الخميس، ٣ يوليو ٢٠٠٨

كفايه يا حازماعلن حازم امام كابتن نادى الذمالك لكوره القدم اعتزاله رسميا
وطبعا مش محتاجه اقول مين هو حازم امام
لانه بلا فخر يعد من اكثر اللاعبين المصرين خلقا ومهاره
بغض النظر عن اى تعصب اعمى
المغذى من المقال ده هو اعتزال حازم
لو كلنا تنذكر مباراه الذمالك والاسماعيلى فى بدايه
الدورى المصرى العام الماضى
ونزول حازم فى اخر المباره
وتمريرته الخاطئه
وهتاف الجماهير

كفااااااايه يا حازم
فما كان من حازم الا انه نوى الاعتزال
واتنظر نهايه الموسم الرياضى
واعلن اعتزاله
والحظ حالفه بحصول نادى الزمالك على بطوله كاس مصر

وطلع الراجل بعد الاعتزال بكل

ادب فى التلفزيون وقال انا مقتنع بالاعتزال

لانى كبرت عمرى بقى 33 سنه

مجهودى فى الملعب قل عن سابق عهدى

وانا كنت مفكر فى الاعتزال من زمان بس كان نفسى اعتزل والنادى اخد

بطوله

شفتوا الاخلاق

مع ان زمايله كلنا شفناهم اخر ماتش فى الكاس

لابسين تيشرتات

مكتوب عليها لا للاعتزال

والجماهير تراجعت واقتنعت ان حازم وجوده وهم فى لم شمل اللاعيبه المشتته

بين مجالس الادراه المهلهله فى النادى

والمسؤلين كمان فى النادى منهم كتيرجدا عاوزينه يستمر

لكن الراجل احترم تاريخه

وانسحب بكل ادب

نيجى بقى للاعب تانى فى دوله بعيده عننا شويه

اللاعب ده سنه عدى فوق ما انتم تتصورا

بيلعب من ايام ما ايران اطلقت اسم خالد الاسلامبولى على احد شوارعها

(ركزوا فاهمين)


بيلعب من زمان اوى

ومش بيلعب وبس لا

دا هو الى بيحط اسامى اللعيبه زمايله الى بيساعدوه


ويقول مين يلعب ومين ما يلعبش

ولازم يكونوا

عادلين

وراشدين

ومغربين

ويختار كمان المدرب

ولازم يكون نضيف اوى

وكل ده وما بيكسبش النادى خالص

تقولوش الزمالك المصرى

ايام مرتضى منصور

والنادى عمال يخسر

ويبيع فى ممتلكاته

وبقى محتل من الانديه التانيه الى اشتروا فيه حاجات كتير

الجماهير زهقت

وقعدت تقول له
كفاااااااااااايه


واخدين بالكم من اللون الاصفر
بارضه ماهموش الجماهير
قام معين
شويه بلطجيه بقى يوزعهم على المدرجات اى حد يقول كفايه
يضربوه لحد ما يموتوه
وعمل لائحه فيه قواعد دخول المشجعين
الى عاوز يدخل يكون فوق الاربعين
انما اقل من كده باره
المركب مستنياه
واى حد يتكلم ها يضرب
ووزع منشورات عليها صورته
وقالهم انسوا يا حبيبى انتوا مفكرنى
حازم




هناك ٣٩ تعليقًا:

عايش... ولكن !!!! يقول...

انتى هتحكيلى ايه على حازم
انا صحيح اهلاوى
بس حازم بجد اشهدله
بالذات انى حضرت وشوفته ايام ما كان محترف
بجد انسان محترم وحريف جدا
تعرفى ان المدرب بتاعه لما كان محترف قاله لو كان عندك شوية لياقه بدنيه وقوه جسمانيه كنت بقيت من احسن لاعبين العالم

وبينى وبينك الزمالك لازم يتصفى بقا من الاعيبه اللى هيموتوا فى الملعب دول


اه صحيح احنا طلعنا من بلد واحده
يعنى بصره وسلام كبير لعمرو ذكى ابن المنصوره
ههههه
تحياتى
علاء

Eldebug يقول...

