الاثنين، 5 أكتوبر، 2009

أشهد يازمان

خليكو فاكرين
فاكرين مجزره غزه؟
فاكرين الخراب والدمار
والارواح الى ماتت
والاطفال الى اتيتموا وشافوا أهاليهم مقتولين قدام عنيهم
والناس الى انكتب عليهم يعيشوا متشوهين طول حياتهم
وطبعا بما انكم اكيد لسه فاكرين
فابالمره خليكو فاكرين ان مجلس حقوق الانسان فى جنيف
اعد تقرير بينص على مذابح ومجزار اسرائيل فى حق شعب الفلسطينى
أثناء الحرب على غزه
وكان خلاص هايتصوت عليه وهايتصعد لمجلس الأمن
طبعا مش مفجأه ان يتأجل التصويت لشهر مارس الجاى
ومش مفجاه ان امريكا تكون السبب وتطلب التأجيل
لكن المفجأه ان السلطه الفلسطنيه كمان هى الى تطلب التأجيل
طب أمريكا وعارفين ان اسرائيل دى الأبنه الغير الشرعيه ليها
طب والسلطه الفلسطنيه؟
تكونش اسرائيل ظبطها مره فى وضع مخل بالشرف وصورتها وبتهددها انها تفضحها عبر اليوتب؟
معقول فى مصلحه فى الدنيا أهم من دم الناس الى راحوا من غير أى ذنب
فى أى مقابل قدام خوف أم وولادها والقنابل عماله تنزل فوق دماغهم ومستنين الموت يجى لهم
فى حاجه تساوى دمعه أب وهو بيكفن ابنه وبيحطه بايده فى التراب
حسبى الله ونعم الوكيل
زنب كل دول فى رقبه حماس المغروره المتعجرفه وفتح العميله
منكم لله

هناك 7 تعليقات:

norahaty يقول...

ايوة فيه!
الحسابات السرية
فى بنوك سويسرا!
الانشطة السرية
وتجارة السلاح!!
التهديد بالقتل
والخوف على النفس!
وحاجات كتير مفادها
ان مش كل الكلام اللى
بنسمعه عن
(الموت من أجل الوطن)
صحيح ولكن الصحيح ان البعض
يقول (يموت الوطن ونحيا نحن)!!!!

أحمـــــــــــــد أبو العلا يقول...

طبعا واهم مصلحه كمات
السلام خيار استراتيجي

انتي متعرفيش تمن الخيار كام دلوقتي

جه بيتهرب من الحدود

حسبنا الله ونعم الوكيل

*البت المشمشية *حلوة بس شقية * يقول...

ايه يبنتى وحشانى جدا
فينك بقالك فترة

احلام جوليا يقول...

عزيزتي بنت المنصورة معتقدش ان حكامنا العرب من المحيط للخليج اتبقى عندهم نقطة دم اصلا علشان يحسوا بالي بتقوليه عارفة صورة القرد الي بيسد ودنه والتاني بيغطي عينه دول حكامنا العرب وطريقتهم مع العالم هي طريقة القرد الثالث بيغطي فمه حكامنا العرب اه منهم لا اظن انهم سيحاسبوا مثلنا ولن يمروا ابدا على الصراط كما سنفعل اظن انهم وقود جهنم نفسه لان مفيش جمر اقوى منهم ولع فينا لحد دلوقت

MaNoO يقول...

لا تعليق سورى يا نودى
الموضوع دا زهقت من الكلام فيه بس فى حاجة
ربنا يديهم على قد نيتهم وبس

مسدس صغير يقول...

لنا ولهم الله
هنعمل ايه يعنى
اذا كان فيه انظمه كتير متواطئه مع العدو الصهيونى
ربنا يهديهم
ويهدينا
وينصرن فلسطين على اسرائيل نصرا من عنده
فينك؟

thunder يقول...

يكاء حتى يجف البكاء وينض ما بقى فيها من ماء
العجز اصابنا والوهن امتلك من كل الاجساد لكن سيطل للاسلام عزة حتى لو مات العشرات من ابنائه ولم يدفع عنه الاخرين براثن الشر فلهم ولنا من قبلهم الله