الثلاثاء، ٣٠ أكتوبر ٢٠٠٧

نار على ولا جنه معاويه
تفتكروا المصرين بيسافروا اسرائيل ليه؟
انا عن نفسى يوم ما اقرر اسيب البلد دى ها سبها يوم ما احس انى مش قادره انى اتكلم ويوم ما احس ان مافيش فايده
مش ها سيب علشان الظروف الاماديه او الاقتصاديه
بس يمكن انا علشان بنت ولسه ما جربتش ان يكون عاندى مسئوليه بيت وانى عاوزه اتجوز واجيب شبكه وشقه او لانى ماجربتش انى اكون عيانه وومعايش تمن الدوا
او انى انام من غير عشا وانا جعانه
يمكن انا حصلت لى بس علشان كنت مكسله اجيب اكل انما يمكن لو حصل لى وكنت جعانه ومماعيش فلوس اكل لا انا ولا اهلى دا انا مش اروح اسرائيل واتجوز اسرائليه دا انا اروحو
جهنم الحمرا
ياريت كل واحد يقراء البوست ده يسيب كومنت ويقولى من وجهه نظره ايه الى يخلى واحد يروح اسرائيل ويتجوز اسرائليه ويعيش هناك

هناك ٥ تعليقات:

غير معرف يقول...

بسم الله
انا مش هقولك حاجه غير انى واحد من الاف فى مصر يتمنوا السفر وهم اساسا مش بيحبوه مفيش اى حد بيحب الغربه وعلى فكره انا فى وقت من الأوقات كنت محبوس فى سجون اوروبا وكنت مسافر بطريقه غير شرعيه وانتى قلتى ايه السبب
السبب هو العيشه واللى عايشينها والمطلوب ليها علشان نعيشها
ده المختصر وربنا يجازى اللى كانوا السبب وسلام مربع للحكومه وتحياتى ليكى وربنا يوفقك

nody يقول...

احمد ربنا انك رجعت عايش وما متش غرقان واكلك السمك والمفتى يقول مش شهيد
مصر بتتقدم بينا
بنت المنصوره

غير معرف يقول...

الحمد لله على كل حال بس طبعا مش المفتى اللى هيقرر لى ان كنت شهيد ولا لأ لأن دى مسأله محسومه مش محتاجه للمفتى ولا حتى شيخ الأزهر اللى مش مربى ذقنه خوفا من الجماعه بتوعنا الأمن اياه وبيتدارى فى قول
((دواعى امنيه )))
تحياتى للجميع

غير معرف يقول...

بسم الله على فكرة الناس كلها بتحب الغربة لانها عندها امل في الدنيا هناك كل شاب معتمد ان هيقدر يكون نفسة هناك وجايز يحقق املة فى بلدة وعدم وجود العمل فى بلدة هو دا الى مخلية يفكر فى كدا والشاب ساعة ميفكر فى انة يسيب بلدة ويسافر مش يهمة حياتة المهم عندو انو يكون نفسة ويحقق املة هو دا الى بيفكر فية كل شاب
وعلى فكرة انا بقول الكلام دا لانى واحد من الشباب الى جايز يفكرو فى كدا فى يوم من الايام

غير معرف يقول...

اكيد طبعا كل الناس عاوزه تسيب البلد
اى على الاقل كل واحد محتاج ومش لاقى
وده طبعا يعنى تسعين فى الميه من مصر المنهوبه
بس اهم حاجه
هل فعلا العوزه والحاجه وصلت بينا اننا نروح نترمى فى حضن اسرائيل؟
ده سؤال مهم جدا
ولو كانت الاجابه ايوه
يبقى خلاص