ربنا يعزله من حياتنا خااالص يارب

قولى آمين ....

اه بالحق ... ده مش حازم طبعا اللى ربنا يعزله ... اه ياختى احسن تفهمونى غلط ولا حاجة

blue-wave يقول...

فعلا حازم لعيب هايل
بس ماكنتش اعرف ان ليكى فى الكورة:))

مواطن مصري يقول...

نداء من جماهير الزمالك العريقة
لا تعتزل يا حازم


و يا ريت واحد تاني كان سمع حازم
و اعتزل من زمان

سبهللة يقول...

طيب انا ماليش فى الكورة
هل هو عمرو زكى اللى انتى كتبتى عنه
ولو مش هو
طب ايه حل الفزوووورة؟؟
=======
عندة موضوع مهم وعايزة رأيك فيه
يهمنى جدا
ابقى تعالى شرفينى

ليكوريكا يقول...

حازم كان مفروض يعتزل من فتره

بجد السنتين اللي فاتو قللوا كتير من مكانته

فين حازم ايام الاحتراف والمنتخب

بس جميل ان بنت بتفهم في الكوره كده :)

في حب مصر يقول...

مش كفاية يا حازم
اوعى تعتزل كمل لعب لغاية ما تعجز
هو حازم ده لعب كورة اصلا غير ان باباه عضو في نادي الزمالك.. ههههههههههههه
قولتلك من زماااااان ان الزمالك بينقرض هو جماهيرة مش مصدقة..ههههه
تحياتي

إبن مصر يقول...

انتى عارفه ميولى لأى نادى وهو الأهلى
بس فيه ناس فى الزمالك تتحب لأنها بجد تستاهل تتحب
ده واحد منهم راجل من الزمن الجميل راجل خلوق بره الملعب فنان مبدع فى الملعب
اسمحيلى عن طريق مدونتك الجميله اقوله
والله والله هتوحشنا يا حازم
وكتر الف خيرك على اللى قدمته للزمالك ثم لمصر وداعا يا حزوووومه ووفقك الله فى حياتك المستقبليه

وتحياتى ليكى نودى وارجوا المعذره على التأخير مره اخرى

nody يقول...

عايش ولكن
طبعا حازم انسان خلوق جدا
ومرسيه على شهادتك الجميله فى حقه بالرغم كونك اهلاوى

اما بخصوص عمرو ذكى
ياريته يبقى با اخلاق حازم
علشان نعرف نفتخر بيه
نورتنى

nody يقول...

eldebug
ااااااااااااااااااامين
من بؤك لباب السما
طبعا مش حازم
شرفتنى يا باشا

nody يقول...

blue_wave
طول عمرى مقتنعه ان الاهلويه فيهم ناس ذوق
وادينى شفتهم
منورنى يا دكتور دايما

nody يقول...

مواطن مصرى
حتى لو صمم واعتزل يكون فى الجهاز الفنى
لان النادى محتاجه

على فكره هو سمع حازم كتير
بس تقول ايه ناس معندهاش دم

nody يقول...

سبهله على الاخر
ياستى حل الفزوره
سهل جدا مش محتاجه تكونى بيتعرفى فى الكوره
بقولك واحد عجز ومبقاش قادر ياخد نفسه
ومع ذلك مش عاوز يفارقنا
ها خلاص ولا لسه
انا رديت الزياره
واحب تنورينى دايما

nody يقول...

ليكو ريكا
هو اه المفروض كان يعتزل
بس للاسف ما كانش فيه فرصه
وماكانش فيه بطوله النادى ياخدها يكلل بيها مشواره
واهى جت الفرصه
دايما منورنى

nody يقول...

