الأحد، ٧ يونيو ٢٠٠٩

كلب السرايا

اخرس ياهيكل بقى

هيكل جاى دلوقت وبينفى وجود جواسيس مصرين
خلاص مابقتش لاقى حاجه تقولها ياهيكل
خلصت التزوير الى بتزوره فى عهد السادات
خلصت الخوض فى اعراض اميرات العائله العلويه ياهيكل
خلاص فلوس قطر ما بقتش مخلياك عارف تفرق بين الى ينفع تكدب فيه والى ما ينفعش
اطب ما اتحفتناش ليه بمقاله ولا حلقه سوده من بتوعك على القناه المشبوهه بتاعتك ليه عن ذكرى الوكسه التقيله
الى انت والرعاع كنتم اهم اسبابها
ليه بتجرح في البلد كده ياهيكل
دفعوا لك كام علشان تجرح فينا كده؟
عرفنا من زمان انك كداب ومزور
بس اول مره نعرف انك كلب السرايا
لعنه الله عليك انت وكل واحد يجرح فى البلد دى او اى حد فى البلد دى
علشان يشمت فينا شويه رعاع حافين
حاسس باايه ياهيكل لما تقرا التعلقيات دى؟

\يمني قحطاني (زائر)

07/06/2009 م، 04:38 مساءً (السعودية) 01:38 مساءً (جرينتش)
وعاملين زحمه مسلسلات وافلام وبطولات وطلع كله تمثيل في تمثيل وهيكل لم يقول هذا الكلام من فراغ فهو معاصر لتاريخ مصر الحديث الله يعين اخوانا المصريين على التعليقات لكنهم اليوم منشغلين في مباراة مصر والجزائر

- ن-1
أدهم صبري (زائر)

07/06/2009 م، 04:39 مساءً (السعودية) 01:39 مساءً (جرينتش)
واثقين نمتما من قدرة المخابرات العامه المصريه.. ومن قدرة أدهم صبري .. الرجل المستحيل و ملك عالم الجاسوسيه

- وشهد شاهدٌ من اهلها
ابن فلسطين (زائر)

07/06/2009 م، 04:41 مساءً (السعودية) 01:41 مساءً (جرينتش)
اكلتو راسنا بالحروب والهزائم التي حولتموها لانتصارات.............. لنكن جادين قليلاً ..... ويكفينا كذب على انفسنا.
اشتهر المصريين من قديم الزمان خاصة قياداتهم بالحب الشديد للأفلمة (أي صناعة الأفلام) والضحك على الشعوب ببطولات وهمية لم يكن يصدقها إلا البسطاء ...وهاقد أتى اليوم الذي تظهر فيه حقيقة على لسان مصري عتيق يعرف تماما القيادات المصرية على مر العصور.......

هناك ١٩ تعليقًا:

MaNoO يقول...

حرام بقى كفاية هيا ناقصة بلاويك انت كمان نيلة عليك وعلىا للى خلاك رمز زى مابيقولوا مالك انت ومال الكلام دا خليك فى الحلقات اللى معدتش لاقى لكام فيها تقولهااستقالة سوزان حرفى مفوتكش محستش نك رخيص وقتها بنت جدعة حست انهم عاملين القناة مخصوص عشان خاطر مصر مش أنت ياعم ارحمنا بقى وبتقولوا بتحبوا البلد دى طيب منين وانت عايز الناس كلهاتشمت فيناولحظك الزفت عشان ينكشف كدبك وجود ناس منهم لسة عايشين ابقى ورينى ياعم هيكل فين مستنداتك المرة دى مشفتش التعليقات اللى على الموضوع عاملة ازاى فى ناس منتظرة اى حاجة عشان تشمت
منك لله ياهيكل ياللى بتقول بتحب مصر ومع ذلك بتشتغل فى الجزيرة

Ahmed يقول...

