الثلاثاء، 23 يونيو 2009

ملحوظه

كلمتين وبس
سيد عمرو أديب
حضرتك وأثناء ما كل وسائل الاعلام قالت ان السيد (هشام طلعت مصطفى) هو قاتل سوزان تميم
وحتى لما القضاء قال كلمته انت كنت واثق من براءه السيد (هطم)
ولا استمعت لوسائل الاعلام ولا حتى غي موقفك حكم القضاء
لكن لما جريدتين مجهولتين الهويه شنعوا على منتخبنا بالظلم ومن غير اى دليل
كنت أول المستهزئين باللعيبه وسمعتهم وشرفهم وماستنتش منهم اى دليل يثبت صدق كلامهم
تفتكر لازم المنتخب يكون راعى للبرنامج بتاعك علشان تقف جمبه؟



سيد بلال فضل
حضرتك ذكرت ان التقوى والمعصيه ليس لها دخل فى احراز النجاح
وانا معاك
النجاح نتيجه للعمل والاجتهاد وطبعا التوفيق
وذكرت ان مافيش حد له الحق انه يحاسب اى لاعب من المنتخب حتى لو كانوا عملوا
الى ذكرته الصحف فى جنوب افرقيا لان دى حريه شخصيه
لك اختلف معاك
هما رايحين بااسم مصر
يبقى كل مصرى له حق عليهم انهم يحافظوا على قدسيه الاسم الى هما بيمثلوه
والى مش قد المسؤوليه محدش ضربه على ايده



هناك 32 تعليقًا:

عايش... ولكن !!!! يقول...

هوباااااااا انا اول تعليق احجز وراجع على طول

عايش... ولكن !!!! يقول...

تانى تعليق كمان
رخامه بقا

عايش... ولكن !!!! يقول...

طيب نقول تالت تعليق بقا ولا كفايه كده


كفايه كده

شوفى يا بنت بلدى
عمرو اعلامى متميرز صحيح علشان كده غلطه جت على دماغه
زى ما بيقولوا غلطة الشاطر بالف
ولانه برنامج بيناقش الاخبار فمن حقه انه يناقش الخبر ده لكن طريقته هيا اللى كانت مستفزه وبجد ضايقنى جداااااا وضايق كل مصر
واحد زى عمرو اديب بخبرته الاعلاميه المفروض يفصل بين مشاعره كمصرى ومحب للمنتخب وبين شغله كاعلامى بيجرى ورا الخبر الصحيح وشدى ميت خط تحت الصحيح دى

اما بقا اخينا التانى اللى نص كلامه كويس ونصه ملوش اى لازمه ده فازاى يبقى حد بيمثل البلد وتقوله اعمل ما بدالك مهو اللى بيعمله ده بيتعمم على المصريين ؟؟!!!!!

A.SAMIR يقول...

عمرو اديب مارس عمله كأعلامي بنجاح
لاعبو منتخب مصر ليسوا ملائكة و هناك عدد كبير منهم اخلاقهم و تصرفاتهم ليست فوق مستوى الشبهات

حاسوباتيه يقول...

كلامك عن عمرو اديب افتكر انه اه صحيح كان يضايق وكده بس شاسفه انه قال حاجه في الجرنان وكان بيثقولها صحيح بطريقه مش لطيفه شويه بس لايستحق كل الهجوم ده بصراحه

بالنسبه لبلال فضل هو كلامه صح مش من حقنا ندخل ده لو هما كده عادي او في حياتهم كده لكن لو الموضوع مس شرف مصر يبقى حقنا ندخل قوي كمان

nody يقول...

عايش ولكن

اهلا بيك ياسيدى اول وتانى وتالت تعليق
ماهو احتلال بقى

عمرو اعلامى متميز دا صحيح
لكن وهو بيناقش الخبر كان خلاص اصدر الحكم
وده تانى غلطه
اولا انه ماعرفش يفصل بين مشاعره
وثانيا انه تسرع فى اصدار الحكم
مع انه فى اوقات تانيه بينحاز للمتهم حتى ولو الحكم صدر

اما بلال فضل فا اكيد كلامه غلط
دول بيمثلوا بلد بحالها ما ينفعش يكون سلوكهم فيه ذره واحده مش مظبوطه

نورتنى

nody يقول...

A.SAMIR


اوك هو اعلامى ناجح مافيش شك
سلوك بعض اللاعيبه مقدرش اقول اه او لا

بس فين الدليل على كلام عمرو
جريده بتقول مجرد كلام علشان ترفع الحرج عن الدوله الى هاتنظم كاس العالم
طب عمرو طلع واعتذر بعد ما جنوب افرقيا نفت الكلام ده
طب هل اعتذاره يمحى الاذى الى لحق بسمعه اللاعيبه دى هما وبيوتهم واولادهم؟


شرفتنى

nody يقول...

