الأربعاء، ٢٣ أبريل ٢٠٠٨

سؤال من واحده مش واخده بالها
ده تعليق جالى على موضوع

الحكايه وما فيها


انا نفسي بس افهم حاجة ماله عقل الشيخ اسامة بن لادن اللي مش عاجب حضرتك و بتتريقي عليه اظن انه انظف من عقول ناس كتير كل همهم هو انهم يبوسوا جزم الامريكان و للاسف منهم ناس عاملة مدونات و عاملة فيها بيحبوا بلدهم ياريت نحترم الناس شوية و بلاش الكلام اللي مش ليه فايدة زي بتاع اللي اسمه وائل عباس اللي فالح في الشتيمة و طول اللسان و خلاص
طبعا مش ها تكلم عن وائل عباس
انما الى ها تكلم عنه
الشيخ اسامه


معلش اسمحوا لىيعنى ها سأل شويه اسئله كده وياريت كل الى عنده اجابه يقولها فى تعليقه
هو من امتى اسامه بن لادن بقى شيخ؟
ومين الى منحه لقب شيخ؟
وايه مقومات المشيخه فى وجهه نظركم؟
ماذا اضاف الشيخ اسامه(اذا افترضنا انه شيخ) للاسلام؟
كيف اسهم تنظيم القاعده فى علوشأن الاسلام والمسلمين؟
استفادت ايه افغانستان من حركه طالبان؟
وازا اعتبرنا فعلا ان الشيخ اسامه هو مدبر هجمات 11 ستمبرهل ده يتفق مع مبادىء الاسلام؟
ياريت والنبى حد يجاوبنى على الاسئله دى
اصلى انا واحده فهمى على قدى
فا عاوزه حد يفهمنى
جايز انا اكون غلطانه
ويطلع اسامه بن لادن شيخ
وعمرو عبد الرحمن قائد جيوش المسلمين
اما بالنسبه للاخ الغير معروف الى ساب التعليق
فا انت حر انك تنقدنى
بس مش حر انك تتطاول عليه
الاسلام قال احترم الاخر
اهلا وسهلا بأى نقض محترم
صاحبه على راسى
انما اسفه
انا ما اقبلش البذائات

ودى هديه منى ليك

ودى بقى بنت اخو الشيخ اسامه واسمها وفاء
والصوره دى من اغلفه احد المجلات الامريكيه
وسمعونى احلى سلام للشيخ اسامه

هناك ٣٤ تعليقًا:

Unknown يقول...

عامل زى الجذمة اللى برباط

واكيد حد شد الرباط قوى


انا معاكى فى كل حاجة

بس اسمحيلى الوم عليكى حكاية الصورة

بتاع قريبة بن لادن دى

يعنى احنا لو هانتكلم على عقليتة

مش هاندخل فيها اجسام ناس تانية

هو عقليتة زبالة

بس لانة مش بيعرف يفرق مابين الجهاد والارهاب

مش عشان بنت اخوة انحرفت

ههه حلوة انحرفت دى

رئيس جمهوريه نفسى يقول...

اسامه بن لادن كان راجل اعمال سعودى احد افراد عائله لادن من اثرياء السعوديه كان لاهى وعابث قبل حرب افغنستان وحياته ما بين لندن ولبنان مع بدايه حرب افغنستان وبتدبير مع الحكومه الامريكيه ممثله فى المخابرات الامريكيه اتجه ودعم بامواله المجاهدين الافغان واستقر هناك وبيعمل جنبا الى جنب مع طالبان الى هى بتزرع ارض افغنستان افيون لتمويل نشاطتها
وهو خريج هندسه مدنيه يعنى مش دارس فقه وشريعه ومش عارف لقب شيخ اطلق عليه امتى
ده كل الى انا اعرفه عنه

mregypt7 يقول...

