الاثنين، ١٤ يوليو ٢٠٠٨

مشاكل

تحديث
تضامنا معايا ومع حملتى ضد سى السيد سمحت ليه ابى بوضع اللينك ده من عندها
اتفضلواهنا
www.appyplant.blogspot.com\2008\06\blog-spot_7742.html

عن الرجاله سألونى
الست لازم تهتم بنفسها علشان جوزها ما يبصش باره
لو جوزك اتجه لصحابه يبقى اكيد العيب فيكى
لازم جوزك يشوفك بشكل جديد كل مده علشان ما يحسش بالملل
الراجل لو مالقاش الراحه فى بيته اكيد هايدور عليها باره
كلام كتير بنسمعه

ونصايح مهمه جدا الناس بينصحوا بعض بيها

وخصوصا بين السيدات
طيب جميل
اكيد طبعا لازم الست تهتم بنفسها وبمظهرها
علشان خاطر نفسها وجوزها فى نفس الوقت
ولازم تعرف تحتوى جوزها وتحس بيه
علشان حياتهم تكون حياه سعيده
بس فيه سؤال مهم
طب وحق الست؟
هى مش الست بارضه من حقها
ان جوزها يهتم بنفسه علشانها
ويكون مظهره كويس
زى ماهى لازم تهتم بمظهرها
ولا ده مش من حقها
وكفايه عليها انها تاكل وتشرب وخلاص
زى ما هو عاوز يشوف واحده جميله هى من حقها تشوف واحد جميل
يعنى مش واحد يصحى من النوم ما يهونش عليه يغير الهدوم الى هو نايم بيها
ويفضل قاعد بشكله المقزز ادامها ولا فى دماغه مشاعرها
ليه الانانيه بقت فى طبع كتير من الرجاله الا من رحم الله
انت عاوز تشوفها من غير هدوم المطبخ وريحه البصل
هى كمان من حقها تشوفك شيك
والله العظيم مره شوفت راجل عمال يقول مراتى مش بتهتم بنفسها
والله العظيم لما فتح بؤه وشفت سنانه
اكاد اقسم انه عمره ما غسلها بالمعجون
ليه الراجل من دول يفضل يبص لزميله المتقمعه فى الشغل ويفضل يقارن بينها وبين مراته
مع انه هو لو راح بيتها وشافها ها يلاقيها مبهدله وافظع من مراته
ومع ذلك الست بيبقى ليها زمايل رجاله محفلطين وحلوين
ونبيكلموها بذوق ومن النادر جدا
انها تقارن بينهم وبين جوزها
الى لو اشترت فستان جديد
بدل ما يقولها حلو يا حبيبتى عليكى
يقولها بكام؟
وتلاقيه يقعد يتفرج على التلفزيون
ويبص على هيفا واليسا ونانسى
وبمنتهى النطاعه يقول
جاتنا نيله فى حظنا الهباب
وطبعا ان ده نم عن شىء ينم عن غباء
لانه بيقارن بين الست المهدوده من الصبح فى البيت
وشغلها
وبعد كده مع عياله
الى هما اكيد وارثين الغباء من ابوهم
وبين نانسى وهيفا الى وراهم الف واحد يهتم بيهم
الى مكياج والى مصمم ازياء والى خبير فى الاتيكت
والى خبير تغذيه وبلاوى ما انزل الله لها من سلطان
جربت انت تهتم بمراتك
طبعا عمر ماحد قال لواحد من النوعيه دى من الرجاله
ان الست زى الورده
كل ما تهتم بيها كل ما تديك اكتر
جرب كده وانتم بتاكلوا تاكلها بنفسك مره
تقولها تسلم اديكى يا حبيبتى
مره تجيب لها ورد
اكيد الورده تمنها مش ها يخرب الدنيا
جرب تاخدها تمشيها شويه كل ما جنابك تفضى
وشوف هى ها تعمل لك ايه
بطل تقارن بين الى مستحمله الحياه معاك وبين اى واحده تانيه

اكيد مش ها تستحملك ولا تستحمل العيوب الى انت مش شايفها
التلفزيون زى ما فيه كده

وكده


فيه كده




وكده

وان كانت هى مش هايفا فا انت مش براد بيت


هناك ٥١ تعليقًا:

مواطن مصري يقول...

