الجمعة، ٢ يناير ٢٠٠٩

احنا فى زمن المسخ

مصر يا أما ياهفيه


من غبير اى كلام مش محتاجه اقول قد ايه كل بنى ادم عنده ضمير قلبه بيتقطع


على بيحصل فى غزه


مش شرط يكون مسلم


ولا عربى



يكفيفه انه يكون انسان


الاحساس مش محتاج دين ولا وطن ولا جنس
الاحساس محتاج بنى ادمين
بنى ادمين يحسوا بريحه الموت الى عششت داخل بيوت ناس غلابه
كل ذنبهم ان ربنا رزقهم بمرتزقه اغبيه بهايم يحكموهم
ده بس كل ذنبهم
وطبعا ولان ده الحال العربى
مافيش شعب يقدر يغير حكومه بتحكمه
لانه حتى لو غير هايجى الأسوء

الموت والدم فى كل مكان
ومع ذلك بدل ما نفكر فى الناس
لا نفكر فى غباوتنا
خالد مشعل قال لن نتراجع حتى لو أبيدت غزه
والنبى حد يقولى هو مش ها يتراجع عن ايه؟

راجل ابن حلال كده متربى يقولى حماس الزفت دى لن تتراجع عن ايه

عن صواريخ العيد الى بترميها على اسرائيل؟
ولا ما يكونوش عندهم طيران
وصواريخ اربيجيه
وبيضربوا بيها اسرائيل وانا مش واخده بالى

او يمكن تلفزيونا ما بيجبش الحاجات دى؟

ولا بجد وبصحيح الراجل ده ما فيش عنده غير بمبم العيد الى بيحدفه على اسرائيل

وبيعمل لهم بيه جو اكشن

ومش ها يتنازل ولا ها يتراجع عن ده حتى لو ابيدت غزه

حسبى الله ونعم الوكيل فيك بجد

مئات ماتوا علشان صواريخ حماس الى بيزغزغوا بيها تل ابيب


وطبعا الحكومات والانظمه العربيه بدل ما يقعدوا ويشوفوا الكارثه الانسانيه دى
فضلوا بقى يطلعوا فى احقادهم وقاذورتهم علينا



اولهم السيد المبجل حسن نصر الله السيد رجل ايران وسوريا الاوحد

الراجل ياجماعه عاوزنا نعمل انقلاب عسكرى علشان نضغط على الحكومه انها تفتح معبر رفح

وهاجم مصر مهاجمه شديده

وكمان تقريبا حملنا مسؤليه عدم انعقاد قمه عربيه

دلوقت السيد حسن نصر الله عاوز قمه عربيه

ولما كان الطحت شغال فى لبنان قال لهم مش عاوزين قمه عربيه

دلوقت القمه العربيه بقت حلوه وبيوزعوا فيها هدايا

طبعا ده مش كلامك ياحسن

ده كلام اسيادك

ايران

هما دلوقت عاوزين قمه عربيه وعاوزين الكل يشتم فى بعضه

وانقلابات عسكريه كمان فى المنطق علشان هى فى الهوجه دى تكمل النووى بتاعها ونلاقيها بقت غول وماحدش قادر عليها

ايران هى الى ادتك الورقه وفيها الكلمتين دول

طب اقولك بقى احنا دوله ضعيفه وبينا وبين ولاد الرخمه دول معاهده

طب ماتخلى ايران تضربهم هى بصواريخها الى ممكن تطول تل أبيب؟

على الاقل هما فى حاله عداء معاهم ولا خايفنن على الفستق الى بيصدره لاسرائيل ؟؟؟؟


ولا اقولك طب ماتضرب انت شمال اسرائيل بدام انت عامل فيها ميه راجل فى بعض

بذمتك مش لما تدخل فى حرب معاهم علشان غزه

احسن ما تدخلها علشان جوز عساكر؟

طبعا عمرك ماهاتعمل كده

عارف ليه؟

علشان الاوامر الى جايه من طهران مش كده

ولما هى بقى الحكايه مصالح ولعب قذر من تحت الترابيزه زى الى حصل بين امريكا وايران فى العراق

يبقى تسعنا صمتك الرهيب احسن

ويادوب تلحق تحضر لخطبه عاشوراء

وماتنساش تبقى تهلفط على اسيادك زى ماعملت السنه الى فاتت

وشويه شويه نسمع عن مين الى عمل مظاهرات ضد مصر والنظام

وبيشتم وبيتسافل كمان

قسما بالله لو حد عمل كده

كنت عصرت على نفسى ليمون وسكت

انما الاقى سوريا بتشتم طب يعنى ما انتم عمالين تبوسوا الايادى علشان تقعدوا معاهم

وانتم معاهم على الحدود وبيكم حرب

فين الهمه؟

والاردن كمان بيشتموا قدام السفاره المصريه وبيطالبوا بسحب السفير الاسرائيلى من مصر

