الأحد، ٣ فبراير ٢٠٠٨

راجل يا سركوزى

بالرغم انى كنت معترضه على ان الرئيس الفرنسى ساركوزى يجى وهو وصاحبته كارلا مصر وينزلوا فى سويد واحد

لان ده ضد العادات والتقاليد الاسلاميه والمصريه بجانب القانون

الا انى لم اكن معترضه على العلاقه لان ما فيش مخلوق على وجهه البسيطه ليه انه يعترض لان دى حريه شخصيه

الا نى بجد انبسطت كتير لما عرفت ان ساركوزى اتجوز كارلا

انا ما فرحتش علشان بكره سيسليا طليقه ساركوزى ولا بحب كارلا

انا انبسطت علشان ساركوزى ده بجد طلع راااااااااااااااااااااااااجل

ايوه راجل وده راى الشخصى

الراجل حب الست وعمل معاها علاقه ولما جه يقول يا جواز وكان متاكد انها بتحبه وانه بيحبها وانهم ها يسعدوا بعض

ما ترددش واتجوزها الراجل ما قلش لا دى واحده انا عرفتها ومشيت معاها ازاى اتجوزها

اصله هو كمان مشى معاها وان كانت هى غلطانه فا هو غلطان قبلها

ده تفكير الناس المحترمه انا واحد محترم وفى حالى وبخاف على بنات الناس وبتقى الله فيهم اكيد يوم ما ها جى اتجوز ربنا ها يدينى

واحد تتقى الله ومحترمه وبنت ناس ومتربيه وما عندهاش حاجه غلط وحتى ان كان حد فيهم حب قبل كده فا لحب مش حرام

الا ازا كان الانسان هو الى غلط او اختار غلط

وساعتها بيكون الرك كله على البنى ادم عل انه ها يوافق على الغلط او انه ها يقضى على الغلط ده

وهنا يكمن الاحترام

لان كلنا معرضين للغلط

لكن كلنا مش بنخاف من ربنا ولا بنحافظ على غيرنا علشان غيرنا يحافظ علينا

انما انا واحد مش فى حالى وبعمل علاقات مع طوب الارض بس بقى خاللى بالك يا معلم انا الى امشى معاها لا يمكن اتجوزها ايوه

امشى معاها ازاى الجواز حاجه والحب حاجه تانيه خالص

انا لازم الى اتجوزها تكون قطه مغمضه ما فيش واحد شافها ولا عرفت حد

ايوه دى ها تبقى ام العيال الى ها رميها فى البيت واسيبها تتطبخ وتزاكر للعيال وانا داير باره ابصبص للى رايحه والى جايه

وانا واثق ومتكد انها عمرها ما تبص لغيرى وانها ها تصونى

لازم تكون قطه مغمضه

انما الى هو حبها ووعدها بالجواز دى لا والف لا

دى واحده مجرمه هى اى نعم لا اخدت قرض ولا تخابرات مع اسرائيل

بس هى عملت جريمه اشنع من كده وثقت فى انسان مزدوج الشخصيه عنده عقد نقص

ويروح صاحبنا بقى يتجوز القطه الغمضه

علشان الى قبلها ما تنفعش بما انه طبعا معمل لاختبار النساء يعمل معاهم العلاقه من دول مش علشان حاجه لا سمح الله

بس علشان يشوف اخلاقهم

بس هو بينسى حاجه مهم جدا انه دان تدان

وزى ماهو عمل اكيد شريكه الحياه عملت

ماهو ربنا حكيم بعلمه

وربنا يخلى دكاتره امراض النسا

وطبعا هو مفكر نفسه عنتر زمانه

ويقولك لا يا عم دى ولا كلمه

هو انت مفكرنى ساركوزى ولا ايه

طبعا هو مش فرنساوى

هو هندى





هناك ٩ تعليقات:

غير معرف يقول...

بجد انتى تجننى فى افكارك ومش لاقى حاجة اعبر بيها او تكفيكى قدرك اقولها غير ان كلامك وافكارك قمة الاعجاز

Unknown يقول...

هو إتطلق من مراته عشان الإختلاف السياسي في الأساس، هي مديتلوش صوتها في الإنتخابات

أنا من المنصورة برضه :)

nody يقول...