حاسوبتيه

يعنى هو ما ستناش دليل واحد ونال من شرف ناس بريئه واعرض اسرهم واولادهم
حطى نفسك مكان واحد منهم قدام اهله ولا مراته ولا ولاده لما يسمعوا الكلام ده

اما بلال فضل
فهو نسى ان الناس دول رايحين يمثلوا البلد
يعنى كل خطوه محسوبه عليهم

اسعدنى مرورك

*البت المشمشية *حلوة بس شقية * يقول...

انا مش عايزة حد يجيب سيرة عمرو اديب ده خالص
ده انا كتبت بوست مخصوص عنو وعن عاميلو

thunder يقول...

هههههههههههههههههه
عارف ان الموقف دا والله هيستفذك يا جامد ياعمررررو (( وش مطلع لسانه ))
المهم كل اعلامى لية وسقطة او كل واحد وليه سقطة وعمرو اندفع لانه مصرى وكان محروق من اسلوب اللعب اللى كان واضح الاستهتار وعدم الامبالاة فيه
دا كان اولا ثانيا
مبسوط فيكى احتلالالال
اختى العزيزة دمتِ ياارب بكل حب و ود وفى رعاية وحفظ الله دائما يااااااااارب بنت بلدى عاااااا عااااااااا
البوست دا نزل ازاى وانا ماخدتش خبر
ماشى لما اشوفك بس المدونه هتولععععععععععععععععععععععع

أحمـــــــــــــد أبو العلا يقول...

عمرو أديب شخصيه مستفذه وبيستمتع بأسلوبه التهكمي
وهوا بيعمل بروباجندا للبرنامج بتاعه

الغلطه اللي غلطها ديه المفروض متكونش من واحد يقال انه اعلامي مخضرم

أتمنى ان اللاعبين ميسبوش حقهم وتكون قضية سب وقصف عشان يتعظ

nody يقول...

البت المشمشيه حلوه بس شقيه

خلاص ولا تزعلى نفسك
روح ياعمرو يا اديب
هههههههههههههههه
كله كوم ومزاجك كوم ياقمر

نورتينى

nody يقول...

thunder

بص زى ما بيقولوا غلطه الشاطر بألف

وعمرو ماكنش بيتكلم فى ربع جبنه براميلى
ده شرف واعراض ناس

وثانيا بقى ما انت بتنزل بوستات من ورايه
وبدخل لالقى نفسى هابقى رقم 40 اخرج من غير ما اعلق من الكسوف

عادى يعنى يابن بلدى

نورتنى

nody يقول...

احمد ابو العلا

هى غلطه كبيره
لانه المفروض يستنى دليل قبل ما يتهم الناس ويسخر منهم

بس بلاش تهديه النفوس دى ياهندسه
عندنا تصفيات كاس عالم

شرفتنى

مسدس صغير يقول...

بصراحة انا مش بحب الراجل ده من يوم مشفته
مش عارف ليه
بس دالوقتى بس عرفت ليه

nody يقول...

مسدس صغير

انهى راجل فيهم يامتر
انا اتكلمت عن رجلين


نورتنى

Tarkieb يقول...

والله كلامك جميل ...الغريب انه مدعي ثقافة وعامل نفسه عالمي وجايب الخبر من اليوم اسابع والبي بي سي بالعربي....بس معرفشي ليه مابيحودش على جريدة اراب تايمز اللي قالت انه عامل الهيسة دي بتوجيه من السعودية عشان اتغلبو وصيفو بدري....كان نفسي بقى يقولى جاب الجريدةالافريقية منين مدعي العالميةولا قالولووووووووه ؟مش غريبة انه مصاحب مرتضي ومصطفي بقري وشوبير.واشرف السعد..سبحان الله الطيور على اشكالها تقع ....

MaNoO يقول...

أولا اخباراتك ايه ويارب تكونى بخير
جاى انا متاخر برده عقبال عندك كنت فى فترة استجمام خارج نطاق الدقهلية
قرات اللى اتقال دا كله فى الجرائد بس بس مشوفتش عمرو أديب بس فى كلا الحالتين الراجل نزل من نظرى جدا قبل اى حاجة هو فى مكان لازم يتأنى اى لفظ بيطلع منه كمان المرة دى اتكلم عن المنتخب اللى هوا مصر وباسم مصر وكمان اللعيبة دى ليها عائلات يعنى ممكن يكون فيها خراب بيوت وكل دا من غير اثبات لاى حاجة
معرفش احنا ليه بنستكتر الفرحة على نفسنا ؟

nody يقول...

