الخميس، 24 ديسمبر، 2009

حين غزتنا تركيا

تركيا
علاقتى بتركيا ابتدت زى غيرى مع بمتابعتى للمسلسلات التركيه
وزى ماقلتلكم قبل كده فى بوست سابقى ليه الناس وخصوصا الجنس الناعم أصبحوا شغوفين بالمسلسلات التركيه

والكل افتكر ان الغزو التركى ها يوقف لحد المسلسلات وثوره الحريم العربيه على رجالتها

بس لا والف لا

قالها وفعلها أحفاد اتاتورك

فاكرين لما كان الحديد فى مصر بيتباع بسبع وتمن الاف جنيه بسبب السياسه الاحتكاريه والبلطجه بتاعه النخله الدكر (سورى يامدام شهيناز)

وزير الصناعه المحترم فتح وقتها الاستيراد وجاب الحديد من تركيه سعر الطن وقتها كان 3000

وفضل ينزل لحد مابقى 2900ومن عليه نزل سعر طن الحديد المصرى لنفس السعر او اغلى 100 جنيه

طبعا سبحان الله انه طن الحديد هناك يبقى ب3000والنخله بتديه للغلابه بضرب النار ب8000

وأصبحنا كلنا مديونين للحديد التركى الى رحمنا من الجشع والطمع الى عند الاخوه البعده

ومضت الأيام بسلام وأنا وغيرى نتابع الدراما التركيه

وازا فجأه أتجول فى محلات بيع الأجهزه الكهربائيه

وقد كانت المفاجئه

تركيا عملتها

المحلات تعج بالمنتجات التركيه

منين ماتروح تسمع كلمه تركى

تيفال و حلل استالس برادات معالق وشوك وسكاكين و مفارش

وكل ده تركى

كل مايخطر على البال فى المحلات تركى

انواع وماركات وخامات ودرجات كتيرررررررررررر

تنافس المنتجات المصرى وتتفوق عليها من حيث السعر وكمان الجوده

ايه الى حصل؟

مش تركيا دى الى من سنه 1923لما اتاتورك اعلن قيامها ؟

مش دول لحد سنه 200 عندهم مشاكل اقتصاديه مايعلم بيها الا ربنا وتضخم وبلاوى

ازا فجأه اصبحت صادرتهم تغزو الاسواق الاوربيه والعربيه وبالكميات والجوده دى؟

وبلغ الناتج القومي بالنسبة للفرد 4172 دولار أمريكي في 2004، كما بلغت القوة الشرائية موزعة على الفرد 7400 دولار أمريكي.

لما دى بلد ناميه ؟

مصر تبقى بلد ايه؟

وفى النهايه اسيبكوا مع الفيديو ده من مسلسل عاصى الى انا متباعها الايام دى

علشان تعرفوا مدى التقدم الى وصلوا له الأتراك

وف video

هناك 16 تعليقًا:

حلم بيعافر يقول...

اجدع حاجة فى تركيا مواقف رجب طيب اروغان الرجولية اللى عملها السنة اللى فاتت
مبيجيليش قلب اتفرج على المسلسلات التركية ولا العربية عشان بزهقق بسرعة
المهم تركية قوة صعدت بسرعة الصاروخ
تحياتى

حصان المرجيحة يقول...

مدونة جميلة جدا
احنا جيران علي فكرة

بالتوفيق ديما

راجى يقول...

التقدم التركى واضح جدا فى الفيديو
:))))

dr.lecter يقول...

الوحشين القادمين مستقبيليا في السوق

الصين وتركيا

nody يقول...

حلم بيعافر


والله من الناحه السياسيه تركيا مقسومه
مابين الفكر الغربى والتقرب مع الغرب واسرائيل
والحكومه المعتدله الى بتحكمها دلوقت


نورتنى

nody يقول...

حصان المرجيحه


ونعم الجيره يابن بلدى
نورتنى

nody يقول...

راجى


كمان الفيديو

ربنا معانا بقى


شرفتنى يابش مهندس

nody يقول...

dr.lecter


ربنا ينجينا من الوحوش بجد


تحياتى

dr.lecter يقول...

http://tahyyes.blogspot.com/2009/12/blog-post_5492.html

وقفه احتجاجيه غدا ان شالله

Appy يقول...

انتى اللى سمعك تقيل الحاجات التركى فى السوق من قرون عموما انا واحده من الناس اللى بتحترمها وبتحبها وبشجعها عن المنتج المصرى اللى ملوش لازمه

اللى موش عارف يتغير يقول...

انا بحكم سفرى بتعامل كتير مع اتراك
المعروف عنهم جمالهم ونظافتهم فى اعمل بيقومو بيه وخصوصا المطاعم
وعلى فكرة بما ان انت من المنصورة لو قريتى فى سبب ان المنصورة معروف عنها جمال بناتها هتلاقى ان المنصورة كانت مليانة عائلات تركية وده سبب الجمال
تقبلى مرورى

حلـم،، يقول...

اول مرور


اول تحية لحضرتك


وحسن رايك


اسمحي لي في هذة الواحة المحترمة

ان احي تركيا وقائدها كمال

وكل من تبع اثره


دمتي رائعة

اول مرور في المنصورة اجدع واجمل ناس

دمتي منصورة

blue-wave يقول...

يا بنتى دا كفايه الميوزك بتاعتهم
بجد بجد
جاتنا نيله

thunder يقول...

انا جيت تااااااااااااانى
ام هند بقى يعنى المهم الاه يحرق يارب كل التراكوه نفر نفر وخاصة الناس اللى انتى عارفهم قادر يارب نياهاااااا
نيجى بقى نقول رغم انها دولة علمانية الاانها عارفة عاوزة اية وبتفكر فى مكانتها وفرض نفسها ازاى رجال الاعمال هناك بيفكروا فى بلد مش فى مصلحة شخصية
وزراء بيشتغلوا للوطن مش لجيوبهم بيفروض ثقافتهم لانهما عرفوا ان دا اقل طريق واسرع طريق هيوصلوا به
لمكانه دولية
لكن ميمنعش ان نفسى المنتج المصرى
يظهر قيمتها فى السوق المصرى ونبقى زرة منهم اللهى يحرقهم تانى
اختى العزيزة دمتِ يارب بكل حب و ود وفى رعاية وحفظ الله دائما يااااااااااارب

Shaimaa يقول...

أول مرة أدخل عندك يا "بنت المنصورة" أنا كمان من المنصورة.....أجدع ناس طبعا هههههههههه
خالص تحياتى

thunder يقول...

الحمد لله الامتحانات رحمتنا ههههههههههههههههههههههههه
ال مصنع كوكاكولا ال
بالتوافيق يارب انشاء الله وربنا ييسرلك كل خير قادر يارب

وياله نزلى بوست جديد بقى مستنين