انا قرأت الموضوع ده في العربية
للأسف انا مش عارف ايه الهدف ورا الكلام ده

في الأساس انا بحط تحت شخصية هيكل خطوط كتيره جدا لأنه كان واحد من الناس اللي صنعوا فيه سياية مصر في وقت خسرنا فيه الكتير والكتير

بحط تحته خطوط حمراء لأنه رجل شديد الذكاء حاد الذاكره ودائما عنده مخزون معلومات خاصه للأسف دايما يستخدمها كأسلحه

ليه بصمه في نقاط سوداء كتير في حياتنا
النكسه, قتل المشير وقصة انتحاره وغير كده

اعتقد ان كلامه في الموضوع ده بالذات اللي هوا مصدر فخر لينا مستفز بشكل غير عادي

nody يقول...

manoo

ولا استقاله كل الى شغالين فى القناه المشبوهه دى يفوقه
دا واحد بقى عبيد البترودولار
مابقاش يهموش اى حاجه غير الى بياخده منهم
ولا بقى حتى يهمه الناس تقول ايه الى البلد الى اكلته وعلمته وعملت منه بنى ادم قدام العالم
منه لله فعلا

nody يقول...

أحمد أبو العلا

وليه بصمه اكبر فى تزوير تاريخ مصر
ياربى على كتبه والتاليف الى بيألفه فيها
والكدب الى بيقوله
والنكبه ان فيه ناس كتير بيعتمدوا على كلامه فى كتبهم هما كمان

وهو تقريبا خلاص مابقاش لاقى حاجه يجرحنا بيها فاخاف على مرتبه
فقال ما فيش فرار من الموضوع ده
اهو اى كدب يجيب فلوس
انت عارف بقى اكل العيش مر

thunder يقول...

خياااااااااااااااااااننننننننننننننننننننننننننننننننننننننننننننننننههههههههههههههههههههههه عاااااااااااااااااااااااااااااااااااااااااااااااااااااااااااااااااااااااااااااااااااااااااااااا عااااااااااااااااااااااااااااااااااااااااااااااااااااااااااااااااااااااااااااااااااااااااااااا
لا لن يمحوها الدم ممكن دولسيكا او كانزيا او عزومة فى مطعم بيروت البوست دا نزل امته بس
عاااااااااااااااااااااااااااااااااااااااااااااااااااااا
هغرقلك المدونة كلها كدا
عااااااااااااااااااااااااااااااااااااااااااااااااااااااااااااااااااااااااااااااااااااا

thunder يقول...

عارفة انا معاكى من بدرى من اول ما ظاهر سى هيكل دا على قناة الحظيرة وهو واضح انه من ارباب الحظيرة عقل ولغة
يعنى اذا نطق السفيه فخير من اجابته السكوت
يعنى دا ما يتردش عليه اطلاقا لانه واضح فعلا هو بيتحرك اذاى وبفلوس مين ولما الفلوس بدائت تروح هيبدا يعوى ويطالب السماح يعنى سيبك دا اسقط من زمان من الحسابات لانهولا يساوى وفعلا ردك عليه عامله اعتبر هو مش اهل ليها يابنت بلدى
وان كان انتى افحمتيه
دمتِ بكل حب و ود وفى رعاية الله وحفظه دائما يارب



وزعلان البوست دا نزل امته وازاى بس دا كدا خيانة ولا دا علشان المنتخب هربتى من الرهان اللى عليكى ونزلتية ماشى

سبهللة يقول...

على فكرة
البوست دة حرق دمى
=========
انا اول مرة ادخل هنا
ومعلش ليا ملاحظة صغنونة
البوست اللى قبل دة خطه صغير اوى وانتى كاتبه نصه باللون الاصفر على خلفية المدونة اللى لونها ابيش طبعا ماعرفتش اقرا حاجة
معلش بعد كدة ابقى خدى بالك
لان فى ناس عواجيز كتير زيى

nody يقول...

thunder


ماهو انت الى ما بتدخلش
وبعدين النت عندك وحش
ذنبى انا ايه؟؟؟؟

المشكله بجد فى الموضوع ده ان فيه ناس فكراه يساوى وفيه الى بيستنوه يجرح فينا علشان يشمتوا
هو ده الى بيزعل
تحياتى

nody يقول...