مجرد راى
هو اسامه بن لادن ده اذا افترضنا ان هو اللى قاد هجمات 11 سبتمبر فانا مش هاضحك عليكم العالم العربى والاسلامى كله فرح بس معلش جات وطبلت على دماغنا فى الاخر وامريكا بسم الله ماشاء الله بتتوسع فى السيطره على العالم العربى مش حسد لاى حد يقول انى بحسد عينى والله بارده بس هو الوحيد اللى اتحرك وضرب برج التجاره العالمى مع ان ده ضر بينا كمسلمين واعتبرونا ارهابيين بس ما حدش اتحرك غيره يعنى كلنا بنشوف اللى بيحصل فى العراق وساكتين كلنا بنشوف اللى بيحصل فى فلسطين وساكتين والبقيه تاتى
ولكن اللى اقدر اقوله ان اسامه بن لادن شخصيه متخلفه فى تفكيره انه فى الوقت ان الاسلام كان بدا صورته تتحسن فى العالم سيادته بعملته ديه قللها اوى
الحاجه اللى مزعلانى اوى انه خريج هندسه ويااخوانا يعنى دى مش دماغ المهندسين خالص
وللاستاذ اللى كان بيتكلم معاكى احب اقوله اتقى الله شوفه عمل ايه فى الاسلام وصوره الاسلام اتهزت ازاى فى العالم هو ده اللى عمله مش اكتر وخلى امريكا تطغى فى العالم العربى والاسلامى وخلى واحد زى بوش يبقى عامل زى الطور الهايج اللى مش همه حد
مع خالص تحياتى
الباش مهندس احمد

Desert cat يقول...

حبيبتى هو الانونيمس الى ما يتسماش ده وصل عندك
المشكلة انك بتتكلمى مع حد جبان مغندوش شخصية ولا اخلاق علشان كدا داخل يتهكم
طيب وايه دخل وائل عباس اللى ضفره برقبة الانونيمس وامثاله
نيجى بقى للشيخ اسامه
ههههههههههههههههههههه
والله ضحكتنى اوى
معلشى يعنى حاجه يمكن تنفع الانونيمس فى حياته ان لفظ شيخ يقال للرجل العجوز للوقار مش اكتر ولا اقل يبقى ده اعتراف ضمنى من الانومنيمس بعجز الشيخ اسامه
وشيخه اسامة ما اضفاش للاسلام بالعكس ده شوه صورة الاسلام والمسلمين تخيلى لما يفجر برج التجارة على حسب قولهم بقى ويقتل اطفال ونساء ورجال ابرياء محدش اذاه ولا عمل فيه حاجه يبقى ده من الاسلام الاسلام قال اقتل وادبح واخرب يا ابو جهل انت وشيخك اسامه
طيب معلشى بقى بالاضافة لصورة قريبه شخه اسامة شكله ميعرفش انه امريكا هى اللى عملته يعنى من الاخر لحس جزم الاركان لما قال يابس وادى شيخك اسامه الهى تشخ على روحك انت وهو

ياسر يقول...

مثلاا
هنفرض ان بن لادن دة
هو الا ضرب برجيين التجارة
في امريكا طيب اية العائد
علي المسلمين من وراء
كدا طيب ما علينا اية الا حصل
في افغانستان ومن السبب
في دخول حلف شمال الاطلسي
يا جماعة ارجوكم الناس بطريقة
بن لادن دة بيخافوا من اي عربي
مسلم وانا مقيم بفرنسا وفعلاا
الناس بيفهموا الاسلام هنا غلط
واحنا كشباب مسلمين هنا بغض
النظر عن جنسياتنا المختلفة من
جميع العالم كمسلمين بنحاول
بقدر ما امكن نعرفهم دينا دين التسامح
والمحبة لرسولة الكريم صلي الله علية وسلم
مع احترامي وتقديري لكي
ولمواضيعك المتميزة

nody يقول...

واحد مش فاهم حاجه
---------------
هما الاتنين وشين لعمله واحده
العهر والانحراف
بس كل واحد بطريقته
نورتنى

nody يقول...

رئيس جمهوريه نفسى
فعلاالمعلومات دى الى انا وغيرى نعرفها
عن حياته وتاريخه المشرف بالجهاد
انما بقى لله فى خلقه شؤن

تحياتى

nody يقول...

mregypt7
يا هندسه مش لسامه بن لادن بس الى خريج هندسه
عندك الحج نظيف
وعظم اكسلنصات الحكومه الموقره
خرجين هندسه
دماغ المهندسن اتضربت يا هندسه
تحياتى

nody يقول...

قطه الصحراء
اه والنبى الانوميس ماسابونيش انا كمان
والله يمكن يكون يقصد كده بكلمه شيخ
هما ادرى بقى
بالشيخ اسامه جاكسون
صنع فى امريكا

nody يقول...

ياسر
والله عندك حق
ما هما الرعاع امثاله هما الى بوظوا
شكل المسلمين عند الغرب
وخلوهم يعملوا لنا افلام على اننا مافيش فى حياتنا غير القتل والجنس
منهم لله
نورتنى

وجهة نظري يقول...

