الاثنين، ١٢ يناير ٢٠٠٩

للصبر حدود

سرور ازا أيدت(الايداريه العليا) وقف تصدير الغاز الى اسرائيل


سوف تلتزم الحكومه فورا للقرار
نقطه بقى كده معايا ومن أول السطر
وواحده واحده
اولا الغاز ده بتاع مصر بيروح فين لبنت القديمه اسرائيل وكمان بسعر مخفض
يعنى يا حلوين العسكرى الاسرائيلى يستحمىبميه سخنه من السخان ابو غاز
(مع العلم ان غزه الناس الى فيها صدت من قله الحمى
لام مافيش وقود يخبزوا بيه عيش
ولا فى اصلا ميه نضيفه )
وبعد ما يستحمى مراته تكون طبخت له على الغاز المدعم المصرى ده الاكل
يطفحه بالسم الهارى
وينزل يقتل فى غزه بر و جو يامعلم بصواريخ ماشى
قنابل وماله ذخائر محرمه ومسرطنه مايضرش
عاااااااادى
وبعد ما يروح طبعا الراجل عرقان وتعبان
يستحمى تانى بميه من السخان ابو غاز
وكمان متدعم
وبعد كده يتعشى( وبارضه مع العلم ان غزه الناس بيناموا من غير عشى مش علشان مافيش غازلا خالص
علشان مافيش اكل اصلا يطبخ)
وينام نوما هانئنا
وغزه بتندب موتاها
وبس
النقطه التانيه بقى
الغاز المصرى المتدعم ده الى بيروح لجارتنا اسرائيل
احنا فى مصر فى ناس مش لاقينه
اه وربنا
ورحمه القطه بتاعه بنات بوش الى نعاها البيت الابيض الاسبوع الى فات(على فكره لم ينعوا ضحايا غزه)
فى ناس فى مصر ما اسعدهمش الحظ لسه بتركيب الغاز الطبيعى
وماهماش لاقين الانبوبه الى سعرها وصل 10 جنيه من اصل 4 جنيه
شوفوا حتى هنا
واسرائيل بتاخده مدعم
وكل ده وفتحى سرور مستنى قرار الاداريه العليا
عارفين لو النظام ده بيستنى احكام القضاء ولا بيعبرها كنت بلعت الجزمه الى رومها الاخونجيه امبارح فى مجلش الانس وسكت
بس للاسف فيه الاف من الاحكام القضائيه فى البلد لا تحترم
اشمعنى يعنى دلوقت
حد يقولى علشان انا خلاص تعبت
انا واحده ربنا ابتلانى فى النادى الى بشجعه بلاش والنبى البرجين الى فاضلين يضيعوا هما كمان
حراااااااااااااااااااااام

هناك ١٣ تعليقًا:

Ahmed يقول...

يبقى انت اكيد اكيد في مصر

ايه؟ مسمعتيش الأغنيه ديه؟

الراجل كلامه واضح
لما القرار يبأه ييجي الحكومه اتتصرف, لو عندك قاموس عربي عربي صادر عن دار الحزب الوثني للنشر هتعرفي أن التصريح ده معناه "ابقوا قابلوني..."

وبعدين ايه يعني بتوع غزه مش بيستحموا, خليهم يرجعوا للمواد الأوليه للانسان
وايه يعني مش بيكلوا, خليهم يرجعوا للطبيعه من غير الغاز المدعم

المهم اخواتنا اليهود أولاد اليهود يلاقوا حاجه تنضفهم وتأكلهم من غير مترهق جيوبهم


حسبنا الله وتعم الوكيل

Empress appy يقول...

الاتفاقيه القذره بتاعت الغاز مصر مش هتعمل فيها حاجه اللى بيحصل ده لتهدئه الراي العام عارفه ليه
علشان فى الاتفاقيه لو مصر قطعت الغاز يبقى يا حبيبتى بتعلن حرب علنى على اسرائيل ابقى كمان رجعي اتفاقيه كامب ديفيد اللى فرحانين بيها هتلاقيها كلها لصالح الكلاب
النهارده صاروخين جوا الاراضى المصريه بمسافه 4 كيلو واسرائيل اعتذرت طيب قولى انتى بقى اجيب عقل منين ها قولى

Ahmed elshebli يقول...

بصي يا بنت المنصورة
أولاً احنا شعب نستاهل ضرب الجزم زي بوش بالضبط
جبناء و بنخاف من خيالنا
لو اللي بيحصل دة حصل في دولة فيها بني أدمين كان الرئيس أعدم من زمان
دي والله مهزلة
أنا مكسوف من نفسي والله

البت المشمشية حلوة بس شقية يقول...

هههههههههههههه
بس بقه ضحكتينى يابنتى من اللى احنا فيه
شر البليه مايضحك والله
اللى بيحصل عندنا ده كوسة
وعليه طرشى
وعليه نص كيلو ملح
حاجة كدة متتاكلش
معلشى احنا لو فى مكان فى العالم تانى
مكنش بقه ده حالنا اخس علينا بجد حاجة بقت تكسف

قلم رصاص يقول...

لا تعليق على ريس سيد قراره

nody يقول...

eng.ahmed abo el-ella


لا دا انت شكلك مزاكر القاموس كما انزل
كويس انك نورت المحكمه


تحياتى

nody يقول...

appy

يعنى عاوزه تقنعينى ان الوزرا المحفلطين بتوعنا ما يقدروش يصنعوا من الاساس عراقيل علشان ما يصدروش الغاز
امال يعنى هما تخصص عراقيل مصرى
ويهودى لا
الحكايه مش حكايه معاهده
دى حكايه ناس استطعمت الذل
مش فارقه غاز
من حدود تتضرب
من عساكر تتقل
المهم الكرسى ورصيد سويسرا

nody يقول...

ahmed elshebli

ماهو للاسف لا الجزمه ولا الموت هايجيبوا نتيجه

احنا محتاجين نكره الصبر والذل شويه

nody يقول...

