الثلاثاء، 9 فبراير، 2010

راح فين صوتى

سرقوا صوتى اه صوتى اتسرق

هاقولكم الحكايه
من اسبوعين روحت اطلع بطاقه انتخابيه لاول مره
طبعا انا ادرى الناس ازا كنت طلعتها قبل كده ولا لاء
روحت اطلعها من قسم تانى المنصوره
وبصراحه الناس كانوا متعاونين وزوق جدا
بس المشكله انى لقيت بطاقتى طالعه قبل كده
من سنه 2004
والمصيبه بقى ان انا مطلعه الرقم القومى 2006
طب ازاى هاروح اطلع البطاقه الانتخابيه 2004 وانا لامعايا بطاقه وشهاده ميلادى فى الكليه
يعنى ممعيش اى حاجه خالص؟
السؤال بقى
مين الى طلعها؟
وازاى طلعها ؟
وليه؟

هناك 9 تعليقات:

thunder يقول...

يالهوى انا مكسفولك بجد ولا هعترف بى الاخوة ولا اى حاجة انتى خالتى شكله عيتلنا وحش وحش موقفنا اية احنا كدا قدام دول عدم اللى ملهموش دجعوة ببعض دول ولا موقنا اية كدا لما يتعرف بس اننا اتسرقنا وياريتها فى فلوس ولا اى حاجة جهاز كهربى مثالا لالالالالالالالا التااااااااااااار ياعوكل التار ياولادى هههههههههههههههههه
علشان مستضعفينك هههههههههه
ال وتقولى ياابنى انا بتعملى الف حساب فى المنطقة وحاجات كدا روحى يابنتى استخبى خميس وجمعه وامرنا لله هندورلك على صوت سلف

thunder يقول...

الحقيقة يابنتى دا عادى وجدا لاحظى انتى فى مصر ... انا بابا متوفى من سنتين واكتر جاله استدعاء فى النيابة ليه علشان زميلة كانوا مقدمين التماس ضد شيخ الازهر وصدر قرار برجوعهم جميعا للشغل تانى وهما عارفين انه كان طالع معاش واننا بنقبضةدا موقف وغير دا حالات بقى اللى مايته وبتدلى باصواتها فى الانتخابات ازاى متسئليش وفيه اللى فى وقت الحبر الفسفوارى دخل ولاقى نفسه حاطط صوته وغيره وغيره
اللى عاوز اقوله انتى فى مصر وياما لسه هتشوفى المهم دلوقتى انك طالعتى لنفسك بطاقة جديدة دا المفروض يعنى الا اذا يكون رفضوا بقى على اساس القديمة ومتحاوليش تعرفى صوتك كان بيروح ليمن بدل ماتروحى مع صوت ورا الحزب الوطنى يوه قصدى الشمس
وكدا كدا بقى ربنا يسهل فى الفترة اللى جاية وتدلى بصوتك للى انتى عاوزة
اختى العزيزة دمتِ يارب بكل حب و ود وفى رعاية وحفظ الله دائما يارب

عايش... ولكن !!!! يقول...

بقولك ايه
استهدى بالله كده
وروحى اغسلى وشك علشان تفوقى

انتى فى مصر
ايوه انا عارف انى فوقتك بس معلش
انتى فى مصر
يعنى بمزاجك غصب عنك اللى عايزينه بيعملوه
هتقوليلى متسودهاش فى وشى وخلى فى امل

هقولك فى امل وعمر ومحمد وحسن كمان
بس العقل بيقول كده
ومع ذلك ادينا بنحاول بردو مش علشان عارفين اننا هنقدر نغير لاننا بنعمل اللى فى ايدينا بس واللى علينا :)

قلم رصاص يقول...

هههههههههههههههههه

مستغربه ليه

اذا كان الأموات ليهم بطاقات انتخابيه وبينتخبوا بيها وهما في القبور .. طبعا مش بنفسهم لالالالالالالالالالالالالالا

لا الحكومة ممثله في الداخليه كتر الف خيرهم بينوبوا عنهم في المسألة دي .. وربنا يجعله عامر !

بس المهم مقولتيش .. طلعتيها ولا لأ؟

MaNoO يقول...

لا تعليق
معلشى بقى مش لاقى والله كلام

رحله البحث يقول...

عااااااااادى خالص
دا الاموات بينتخبوا
وبعدين هما بيساعدوكى وبيوفروا عليكى لسه تطلعى بطاقه قومى وتستنى احنا دا احنا ناكريين للجميل يعنى لما يريحونا وينتخبوا لنا نزعل
طيب ما الاموات مش زعلانين مع انهم بينتخبوا كل انتخابات ومتسمعش ليهم اى حس
ماهى دى الحكومه الالكترونيه كله بيتعمل من غير ما تحس
بس هوا انتى كنتى رايحه تطلعى بطاقه انتخابيه ليه بعد الشر؟؟

احلام جوليا يقول...

احد اسباب اني رافضة اطلع بطاقة انتخابية اني لي ابن عم كان يدعونا جميعا ان يكون لنا راي ونطلع بطاقة انتخابية وراح الراجل المسكين طلع بطاقة وفرحان وراح علشان ينتخب اكتشف انه منتخب بالفعل قبل كده يعني كتر خيرهم مش عاوزين يتعبوه هم طلعوا له بطاقة وانتخبوا له كمان يتعب نفسه ليه بقى ويروح شفتي حكومتنا بتريحنا ازاي حتى الانتخابات بتنتخب لنا مع ان والله ملهاش لازمة الحكاية دي ما هو كده كده الصناديق بتتبدل بس اهو برضه زيادة تاكيد هههههههههههههههههههههههههههههههههههه

بحبك يامصر يقول...

فى مصر والدول المتقدمه عادة بيحصل ده

كريم يقول...

لا ما خلاص معادش بطاقة انتخابية ممكن ببطاقة التموين لو كان فيه تموين اصلا...... بحييكى ع الموضوع والمقال الرائع vip http://ghyboba.blogspot.com/