. أو يشكتكيه .


مع أن المفروض انه يبقى التأمين الصحي لموظفين الدولة الي افنوا عمرهم في مصالح الدولة واقتطعوا من مرتباتهم على اعلى مستوى من الرعاية لكن العكس صحيح .. مع العلم ان اموال التأمين الصحي تكفي لإنشاء مستشفيات تضاهي مستشفيات التأمين الصحي بالخارج .. لكن مافيش ضمير .

لكن لوكان ممثل أو مطرب .. فوزير الصحة بيأمر على علاجه في الخارج وفي الداخل على نفقة الدولة وعلى اعلى مستوى من الرعاية في مستشفيات فايف ستار .. حيروحوا من ربنا فين

حسبنا الله ونعم الوكيل

أطيب وأرق تحية
دمتي بكل سعادة

MaNoO يقول...

هبدا من النهاية ازاى بيجيلهم نوم وهما عارفين انهم بيكدبوا على الناس طيب دا بالذات ازاى بيجيله نوم وهوا عارف ان فى ناس بتموت بسبب استهتارهم وقلة ضميرهم تعرفى ليه بيناموا لانهم بيحكموا شعب من المريخ مش الشعب المصرى اه والله شكلهم كدا اصل اما واحد يطلع يقول معدل النمو بيزيد والشعب بيتخانق على العيش والغاز يبقى اكيد علطول دا بيتكلم عن شعب تانى وعجبى والله ربنا يخلصنا من كل ظالم

Appy يقول...

انا جربت ده مع نانا برضه
وحرمنا يا بنتى خلاص ادفع اكتر بكتير بس ميجيش ليه كل الامراض
مش هنقول الدوله مبتتحملش حاجات اكيد بتتحمل بس المشكله فى طريقه التنفيذ يا نودي ومرتبات الدكاتره فى التامين اي كلام
وبكده بيدوا على قد ما بياخدوا حاجه قرف يعنى

nody_1987 يقول...

bondoka

والله هو يقدر يكتب
اى نوع اشعه وده بيحصل لما بتكون فيه واسطه ولا معرفه وانا شفت ده بعينى
بس تقولى ايه ناس لا عندها ضمير ولا حتى احساس بغيرها

nody_1987 يقول...

bondoka
معلش نسيت لو تقصدى دعوه الايميل اه وصلت

nody_1987 يقول...

مسدس صغير


الى ودانى ياسيدى جدتى دماغها كده
نعمل ايه بقى
بس هى حرمت

ربنا يخليك ومرسيه على دعوتك

nody_1987 يقول...

زوجه عنيده

انا قلت اان مش الكل وحش
فى ناس كويسه
بس ده قليل جدا
الظاهر الضمير بقى عمله نادره

في حب مصر يقول...

الحمد لله التأمين الصحي عندنا هنا في ابوظبي مغطي كل حاجة والدكاترة اصلا بيتلككو ويطلبوا اشعة لانها بفلوس كتير حتى لو حالة المريض مش بتسمح بيطلبوا من اشعة وتحليلات وكله على حساب التأمين

اما الوضع في مصر فالتأمين مش هيكون افضل من باقي المصالح الحكومية اللي بتعمل نحن شعار
فوت علينا بكرة يا سيد

وتحياتي يا قمر المنصورة
ومبروك فوز الزمالك الاخير

nody_1987 يقول...

حياه

طب دول الفنانين ولعيبه الكوره

فخر مصر
يتعالجوا باره على نفقه الدوله

انما الموظفين؟؟؟؟
لا خالص
يموتوا احسن
بيعملوا ايه يعنى

يالا حسبى الله ونعم الوكيل

nody_1987 يقول...

appy

واحنا خلاص حرمنا ههههههههه

على فكره الدكتور الى فى التامين وعلشان مرتبه قليل ومش عارف يراعى ضميره بسببه
يسيبه
فى غيره عنده استعداد يراعى ضميره بنفس المرتب
وخصوصا الدكاتره الصغيرين الى بيبقوا متبهدلين فى الوحدات الصحيه فى الارياف

nody_1987 يقول...

