الخميس، 18 فبراير 2010

رساله من أنثى

الى الدكتور يحيى الدكتور يحيى الأحمدى دكتور علم النفس التربوى غنى أكيد عن التعريف
وهو يعتبر من أهم نجوم البرامج على الشاشات الفضائيه
يأتى دائما لمناقشه القضايا الساخنه التى تخص الرجل والمرأه
وأنا من ضمن المتابعين الجيدين للدكتور يحيى
وكان ليه تعليق على الكتير من أرائه على الشاشه ومن أهمها
1 عمل المرأه
الدكتور يحيى يرى ان المرأه لايصح لها ان تعمل سوى فى منزلهالأن هذه المهنه الوحيده التى خلقت من أجلها
ويجب على المرأه أن يكون كل طموحها هو كيف تنحج فى مهمتها كا أم وزوجه
وحتى ان تركها زوجها وكان العائل الرئيسى لها
فلا بجوز لها أيضا ان تعمل لأن هناك الاب والخال والعام لكى يكفلوها
وفى أحد المرات قال مثال
ان فى زوج لسه شاب قاله انه بيبقبض 5000جنيه فى الشهر ومش مخلى مراته محتاجه اى حاجه
ومع ذلك مصممه انها تشتغل وكمان مرتبها لايزيد عن 500 جنيه فى الشهر

طب بالذمه انهى واحد لسه فى بدايه حياته بيكون مرتبه 5000؟
طبعا مش احنا او مش الى زينا
اكيد خرجين الكليات الاجنبيه والى ما بيقعدوش سنين يدوروا على اى فرصه سشغل
بملاليم الفلوس
والمثال الى ضربه الدكتور يحيى أكتر مثال انه عايش فى برج عاجى
لانه زى ماقلت كام شاب فى مصر مرتبه 5000
وكام عم وخال فى مصر عندهم استعداد يتحملوا واحده وعيالها بعد ما ابوهم يتخلى عنهم ؟
وانهى واحده عندها استعداد تمد ايدها لاهلها علشان تربى عيالها؟
وكام واحده تقدر تكون ست ناجحه وكذلك دكتوره وطبيبه ومحاميه ومدرسه شاطره؟
ولو استغنيانا عن عمل كل النساء الى الدكتور شايف انه اهم سبب للانحراف والادمان ها نجيب منين مدر سات رياض اطفال
وابتدائى وممرضات وطبيبات فى تخصصات معينه وغيره وغير فى مهن ماينفعش فيها غير ستات؟
وكام راجل فى مصر فعلا الواحده ممكن تخلى عن كل أحلامها وطموحتها علشانه؟

هناك 16 تعليقًا:

thunder يقول...

هههههههههههههههههههههههههههه
5000 هههههههههههههههههههههههه
يالهوى ودى فلوس دى الرقم دا وربنا وقفت اقرائه كتير اوووووى هو فى فلوس الى العدد دا ولا فى اصل عدد زى دا!!؟؟
..
برج عاجى اية الناس دى والله اعلم عايشة فى كوكب تااااااااااااانى او ممكن يكون احنا اللى مغيابين عن الواقع والدنيا يا مفيها ؟!من الارقام دى..
يانهااار بلاك ودول يتعدوا زاى انا اعرف حد لو سمع الرقم دا هيجيله اغماء
ومش بعيد جلطة فى المخ كمان
على فكرة هو العيب فى التعليم احنا اخر رقم وصلنى فى العهود السابقة 300 350 وانتهت الارقام بعد كدالا بقى واللى يغيظ فعلا ال يعنى الخال والعم وخلافه هيشيلواحد دا ياعم الناس مخنوقة اصل من فرد ولا فردين يبقى هيصرفوا على اسرة تانية عائلهم تخال عنهم مثالا ممممممممممممم
لالا بجد الدنيا فيها خيالات كتيرة اوى

thunder يقول...

مممم بس عارفة انا من النوعية بردوا اللى فى فتركيبتها جملة ان المراءة مشتغلش مش لعدم كفائتها لكن لانى بشوف دا ناقص فى الرجل وبحسه مش قادر يوفى احتياجات بيته ودا بيوجع فاهمنى
وكمان للمشاكل اللى المراءة بتتعرض ليها شبة يوميى فى حياتها العملية من سخافات متكررة .لكن هى اشكاليه والله يانودى لو فعلا العائل دا حاصل ليه اى حاجة هيبقى التصرف ازاى
على العموم بجد تبوبك جامد وكالعادة يابنت بلدى بتعرفى تختارى موضوعات ودا نققققققق يا بتاعت النحلة
واطلعى من معتلقك بقى مش عاوزين الكوكا بلاها كوكا ونمشيها بيبسى
دمتِ يارب بكل حب و ود وفى رعاية وحفظ الله دائما يارب

sweet angel يقول...

