الثلاثاء، 26 أغسطس، 2008

تيتى تيتى زى ماروحتى زى ماجيتى

ريح نفسك ياحج


الرئيس يأمر بتشكيل لجنه لبحث اسباب اخفاق البعثه المصريه فى بكين
الخبر ده فى المصرى اليوم
طب ممكن يا حج تسمح لى اقولك انا اسباب الاخفاق
من غير لجنه ثلاثيه
ومصاريف وبدل انتقالات
شوف ياكبير
اى عضو من اعضاء البعثه دى الى فيهم ابطال اولمبيين سابقين مرتبهم قد ايه
بياخدوا كام كل اول شهر
بياكلوا بكام وازاى
بيصرفوا ازاى
وشوف مرتبات وفلوس اقلها لاعب فى الاهلى ولا الزمالك ولا حتى الاسماعيلى
شوف ياكبير الناس دى بتاخد حقها اعلاميا زى لاعيبه الكوره ولا لاء
جريده الاهرام ياكبير سابت الناس بتموت فى طوابير العيش
وفضلت تتكلم عن هروب الحضرى
متنخبك بتاع اليد ياكبير اخد بطوله افرقيا مافيش حد عبره
اعضاء البعثه دول فيهم ناس ابطال فعلا وحققوا مدليات اولمبيه قبل كده
واول ما جم مصر الحقد اشتغل عليهم
والمشاكل واللعب من تحت لتحت
واظن كرم جابر ونهله رمضان اكبر مثال
شوف حضرتك بتعمل ايه لما بيكون فى ماتش مهم للاهلى
بتحضره
اى نعم بتنحسهم
بس اسمك عبرت
شوف بتدى فلوس قد ايه للمنتخب بتاع الكوره وهما حتت كاس عالم مش عارفين يطلعوه
وبقيه الرياضه فين ياريس

ريح نفسك والنبى وبلاش تتعب البهوات الافاضلهاتقولى ايه وتسمعنى
بشوفك انا قلبى يوجعنى
عايزنى انسى لك بالساهل
دا ابقى مابحسش واستاهل

مع حفظ كامل الحقوق الفكريه لعمرو دياب

-------------------------------
ملحوظه
عيد ميلاد نودى والمدونه يوم 1-9
مستنياتكم على صفحف التعليقات بعد التراويح كل سنه وانتم طبيبن بمناسبه رمضان
وهانكون بمنتهى الديموقراطيه
والى جواه اى حاجه يقولها
اوعوا تنسوا
والحاضر يعلن الغايب




هناك 25 تعليقًا:

blue-wave يقول...

اول تعليق
احجز بس وهارجع تانى

blue-wave يقول...

يا عينى عليكى يا نودى
يا عينى على كلامك الجامد اللى من الأخر
ويا عينى على اخر كوبليهين بتوع عمرو دياب
ابداااااااااع وبجد فى الجون

كاتب مصري يقول...

كل سنة وانت طيبة عشان اكون قبل الكل ورمضان كريم
بعد كده الريس ده حاجة عجيبة
بلاش يشوف اللعيبة بياخدو كام
يعني حريق الشورى وإخفاق اللعيبة أنهو أولى انه يطلب تحقيق فيه
دا راجل كبر وعقلوا خلاص
ربنا يستر علينا وكل ودي لكِ

Desert cat يقول...

اولا وقبل اى حاجه كل سنة وانتى طيبة وبالف خير
العمر كله ليكى ويارب منورة دايما مدونتك ورمضان كريم عليكى ما شاء الله المناسبات متحده مع بضها علشان انتى بنوتة جميلة وتستحقى كل خير
مش عايزة اتكلم على عمو مبارك
علشان مش ابوظ المناسبة

عايش ولكن يقول...

كل سنه وانتى طيبه وعقبال 1000 سنه يارب
اما بقا عمو حسنى
فخلاص ده راجل كبر فى السن ومحدش ياخد بكلامه

تحياتى
علاء

nody_1987 يقول...

blue_wave

اهلا بيك اول تعليق

nody_1987 يقول...

blue _eave
طبعا يادوك لازم نجيب من الاخر

مابحبش المقدمات

نورتنى

nody_1987 يقول...

كاتب مصرى

كل سنه وحضرتك بالصحه والسلامه

والله ان جينا للحق الاولى انه يريحنا بقى

تحياتى

nody_1987 يقول...

desert cat
وانتى طيبه ياقمر بجد اخجلتينى بكلماتك
مرسيه ليكى بجد
اما بانسبه لاونكل مبارك
فاعلى رايك الكلمه الواحده عليه تنكد بلد
متشكره على ذوقك

nody_1987 يقول...