فى حب مصر

ياللهوى علشان تعرف انها مباركه مش خالصه لوجه الله اهم اتغلبوا

وبعدين انت جاى تغيظ فينا علشان انت فى ابو ظبى
خلاص الى يتعب ابعت خده يتعالج عندك
هههههههههه
نورتنى

nody_1987 يقول...

MANOo


اسفه كتير انى ما اخدتش بالى انك معلق
بجد سورى

هما فعلا بيناموا بنموم


واكيد مش منوم من وزاره الصحه
لانه فعال
نورتنى

الشاعر الحزين يقول...

نودى
أول تعليق ليا فى مدونتك الجميله
بجد مواضيع كلها جميله جدا وشيقه والى الأمام دائما
تحياتى لكى

hasona يقول...

بصراحة مافيش مؤسسة في الحكومة
تقوم بدورها علي وجه أكمل

hasona يقول...

السلام عليكم ورحمة الله وبركاته

قمة الاستهتار والذل والتحكم في مصائر الناس
عندما نتعامل مع موظفي القطاع الحكومي

يمكن لأسباب كثيرة

ويمكن الذل اللي بيشفوه من الحكومة بيطلعوه علي الناس

بلا رحمة
ولا تفريق بين حالة وأخري
الشخص منهم بيحسسك انه بيمن عليك بما ليس من حقك
ويمكن في بعض الحالات وعن طريق واسطة لو قدر يعطيك مافي الصيدلية ( وهو ليس حقك) سوف يعطيه لك

عدم مبالاه بألام الناس ومتاعبهم
وعدم احترم للبشر

ربنا يرحمنا جميعا
ولا يوقعنا تحت أيديهم

*البت المشمشية *حلوة بس شقية * يقول...

والله يبنتى احنا غلابة اوى
فيه ناس اعرفهم كانو معايا فى المدرسة
كانو بيروحو يتمرمتو عشان مش معاهم حق العلاج والدكاترة برة
والتامين الصحى عامل زى الخرابة بلظبط ومليانة صراصير وبيعملو اللى جاى يتعالج كانهم حشرات ولا يستاهلو واو جايين يشحتو

thunder يقول...

ممممممممممممممممممم ويرك يابنتى بلدى التاخير دا مش بيطمنى اتمنى تكونى بخير ان شاء الله وردى على الناس

زهرة الأمل يقول...

لا حول ولا قوة إلا بالله

هو التأمين الصحى بيحصل فيه أكتر من كدا .. لسه النهارده كنت بتكلم مع صحابى عن واحده دايخه بجد علشان تعالج ابنها ومحدش بيسأل فيها علشان ملهاش ضهر تتسند عليه فمحدش من بتوع التأمين معبرها ومبهدلينها ..

هو دا حال التأمين الصحى ..

mosooz يقول...

هو فعلا اى حاجة من طرف الحكومة
بتبقى ..أى كلام ..ودة
دليل على ان مفيش فى مصر حكومة..وحكومتها فاشلة

فى اى مجال..ولما يكون فى المجال الطبى ..كمان دة تبقى مصيبة سودا

بس لو احنا هنلوم حد مينفعش نلوم الحكومة بس..
ناس كتير بقت وحشة ...معادش فى اخلاق ولا احترام ولا واجب نحية وطنة

ودة يرجع لأسباب الابتعاد عن الدين
..وعن الاخلاق وعن القيم

فلا يغير الله مابقوم حتى يغيروا ما بأنفسهم

وانا لله وانا الية راجعون

ابو المفاصل الواصل يقول...