إية دا يا بنتي، هوا إنتي لسة بتنفعلي من تعليقات الأنونيمس؟؟ دا في ناس شغلتها علي النت يعملوا بلبة ويدخلوا يعلقوا ويهيجوا الحوار، وتلاقية قلبلك إسلامي والا مسيحي والا حزب وطني والا إخوان حسب ظروف البوست علشان التهييج والنرفزة. أنا قفلت تعليقات الأنونيمس من زمان.

بالنسبة لأسامة بن لادن:

1- أي واحد مربي لحية بيتقال علية شيخ، الفرارجي ابو لحية، والميكانيكي ابو لحية وصبي القهوة أبو لحية، كل دول بيتقال عليهم شيوخ، لية؟ لأنهم بيوجهوا خطابهم الجاهل معزز بمعلومات خطاء من القرأن والأحاديث لناس أقل منهم في المستوي التعليمي، فتخيلي اقل مستوي من الفرارجي حيكون إية؟؟ فلازم الفرارجي يبقي شيخ طبعا. ومقومات المشيخة مش علم، إنما تشدد بغرض إثبات العلم، كل حاجة حرام ما لم تكن هناك ضرورة قصوي.... هوا دا إلي فهموه من الإسلامن وكل ما واحد يتشدد أوي ويحفظلوا أحاديث أكتر كل ما المشيخة زادت. لأ إسئليني انا دول حبايبي أوي، محضرتيش إنتي عزهم في أوائل التمانينات، حرموني أروح جوامع.


2- أما عن إضافات الشيخ اسامة للإسلام فبارك اللة فية إنه ساهم في إضافة ألوف الصيع واللاجئين في دول العالم وخصوصا أوروبا، معظمهم بيحاول ينشر فكره المتخلف، وبيقلولهم يا شيوخ برضة، وحتضحكي علي ناس مكملوش إعدادية وأصبحوا رؤساء مراكز إسلامية... لأ دا في منهم بدأوا تجار مخدرات ومسجلين دعارة وسرقات، دلوقتي ربنا فتح عليهم وبقوا دعاه. وكمان ربنا يباركله الشيخ أسامة ويرزقة علي قد نيته دخل أمريكا منطقة الشرق الأوسط من اوسع أبوابها، طاحوا في الكل، وهوا عايش حياته... حيقول إية لربنا لما يسأله عن الـ 300 والا 400 ألف إلي إتقتلوا بسبه.

3- مش حنقعد نخوض في مين إلي عمل هجمات سبتمبر، الأمور واضحه مش عايزه كلام، ولما واحد يطلع يقولك أنا إلي عملتها (حتي لو كان عملها) يبقي أقل ما يوصف بة إنه حمار وبينهق كمان، وعلي فكره هوا مالوش دعوه خالص بطالبان ولا هما طايقينه، وهوا حلفلهم إنه مالوش دعوه بهجمات سبتمبر خالص، بس طبعا كان لازم يكمل الدور المطلوب منه وإلي دفعوله علشانه.

عايزه تعرفي عن التنظيمات الإسلاميه والجهادات الإسلاميه وألبانيا وغيرها، إسمعي الجزء التاني من الحوار النهارده علي قناة مودرن تي في مع أبو عمر المصري إمام مسجد ميلانو السابق علشان تعرفي إحنا فين وهما مين.

nody يقول...

وجهه نظر
اولا اهلا وسهلا بتشريفك لمدونتى المتواضعه
ثانيا بلاش احراج اوائل التمنينات ايه
انا مواليد 87
بس سمعت وقرات عن التيار الاسلامى الى كان مستشرى وقتها
ثالثا عن اضافات الشيخ اسامه
فاصراحه ما سابش الراجل نصيبه الا وضافها للاسلام والدعاه دول مالين الاحياء الشعبيه والعشوائيات
وبعض الفضائيات
وشكرا على المعلومه
ثالثا
نورتنى

غير معرف يقول...

طبعا انا مش عجبنى التشهير اللى انتى كتباه على الشيخ اسامه ده وانتى متعرفهوش عشان تتكلمى عنه كده وبعدين الله اعلم دى صور اخته ولا لا انا ممكن احط اى صوره على النت وقول دى صورة اى حد ومفيش حد عارف حاجه وياريت تقبلى منى التعليق دى وعلى فكره انا من المنصوره برده سلام

بنت مصريه يقول...