عايش ولكن

وانت بالصحه والسعاده

على رايك دا بقى بركتنا
السن بقى له احكام
نورتنى

في حب مصر يقول...

الاول كل سنة وانتي طيبة بمناسبة عيد ميلادك.. متهيألي ده العيد ال 21 عشرين.. يعني كبرتي خلاص يا نودي وبلغتي سن الرشد.. وبقيتي شخصية قانونية معترف بأهليتها..ههههههههه.. بجد كل سنة وانتي طيبة وعقبال 100 سنة، ويارب السنة الجاية تحققي 99% من احلامك وطموحاتك..
ثانيا كل سنة وانتي طيبة بمناسبة رمضان.. اجمل شيئ ان عيد ميلادك يجي مع رمضان.. انتي مبروكة والله
ثالثا مفيش تعليق على البوست غير ان الكوبليه بتاع الاغنية اللي في الاخر عجبني جدا ولقيته معبر
هاتقولى ايه وتسمعنى

بشوفك انا قلبى يوجعنى
عايزنى انسى لك بالساهل
دا ابقى مابحسش واستاهل

بس هو الكبير بتاعنا ليه مش عمل لجنة تحقيق في حريق مجلس الشورى ولا خايف يزعل باقي الكبرات؟؟؟

تحياتي يا قمر المنصورة والزمالك

mregypt7 يقول...

هـــــــــــلا والله اخت نودى
لازم الاول كده اهنى وابارك عشان مناسبتين لابد ولازم وحتما ان يذكرهم التاريخ
الاولى طبعا بمناسبه الشهر الكريم وهو شهر رمضان المعظم اعاده الله علينا وعليكم بكامل الخير واليمن والبركات وشويه وهنقلب على القناه الاولى
خلينا فى المناسبه التانيه
وهى المناسبه التى ينتظرها العشرات بل الالاف بل الملايين وهو بالطبع عيد ميلاد النودى اللى بييجى كل سنه بلا احم ولا دستور ابقى خبطى يا نودى
القصد كل سنه وانتى طيبه وعقبال ما نشيلك فى الخشبه قريبا انشاء الله ونوديكى الى منتهاكى بالعيسوى قولى امين يارب العالمين بس الحقى اعملى حاجات كويسه فى حياتك وبطلى شتيمه فى نادى الاخلاق والقيم والمبادىء مع انى شاكك فى الشعار ده لان رئيسه حرامىبس مش موضوعنا
وعن بكين ماحدث كان متوقعا ان مصر ما تاخدش ولا ميداليه ولكن حصل انجاز يعجز التاريخ عن عن كتابته وزكره لانها حاجه فريده من نوعها ان هشام باشا خد البرونزيه ومش ا برونزيه ده هى الميداليه الوحيده اللى ما حيلييتناش غيرها واحلى ما عجبنى فى الشعب الطيب بتاعنا دهانه فرح فرحه الاهبل لما اخدنا البرونزيه تكونش برونزيه كاس العالم اللى على رايك مش عارفين نطلعه الظاهر السلم عالى ومافيش اسانسير
وان الكبير بتاعنا يحقق فى الموضوع ويشوف ايه الاسباب ده لازم امال يعنى يسيب كل واحد باخطاءه بلا معاقبه انا بناشدك يا ريس يا مكيف الشعب المصرى ومنغنغه ومظبط الشباب ده كفايه انه مهتم بالموضوع وبنفسه
ايون كده هى المعالجه بتيجى من معرفه الخطا كان ايه وانشاء الله يطلعلنا واحد زى الواد الامريكى السباح ده اللى اخد 8 ميداليات ذهب لكشه واحده كده
وحاجه اخيره شكرا ليكم يا بعثه مصر شرفتونا فى بكين كفايه الاخ بتاع الفروسيه اللى عمل ريكورد جديد فى الخطاء بالحصان اللى كان راكبه تلاقيك بس ما اكلتوش كويس
وكل سنه يا ستى وانتى طيبه بمناسبه رمضان تانى وبمناسبه عيد ميلادك
بس انا زعلان منك
يعنى ايه يعنى هتستنى التعليقات يوم عيد ميلادك
كنت بحسبك هتقولى كلكم معزومين عندى على الفطار وبعد التراويح هنقطع التورته والكولا هتتوزع بالليتر على واحد واحد
خالص تحياتى
بيبــــــــــــــو

عيله مفتريه سابقا يقول...