اول تعليق موضوع حلو
بس الست اصلا اصلا نكدية و تحب النكد و دايما بتتخانق على اي سبب
ف الطبيعي الراجل يبص برة البيت

و دايما زنانة عاوزة عاوزة عاوزة

رئيس جمهوريه نفسى يقول...

بصى يا نودى
مش حنقول اه ولا حنقول لا الجواز عموما علاقه بين شريكين لو استطاعوا انهم يقوموا بالتفاهم و الاحترام المتبادل وارضاء الاخر بكل سهوله حتبقى حياتهم فى اللذيذ والعكس
مش حننكر انى الرجاله عنيهم زائغه بس وموضوع انه مش بيلاقى الى بيحتاجه جوه البيت شماعه فارغه بجد بس احيانا وفى نسبه كبيرة بتكون المسئوليه مشتركه بينهم
مش حستثنى حد بس ده العادى انهم بيكونوا مشتركين مع بعض فى المسئوليه

blue-wave يقول...

حلو البوست
بس لو هيا شافته براد هوا هايشوفها هايفا
الفكرة انك تشوف بقلبك وتحس اد ايه كل طرف بيتعب علشان التانى
الحياة مش بس شكل
تحياتى

فارس بلا جواد يقول...

السلام عليكم ورحمة الله وبركاته
والله انا شايف ان لو فى حب بين الطرفين وكل طرف مقدر التانى هيستمر الحب ده ومحدش فيهم هيبص لبره اصلا
ولازم كل واحد يستحمل التانى ويقف جمبه

علشن الحياه تستمر
تحياتى

ياسر يقول...

الراجل بطبيعة حالة راجل مزواج
80في المية منا كا رجال طماعين
وميهموش لاا راحة مراتة نفسيا ولاا جسمانيا
وكفايه عليها انها تاكل وتشرب وخلاص؟لاا وكان تخدم
كا العبيد هو واهلة وطولة لسان وهو سي السيد الامر
الناهي فيها وفي حياتها عاوز يحركها بريموت كنترول زي مايحب
والله العظيم مره شوفت راجل عمال يقول مراتى مش بتهتم بنفسها
عندك حق طبعا في كل كلمة علشان بيقولوا كل لما بسال واحد
ماهي مفهوم الرجولة من نظر سيادتك؟الراجل راجل والست ست ياصحبي
ياسلام ياسلام شوفتي بقي الرجولة علي حق
وتلاقيه يقعد يتفرج على التلفزيون
ويبص على هيفا واليسا ونانسى
وبمنتهى النطاعه يقول
جاتنا نيله فى حظنا الهباب؟كل كلامك صح
...........
جرب كده وانتم بتاكلوا تاكلها بنفسك مره
تقولها تسلم اديكى يا حبيبتي؟بتحملي الابيحصل كالاتي
ليسة مخلصتيش طبيخ كنتي فين من الصبح عند امك طب علي
الطلاء بالتلاتة ما تروحي لامك ولاا امك تجيلك واية دة كمان الارز ناقصة
ملح اية العيشة 0000000دي هتجوز عليكي ونعم الرجولة
وفي منا البعض الاخر بيثبت رجولتة با0000000يا سلام ونعم الرجولة
والمرجلة ربنا يكمل باقي الرجالة بعقلهم يارب
لان والله زي ما في الوحش في الكويس زي البنات بس هيا نسب بس
اسف بس قولت رائ بصراحة
تحياتي

إبن مصر يقول...

السلام عليكم نودى
جميل البوست بس انتى مطلعه الموضوع اهلى وزمالك كده ليه الموضوع كله ازم يتبنى على التفاهم بين الإتنين
والموضوع كمان انه لازم يتقابلوا فى الطريق علشان يقدروا يكملوه سوا كلامك صحيح انهم يهتموا ببعض بس بلاش موضوع اشمعنى ده
طريق الزواج طويل ومحتاج ونيس مش خصم
تحياتى وإلى الأمام دائما
وعلى فكره ليكى عندى تااااااج
ياريت تشرفينى فى المدونه وتستلميه
ومنتظرك اوعى تتأخرى

تحياتى نودى
nageh

Amgad يقول...