البت المشمشيه

ماهو ياحبيبتى لو كان نهر النيل صلصه
ماكانش كفى الكوسه الى فى البلد

ههههههههههههههه

nody يقول...

قلم رصاص

طبعا لا تعليق على ريس افتكر انه يحكم قطيع

Ahmed elshebli يقول...

مصر تفتح سيناء لليهود للمتعة والفساد طوال العام بدون حتى تأشيرة دخول

مصر لا تكتفى بأن جعلت من أرضها " مدينة ترفيهية لليهود " وتمد إسرائيل بكافة أسباب الحياة من الغاز ( لتسيير الآلة الحربية ) والأسمنت لبناء الجدار العازل ، والمياة .. لكة تنعم إسرائيل فى عهد مبارك

بعد فوز حماس فى الانتخابات مبارك يستمر فى استقبال عباس وقيادات فتح ويرفض استقبال قادة حماس

بعد سيطرة حماس على قطاع غزة .. مبارك يخشى من أن تتأسلم المنطقة

أبو الغيط يستأستد ويتوعد ويهدد .. حركة حماس وكلا لفلسطينين : اللى هيعدى المعبر هنكسر رجله
ليفنى تعلن الحرب على غزة من القاهرة

أبو الغيط ينتقد حماس ويردد توعدات إسرائيل على لسانه

المطلب الأول لجماهير الشعب المصرى والعربى : فتح معبر رفح

أبو الغيط يحاول فى ثانى أيام العدوان أن يصحح الموقف المصرى المرتبك من تركيا ، ويتجاهل قضية المعبر

مئات الآلاف يصرخون من قلب القاهرة : يسقط يسقط حسنى مبارك

مبارك : يتحدث بعد أربعة أيام من العدوان ليعلنها صريحة جريئة .. لن نفتح معبر رفح ، إلا بوجود السلطة " الوطنية / العمليلة " ، ومفوضى " الاتحاد الأوربى / الكيان الصهيونى " ، وحتى تحين هذه اللحظة ، فالقوات المصرية ستأخذ دور ( الخونة والعملاء ) فى آن ، ولن تسمح أن تسلم المعبر لحماس

السلطات المصرية تفضل نقل المعونات التى تصل إلى العريش عبر المعبر " الإسرائيلى المصرى " كرم أبو سالم ، حتى يتم تفتيشها من قبل السلطات الإسرائيلية قبل دخولها قطاع غزة

كميات كبيرة من المعونات الموجودة فى استاد العريش تتعرض للسلب المنظم فى ظل غياب مراقبين أو منظمات تشرف على تسليمها

الأمن المصرى يقوم لليوم الثانى على التوالى بضرب المتظاهرين واعتقالهم فى التظاهرات الجماهيرية فى سابقة هى الأولى فى العالم العربى منذ العدوان على غزة

جوردون جوندرو المتحدث الرسمى باسم البيت الأبيض يشكر باسم بوش ما أسماه بالدور الإيجابى الذى لعبته مصر خلال الأيام الماضية فى حرب غزة

القاهرة تقمع كافة المظاهرات على مدار ثلاثة أيام ( الأربعاء والخميس والجمعة ) ، والحصيلة عشرات الجرحى ومئات المعتقلين

مبارك يؤكد على أن معبر رفح حق للاحتلال ولمن يعترف بالاحتلال وليس لأى قوة فلسطينية حق فيه ولا فى إدراته

المعلومات الواردة من العريش تنبه على أن نسبة المعونات المسموح لها بالدخول عبر معبر رفح لا تتجاوز واحد فى المئة من الكميات المتوافدة على العريش برا وبحرا وجوا

إغلاق كامل لمعبر رفح إثر بدء العمليات البرية فى فى غزة

حتى اليوم العاشر من الحرب 168شاحنة تدخل من المعابر الإسرائيلية إلى غزة ، مقابل 100 فقط من معبر رفح

غير معرف يقول...

معسكر القسام
واجبات عملية
لقد قمت بترجمت كلمات الأخ الكريم أبو خيري " كلمة حق " إلي واجبات عملية نعمل بها إلي أن نكون في معسكر القسام كمدونين خصوصا ومن أراد أن يعرف واجباته العملية كفرد عادي دون تخصص المدونين عليه أن يرجع إلي"
1: علي كل مدون أن يدعوا إلي فتح باب الجهاد فورا ويضع له ما يعبر عن هذا في مدونته.
2: علي كل مدون يريد أن يكون في معسكر القسام أن يضع علي الشريط الجانبي دعوة إلي المقاطعة ويصمم بنر أو شعار لهذه المقاطعة ويضعها علي مدونته.
3: علي كل مدون أن يدعوا الجميع إلي الجهاد بالمال وذلك أيضا عبر مدونته.
4: علي كل مدون أن يدعوا إلي فتح معبر رفح وذلك عبر مدونته.
5: علي كل مدون أن يدعوا الجميع إلي قولة الحق والغضب علي هذه الأنظمة الفاسدة.
6: علي كل مدون أن يدعوا الجميع إلي العودة إلي الإسلام مرة أخري.
7: علي كل مدون أن يدعوا إلي معرفة القضية معرفة جيدة ومعرفة تامة.
هذا وبالله التوفيق

Ahmed elshebli يقول...

islam camp
not qassam camp my friend