الخميس، ١٦ أكتوبر ٢٠٠٨

ماذا يريد الأخوان مظاهرات كل عام فى الجامعات المصريه
والسبب حرمان طلبه الاخوان من الاشتراك فى انتخابات اتحاد الطلاب
يتكرر هذا المشهد من كل عام
مظاهرات وهتافات وامن مركزى وعربات مصفحه
واحيانا قنابل مسيله للدموع واعتقالات وفصل من الجامعات
والسبب الاخوان
وهناك العديد من الأسئله تجول بخاطرى
اولها لماذا يمنع النظام الجامعى الاخوان من الوصول الى اتحادات الطلبه ؟
وهذا السؤال اجابته لا يختلف عليها اثنان
والاجابه
ان النظام لا يريد الاخون فى أى مكان فى مصر
حتى لو كانوا طلبه
أما باقى الاسئله هى
ماذا سيفعل الاخوان حين يصلوا الى مقاعد الرئاسه فى اتحادات الطلاب
هل سيفعلون هكذا أو سيكتفون بتوزيع المنشورات الدينيه على الطلاب والوعظ لهم فيما بين المحاضرات؟
أهذا كل ما يملكه الطلاب الاخوانيون؟
لقد كنت أراهم حين كنت طالبه ولم يكن هذا بالبعيد بل كان فى العام الماضى
كانوا لا يفعلوا سوى ذلك فى محاوله لنشر افكارهم عن طريق الملصقات والخطب والدورس فقط والتطفل والتدخل فى ما لايعنيهم
اتذكر حين كنا ناخذ بعض الصور التذكاريه انا وزميلاتى
وتدخل احدهم وارسل لنا ورقه يععلمنا ان اشد اهل النار عذاب هم المصورين
حينها الغضب تملكنى من هذا التطفل الابله
هذا وهم خارج الاتحاد
فما بالكم ان دخلوه
هل سيكون واجب على كل فتاه ان ترتدى الخمار فى الجامعه مجبره
وعلى كل طالب ارتداء بنطال قصير مجبر ايضا
ولا يحق للفتاه ان تتحدث الى استاذها اثناء المحضاره بحجه ان صوتها عوره؟
هل سيحدث هذا؟
ان الاخوان أناس احتار الكل فيهم
نتذكر حين دعوه الأضراب فى أبريل الماضى وعدم مشاركتهم
ونتذكر ايضا مواقفهم المخجله مع النواب المستقلين فى مجلس الشعب وهم اغلبيه كبيره
وعدم دعمهم لكثير من اثاره قضايا الفساد فى المجلس
ونتعجب منهم ايضا حين الانتخابات وعدم منافستهم فى الدواير التى يحتلها رموز النظام العتيده
امثال سرور والشاذلى واحمد عز
ومنافستهم للمعارضين والمستقلين
نتعجب منهم حين يهاجهون النظام ولا يفعلون شىء ضد فساده
ونتعجب ايضا حين يطالبون بأن يأخذوا حقهم وهم لا يراعوا حقوق الأخرين





هناك ١٤ تعليقًا:

قلم رصاص يقول...

أول تعليق محجوز

قلم رصاص يقول...

والله كلامك بجد حقيقي عن الاخوان

فعلا هم يقولون مالا يفعلون .. ودي حقيقة لايختلف عليها اتنين

المفروض انهم جماعة دينية تدعو لدين الله بمايرضى الله .. الأمر بالمعروف والنهي عن المنكر .. الخ الخ

لكن بكل أسف هم أهل سياسة ولايعرفون غيرها
لأني بعتقد انهم غير مبحرين في أمور الدين بما يكفي لهم التحدث بإسمه

وبعدين على رأيك فين مواقفهم وهم في اعتى صور قوتهم ..

دول حوالي 70 عضو بمجلس الشعب .. يعني تقريبا 20% من قوة البرلمان المصري .. يعني برضه قوة لايستيهن بها عاقل ولا مجنون

ومع ذلك .. أصبحوا كالفيران في جحورها

حقيقي انا متعجب من امر هؤلاء الناس

بتقلبي علينا ليه بس .. ما كنت ناسي
ههههههههههههههه

أشكرك بجد على البوست الجميل

تقبلي مروري

صبرني يارب يقول...

شوفي انا بداية احب اوضح موقفي انا مش مع الاخوان ولا غيرهم انا لوحدي مع ربنا ورسوله

وطبعا فكر الاخوان مش عاجبني خصوصا فيما يخص الاراء الدنيه الى شايفه ان مالهاش اي ا صل فى الدين

زي صوت المرأه العوره والتصوير بالكاميرات
كل ده كلام تعبان يدل على جهل متقع

لكن بالنسبه للاتحاد
وبعيدا عن الناس الي موجودين دلوقتي

انا كنت اول دفعه يحصل فيها محاربه للاخوان فى الانتخابات
من قبلي كانوا الاخوان ماسكين الاتحاد كذا سنه ورا بعض

احقاقا للحق كانوا محترمين وايدهم نضيفه مش حرميه
انا اعرف رئيس الاتحاد الى كان قبل ما ادخل الجامعه ب كام سنه كده جوز واحده صاحبتي