والله كلامك منطقي جدا
رغم اختلافي معاكي
متهيالي اول مرة اقرا عن واحده بتعرض الفكرة دي موضوع جديد برده
والدستور بيكفل لكل مراة ان جوزها ينضف نفسه ويغسل سنانة عشان متبصش بره

اختلافي معاكي
ان الست مبتصدق تدبس الراجل ومدام كتبو الكتاب هي اثصي احلامها انو يفضل ليها طول العمر وهو ادني تقبلاته انها تفضل معاه
اما احلامه انو يشوف حد تاني
بالبلدي كده هي مبتصدق تتجوز
هو الدنيا قدامه
غير كده دي مشكلة مجتمع زكوري احنا بنعيش فيه

اختلافي الجوهري معاكي ان الراجل محتاج يشوف مراته جميلة لان دي سنة الحياة هو اتجوزها عشان جمالها
اما هي مش محتاجاه جميل يعني جمال الراجل مش في منظرة

ولو مش مصدقاني انزلي علي المشاية يوم الخميس هتلاقي بنات لوووووز واحلي من هايفا
ماشين مع اولاد مش براد بت

تقبلي رايي وخالص تحياتي

في حب مصر يقول...

الله الله الله .. ايه الهجوم ده على الرجالة..
الراجل من حقه طبعا يشوف حاجة حلوة في بيته .. زي هي من حقها تشوف حاجة حلوة ومعاملة جميلة..
بس الحقيقة اللي لازم نعترف بيها ان الست في مصر بمجرد انها تتجوز كأنها بقت مش عايزة حاجة تاني وبتهمل في نفسها قوي .. تلاقيها كدة بقت تخينه وشعرها منكوش.. وحلجة اعوذ بالله.. وده ما يشجعش الراجل يقول كلمة حلوة بصراحة.. هههههههه
وبعدين هي بتحب النكد؟؟؟
واذا كانت هي بتدور على برادبيت تروح تسافرله..هههههه

تحياتي

Dr.m يقول...

السلام عليكم
عندك حق طبعا
الراجل لابد أن يتزين لزوجته كما يحب أن تتزين هي له
ودي مشكله كبيره
تكلم الراجل يقول أنا في الشغل طول اليوم هقطع نفسي
ولو كلمتها تقولك أنا في المطبخ طول اليوم هقطع نفسي
وكأنهم اتجوزوا الشغل والمطبخ مش بعض
خلاص يقطعوا نفسهم فعلا ويدوا البيت حته والشغل حته

تحياتي للبوست مع اعتراضي على الصور
سلام

nody يقول...

مواطن مصرى
اهلا بيك اول تعليق
الست فى اغلب الحالات بتكون نكديه علشان المسؤليه الملقاه على عاتقها
كتير من الرجاله بينفض ايده من كل المسؤليه ويسبها هى تتحمل كل الاعباء وكفايه عليه هو شغله
وان كان هو ها يبص بره علشان هى نكيده
هى ممكن تبص باره علشان هو رامى عيلها كل المسؤليه
تحياتى

nody يقول...

رئيس جمهوريه نفسى
اكيد طبعا الجواز شركه
ولازم الاتنين يبذلوا مجهود علشان الشركه دى تنجح مش فرد واحد الى يبذل مجهود والتانى يفضل يتفرج
نورت ياريس

nody يقول...

blue_wave
بذمتك امتى سمعت واحده قالت جوزى مش براد بيت
الراجل هو الى دايما بيقول مراتى مش هيفا وهبى
وطبعا مهم تحس بالاخر وبحبه
تحياتى يادوك

nody يقول...

فارس بلا جواد
اكيد طبعا الحب لازم يكون موجود بين الطرفين
ولازم كل واحد يقف جمب التانى ويستحمله
بس تقول لمين
منورنى

nody يقول...