فى حب مصر

لا وربنا كده ازعل بجد
انت بتتريق على حازم
دا على كده بابا كان عضو فى نوادى اوربا الى احترف فيها امير الموهوبين

وعمرنا ما ها ننقرض حتى لو الجنيه غلب اليورو
هانفضل نقول
زملكويه ونفتخر

nody يقول...

ابن مصر
مرسيه على كلامك الرقيق
مع انك اهلاوى
بس حقانى
منورانى يا جميل

Abdallah Hosni يقول...

حازم لاعب خلوف فعلا ومحترم

الف مبررررررررروك الصفقات الجدية وان شاء الله تكون فاتحة خير لينا ونشم بقى بطولات

هيييييه........لقيت زملكاوية زيي

Empress appy يقول...

ههههههههه طيب ما هى علشان كفايه باللون الاصفر مش شايفها خليها تغير لونها يا نودى

me يقول...

فاكرة زمان كانوا بيقولوا ان فاتك الميرى اتمرمغ فى ترابة

دلوقت بيقولوا ان فاتك الملعب اتمرمغ فى ترابة

صوابعك مش زى بعضها
سلامى

فارس بلا جواد يقول...
أزال المؤلف هذا التعليق.
nody يقول...

3abdallah 7osni
والنبى لو جابوا لهم مين
انا حاسه ان ده قدرنا
وانا كمان فرحانه انى لقيت حد زملكاوى وسط الطوفان الاهلاوى ده

nody يقول...

appy
والنبى ياقمر لو عملناها بمبى حلاوه
ماها يشوفها
بعيد عنك السن والنظر
تحياتى

nody يقول...

البت قباحه
والله لو صابعى تاعب 80 مليون بنى ادم
كنت قطعته
بس تقولى ايه
بلاطه بنى ادمين
منورانى دايما

فارس بلا جواد يقول...

حازم لعيب كبير
وده من وجهة نظرى اخر الفصيله بتاعت الخطيب وفاروق جعفر وحسن شحاته

ربنا يوفقه
تحياتى
بوست ممتاز
ومدونه روعه

mregypt7 يقول...

بونجورنو سينيوريتا
حــــــــــــــــازم امام
انتى دلوقتى بتتكلمى عن معشوقى الاول فى الكره المصريه بغض النظر عن اهلاويتى بس الراجل ده لازم ياخد حقه جد كنت بحلم انه يرتدى الفانله الحمراء انه يكون منتمى لنادى الريد ديفيلز بس هنعمل ايه عزره الوحيد انه اتربى فى وسط عائله زمالكويه وارثين تشجيع الابيض ابا عن جد هنقول ايه
فعلا الحاجه الوحيده اللى الزمالك عملتها انها قدمت لنا لاعب اسمه حازم
ولكن يا عم حزوووووم كفايه اوى عليك كده
لانك ما عدتش بتقدر تجرى لياقتك بقت فى النازل وعلى رايك يعتزل وهو واخد بطوله
بس حلو اوى البتنجان اللى الزمالك عمله ده فى النهائى واللعيبه نازله بالتيشيرتات ولا للاعتزال طيب هيقعد يعمل ايه
هيديكوا روح انتوا اساسا لاعيبه على قدكم ومش بتحبوا النادى ولا بتخافوا على مصالحه يبقى ايه الفايده
ربنا معاكم يا جمهور الزمالك من حرقه الدم الدائمه ويجيلكم رئيس عدل فى الانتخابات مع انى نفسى السيد مرتضى منصور يرجع عشان بس يبقى يعمل درع دورى تقليد بعد لما الزمالك ياخد مركزه المفضل وهو طبعا التالت ويطلع فى المدرجات ويفرح فرحه الاهبل كانه هو اللى خد الدورى طبعا كلنا فاكرين فى كاس اليد الكلام ده
بس اموت واعرف مين اللى انتى تقصديه بالاصفر يا نودى باشا اكيد يعنى مش الاسماعيلى ده حتى يبقى عيب عليكى ده انتم ولاد عم
نفسى تسيبك من تشجيع الزمالك ده وتنتقلى لتشجيع نادى اخر وارشحلك نادى مزارع دينا على الاقل هتلاقوا فيه حاجه طريه بدل وجع الدماغ
انا طولت عليكى كفايه كده
بس احب ابعت سلامى لحزووووووووووووووووم واقوله هاتسيب فراغ جامد اوى فى الكوره المصريه بس تقريبا احنا اتعودنا خلاص
وسلامى لقدريه وما تساليش مين قدريه
مع خالص خالص تحياتى
الباش مهندس بوحميد

Dr.m يقول...

