الاثنين، 24 أغسطس 2009

فين رمضان؟

من تالت يوم أحييكم



أذيكم ؟
كل سنه وأنتم طيبين
ايه أخبار رمضان معاكم؟
ياترى مش حاسين بيه زى ؟
بسبب ااختفاء معالم الشهر الروحانى الكريم وانحصار مظاهره فى الترليون مسلسل
والأكل والشرب والعزايم الى ما بتخلصش
وياترى متضايقين للظواهر السلبيه الى بنشوفها فى الشهر ده
زى السواقين الى بيكونوا عاملين زى الى واخدين سطل
والناس الى مش مستحمله بعضها ويقولك اللهم ما انى صايم
ولا البرامج الدينيه الى بقى مده البرنامج ما بتزدش عن نص ساعه بسبب كومه الاعلانات والمسلسلات
هو فيه مسلسلات دينيه ولا حتى تاريخيه السنه دى؟
انا مش متابعه التلفزيون ومش عارفه
طب فاكرين بوجى وطمطم وبكار والفوازير
والف ليله وليله
طب فاكرين الفانوس أبو شمعه؟
وبعد الفطار العيال يمشوا فى الشوارع بالفوانيس ويغنوا حلو ياحلو
هو رمضان راح فين؟
أنا شايفه انه راح فى المطبخ الى قت الست ما بتخرجش منه غير ساعه الفطار
علشان عندها كل يوم عزومه
وراح فى المسلات الهابطه الى جابت للناس تخمه وتشتت فى دماغهم
راح فى كرومبو الى مش عارفه نزل علينا من أنهى مصيبه
وراح فى البرامج الى مستضفين فيها الرقاصات الى جاين يحكوا فضايحهم
للناس
وكانت النتيجه انه ضاع رمضان
وبقينا عمالين ندور عليه بأبره نفسنا بس نشم ريحته

هناك 15 تعليقًا:

مسدس صغير يقول...

انا شايف المطبخ احسن بردة
هههههه
كل سنة وانتى طيبة
رمضان كريم

مسدس صغير يقول...

اول تعليق كمان
اى خدمة

MaNoO يقول...

فكرنى وانا افكرك الظاهر اننا هنعيش كتير فىا لماضى حتى البرامج اما حبوا يعملوا جديد رجعوا بوجى وطمطم مش عارفين نعمل حاجة جديدة كمان زمان احنا كنا بنضرب صورايخ وكل حاجة زى الأطفال بس مكناش بعملها فى المسجد زى الايام دى اه والله بيحصل احلى حاجة فعلا يانودى برامج الرقاصات دى وبرنامج لكل مواطن وكل واحدة بتفتخر انها بتغضب ربنا الحل اننا نعيش رمضان مع نفسنا صلاة وعبادة ومننتظرش مظاهر الا اما نعملها او نلاقيها بقى تانى

حمدى جعوان يقول...

وحشنى فعلا رمضان بتاع زمان اوى ..

*البت المشمشية *حلوة بس شقية * يقول...

رمضان كريم

nody يقول...

مسدس صغير

اهلا بيك ياسيدى اول تعليق


ومش عارفه حاسه بنيه وحشه فى كلامك

هو احنا فينا من كده يا ابن بلدى؟

nody يقول...

MANoO


والله ياابن بلدى انا بقال خمس سنين مقاطعه التلفزيون فى رمضان
الا ازا حبيت اتابع برنامج دينى معين
او حد شكر لى فى مسلسل زى
الملك فاروق مثلا وابناء الرشيد
واسمهان وبشوفهم بالصدفه حلقتين تلاته
انما غير كده ماليش دعوه بالعك التانى
والى يغظك كمان
ان الرقصات دول واخدين مبالغ مهوله علشان يجوا يحكوا عن امجادهم المشرفه
ربنا ينتقم من الى كان السبب بجد

nody يقول...

حمدى جعوان


والله هو وحشنا كلنا

تحياتى

nody يقول...

البت المشمشيه


وانتى بالصحه والسلامه ياقمر

أبو كريم يقول...

كلامك صح ضاعت روحانيات الشهر حتى الفوانيس مبقتش بتحمل أغانى رمضان


ياله ربنا يرحمنا رحمته

حلم بيعافر يقول...

كل سنة وانتم طيبين
ورمضان كريم

nody يقول...

ابو كريم


الفوانيس بقت كرومبو


ربنا فعلا يعنا

nody يقول...

حلم بيعافر



وانت بالصحه والسعاده

very sad يقول...

السلام عليكم

كل رمضان وأنتي بخير

رمضان كريم

بوووست جميل

ومدونة أجمل

أتمنى لك التقدم

دمتي بخير

تحيااااااااتي

dark angel

hasona يقول...

السلام عليكم

كل سنة وانت بخير
وكل سنة وجميع أحبابك بخير وصحة وسعادة
وكل سنة وكل المسلمين علي شريعة الله وسنة الحبيب المصطفي رضي الله عنه وأرضاه

وان شاء الله نستفيد من رمضان بكل السبل
ونخرج منه أفضل مما ولجنا به
يا رب أعنا علي القيام والصيام والصلاة
ووفقنا لما فيه الخير للجميع يا رحيم يا كريم

وارزقنا العفاف والرضا - والمحبة واهدينا يا عظيم

وأعنا علي القيام والصيام والصلاة والارتقاءالي جنة الفردوس

واجعلها لنا ميراث خير وسعادة

واجعلنا من عتقاءك في هذا الشهر يا معطي يا وهاب

وارزقنا حلاوة القرآن و حسن تلاوته
وتدبر معانيه وفهمها علي النحو الصحيح
ورطب ألسنتنا بذكرك يا الله

عايز أقول اننا في أيام مباركة ويجب استثمارها في الخير والتقرب من الله