طب والسفير الاسرائيلى الى عندكم نظامه ايه؟ ؟

وكمان ليبيا الى المفروض ينقلوها جمب اخواتها فى الخليج بتهلفط

هى بقت كده

ما المعبر مفتوح والنعمه وفيه جرحى بيتعالجوا عندنا

لازمه السفاله ايه؟

وكله كوم بقى وقطر وقناه الجزيره كوم تانى

مافيش على بؤهم غير ليفنى

ليفنى اتفقت مع الحكومه المصريه على كل حاجه

مصر بنت الكلب العميله استقبلت ليفنى


طب ما يولاد السابوهات

ما كانت المزه عندكم ودبحين لاها عجل على باب المحطه

سمعتش انا صندل اتكلم

عرسه زنت؟

ابدا

والنبى المحن ده بلاش منه

الى عاوز يعمل حاجه للناس دى يعملها وهو ساكت

محتاجين دعايا ليه؟

انما المزايده من اشكال ضاله من باره

وناس من جوه بتعانى من امراض عقليه ربنا يشفيهم بقى

الواحد اى نعم ما لوش فى نفسه حاجه

بس مش لدرجه انه يحدف غباوته على الناس

هناك ١١ تعليقًا:

صبرني يارب يقول...

ههههههههههههههههههههههههههه

يخرب عقلك انتى مبقوقه جامد

انا كمان والله

وكل الى قلتيه صح كله لعب قذر من تحت التربيزه
دى السياسه في عصرنا الحالي للاسف الشديد

واحنا بالصلاه على النبي يادووووب نمسك الطبله ونهلل وراء اي زفه حتى لو كانت على قناة الجزيره الى مش لاقيه حاجه تعملها غير تمسك فى قفا مصر

البت المشمشية حلوة بس شقية يقول...

هههههههههههه
ايه يا بت الكلام الجامد
حاسبى لحد بيكون بيبص من ورا باب
المدونة ويسمعك وتروحى فى تورة

nody يقول...

صبرنى يارب

مبقوقه بس
قولى مفقوعه
هاطرشق من جنابى
ل واحد عمال يزايد وهو مستخبى تحت البطنيه ومدلدل رجليه من على السرير
وكل واحد بقى وشطارته فى الى بيزايد عليه
لما الواحد خلاص
قرب ينفجر
وياريت حد فيهم بيعمل حاجه
الا بؤ وخلاص

نورتينى

nody يقول...

البت المشمشيه
هههههههههههههههه
ياشيخه يارب الى بيص تتفقع عنيه
بلاوى وملوا البلد


تحياتى

أبو مسلم السفاح يقول...

إسرائل لن تتراجع إلا الحرب و ان لو من الحكام العرب بتحالفوا مع إيران

nody يقول...

طب لما ايران تتحالف مع العرب علشان تقضى على اسرائيل
طب بما ايران تيجى تقضى على العرب ها تبقى تتحالف مع مين؟

السياسه اكبر بكتير من مجرد تخيلات

شرفتنى

Unknown يقول...

شكلك خلاص علي اخرك

نصر الله مش هو الي قال ان سلاح حزب الله لخدمة لبنان و بس

هو العرب ليه عايزين يحاربوا بجيش مصر و بس معندهمش رجاله ولا مشلولين هما

لو عايزين حرب يبقي جيب عربي مش مصري و بس

الكل خايف علي كرسيه و منصبه و عمولاته

تحياتي يا قمر

nody يقول...

EMY

عليكى نور
الى عاوز يحارب يحارب بجيشه
مش يقعد تحت البطنيه ويقول يامصر روحى حاربى ولو ماحاربتيش تبقى عميله وبنت ستين فى سبعين

ناش معاقه بعيد عنك

نورتينى ويارب الزياره تتكرر

سارة نجاتى يقول...

هاى
تصدقى لما قلت أننا المفروض نتعاطف معاهم لأنه بنى أدميين مش لأنهم عرب أو مسلمين , الناس زعلوا منى
عارفة حتى لو ده فى النرويج كنت ح أزعل برده , طبعا بدرجات مختلفة لأن دول ناس بنشترك معاهم فى لغة و تراث و حاجات كتيير .

سعيدة بالتعرف على مدونتك
تحياتى ليكى

سارة نجاتى يقول...

أه , كبرى الخط شوية يا بنتى عينيا راحت ههههه

nody يقول...

ساره نجاتى
اولا المدونه وصاحبتها اتشرفوا بيكى اكتر ونحب نشوفك دايما عندنا
ثانيا
المفروض اننا نتعاطف مع كل الناس الى بتواجهه مصايب وكوارث
مش شرط دين ولا لغه
المهم اننا نحس بيهم ومن غير مزايده عليهم او على مشاكلهم


وان شاء الله هابقى اكبر الخط وسلامه عنيكى
نورتينى