محمد الجوهرى
اهلا وسهلا على مرورك وتعليقك الطيب
تفتكر يعنى ساركوزى ها يسامح سيسليا على علاقتها بصديقها ويرجع ليها ومش ها يسامحها على انها ما ادتش له صوتها فى الانتخابات

ana ga3an يقول...

واضح يا عزيزتي
انك مخرجتيش من المنصورة
في كل الفنادق المصرية السياحية
القانون لا يجرم نزل اثنان في غرفة واحدة حتي و ان كانو غير متزوجين
مادام اجانب من دول غربية
اما العرب و المصريين فهناك تجريم للامر
و اي مصري او عربي معة باسبور اجنبي بغير جنسيتة يعمل معاملة الغربي

ثانيا في الغرب امر عااااادي جدا
انة يجوز فتاة قضي معها و قت حميم
فهم ذو عقلية مختلفة تماما
وكلامك انة ميجوزش واحدة مشي معاها دة غير وارد في تفكرهم اساسا
تحياتي
اعتقد محتاجة شوية اطلاع قبل ان تحددي افكار و توجهاتك
ومن تناصري و من تعادي
ومن تعمليلة دعاية علي مدونتك

غير معرف يقول...

ana ga3n
اولا شكرك على مرمرك الطيب
ثانيا فا الفنادق المصريه بتمنع نزول اى اتنيين مش متجوزين فى غرفه واحده
وده شىء اى حد يعرفه
بالنسبه للمصرين والعرب
وانا لم اقصد ساركوزى بعينه انا بقصد اى حد يكون فى وضع زى ده والاعلام يتكلم عنه
كلامى فى محتواه بيهاجم سياسه بلد ما بتحرمش دينها
وبدليل ان الهند الوثنيه رفضت نزول ساركوزى وسيسليا مع بعض بدون زواج
ثالثا
انا لم اكن اقصد اذدواجيه التفكير الغرب لان الكل يعلم انهم ليس لديهم اذدواجيه وانما اقصد الشرق
يعنى لو حضرتك دققت شويه كنت فمت معنى كلامى
رابعا
فا انا لا اعادى احدا انا اقول وجهه نظرىليس اكثر
ولا يمكن ان اغمض عينى غلط واقع لمجرد ان ال1ى فعله طرف صالح
ولايمكن ان ابخس احدا حقه حتى وازا كنت اختلف معه كثيرا
تحياتى

Misrdream يقول...

انا اسف انك فاكره انه ساركوزي راجل
واحد زي ده زنا فى واحده قبل مايتجوزها لمدة شهور واحده كانت بتكر ابناء بلده واحد زي ده بيدعم الصهاينة وبياكد المحرقة وطالب من اطفال مسيحيين ومسلمين اعداة تمثيلها لمراعاة مشاعر اليهود
للاسف انتى مخطئه
مع كامل احترامي لرأيك ومدونتك

غير معرف يقول...

misrdream
اولا شكرا على مرورك وعلى تعليقك
ثانيا الكل يعلم من هو ساركوزى
وانا لما اتكلمت عنه اتكلمت عنه كارمز فى فكر الغرب من حيث عدم التناقض والاذدواجيه

ياسر يقول...

امشى معاها ازاى الجواز حاجه والحب حاجه تانيه خالص
دة كلمنا وعادات شبابنا طبعا بنت تقع في حب شاب
ممكن تتديلوة فعلاا عيونها لو طلب منها بس للاسف
احنا كشباب ومش كلنا عندنا تفكير عجيب وضيعنا
لاا فضلنا عرب ولاا وصلنا للاوربين ببعض عادتهم او طباعهم
وبقول بعض عادتهم مش كل عادتهم يعني بكل صراحة وبدون
زعل عملنا زي الا رقصة علي السلم لاا الا تحت شافها ولاا
الا فوق شافها وهنا في فرنسا مفيش جواز قبل فترةتعارف
وثقة متبادلة بين الطرفين وحب حقيقي متبادل بينهم
وعمري هنا ما سمعة ان واحد ساب واحدة علشان
خد الا هو عاوزة ولاا شوفت الواد المطاطط الا كل يوم
مع وحدة الناس دي لما بتحب علي حق بتحب
وتقبلي مروري انا قلة راي وبكل صراحة

nody يقول...

ياسر
انت كده فهمتنى
انا اقصد كده
الرقص على السلم وعقد النقص الشرقى
محبتى يا ياسر