السلام عليكم
عقبال اعتزال النجم اللي اتكلمتي عليه في البلد البعيده
تحياتي للمعاني المدفونه في البوست
سلام

nody يقول...

فارس بلا جواد
راي محترم جدا
فعلا هو من اللعيبه الممزين
مهاريا واخلاقيا
مرسيه هلى ذوقك
ومنورنى دايما

nody يقول...

لاطولت ولا حاجه
انا اتعودت خلاص
ههههههههههههههه
بقى كنت بتحلم انه يلبس فانله الاعدام
يععععععععععععععععععععععععع
وبعدين اسمها مدام قدريه
مامه هيا وتاليه حازم امام
نورت ياهندسه

nody يقول...

dr m

نجم
هو مش نجم خااااااالص
يارب يعتزل بقى ويريحنا

شكرا على مرورك

Desert cat يقول...

انتى ناقدة زى العسل يا نودى والله مع انى ماليش فى الكورة خالص بس حسيت مانى شوفت كل الاحداث دى
تحياتى

nody يقول...

قطه الصحراء

اى خدمه شوفى اى حاجه عاوزه تتبعيها فى التلفزيون
وانا اتابعها لك واحكيها لك صوت وصوره
والله
هههههههههههه
منورانى يا جميل

Abdallah Hosni يقول...

ههههههههه

والله انا كمان فرحان وسط الاهلاوية دول انى زمالكاوى وافتخر

مع انى متصور مع لاعبي الاهلى كلهم هههههههههه علشان اغيظهم

الصور هنا

http://www.flickr.com/photos/22739380@N02/

رئيس جمهوريه نفسى يقول...

يا نودى اللاعب الى بتقصديه نفسه يحقق امنيه واحده قبل ما يموت يهدى التى شيرت بتاعه لخليفته فى الملاعب ولانه مقتنع بالهندسه الوراثيه فا احسن من يخلفه فى الملاعب ابنه
افهموها بقاء

nody يقول...

3abdallah 7osni
حلوه الصور
بس بلاش عماد متعب ده الى دايما بيهلفط على اسياده
تحياتى يا زملكاوى

nody يقول...

رئيس جمهوريه نفسى
ايه ده هو درس على الوراثه كمان
طب والله لاعيب مثقف
داهيه تاخده هو وابنه ونرتاح بقى

عين فى الجنة يقول...

انا اعتقد ان حمادة امام هو السبب فى الاعتزال المبكر لحازم ابنه
وعموما الكورة فى مصر بتعيش ازهى عصور الفساد الان
تحياتى لكل اهل المنصورة الجميلة

nody يقول...

راجى
اعتزال مبكر
فين ده المبكر
دا المفروض كان يحصل من زمااااااااااااااان

تحياتى ليك ياهندسه
ويارب منورنى دايما

wael يقول...

سبحان الله
هو لسه في زملكاويه في الارض؟؟؟؟؟؟؟
حازم لاعب محترم بس انا اللي تفسي افهمه يعتزل ولا ميعتزلش مش هتفرق يعني هو ده اللي هيجيب بطولات للزمالك
ههههههههههههههههههه
تحياتي واعتقد المعنى الدفين وصلي

nody يقول...

wael
اه والعشره دول والعشره دول
والعيش والملح
لسه فيه زملكويه
وبعدين احنا ما نجبش بطولات
البطولات عى الى تيجى لحد عندنا
هههههههههههههههه
منورنى يادوك