الخميس، 31 يوليو، 2008

تاج السينوريتا نودى

التاج ده جالى من عند محمد صاحب مدونه ابن مصر وبما انى طول عمرى تلميذه غير مطيعه وغير نجيبه كنت بدعى ربنا انه
ما يجيش ليه
بس يالا مش مشكله علشان خاطر محمد

وقلت اجيب لكم صوره نودى وهيه صغير

اولا

التاج ده جاى ليه من مدونه ابن مصر
ثانيا

16 صفه عن نفسى
بصوا انا هاكتب الى يجى فى دماغى وربنا يستر


اولا

مسلمه
ونفسى ما اغضبش ربنا ابدا بس كتير بغضبه
وبدعيه انه يسامحنى

ثانيا

نفسى كل الناس تتقى ربنا وتراعيه فى كل حاجه بتعملها
فى الحاله دى كل مشاكلنا ها تتح للان مش هايكون فيه سرقه ولا نصب ولا نهب ولا رشوه
ولا اى حاجه وحشه
والبلد ها يتصلح حالها

ثالثا

نفسى ما يكونش فيه حد حزين
ولا يكون فيه حد مظلوم على سطح الارض
وكل واحد ياخد حقوقه

رابعا
بدعى ربنا انى ما تسببش فى زعل اى حد

وماظلمش اى حد
ولا حد يظلمنى

خامسا

زملكويه جدا جدا جدا
وانشالله ننزل درجه تالته بارضه زملكويه رغم انف الحاقدين

سادسا

قادره ومحدش بيقدر عليه

سابعا

بكره كل العنصرين
بما فيهم بنت الكلب ايران الى بتشتم فى الصحابه وطبعا

شتيمتها ف
ى السادات

ثامنا

بكره الكدابين والكدب
من اول الزعما الى هما مش زعما وبيكدبوا وبيقولوا انهم زعما
وكتاب التاريخ الى بيزوروا فى التاريخ علشان مصالحهم
وكذلك الصحفين
لغايه الانسان العادى الى ممكن يكدب علشان ياخد حق مش حقه

تاسعا

طيبه جدا لدرجه ان ممكن يضحك عليه

عاشرا

عنيده جدا جدا جدا
ودماغى ناشفه فوق الوصف

الحادى عشر

رومانسيه

بحب الروايات العاطفيه موت

الثانى عشر

وحيده

الثالث عشر

هاديه وما بحبش الدوشه
بس ساعات بحب الاصوات العاليه

الرابع عشر

انطوائيه لحد ما
وساعات كتير الناس بتفتكر انى مغروره

الخامس عشر

بكره كل الديكتاتورين

السادس عشر

ربنا يسامحك يامحمد
ثالثا اهدى التاج ده لاى حد عاوزه

هناك 34 تعليقًا:

في حب مصر يقول...

عيبك الوحييد يا نودي انك زملكاوية..ههههههههههه
ربنا يتوب عليكي وتغيري .. بصي شجعي المنصورة.. احسن والله بدل حرقة الدم اللي انتو فيها دي على طول..ههههههههههههه
على فكرة انا مش من الحاقدين.. بس انتي صعبانة عليا...ههه

وايه حكاية وحيدة دي؟ ليه يعني؟؟؟؟؟؟؟؟؟

على فكرة صورة وانتي صغيرة سكر

تحياتي يا زملكاوية

كاتب مصري يقول...

كل ودي وشكرا على زيارة المدونة ولو إن لي بعض التحفظات على ما قلت وطبعا كلنا بنكره الي بيشتمو في الصحابة ده شيئ مفروغ منه ..
خليكي زمالكوية متسمعيش كلام حد
آخر حاجة مواصفاتك دي عجباني قوي
ربنا يحميكي ويكتبلك الخير يا بنت المنصورة..
كل ودي

mero-moory يقول...

السلام عليكم ورحمة الله وبركاته
شكلك عثوله اوي يا نودي
وياستي خليكي زملكاوية طالما انتي عندك امل يكسبوا ههههههههههه بس مااظنش ان شاء الله ههههههههه
لا بجد انتي شكلك طيوبة خالث ربنا يحميكي يارب

دي اوي زيارة ليا لمدونتك بس شكلها موش الاخيرة ان شاء الله

في رعاية الله

عايش ولكن يقول...