ياسر
والله العظيم عندك
انا لسه راجعه من البلد وشفت ازاى البنات الى فى سنى واكبر منى بحاجات بسيطه متجوزين
وطالع عينهم وعين الى خلفوهم
فى الخدمه للبيه واهله
وياريت عاجب
لما ضغطى علا
الناس ما بقاش عندها رحمه ولا دين
الدين بقى صلى وجلاليب بيضه
مبقاش الدين المعامله
منورنى يا جميل
على فكره انا كمان برج العذراء

nody يقول...

son of egypt
الموضوع بالنسبه لى مش اهلى وزمالك
الموضوع عند البعض هو الى سيد وعبد
الراجل هو السيد والست هى العبد
طبعا دا مش فى كل الحالات
لاكن فى الحالات الانانيه الى بتكلم عنها
والراجل طبعا محتاج ونيس
والست والله محتاجه حضن تترمى فيه لما تحتاجه
علشان هى كاءن ضعيف جدااااااااااااا
شكرا على التاج هازورك قريب
بس معلش على التاخير انا كنت مسافره ولسه راجعه حالا

nody يقول...

فى حب مصر
اهلا اهلا
احلى حاجه الواحد يرجع من السفر مع سواق اهلاوى
ويرجع يرد على واحد اهلاوى
نيجى بقى لكلامك
متفقين انهم هما الاتنين لازم يشوفوا حاجه حلوه فى البيت
ومعاك ان فيه ستات ولا بتفكر بعد الجواز تهتم بنفسها علشان جوزها
بس ما نقدرش ننكر ان مافيش راجل
بيهتم بنفسه علشان مراته
والراجل لى بيهتم مبنفسه ما بيكونش علشان مراته
بيبقى لحاجات تانيه
واحنا ما بندورش على براد بيت يا عزيزى
انتم الى بتريلوا على هيفا

nody يقول...

amgad

المشايه
اممممممممممممممممممم
انت من عندنا بقى
هما البنات اه مش ماشين مع براد بيت
بس ماشين مع حد بيقولهم كلمه حلوه
واحنا مش محتاجين اكتر من كده
تحياتى يا هندسه

nody يقول...

dr.m
اه والله يقطعوا نفسهم ويرحونا احسن

علشان انانيتهم دى
منورنى يا دكتور

جار القمر يقول...

حلوة المدونه يمكن ما كنتش اعرف التدوين لحد وقت قريب لكن عاوز اقولك انى اتعلمت التدوين من ست وكما يقولون ان وراء كل عظيم امرأه مش لازم تكون مراته لكن كمان عندى كلمه سمعتها زمان ( اذا ارت ان تكون زوجتك مثل خديجه فكن أنت مثل محمد صلى الله عليه وسلم ) يعنى التوافق هو اللى بيصنع السعاده وعلى رأى أحدهم لو عاوزة تشوفه براد يبقى لازم تبقى هايفه فى الجمال والرقه مش فى الهيافه والعبط . تحياتى ومنتظرك هناك جار القمر

Empress appy يقول...

بصي من الاخر عاوزه راى خدي من عندي لينك بوست هيهات وهيهات يا شهر زعابيب وخليهم يردوا بقى هتعرفى فضايحهم خدي اللينك وحدثي بيه ويبقوا يوروتى شطارتهم
لان دي واجباتهم يا بنتى

Radwa يقول...


احلى حاجه فى البوست
موضوع فى كده وبعدين صور بنات وبعدين وفى كده برده وصور ولاد
بجد دى احلى حاجه فى البوست
.................
بوستك جميل وياريت الولاد يحسوا على دمهم ويفهموا بقى ان العيب مش فى البنت العيب فى الظروف وتخاف على شعور البنات
والبنات برده تحس على دماها وتخاف على حياتها شويه وتحافظ عليها
الموضوع كبير ومحتاج تعليقات اكتر من كده بس اللى فى دماغ باه يكتب ويشتم وحاجات كتير
.....................
بس على فكرة فة بنات كويسه ورجاله برده كويسه
تحياتى
...............
سندريلا

غير معرف يقول...