سبهلله


اولا يشرفنى انك تزورنى دايما
ثانيا حاضر بعد كده هاراعى الالوان والخلفيه

ثالثا اسفه على حرقه دم حضرتك
بس كلنا اتحرق دمنا بسبب كدب هيكل

تحياتى

حلم بيعافر يقول...

اممممممممم
اللى يقول يقول
الجدع اللى يثبت

Unknown يقول...

بقول ايه
هيكل حر يقول اللى هو عاوزه
و ده حقه
بس مش معنى اختلافنا معاه
يبقى هو بيكره البلد
لأن النظام مش البلد
---
شكراً لتشريفك مدونتى
---
بقول ايه
انا عمرى ما شوفت صحفى جميل
زى مجدى مهنا
ربنا يرحمه
كان نظيف قوى

blue-wave يقول...

هما ليه مصميين يوكسونا اكتر كل شويه؟:))

nody يقول...

حلم بيعافر

طب وليه يقول فى ناس بتصدق من قبل ما يثبت

نورتنى

nody يقول...

بدراوى

لا مش منحقه
انه يزور تاريخ بلد ويسيىء ليها
دى مش بلده لوحده

نورت البلوج

nody يقول...

blue_wave

هما مصممين ما يسبوش حاجه غير لما يخربوها حتى التاريخ

شرفتنى

عايش... ولكن !!!! يقول...

هيكل دلوقت غير هيكل زمان
هو دلوقت بيراهن على قناة الحصيره واللى وراها اقدر اقوله بالفم المليان يا هيكل اخترت غلط لانك بتراهن على الفرس الخسران .
وبصراحه انا مبحبش اتكلم على شخص زى ده لانه بغباءه بيتكلم فى شىء مفروغ منه الناس كلها عارفه تاريخ مصر كويس مش هو اللى هيغيره وزى ما بيقولوا

لو كل كلب عوى القمته حجرا لصار الحجر مثقالا بدينار

just dream يقول...

بنت بلدى اهلا باهل المنصورة على ارض المدونات العربيه
دى اول زياره ليه ومعتقدتش هتكون الاخيره بس بصراحه انا فوجئت بالبوست ده جدا لان انا بحب اسمع هيكل جدا وده لان بحب التاريخ وشغوفه جدا بان اعرف تاريخ الناس اللى سبقتنا وهيكل عنده كارزيما كويسه وهو بيحكى وبيعجبينى فيه قوة زاكرته الهايله
علشان كده مقدرتش افهم انتوا ليه ضده؟
انا بجد بطلب منك يانودى تفهمينى بس ايه حصل علشان برده اكون على درايه بما يحدث

nody يقول...

عايش ولكن

عندك حق يا ابن بلدى

بس للاسف فى ناس كتير بيصدقوا كلامه الفارغ

nody يقول...

وكيله نيابه مع ايقاف التنفيذ

اولا اسفه على التاخير فى الرد
لانى كنت مسافره

ثانيا انا اتشرفت بزيارتك
وياريت تتكرر تانى

ثالثا اما بخصوص السيد هيكل
فاهو للاسف ما سبش حاجه غير لما جرح فيها
من اول الاسره العلويه
وكلامه الغير محترم على الملكه فريده
وباقى الاميرات
وتجريحه بعد كده فى حكم السادات
مرورا بكلامه عن عدم وجود جواسيس مصرين لدى اسرائيل

كل ده انا بقوله بااختصار شديد
بس هيكل ده اصبح شخصيه نصابه
وكداب
بيستغل الكاريزما وذاكرته القويه
وشغله فى قناه الحظيره لتشويه سمعه مصر
وده طبعا مش لله