عارفه علشان انتى بس من المنصوره
هعدى حكاية زملكاويه دى
هههههههه
نفسى تكسبوا ماتش قبل ما اموت ههههههه
بس بجد شكلك طيوبه اوى
اه صحيح بالنسبه للدعوه بتاعة الفرح انا من ميت غمر مش المنصوره نفسها
يعنى بردوا جيران اما نشوف بقا هتحضرى ولا ايه

بنت مصريه يقول...

اطمنى يا رودى محدش هيعوزه
هههههههههههههههه
شخصيتك حلوه قوى على فكره وواضح انك
بتراعى ربنا على طول
ربنا يكرمك يا رب

Son of Egypt يقول...

السلام عليكم
الله يسامحنى ايه يا بنتى دا انتى اتكلمتى وكأنك بتتخلصى من واجب والسلام صبرك عليا فى التاج الجاى
ههههههههه
فعلا صفات كلها فى بنت المنصوره وخصوصا انها بتحب ربنا وبتخاف منه و الرجاء والخوف اول درجات الإيمان
بس كنت عايز اسألك ايه رأيك فى التاج فضيحه مش كده ؟؟؟؟
هههههههههه
تحياتى يا نودى وان شاء الله الزمالك يكون اقوى من كده يوم الأحد ويغلب انما عند الأهلى ويقف وانا والله مش من الحاقدين احب يغلب اى حد الا الأهلى حبيبى
تحياتى نودى
nageh

blue-wave يقول...

زملكاويه؟؟؟؟؟؟
يانهار ابيض؟؟
والله لولا انك عسوله كنت قاطعتك:))
عموما اجاباتك حلوة وصريحه
وربنا يتوب عليكى وتتخلصى من زمالكاويتك:))

Amgad يقول...

هو ايه اللي انطوائية بس مغرورة وبحب الصوت العالي بس مبحبش الصوت العالي
ناقص كمان كنتي تقولي زملكاوية بس بشجع السنبلاوين .هههههههههههههههه

علي فكرة زملكاوية دي اصبحت حاجه زي شيوعية كده زمان
يعني الناس بتتداري منها
وربنا بيقول
اذا بليتم فاستتروا
تقبلي مروري وخالص تقديري وهارد لك

البت قباحة يقول...

ليييييييييه

لييييييييييه

لييييييييييه

هو فى لسه حد زملكاوى فى البلد يا بنتى

يلا بخاطرها

احاباتك من القلب و هو دااللى شفعلك

لا و كمان عشان امورة و رقيقة و عسولة

تشااااااااااووووووووووو

nody_1987 يقول...

فى حب مصر
اهو ده الذنب الى بدعى ربنا انه ما تخلصش منه
ههههههههههههههههه
وحيده دى يطول شرحها
بس صدقنى وحيده جدااااااااااااااااااااا
مرسيه على ذوقك
انت الوحيد الى قلت لى ان الصوره حلوه
تحياتى يا اهلاوى

nody_1987 يقول...

كاتب مصرى

مرسيه جدا على مساندتك لقضيتى الزملكويه
منورنى

nody_1987 يقول...

mero_moory
طب ما بلاش النص التانى من الدعوه ده
ههههههههههه
اتمنى تنورينى دايما
شرفتينى ياقمرايه

nody_1987 يقول...

عايش ولكن
يااااه ميت غمر
دا انتم بعيد اوى
انا من المنصوره نفسها
دا انا راجعه من فرح امبارح فى طلخا الساعه 2 بسبب المواصلات
يعنى من عندكم اوصل امتى؟
هايقولوا لى فى البيت
ارجعى مكان ما كنتىهههههههههههههه
مرسيه على ذوقك ياهندسه

nody_1987 يقول...

بنت مصريه

فعلا محدش هايعوزه
دا فضايح يا اختى
هههههههههههههه
مرسيه على الدعوه يا انجى
وبنا يخليكى
منورانى

nody_1987 يقول...

ابن مصر
محمد باشا سبب الفضايح
اه طبعا فضايح يا هندسه
كده يامحمد
طب نخلى الفضايح دى بينا وبين بعض
كده يا بن بلدى
مش عارف تيجى البلد انا كنت مسافره هناك
وافتكرتك وقلت مايجيش نعمل معاه واجب
مرسيه على دعوتك الخبيثه يا اهلاوى
تحياتى

nody_1987 يقول...

blue_wave
مرسيه عاى تضحياتك يا دوك
هههههههههههههههههه

nody_1987 يقول...

amgad
من كتر ما انا انطوائيه
الناس بتفتكر انى بتكبر اتكلم معاهم

الشيوعين دول بيلبسوا احمر
حد الله ما بينى وبين الاحمر
ههههههههه
تحياتى

nody_1987 يقول...