الراجل زي ما دخل زي ما خرج وكان مموت نفسه هو والى معاه شغل حقيقى مش صرمحه

الى مسك بعده برررررررضه كنت اعرف اهله واعرفه طشاش
وكان يعنى من الطبقه الكادحه الى على ادهم اوي
حضرتك فى ظرف سنتين ثلاثه مع السقوط المستمر واستنفاذ مرات الرسول كل سنه هو اخوه التوأم الى كان فى تربيه

بقوا ماشين بقى عربيات وبدل وبنات وحاجه اخر فله
وبعد ما كانت اوضة الاتحاد اوضه صاخبه بالعمل
بقت اوضه صاخبه بالمسخره وقلة الادب وبقت مكان مشبووووه بكل معنى الكلمه

عشان كده انا لما فتحوا الانتخابات مره فى الكليه
روحت انتخبت عشان ما حدش ياخد استمارتي يملاها بدالي
واخترت بتوع الاخوان
عشان لما تقارني بينهم وبين الفساد الى كان موجود وقتها

يبقى هما احسن

الا انى اختلف معاهم كليااااا فى الافكار والطريقه الى بيعرضوا بها الافكار
لكن انا قلت الكلام ده كشهاده حق ان فعلا اعرف رئيس الاتحاد وهو شخص محترم ومش غبي زي الناس الى انتى بتتكلمي عنهم

على فكره انا منصوريه كنت جامعة المنصوره كلية تجاره

nody يقول...

قلم رصاص
اهلا بيك اول تعليق

nody يقول...

قلم رصاص

والمشكله الاكبر كمان ان النواب المستقلين لما بيجوا يستنجدوا بيهم ضد احد الوزراء الفاسدين
ودى حقيقه وحصلت فعلا
بيرفضوا
مع انهم مع المستقلين بيشكلوا اكتر من تلت المجلس ويقدروا يعملوا ساعتها كتير
الناس دى بتالعب لحساب حاجات تانيه غير الدين

نورتنى

nody يقول...

صبرنى يارب

بصى ياقمر يا بنت بلدى
الفساد موجود فى كل مكان
سواء فى الجامعات او غير الجامعات
ولو احنا قلنا يبقى نستبدل الفساد ده بالاخوان حتى لو واحد فيهم ايده نضيفه يبقى احنا معماناش حاجه
لان الجماعه دى فيها فساد كبير
حتى لو كان فيهم واحد كويس
طريقتهم وافكارهم
كارثه كبرى
انتى يمكن ما شفتهومش فى السنوات الاخيره فى جامعه المنصوره
اصبحوا غير منطقين بالمره فى تصرفاتهم
الناس دى حرقوا الدنيا علشان يوصلوا لمجلس الشعب ولما وصلوا معملوش حاجه
وبارضوا لو وصلوا النهارده لاى مكان مش ها يعملوا حاجه
اخر حاجه ممكن يعملوها انهم يحطوا استيكارات على ابواب المدرجات ودمتم
وطبعا لو كل الناس الى فى الاخوان بقت محترمه زى رئيس الاتحاد الى انتى تعاملتى معاه يمكن كانت الامور اتغيرت

تحياتى

romansy يقول...

هو فيه خلل موجود
الاخوان خدوا فرصتهم كامله فى الانتخابات
بس لاسف مفيش حد فيهم عمل حاجه
كلام وخلاص
زى غيرهم

blue-wave يقول...

لا خير فى الإخوان ولا فى الحكومه
الإتنين اسوأ من بعض
كله بيدور على المناصب وبيفرموا المواطن الغلبان بينهم
اسف تانى وتالت ومليون على الفترة اللى فاتت

Empress appy يقول...

بصى يا نودى الاخوان ككل صعب تتعاملى معاهم اوى وخاصه كل واحد بيفسر بطريقته فعلا
يعنى فيهم اللى داخل بس حمايه زى الحزن الوطنى وبيدور على مستقبل وفيهم اللى فاهم ان الدين بيتجسد فى الاخوان
وفيهم اللى فاهم هو بيلعب فين
بس مش هقولك اكتر من كده ربنا يهدى بقى والامخاخ تتفتح شويه

nody يقول...

romansy

فعلا كله كلام
وياريته كلام مقنع
الاسمك لبن تمر هندى
دين وسياسه ومصالح

نورتنى

nody يقول...

blue_wave

الموضوع بقى شبهه الفطيره

الحكومه والاخوان فى الاطراف
واحنا مغعوصين فى النص

خلاص مجيتك يا دوك مسحت الى فات

نورتنى

nody يقول...

appy

قولى ربنا يتوب علينا منهم هما والحزن الوطنى بقى
مش عاتقنا والله يا ابى الواحد حتى رايح يصلى العيد
الحزن يوزع كروت نهنئه والاخوان ملغمطين الحيطان منشورات
جاتهم البلاوى ملوا البلد

خالص محبتى

mohammed alsha3r يقول...

طبيعى جدا تضييق الحكومه على الاخوان
وطبيعى جدا مظاهرات الاخوان

والله أعلم

إلي متي سيظل التضييق ووتظل المظاهرات

nody يقول...

mohammed elsha3r


هايفضل الوضع ده لحد ما احنا نموت

ههههههههههههه

نورتنى