الاثنين، ١٥ ديسمبر ٢٠٠٨

لحظات



لحظات كتير مرت عليه قبل كده

كانت صعبه

كنت بضحك او على الاقل ابتسم

وبمنتهى الرضى

وأقول ان غدا ليوما اخر

لكن دلوقت راحت ابتسامت الرضا

وفقدت الأمل ان فيه يوما اخر

يمكن علشان اللحظات دلوقت بقت اصعب

يمكن علشان زمان كان فى حاجه تصبرنى

لكن الأكيد

انى اتكسرت جوايا حاجات كتير

وضاعت منى حاجات اكتر

كل حلم حلمته اتسرب من بين أيدى

كل حاجه اتمنتها تحصل مهما ان كانت بسيطه وحق مشروع ليه

انتهت

مش عارفه ليه كل ده بيحصل

اقل الاشياءبتضيع منى وبفقدها بمنتهى البساطه

قربت انهار فعلا

عامله زى جبل التلج الى بيسقط حته حته

ممكن ارجع واتماسك

يمكن ارتكب اخطاء فى حق نفسى وغيرى

مش عارفه

ويمكن ابطل تدوين

ويمكن ابطل اتنفس ويمكن بقت امنيتى

الوحيده

بجد مش عارفه


هناك ٧ تعليقات:

blue-wave يقول...

ليه بس كل دا؟
استهدى بالله بس
وان شاء الله كل حاجه هاتبقى احسن
انتى بس قولى يارب
وهايكون معاكى اكيد

البت المشمشية حلوة بس شقية يقول...

متزعليش نفسك
واستنى ربنا فرجو قريب وكل حاجة هتبقى كويسة
ياريت بقى تنورينى ان افى المدونة اللى جمبك انا مش بعيدة يعنى خطوتين كدة

قلم رصاص يقول...

سيبك من كل اللي فات

خلي عندك امل في ربنا ان بكره هيكون احسن

وان شاء الله الجي احسن

تقبلي مروري مع التحية

صبرني يارب يقول...

ايه ده ؟؟؟

ما حدش بيموت عشان حد

والدنيا ما بتقفش عشان حد

لو شايفه انك زي قلتك وموتك مش هايفرق

يبقى العيب منك

لازم يكون وجودك فى الدنيا يفرق
اعملي حاجه

اعملي لدنياك كانك تعيشي ابدا

واتأملي فى ربنا خير

ان الله عند حسن ظن عبده به

استغفري ربنا وتوبي اليه
واسليه ان يلهمك الصواب

~*§¦§ Appy §¦§*~ يقول...

بصى لو حاسبتى نفسك كويس دايما وكنتى قويه اوى هتلاقى ان كل اللى انتى فيه حاجات بسيطه اوى الدنيا مبتقفش والقوه فينا بس نطلعها

اصرار أمل يقول...

وكل هذا من أجل ماذا ؟
ربما من أجل شيء لايستحق كثيرااااااااا
لا ترهقي نفسك هكذا ...
وخلي الأمل سلاحك ...

arab girlscool يقول...

This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
شات انحراف
انحراف
منتديات منتديات عرب كول
غلا الروح
شات غلا الروح
شات صوتي
شات مغربي
قوانين الشات الصوتي
برامج كام وصوت