جعلنى كونك من المنصورة مثلى أهرع إلى مدونتك من اسمها ، وأعترف أن مدونتك هى الوحيدة حتى الآن التى تصفحتها كاملة بمجرد دخولى إياها .. تنقلت بين كل بوست وآخر ألتهم سطورك فرحا بنضجك الفكرى الواضح وسعيدا بأفكارك المتميزة وأسلوبك الهادئ الراقى .. وعندما رأيت صور المنصورة التى وضعتها انشرح صدرى وترقرقت دمعة بالعين لأنك ذكرتنى بالحبيبة المنصورة ، فأنا مغترب فى الإمارات .. المهم تابعت تصفح مدونتك حتى آخرها وأحببت فورا تسجيل إعجابى بالمدونة وصاحبتها الكريمة ..
يسعدنى تشريفك لى فى مدونتى دخل الشتا .

بنت مصريه يقول...

ههههههههههههههههههههه
والله يا نودى عندك حق
عالاقل احنا معجبين باجانب
مش بصيع زيهم
ههههههههههههههه
انتى بصراحه
جبتى صوره اتنين
اول ما كنت بسمع اسمهم بس كان بيغمن عليا توم وبراد
كان هبل بعيد عنك
انما دلوقتى بقى تقدرى تقولى كده انى زهدت الحياه

عيله مفتريه سابقا يقول...

والله يا بنوتى

الموضوع فى الجون

بس لو يبطلوا شوية الانانيه

ولو كل واحد فيهم يعرف ان زى مهو بيبص لهيفا
وروبى
والحاجه عجرم

الستات بتبص لفلان وعلان اللى انتى حاطه صورهم

كانوا فكروا قوى

سلامى يا نودى هانم

nody يقول...

جار القمر
انت شخصيه محترمه والله
علشان قدرت تشوف الى مش شايفه ناس كتير فاهمين انهم رجاله
تحياتى

nody يقول...

appy
مرسيه يا قمرايه اخت اللينك
محبتى

nody يقول...

سندريلا
يارب كل بوستاتى تعجبك يا جميل

واه فيه رجاله كويسين
بس نااااااااااادر جدا

nody يقول...

دخل الشتا
مرسيه على كلامك الرقيق ده
وبجدانا ما استحقش كل ده
واهلا بيك واهلا بكل اهل المنصوره
وربنا يرجعك بالاسلامه
وان شاء الله اتشرف بزياره مدونتك
ويارب تكون ضيف عاندى دايما
نورتنى

nody يقول...

بنت مصريه
يا اهلا بالغالين
ان كنتى انتى كان بيغمن عليكى انا كنت بسخسخ
هى دى الرجاله
مش الصنادل الى فاكرين نفسهم ولارشدى اباظه فى زمانه
منورانى يا قمر

nody يقول...

عيله مفتريه سابقا
مش لو يعقلوا يا حبيبتى دول مافيش فى دماغهم مخ
ممكن يكون طبق مهلبيه

في حب مصر يقول...

انا جاي بس علشان أقول ألف الف الف مبروك لكل الزملكاوية على الهزيمة الاولانية من الاهلي.. وده طبعا شرف كبير لكل زملكاوي..هههههههههههههههههههههه

رغم ان لفظ بتريلو ده تقيل حبتين ومش مناسب.. بس هي هيفا برضة تستاهل اكتر من كدة..ههههههههههههههه

تحياتي

mregypt7 يقول...

بونجورنو سينيوريتا ( نودى )