TARKieb

المشكله الى بجد انه ادى حكم من غير اى دليل مجرد كلام جرايد
ومش فى اى حاجه
دى حاجه تمس سمعه وشرف عائلات ان ماكانتش مصر كلها

شرفتنى

nody يقول...

MANoO

اولا انا الحمد لله كويسه
ثانيا ماشى ياعم ناس تصيف وتبلبط وناس قاعده فى المنصوره تعد النجوم
ثالثا
عمرو بجد خسر كتير
نتيجه تسرعه واسلوبه الاستفزازى

رابعا اخبار الامتحانات والنتيجه ايه؟

شرفتنى يا ابن بلدى

MaNoO يقول...

ليه سيرة الامتحاات دى بس المهم انها الحمد لله تمام والنتيجة خلال اسبوع ان شاء الله وربنا يستر اه وحاولى تخرجى من المنصورة الدنيا حر موووت هناك بقى البحر وحركات وتغيير النفسيات انتى عارفة بقى بس اوعى تستسلمى لحر الصيف الرخم دا

nody يقول...

manoo
ماشى ياعم المناضل مش هاستسلم للحر

بس اسمع
ان شاء الله ربنا ها يكرمك فى النتيجه
ومافيش تنازل عن الجاتو
ادينى نبهت اهوه

thunder يقول...

مبروووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووك على الاستايل الجديد وربنا يجعله فاتحت خير عليكى يارب وتستمر بى ابداعك وكلماتك
اختى العزيزة دمتِ فى رعاية وحفظ الله دائما يااااااااااااااااارب وبكل حب و ود

حلم بيعافر يقول...

كلامك عن عمرو اديب غلط
لانه ببساطة راجل اعلامى شغلته ينقل الخبر
ولو مكنش نقل الخبر ده يبقى قصر فى شغلته اللى هو بيشتغلها واللى بياكل منها عيش
بلال فضل حر فى رايه وانت كمان ولولا اختلاف الاراء..........

أنــا يقول...

كلامك عن عمرو اديب شايفه انه صح .. لانه كان لازم يتأكد من معلوماته كويس عشان يتجنب التجريح في حد وهما مش ناقصين وجع..
معتقدش انهم كانو مبسوطين لما خسروا عشان حد يظلمهم كمان ..
اما بلال فضل ...
انا بختلف مع بلال ومعاك .. لان مهما بذلت من جهد دا مش معناه انك هتتوفق الا لو ربنا كان معاك ..
كان في بيت شعر بيقول ..
" ان لم يكن عون من الله للفتى .. فأكثر ما يجني عليه اجتهاده "
الاجتهاد من غير ربنا .. ولا يسوى .
لكن رضا ربنا مع حبة جهد ولو قليلين .. ماتتخيلش ممكن يعملو ايه ..
واتفق معاك جدا في الجزء التاني من كلامك ..انت صح اوي ..

تقبلي مروري بخالص من الاحتراموالتقدير لاحلى تدوينه شوفتها النهارده :)

MaNoO يقول...

جاتوه بس لا لا مش قيمتك خالص يانودى ليكى عزومة كاملة فى البارون جاتوهات بشاى بكل حاجة بسلاطات بكله اوصل لكلمة سنة تالتة بس وهنقيم الافراح للصبح

mohamed ghalia يقول...

فى إعلاميين بيحب يظهروا شويتين مش أكتر

nody يقول...

thunder


الله بيارك فيك

والبركه فيك
معلش الرد جه متاخر
ان عارف الظروف بقى

مرسيه يا ابن بلدى

nody يقول...

حلم بيعافر

لا معلش هو غلطان
عارف ليه
لان أول قاعده من قواعد الاعلام الحياد
ولو اتفرجت على الحلقه
كنت عرفت ان الاستاذ عمرو بعد كتير عن الحياد

اما بلال فضل فاهو حر فى رايه طبعا بس بارضه
مافيش حد حر انه يسؤ اسم بلد هو بيمثله

نورتنى

nody يقول...

انا

طبعا ربنامع المجتهد والتدين عمره ماكان مقياص النجاح

لكل مجتهد نصيب

مرسيه على كلامك الرقيق

شرفتينى بجد

nody يقول...

MANOo


ربنا يخليك يا ابن بلدى
ان شاء الله هاتنجح والكارنيه ينكتب فيه تالته مستجد تقدير

معلش اتاخرت فى الر لانى كنت مسافره
ولسه واصله حالا

nody يقول...

mohamed ghalia


مش بيحاولوا يظهروابس دول بيستعرضوا
قدراتهم الاستفزازيه


شرفتنى