الثلاثاء، 17 فبراير، 2009

ليه كده

فى حاجه غلط


اه والله العظيم فى حاجه غلط
يا فى الناس يافينا احنا يا اما فيه انا
ازاى يعنى ايران تطلق قمر صناعى محلى الصنع

واحنا أساتذه البحث العلمى مش لاقين يأكلوا

وازاى اسرائيل عندها انتخابات حره ونزيها


واحنا من ارادت ان تثكله امه يذهب الى لجان الاقتراع لانتخاب حد من المعارضه

وازاى عندنا حد محترم زى العالم أحمد زويل والدول المجاوره والدول المتقدمه عننا بمراحل بيجاهدوا علشان يستفادوا من علمه

واحنا لا

ازاى الحكومه بدل ما تتحرك شويه فى مجال الطب والدواء والبحث العلمى وتنشأ مركز بحوث ومصانع ادويه بدل ما احنا تحت رحمه الشركات العالميه

تقوم ماتلاقيش حاجه تعملها غير انها تبداء وتبتز الصيادله الى فاتحين صايدليات صعبان على الحكومه ان فى حد فى البلد دى ممكن يكون له دخلو كويس يعيش بيه زى البنى ادمين بدل كده ماتتشتروا على الشركات الى بتنزل الدوا غالى اصلا ولا حتى تشوفوا

الصيادله الغلابه الموظفين فى المصالح الحكوميه والى مش لاقين
ازاى الحكومه بقت عامله زى اليهودى الى فلس وعمال تدور فى دفاترها وققرت تشيل بعض الفئات الى استفادت من الكادر الخاص للمعلمين بعد ما امتحنوا الامتحانالمهين اياه وقبضوا الفتات الى اتوعدوا بيها


وازاى عاوزين يلغوا المقطورات علشان حوادث الطريق وان السواقين بيكونوا مدمنين

طب ما يحطوا قوانين صارمه محترمه الكل يمشى عليها ويحاولوا يفكروا فى حل المشكله بدل ما يكفروا فى قطع عيش اللاف الناس

وازاى ولد فى انجلترا عنده 13 سنه يبقى اب نتيجه للمارسه الجنس مع بنت عندها 15 سنه وما اسمعش حد من بتوع الاسلام الى بيغتصب الطفوله

يقول ده اسمه ايه؟




هناك 28 تعليقًا:

Eng. Ahmed Abo El-Ella يقول...

لا حول ولا قوة الا بالله

لو فضلتي تفكري كده كتير, هتتعبي
ودلوقتي مفيش تأمين ثحي بيغطي النوع ده من التعب

blue-wave يقول...

دا معناة ان خيبتنا وصلت للعالميه يا نودى

BAsMA يقول...

حسبى الله ونعم الكيل

عارفة ليه كدة: علشان عقولنا غابت ونسين دينا وياععينى علينا منعرف ان كان ربنا بالينا بالحكومة دى رضاه منه ولا سخط علينا

هنعيش طول عمرنا بنقول ليه كدة وابقى قابلينى ان حد عبرنا

تحيا مصر ....قال تحيا قال

nody_1987 يقول...

ENG.AHMED ABO El-ELLa


لا هو ان جيت تدور التأمين الثحى ده ما بيغطيش غير الميتين قبل ما يدخلوهم المشرحه

نورتنى

nody_1987 يقول...

blue-Wave

طب والله كويس ان عندنا حاجه وصلت للعلاميه
حتى لو كانت خبيتنا اهو اسمنا اتصيطنا


نورتنى يادوك

nody_1987 يقول...

BAsMA


انا قربت أشك فى مين الى ربنا بلا بمين
احنا الى بلانا بالحكومه
و لا الحكومه الى بلاها بينا
حاجه نزهق والله


تحياتى

s.m يقول...

اولا الحمد لله انك بخير لانك اتاخرتى اوى فى البوست دا انما انسب حاجة جدا للى انتى كاتبة هو عنوان البوست اللى فات وقاااااااااااااحة فعلا والله لما اخر احصائية تقول ان عدد علمائنا اللى بياثرو فى الحياة العلمية الخارجية 3 مليون دول اللى بياثروا واحنا منعرفش الا القلائل منهم ومش عارفين نستخدمهم كمان يعنى احسن حاجة
حاجة احنا فلحين فيها التكريم بس برضوا متاخرين فيه لانه بيكون اتكرم برة قبل ما احنا نعرف انه ابن البدى وعجبى
نو كومنت

A.SAMIR يقول...

