السبت، 7 أغسطس، 2010

اسألوا وزير الماليه عن الضرايب

عشنا وشفنا ال ايه الدنيا قايمه فى أمريكا ومش عاوزه تقعد
ليه بقى؟

بيقولك ال الست ميشيل أوباما راحت ابصر فين فى أسبانيا رحله استجمام
وال ايه الرحله دى هاتكلف 400ألف دولار ها يتحملها المواطن الأمريكى دافع الضرايب
ال الدنيا قايمه ومش عاوزه تقعد فى أمريكا علشان 400 الف دولار
والنبى هما لو كانوا ميلوا على اى دوله صديكه من اصدكائهم فى الشرك الاوسط
كانوا دفعوا لهم
وعليهم 400 الف بوسه
ال فلوس دافعى الضرايب ال
طب وفين فلوس دافعى الضرايب عندنا ما احنا الحاجه أم قرش بندفع عليها 5 قروش ضرايب ودمغات
ومانعرفش بتروح فين
وما بنفتحش الماوس بتاعنا مش علشان احنا اغنى من دافعى الضرائب فى أمريكا
لا خالص
علشان احنا لو فتحنا الماوس واتكلمنا التانج هايتقطع
انما هما يفتحوه يقفلوه
سورىو يتفوا على اوباما ومراته الى بتتمرغ فى خيرهم وشقاهم
ومش علشان هما بيتعبوا فى شغلهم والى عندنا لا
دا بالعكس ازا كانوا هما بيتعبوا على ما يجيبوا الدولارالى عندنا بيتمرمطوا ويطلع عين أبوهم علشان يجيبوا القرش
بس هى الفرق انهم ناس ما تعودوش يتضربوا على قفاهم
انما احنا لو متضربناش على قفانا قفانا يوجعنا
يبقى اذن ومن موقعنا هذا
نناشد الصحافه والشعب الامريكى
انهم يتلموا شويه ويخلوا عندهم دم
ويبصوا كده على مصير فلوس ضرايب غيرهم
علشان يعرفوا نهم فى نعمه والى يتبطر عليها يعمى

هناك 9 تعليقات:

sweet angel يقول...

هههههههههههههه

والله دي حاجه بسيطه

ياستي كانو بروحو لعم عبده البواب وهو يدفعهم لها من ضمن الضرايب الكتير الي بيدفعها

غير معرف يقول...

ههههههههههههههههههههههههه بخيلة ازااااايك شوفى ياستى فى اروبا والدول المتقدمة هههههههههههههههه مصر مثال يحتذى به فى فرض الضرائب الخيالية هما المفروض كانوا اخدوا من عندنا خبراء واكيد المواطن الامريكى مكانش هيفتح الماوس بتاعة والا كان زينا هياخد دورة فيبرشين ليفيل اول فى اى قسم قريب من الهوم بتعه ههههههههههههههههه
كل سنة وانت طيبة ... وبجد يارب فعلا نكون زيهم فى حاجة ونقول مرة كفاية

dr.lecter يقول...

جتنا نيله في حظنا الهباب

MR.PRESIDENT يقول...

من هذا المزنق أدعوا الشعب الأمريكي بالتظاهر من أجلنا .
وعلي فكرة التانج لو اتقطع هيعمل صوت
تك تك تك :)
ثانكث ألت
قصدي تكرمي
والسلام عليكو

sun of free dom يقول...

هاتقعد ان شاء الله

ههههه

محمد التركى يقول...

والله هدخلينا السجن معاكى
ههههههههههه
عندك حق
احنا لو منضربناش على قفانا قفانا يوجعنا
ههههههههههه

أحنا عايشين فى ميت البطيخ ولا حسين بأى بتنجان حولينا
احنا بندفع ضرايب ولا بنعرف بتروح فين
اما دول بيحسبو الدنيا كلها
دول امريكا ياستى
اما نحنو
فنحنو بتوع الوقفات الاحتجاجيه الكوسيه المهلبيه
اللى ملهاش ثلاثين لزمه

ياريت نتعلم منهم شويه
ياله ربنال يسترها علينا

تقبلى مرورى
وكل سنه وانتى طيبه

تحياتى لقلبك الجميل

محمدالتركى

قلم رصاص يقول...

دي حاجة بسيطه بسيطه ولا يهمهم

المهم كل سنه وانتي طيبه ورمضان كريم عليكم وعلى كل المسلمين

AHMED SAMIR يقول...

انا برضة الخبر دة قلب عليا المواجع قوي
ليه يارب احنا كدة و هم كدة....؟
اشمعنى احنا انكتب علينا البهدلة و المرمطة و هم الإحترام و النزاهة
اللهم لا اعتراض على حكمك

عبوني كاميرا يقول...

نسأل وزير المالية عن الضرائب .. عجبي
دا الوحيد اللي مش عارف هي بتروح فين لكن انا و انتي و كل الناس اللي علي المدونه اللذيذه دي عارف فلوس الضرائب فين .. بس الناس اللي مسكنها مخرمين شويه في الميزانيه زي اي بيت

سعيد جدا بمروري علي المدونه الهادئه جدا هذه

و كل عام و انتم بخير