انتى بتتكلمى فى ايه اصلا
يا بنتى افهمى حاجه الواحد فينا لما ييجى يتجوز واحده بينقيها لانها هى اللى هتعيش معاه العمر كله يعنى ديه بيعتبرها الملاك بتاعه وماينفعش يزعلها يبقى ما عندوش دم او ما يقصدش عمل حركه او قال كلمه مش نعلقله المشنقه بشويه دلع من المزه اللى هو متجوزها هتخليه يعملها اللى هى عاوزاه ولكن احنا فينا حاجات ولازم انتم تكبروا دماغكم فيها يعنى الواحد فينا بيحب الجمال ولا مؤاخزه يا نودى انا ما انفعش اشوف بنوته زى القمر وما ابصش وياريتها بتيجى على انى ببص واتامل فيها لا ده لازم اتكلم واما بنعمه ربك فحدث والجمال ده نعمه بس طبعا فى سياق الادب والاحترام انى ما بصلهاش بصه جارحه وانتم تشوفوا كده تبقى ليليتنا سودا ليه يعنى ؟؟؟؟؟؟؟؟؟؟؟؟؟؟
ايه المشكله لما تبقى زيها ولا هو كل حاجه شغل وطبيخ وقرف يا ستى منك ليها اعملى كده انتى بس وهتشوفى جوزك هيعمل ايه والله هيغديكى بره وممكن يوديكى تحلى كمان فى تريبانون
انا على فكره اعرف بنات كده كلهم واخدين بالهم من كل حاجه ومن شغلهم وزى القمر وشياكه دايما وجوز كل واحده ما يقدرش يبص بره لان ببساطه عنده اللى يكفيه
وبينى وبينك كده يا نودى انتوا علطول عايزين تخرجوا ومين فاضيلكوا انه يخرجكوا كل شويه صحيح صدق اللى قال ناقصات .......
اما هيفا ونانسى ومش عارف ايه فدول مصطنعين بنتفرج عليهم عشان نغيظكم بس وطبعا يعنى مافيش حد فينا هيرضى ان مراته تبقى كده الا بقى ...........
وكلمتك انك بتقولى ان الواحده فيكم تبقى فى الشغل ويقابلها راجل محترم ومش عارف ايه طبعا ما ينفعش اصلا انها تقارن بينه وبين جوزها احنا لو قارنا ديه بنعديها وانتى بتحاولى تتطورى لكن البنت تقارن لا طبعا والف لا كمان والمفروض اصلا ما تعرفش راجل فى شغلها الا فى حدود العمل والكلام يبقى ضيق جدا ما بينهم مش هزار وضحك وهىء ومىء ومش عارف ايه
وفى الاخر الف مبروك يا نودى على افريقيا وعقبال السوبر والبقيه تاتى
تحياتى ليكى ولكل المنصوريه
الباش مهندس بوحميد

nody يقول...

فى حب مصر
يا باشا انت تشرف فى اى وقت
البلوج بلوجك
تجيه وقت ما تحب

nody يقول...

mregypt7
ربنا يكملك يا هندسه بعقلك
دى الرجاله والا بلا
نصيحه فى موضوع البص على الحلوين
حاول ما تبقاش تبربش خالص
علشان تبقى كل البصه النظره الاولى وتبقى فى السليم
تحياتى

جار القمر يقول...

اولا اشكرك ع الرد وطبعا قبله على زوقك وزى ما تمنيت انك تردى على تعليقاتى تمنيت انى اشوفك هناك جار القمر فى بيتى المتواضع يمكن كتير بكون بره البيت لكن ممكن تسألى القمر عنى
جار القمر

snohe يقول...

عندك حق فى كل كلامك

مدونتك جميله

حضرتى حفلة توقيع كتاب غاده ورحاب
انا كنت هناك


تحياتى

Unknown يقول...

شوفي والله مع اني راجل بس كلامك صح مية في المية أنا في صف الستات دايما ليه لإن بجد حقهم مهضوم من رجالة كتير..
بس مقلكيش والله أنا مش من الصنف الي اكلمتي عليه بكرة ربنا ييسرلي معاها ونرتبط بعد كل الحب ده وهتشوف أيام حلوة جدا..حلوة يجد ..
كل ودي وياريت تشرفيني في مدونتي دا أنا حتى من المنصورة كمان
تحياتي

the beauty candy يقول...

السلام عليكم
سورى على تاخيرى يا نودى
جامد اوى البوست
بس بالفعل الرجاله عايزه قطم رقابيهم الا شويه تلاقى الراجل قاعد وبيتفرج على نانسى وهيفاء وزى ماقلتى بمنتهى النطاعه تتنا نيله فى حظنا الهباب
هو فى كده بنقولكم حرام عليكم تعاملوا الكائنات الرقيقه كده
دوودا

ميرو انتكة يقول...