لأن هنا الكل مشغول بتأمين الكرسي طالما في الجسد قلب ينبض
ثم تأمين التوريث طالما لم يبق في الجسد قلب ينبض
ثم تأمين حسابات سويسرا وشاليهات وفيلات المنتجعات الفاخرة
اما البلد دي
فلتذهب الى الجحيم

رئيس جمهوريه نفسى يقول...

مستغربة قوي من موضوع ايران ليه اذا كان مصر ومن بين كل الجامعات بتعتها ما فيهاش جامعة من ضمن افضل 500 جامعة على العالم منتظرة ايه من بحث علمي كل اللى بيتصرف عليه سنويا حوالى 10 مليون جنيه لا تزيد مش جايبه مكافات نجوم الاهلى بعد بطولة افريقيا المبلغ دة حيعمل ايه للبحث العلمي وحكومة مش قادرة توفر للشعب الاكل ورغيف العيش حتهتم بتوفير العلاج وعلماء مين اللى انتى بتتكلمى عليهم من الثمانينات بح صوت فاروق الباز على مشروع ممر التنمية وقال انه حيوفر لمصر القمح ويخليها تصدر كمان ضربوا بكلامه عرض الحيطه وراحو توشكى وبعد ما اترمي فيها 10 مليار جنيه علشان يفشل رجعوا يقولوا ممر التنمية تانى وحيبتدو ينفذوة الحكومة بتاعتنا بتبعد العلماء علشان تجرب وتفشل وتنهب برحتها

احمد سعيد يقول...

ما هو لو شفتى نتايج الاستطلاع اللى عالمدونه بتاعك
هتعرفى انه
اللى بنى مصر كان فى الاصل متحرش
ههههههههه

حسسسسسسسسسبى الله ونعم الوكيل

nody_1987 يقول...

S.M

اولا مرسيه كتير على السؤال يا ابن بلدى ياأصيل

انا بس كان عاندى شويه كسل وكنت كمان مسافره اغير جو

اما بقى بخصوص العلماء
لو تفتكر من اربع خمس سنين كان محمد عطيه البرص جاى بعد ما فاز فى استار اكاديمى
العيال كانوا بايتين له فى المطار علشان يستقبلوه
وفى نفس اليوم احمد زيل كان جاى من امريكا
ولا حد قاله انت ابن مين

دى بقى مش وقاحه
دى سفاله

nody_1987 يقول...

A.SAMIR


طب والنبى ده منتهى التعب

والوحد كان ظالمهم وفاكرهم ما بيتعبوش


حسبى الله ونعم الوكيل

nody_1987 يقول...

رئيس جمهوريه نفسى


والنبى بلاش تفكرنى بموضع الجامعات ده
انا يوم ما عرفت الخبر ده اذبهليت وخصوصا لما عرفت ان اسرائيل جامعتها دخلت من ضمن احسن 100 جامعه على مستوى العالم

كفايا عليهم يحاوطوا الجامعات بعربيات الامن المركزى
من برا واياكش تولع من جوه
المهم ماحدش ينغص عليهم حياتهم
منهم لله

nody_1987 يقول...

أحمد سعيد


اه والنبى عندك حق
كفايا علينا نفضل نبص على كل واحده ماشيه لابسه ايه
ونتحرش بيها ولا لاء

ربنا يلطف بينا

dr.lecter يقول...

طبعا ايران لازم تطلع قمر صناعي

عندهم منهج ماشيين عليه وطموح وحلم

امهم يبقي اقول قوه اسلاميه في المنطقه

وانهم يطلعوا عين العرب كلهم


احنا بقي شاطرين نخترع في برامج فاكسه زي المفتش كرومبو وميس ايجيبت وبرامج اللي بتعمل عقم للرجاله



طبيعهي جدا واحد زي زويل ينجح بره وواحد زي البرادعي في حين ان هنا البحث العلمي بيتم سرقته وتنزيله من علي النت واقتباس المواضيع

اووووووووووووع معلش ده صوت القيء بتاعي كل ماشوف قد ايه احنا منحطين وولاسف لسه عندنا فشخره كدابه اننا حضاره 100000000000000 سنه وبتوع الهرم وابو الهول ونعرف نطيف نسواننا في ليله الخميس

وابو تريكه يافنان روح هات لنا الاجوان

هو ده اللي احنا فالحيين فيه جتنا البلا

nody_1987 يقول...

dr.lecter

ليله خميس ايه وبتاع يه
دا حتى دى اتضربت هى كمان
ما سمعتش عن جامد يا حامد؟
ههههههههههههههه

من كام يوم كانوا بيناقشوا قانون تعدد الزوجات على قناه الحياه واز فجاه لقيت المذيع بيقول احب انهى المناقشهبخبر حلو
فاز المنتخب المصرى باحسن منتخب افريقة والكابتن حسن شحاته
باحسن مدرب فى افرقيا
اتفوووووووه
ودى كان رد فعلى قبل ما اقفل التلفزيون

تحياتى

Bondoka يقول...