بصى يا نودى
انتى كده جبتى من الآخر

فل عليكى قوى
بس ياريت عم الحاج
يفهم الكلمتين دول

بس الكام مليون دول هيتصرفوا فى ايه
ميجيبوا حبه ؟؟؟؟؟؟؟؟؟؟؟؟


سلامى وكل سنة وانتى طيبه
على رمضان وعيد ميلادك

nody_1987 يقول...

فى حب مصر

وانت طيب ودايما بالصحه والسعاده
اه ده العيد ميلاد 21
وانا فرحانه انى بلغت سن الرشد
الواحد حس انه بقى ليه كيان قانونى
هههههههههههههه

الحج مش محتاج يعمل لجنه لمجلس الشورى
فى حد هايفضح رجالته؟

تحياتى يا عم الاهلويه

nody_1987 يقول...

mregypt7
عيسوى ايه الى تدفنى فيه يا احمد؟
اطمن انا مش هاندفن فى العيسوى
احنا لينا مدافن بتاعه العيله فى مكان تانى
ومش هاقولك عليه
وان كان على البرونزيه
فا العمش احسن ما الواحد يمشى يحسس
انت عارف لو طلع عندنا واحد زى السباح الامريكانى ده
والله العظيم ها يفضلوا وراه لحد ما يدمروا الى خلفوه
يا ابنى احنا والله عندنا نوابغ فى كل حاجه
بس النظام العقيم ده هو الى بيتعمد يدفنهم

اما بالنسبه لزعلك
انا قلت يعنى اول يوم رمضان ده بيكون كل واحد ليه طقوسه
وماحبتش افرض نفسى عليكم
انت تشرف فى اى وقت يا باشا
انت واحد من العيله
تحياتى

nody_1987 يقول...

عيله مفتريه سابقا

كل سنه وانتى بالف صحه وعافيه

عم الحج والله بيفهم كل حاجه
بس هو الى سايىء الهيل على الشيطنه

خالص محبتى ليكى ياقمر

Abd-Alrahman يقول...

اولا احب اقولك بالراحة ع الحاج عشان متجيبيلوش احباط
الراجل شقيان عشان راحة الناس والمواطنين
ثانيا احب اقولك اني كنت جاي مخصوص عشان اقولك رمضان كريم
وكل عام وانتي بخير

ثانيا احب اقولك بقي كل سنة وانتي طيبة والمدونة دايما بخير
بمناسبة عيد ميلادها

ويارب دايما عمرانه بكتاباتك الجميلة وردود وتعليقات الاخوة المدونين

وفي النهاية
تحياتي
في انتظار زيارتك

عبدالرحمن

appy يقول...

طيب لما الحج يريح نفسه مين يتعبها
هههههههههههههه
هو مهتم بده بس الا ما هو شايف الباقى كل واحد وعلى قد نظره يا قمر المنصورة
كل سنه وانتى طيبه

abdullah SH يقول...

دى اول مره أطل ع مدونتك .. وعجبتنى هلبه هلبه .. موضوع الاخ حسنى مالياش علاقه بيه ولو انو زيو زى غيرو .. حبيت بس اهنيك برمضان والواحد تسعه تبعك كل عام وانتى بخير .. ع فكره انا مش بعيد عليكى كتير 11.9 يلا سلام

بنت مصريه يقول...

اصل احنا عندنا فلوس بالهبن
مش عارفين نوديها فين ههههههههههه
كل سنه وانتى طيبه بقى

nody_1987 يقول...

abd-alrahman

احباط ؟
ده احنا الى هانموت من الاحباط
هههههههههههه

مرسيه على مرورك
وعلى تهنئتك
مع خالص تحياتى

nody_1987 يقول...

appy

لا ياسيتى
مايتعبش نفسه كفايا عليه امراضه
ههههههههههه
وانتى طيبه ياقمر

نورتينى

nody_1987 يقول...

abdullah sh

طبعا نورنى مرورك

وكل سنه وانت بالف خير
وسعاده

تحياتى

nody_1987 يقول...

بنت مصريه
ما انا بقول كده بارضه محدش مصدقنى


وانتى طيبه ياقمرايه

arab girlscool يقول...

This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
شات انحراف
انحراف
منتديات منتديات عرب كول
غلا الروح
شات غلا الروح
شات صوتي
شات مغربي
قوانين الشات الصوتي
برامج كام وصوت