بيرافو عليكى بجد

انا باسقف لك على فكرة دلوقتى
موضوع تحفة بجد وحلو جدا وفعلا موضوع مهم جدا بس للاسف ما حدش بيهتم بيه بس هو اساس اى نجاح اسرى

ربنا يوفقك يا جميل

في حب مصر يقول...

أنا جاي بس اقول الف مبروك للاهلي
وعقبال المباريات التلاتة اللي فاضلة يا زملكاوية

ههههههههه

nody يقول...

جار القمر
العفو يا سيدى اه اقل واجب
وان شاء الله ارد الزياره فى اقرب وقت
تحياتى

nody يقول...

snohe
روحت بس متاخره شويه
مرسيه على الزياره

nody يقول...

كاتب مصرى
ربنا ان شاء الله ها يسير لك
وتعيش متهنى
ان شاء الله ارد الزياره
منورنى

nody يقول...

دوودا

عارفه انتى لو قلتى لهم كائنات رقيقه دى
يقولوك
مين رقيقه دى
تناحه يا اختى بعيد عنك
منورانى ياجميل

nody يقول...

ميروا انتكه
لا هما ما بيهتموش غير بالفرجه على الفيديو كليب
مرسيه على ذوقك ياجميل

nody يقول...

فى حب مصر
الله يبارك فيك يا يسيدى

Desert cat يقول...

على فكرة يا نودى فى ستات بيكون عندها الامكانيات المتاحة لنانسة وهيفا يعنى جوزها بيجيب لها ادوات تجميل وخلافه وهى همها الاول والاخير البيت والعيال والمطبخ
بس مش عايزة الرجالة يفرحوا
لان برضه فى رجاله عايزة ضرب النار
طول النهار بيهرج مع زميلته فى الشغل ومع اللى قاعدة جنبه فى الباص ويرجع البيت بوزة 3 متر
هو طالما الاتنين ارتضوا حياتهم مع بعض يبقى كل واحد عارف اللى ليه من اللى حواليه تجاه التانى
الا اذا كان حد فيهم مجبر وفى الحالة دى يتفنن فى اذلاله لحد ما يقول حقى برقبتى

تحياتى

nody يقول...

ديزرت كات
بصى يا قمرايه
الرجاله دايما يحبوا يبصوا على الى فى ايد غيرهم
حتى لو وحش
المشكله الكبرى هى عدم الرضا
منورانى دايما ياقمرايه

moory-mero يقول...

السلام عليكم ورحمة الله وبركاته

ياااااااااه ياريت بس هما يحسوا ويعملوا كده صدقيني هتفرق كتير وتبقى الحياة الزوجية بينهم في قمة السعاده

وانا ضد كلام مواطن مصري اننا نكديين الست او البنت عمرها ما تكون نكديه من فراغ هما ليه عايزينا نحس بيهم وهما موش يحسوا بينا ده ايه التفرقه دي دايما حابين تاخدوا وموش تدوا اي حاجه وفي الار تصفونا بالنكد ده ظلم بجد

انا مبسوطة بالتوبيك بتاعك جدا بجد ومتابعه موضوعاتك دايما ان شاء الله
ومعاكي في ثورتك على الرجالة اللى من النوع ده

في رعاية الله ياقمر

nonni يقول...

الموضوع حلو اوى و محتاج مناقشة فعلا . ضيفى على كده مسلسل نور و مهند اللى جنن المصريين كلهم

"تحياتى"

واحد مصري يقول...

صباح الفل
واحشانى اوى
ونفسى من زمان اكلمك
بس الزمن كد بيفرق
وربنا يوفقك كمان وكمان
انا احمد صاحب مدونة sad emperror
انا دلوقتى بقى عندى مدونة تانية اسمها www.ez3ag.blogspot.com
ازعاج
ويا ريت تشرفينى بنظرة عليها وتعليق جميل منك
بس يا رب تفتكرينى الاول
سلالالالالالالالالالالالام