البت قباحه
اه والله لسه فيه زملكويه
ما نقرضناش
احنا ناس اصيله
مرسيه ياقمر
منورانى

appy يقول...

عااااااااااخص عليكى يا نودى زملكاويه
طيب ليه بقى ماله الاسماعيلى ههههههههههههههه

ربنا يحقق لكى احلامك فى ان الناس تبقى كويسه يا رب

zOzO يقول...

ربنا يبارك فيكي يارب
بس عيبك زي في حب مصر ما بيقول انك زملكاويه
كدا هنزل مع بعض من اول مره اجي فيها هنا
ههههههههههههههه


المهم
بكره ان شاء الله لقاء المدونين
ف مكتبه بوك اند بينز
لو هتعرفي تيجي بس ضروري


جاي من بره المنصوره ناس برده
لو حد من اصحابك حابب يجي
جاي معانا
سوووو العجوز
وخالو احمد الصباغ
اوكي ؟
سلام يا قمر

nody_1987 يقول...

الجميله appy
ياستى فى بيتها
الزمالك والاسماعيلى ولاد عم
وانا وابن عمى على الغريب

تحياتى يا قمر الكواكب

nody_1987 يقول...

zozo
يعنى جاين تعزمونى وانا عاندى احتقان فى الزور وبرد وملازمه الفراش

طب تعالوا زورونى بعد القاء
تحياتى يا اهلاوى

مدحت محمد يقول...

اوحش حاجة فيكى انك زملكاوية

australia يقول...

بنت المنصورة أنا شايف أن كل الكلام دة جميل بس انتي بتتمني بعض الحاجات الصعبة اللي مش هتتحقك .
المهم كله عمال يلوميك انك زملكاوية عادي !!!!
معلش معلش معلش معلش معلش معلش /معلش
يعني ٦ /١ معلش .هههههه
وفي أخر الكلام أقدم تحياتي لبنت بلدي بنت المنصورة
البوست رائع وننتظر الكثير
أخر حاجة ٢/٠

في حب مصر يقول...

مبرووووووووووك يا نودي للزمالك.. اخيرا فاز في افريقيا.. عقبال الكاس.. بس بعد الاهلي طبعا...ههههههه

Desert cat يقول...

اعزك انا اوى وانتى بتحبى الروايات العاطفية موووت بس خدى بالك لما تقريها كتير الواحد بيتقمص الحاله
اسالينى ربنا شفانى بصعوبة بالغه هههههههههههه

nody_1987 يقول...

محمد مدحت
ان كانت دى حاجه وحشه
بدعى ربنا افضل وحشه على طول

nody_1987 يقول...

australia

مش قلت مابحبش العنصرين

nody_1987 يقول...

فى حب مصر

الله يبارك فيك

nody_1987 يقول...

desert cat

انا فضلت اعيط بعد انى راحله اسبوع
تدوم المحبه ياجميل

australia يقول...

صدقيني مش عنصرية لا لا !!!!
من باب فذكر إن الذكرى تنفع المومنون .
طالما انتي مصرة إن انتي تفضلي زملكاوية ممممم أحيكي على هذا الصبر .
ربنا يخرجه من محنته على خير .

the beauty candy يقول...

كل ده شايلاه فى قلبك وساكته ههههه
ولكن يا نودى انتى بتقولى انك قويه وقادره وماحدش يقدر عليكى وانك طيبه وينضحك عليكى مش ملاحظه ان فى حبة تنافر فى صفاتك ركزى شويه ههههههههههههههههههه
وبما انك زملكاويه لازم نعملك تعظيم سلام وانا فعلا مستغربه من الهجوم على الزمالك مع اانه افضل نادى فى مصر بلاعيبته وادارته !!!
وانا مش عاوزه التاج ده

nody_1987 يقول...

australia


مرسيه على د عوتك

nody_1987 يقول...

the beauty candy

لا تناقض ولا حاجه
محدش يقدر عليه لو مشى الموضوع معايا عند ونشوف كلمت مين الى هاتمشى
فى الحاله دى بتكون كلامتى انا
ومافيش مخلوق يقدر يرجعنى عن الى فى دماغى
انما كونى طيبه دى فا بصدق كل الناس وما بحبش اكدب حد وبسامح
نورتى يا اهلويه