======================
كل عيد تعيش فى سلام وتعيــــد
وتعلو وتسمو وعلى نفسك تتسيد
ولا يتحكم فيك عبـــــــد ولا سيد
وعن الشرور تنأى بعيدا وتتحيد
وتجود بخيرك لغيرك وتكون جيد
وتصفو وتسامحو لا تكون كيد(بكسر الكاف)
وبالاخلاق والمثل والقيم تتــــقيد
وتقيم جسور الود والحب وتشيد=
=======================

ابو المفاصل الواصل يقول...

======================
كل عيد تعيش فى سلام وتعيــــد
وتعلو وتسمو وعلى نفسك تتسيد
ولا يتحكم فيك عبـــــــد ولا سيد
وعن الشرور تنأى بعيدا وتتحيد
وتجود بخيرك لغيرك وتكون جيد
وتصفو وتسامحو لا تكون كيد(بكسر الكاف)
وبالاخلاق والمثل والقيم تتــــقيد
وتقيم جسور الود والحب وتشيد=
=======================

سجل المزورين يقول...

إلى مدوني مصر الأحرار
السيد الفاضل صاحب مدونة / بنت المنصورة

تحية طيبة وبعد

شباب مصر الأوفياء
أمل الحرية وبناة المستقبل
ندعوكم للمشاركة معنا في
التحالف الوطني ضد التزوير
تحالف يضم كافة القوى الوطنية الموجودة على الساحة المصرية
نهدف إلى فضح وتوثيق كافة أشكال التزوير التي تتم في الانتخابات المصرية
نهدف لنشر الوعي الانتخابي وثقافة المشاركة و مبدءا المساواة والحرية
ندعوكم للمشاركة معنا بالإدلاء بشهادتكم و أرائكم حول تزوير الانتخابات وما هو منشور
ندعوا كل صاحب كلمة حرة للتعبير معنا عن رأيه في هذا الداء وطرح صور للدواء
ندعوا كل شريف حر يستطيع مساعدتنا للمشاركة معنا بما لدية من إمكانيات ومواهب ووقت
و نرجوا منكم المساهمة معنا في نشر إعلانات الموقع والجروب والقناة على مدوناتكم الشخصية في سبيل نشر الحق والعدل ومن باب المشاركة في التوعية والتوثيق لحقيقة هذا النظام المزور لإرادة الشعب
نرجوا ممن يضع الإعلان لدية إبلاغنا عبر أيميل الموقع لوضع أسم موقعة او مدونتة ضمن قائمة المواقع الصديقة لدينا
شاكرين لكم حسن تعاونكم معنا

موقعنا www.sgelalmozwreen.com سجل المزورين

لتحميل إعلانات الموقع هنا
http://sgelalmozwreen.com/images/e3lan-1.gif
أو
http://sgelalmozwreen.com/images/e3lan-2.gif
أو
http://sgelalmozwreen.com/images/e3lan-3.gif

لتحميل إعلانات قناة سجل المزورين على اليوتيوب
رابط القناة http://www.youtube.com/Sgelalmozwreen

الاعلانات
http://sgelalmozwreen.com/uploads/you tube.jpg
أو
http://sgelalmozwreen.com/images/1.gif
أو
http://sgelalmozwreen.com/images/1%5C%27%5C%27%20copy.gif
أو
ولتحميل إعلان جروب الفيس بوك
رابط الجروب http://www.facebook.com/group.php?gid=57329097688
الاعلانات
http://sgelalmozwreen.com/images/11%5C%27%5C%27.gif
والسلام عليكم ورحمة الله وبركاته
سجل المزورين

سفينة يقول...

مساء الخير

ميرسي بجد علي سؤالك

ويارب دايما تكوني بخير

مسدس صغير يقول...

انتى فيييييييييييين من زمان
يارب تكونى بخير
ترجعى بالسلامة
ننتظرك

arab girlscool يقول...

This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
شات انحراف
انحراف
منتديات منتديات عرب كول
غلا الروح
شات غلا الروح
شات صوتي
شات مغربي
قوانين الشات الصوتي
برامج كام وصوت