باين عليكى نسيتى اننا فى مصر

nody_1987 يقول...

BONDOkA

بدام هى دى مصصر
يبقى العيب فيه انا


نورتينى

MaNoO يقول...

اولا دى اول زيارة لمدوتتك ودا يشرفنى
تعرفى المشكلة اننا بنعمل مش واخدين بالنا ولا بنعمل عبط لوا اتعودنا على الاستعباط مش عارف زى مثلا الدكتور مصفى السيد اللى مهانش علينا نديله جائزة وهوا مخترع علاج جديد الا بعد اما العالم كله اتكلم عنه وبقى شكلنا وحش مصر طول عمرها كدا بس الغلط فى اللى بيستغلوا الحاجات دى لصالح الفلوس بس وكمان على الحكومة اللى حتى لا تهتم مجرد الاهتماما باى خبرة علمية مهما كانت

*البت المشمشية *حلوة بس شقية * يقول...

هههههههههههه
اة والله يا اوخنشى عندك حق
تفتكرى العيب منين
ولا فين ولا ازاى

*البت المشمشية *حلوة بس شقية * يقول...

طيب المهم ملحوظة صغيرة المدونة بتاعتى طارت اللى انا دخلت بيه ده مدونة جديدة بس بنفس الاسم زيها بلظبط ياريت تضيف لينك المدونة الجديدة عنك وياريت تعمل تنويه بكدة دى خدمة منك يعنىhttp://o0mshmsh0o.blogspot.com/

*البت المشمشية *حلوة بس شقية * يقول...

يعنى تضيفى اللينك ده عندك وتمسى القديم
اشطة وتعالى زورينى بقه متستغربيش هيا هيا نفس الاسم ونفس شكل المدونة بس اللينك اتغير

nody_1987 يقول...

MANOo

اولا المدونه اتشرفت بزيارتك
ثانيا يارتهم بس بيكتفوا انهم يتجاهلوا العلماء دول كمان بيحاولوا جاهدين تطفيشهم من البلد

يعنى مافيش نوع من انواع الدم خالص

نورتنى

nody_1987 يقول...

البت المشمشيه حلوه بس شقيه

والله يابنتى ما انا عارفه العيب فى مين بالظبط

انا حطيت اللينك الجديد بتاعك فى القايمه
ماتنسيش الباس ورد بقى تانى

تحياتى

Ahmed elshebli يقول...

السلام عليكم
تصدقي يا نودي إن أنا النهاردة والله كنت بفكر فالكلام د
بس مش لاقيت غير حل واحد
إن حسني مبارك دا عاوزنا بهايم و مش بنفهم في أي حاجة
د عميل و مش همه غير الكرسي و بس

و شايف إن احنا لازم نعمل حاجة
على الأقل
عشان دا حق الجيل إللي جي

احساس لسه حى يقول...

عزيزتى

انتى قولتيها هما بيصعب عليهم حد يعيش مرتاح وكل ما يلاقوا حد يرتاح من مهنه ينخوروا فيها ويطلعوهم من هدومهم

انتى مش بتشوفى ساعات يطلعوا تاس من بيوتهم لانها بقيت فى اماكن غاليه

وايران مش صنعت قمر صناعى بس دى بتصنع اسلحه ومش بتاخد معونه من امريكا

وعندها كمان انتخابات ديمقراطيه

وبلاش تقولى قوانين احسن القوانين بتتعمل علشان الغلابه بس والمرتشون

اما عن الصبى البريطانى فمحدش هيهتم ما لازم كان يحصل فى السعوديه علشان يتكلموا على الموضوع

وكمان فى اوروبا مفيش مشكلة البنت تعمل علاقه حتى وهى صغيره المهم ما تحملش

وعندنا عاوزين يحددوا سن الزواج ما ان فى اوروبا بيحددوا اه بس ممارسة الجنس بتم فى سن صغير جدا

تحياتى

سلام

احساس لسه حى يقول...

عزيزتى
نستينى

انا صححت الخبر المنشور عند ايمى

ويا ريت نتاكد من اى موضوع ننشره وصحة الحبر فيه

وبرضوا لما نعلق على اى خبر بالذات لو بيمس حد وبلد

علشان مفيش حد يمس حد يهمنا وبلادنا بخبر مش صحيح

تحياتى

سلام

arab girlscool يقول...

This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
شات انحراف
انحراف
منتديات منتديات عرب كول
غلا الروح
شات غلا الروح
شات صوتي
شات مغربي
قوانين الشات الصوتي
برامج كام وصوت