السلام عليكم

على فكره انا بشاركك في رأيك
مش عندنا الزوجات الي بتروح تشتغل
لمجرد انها ترفه عن نفسها
بالنسبه للعم والخال الي يشيلوها
هو انتي فعلا ممكن تلاقي ناس كده
بس للاسف مش هيستحملو الظروف دي كتير
عارفه وانا بكتب التعليق ده
جات في التلفزيون أغنيه 145 جنيه
ههههههههههههه
أعمل بيهم ايه ولا ايه ولا ايه

حلم بيعافر يقول...

معنديش مرارة اشوف الناس دى

Shaimaa يقول...

والله عندك حق..واضح ان الدكتور ده مش عايش فى مصر ...أو مش عيش على كوكب الأرض

هوه سيادته ميعرفش ان 50% من البيوت المصرية العائل فيها امرأة...ميعرفش ان معتش حد بيشيل هم حد دلوقتى لا خال ولا عم ولا جد...ميعرفش ان لازم الزوج والزوجة يكونوا بيشتغلوا عشان يقدروا يدفعوا الايجار والنور والمية والتليفون والدروس الخصوصية والمواصلات والدكتارة و...و...

والله ياريت معنتيش تتابعيه أحسن ...

عايش... ولكن !!!! يقول...

اه يا كلاويا يانى
المراره الحقونى بدوا المراره
هو الراجل ده عايش فين
بس تعرفى هو بيتكلم على الناس الرايقه
اللى بتضحك على طول
اما العالم المدايقه .. فهو لأ ملوش فى دول
هههههههه

اه تصدقى فكرتينى السنه اللى قبل اللى فاتت كنت شغال تدريب مع مهندس فى فندق انتر كونتيننتال عارفه كان قبضه 35000 جنيه وكان على يوم 20 فى الشهر يكونوا خالصين .... هتقوليلى ازاى شوفى انتى بقا

ميرو انتكة يقول...

السلام عليكم

بوست جميل قوى ع فكرة

ربنا يوفقك

تحياتى

nody يقول...

thunder

300و350
هو ده عيب التعليم المجانى

عارف احنا لو كانوا علمونا انترناشونال كنا عرفنا5000 و 7000

nody يقول...

sweet angel


والله فكرتنينى اننا نهدى للدكتور الاغنيه دى

علشان يقولنا هايعمل بيهم ايه ولا ايه

nody يقول...

حلم بيعافر

والله كلنا مرارتنا وجعتنا من الناس دى

nody يقول...

shimaa


يعنى تفتكرى الناس الى يعرفهم الدكتور الى بيقبضوا فى بدايه حياتهم 5000
ها يكونوا ساكنين فى شقق بالايجار بارضه

nody يقول...

عايس ولكن

ماهو الموضوع نسبه وتناسب
مش هاتكون بتشتغل فى مكان زى ده وهاتركب تاكسى
لا لازم عربيه
ولبس معين
ربنا يتولانا احنا بقى

nody يقول...

ميرو انتكه


مرسيه على زوقك

احلام جوليا يقول...

واضح انه الدكتور يحي ميعرفش ان اخر الاحصائيات بتقول ان 70 % من الاسر الفقيرة تحت خط الفقر بتعولهم امراة يعني ارملة او زوجة راجلها عاجز اوابنة ابها كبير بالسن او اي امراة تعول بشكل كامل ومنفرد عائلتها كل دول نقعدهم في البيت ويصرف عليهم الدكتور يحي احسن برضه بلا وجع قلب

nouusaelmasria يقول...

السلام عليكم،،
أعجبنى الموضوع وأعتبره حيوى للغاية، فيقولون الكثير والكثير عن عمل المرأة ويبررون عدم جواز العمل وأفضلية المكوث فى المنزل متجاهلين بذلك واقع الحياة المصرية حيث تقف المرأة جنبا الى جنب شريك الحياة أو بقية افراد اسرتها وهذه عظممة المرأة المصرية، فيامن تناادون بجلوس المرأة فى المنزل هل تعتقدون ان خروجها الى العمل فى الصباح الباكر حاملة طفل على كتفها واخر او اخرون فى يديها وشنط الحضانةيعتبر رفاهية؟؟؟؟؟ لا والله فالنساء مكافحات ولهم عظيم التقدير ولكنى اكرر واكرر: الاحسان فى العمل كى يكون حلالا....
تحياتى

arab girlscool يقول...

This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
شات انحراف
انحراف
منتديات منتديات عرب كول
غلا الروح
شات غلا الروح
شات صوتي
شات مغربي
قوانين الشات الصوتي
برامج كام وصوت