ايه يا نودى حاميه عالناس كده ليه
انا عارفه ان فيه تعليقات بتبقى تغييظ بس هنعمل ايه بقى
والله اعلم اسامه بن لادن ده عند ربنا ايه انا معرفوش عشان اقيمه
ورغم انى بكره الامريكان عمى
بس لو كان هو المتسبب فى واقعه 11/9/2001
ف انا معاكى ان ده ميمتش للاسلام بصله
دول ناس عزل مش معاهم سلاح
ومش بعيد يكون فيه كتير منهم كارهيين سياسه بوش بالمره
سيبك سيبك

CrY2DaY يقول...

على فكرة انا اضايقت جدا من كلامك عن بن لادن والصورة اللى انت وضعتيها دى فى المدونة انتى عارفة اكيد الامكريكان .... بس للاسف لا واضح انك فعلا متعرفيهمش من كلامك ... من الاكيد ان الجريدة الامريكية اللى انتى بتقولى عليها دى مفبركة الصورة وحتى لو صح دة مش معنى كدة ان بن لادن وحش ... لا اسف بقى ... لغاية كدة بن لادن بيقف للامريكان على الاقل مش زى مصر يعنى ومش زى كل العرب وكفاية انك عارفة ان امريكا بتساعد اسرائيل واسرائيل بتضرب فلسطين .... كفاية بقى ... كفاية

سفينة يقول...

ازيك يانودي
اولا انتي مواضيعك مهمه جدا ولذيذه وبتتناول امور مهمه جدا وشاغله كتير مننا
بس بالنسبه للموضوع ده انا بصراحه مقدرش اقول رايي فيه لاني مش متأكد من حاجه بعينها فيه
الله اعلم كل شئ ممكن
بس في كل الاحوال احب ان انتي تكوني دايما هاديه ومش عصبيه عشان وارد جدا تلاقي ناس تختلف معاكي في الراي
ارجو ان تتقبلي رايي وبعدين احنا اخوات
انتي بنت المنصوره وانا ابن عمها يعني اقارب ولا ايه
اتمني تكوني زائره دائمه ويارب اسمع عنك دايما كل خير
سلاااااااااااااام

أحساس لسه حى ...أنا مش موافق يقول...

عزيزتى

معلش انا حبيت اوريكى حقيقة قطة

واظن انك اكيد هتتصدمى من الكلام اللى هتشوفيه

بس الحقيقه دايمن بتصدم

خشى المدونه وهتعرفى

واتمنا اشوف رائيك بصراحه وشجاعة

سلام

غير معرف يقول...

السلام عليكم و رحمة الله و بركاته
انا صاحب التعليق اللي انتي كتبتي عليه موضوع كامل و اصحابك دخلوا طبلوا و هيصوا في الزحمة و السلام و هارد عليهم بس حبيت ارد على الرسالة الاصلية اولاً
اولاً و قبل اي شئ انا عاوز اعرف انا تطاولت عليكي في ايه ؟؟؟ انا قريت اللي انا كتبته اكتر من مرة باحاول اني الاقي كلمة واحدة غلطت فيها بس مش لقيت ياريت انتي تقولي لي انا غلطت او تطاولت عليكي في ايه ؟!!!
بالنسبة لاسامة بن لادن ( من غير شيخ ) اظن انك قريتي كلامي و فهمتيه زي ما تحبي و بس انا كلامي مش مقتصر على اسامة بن لادن و على فكرة انا ضد العديد من افكار بن لادن و عارف انه في الاصل صناعة امريكية ايام حرب السوفيت على افغانستان بس يمكن انا مش وضحت كلامي قوي لاني وقتها كنت مستعجل في ردي انا كلامي كله ان فيه الف طريقة ممكن تتريقي بيها على تفكير العرب غير انك تجيبي واحد ملتحي و بيمثل الاسلام و لو شكلاً و تقولي هو ده التفكير لانك فكرتيني بافلام الهابط عادل امام اللي كل فيلم لازم يجيب واحد بدقن و يظهر المسلمين في اسوء الصور ياريت بقى نبطل التفكير الغريب ده لاننا احنا مش كده
و انا مش قلت ان اسامة بن لادن هو شيخ الاسلام و لم اقل انه اضاف اي شئ جديد للاسلام و لكن في نفس الوقت برضه باقول انه احسن من ناس كتير قاعدين يتفرجوا و يصقفوا و السلام
ده شرح بسيط لكلامي اما عن وائل عباس فانا ذكرته لمجرد الذكر و المثل و ليس من هدف محدد فهو و امثاله لا اقيم لهم وزناً لاتحدث عنهم
و منتظر اعرف برضه انا غلطت او تطاولت عليكي في ايه و لو فعلاً تطاولت عليكي فانا باعتذر لان مش من اخلاقي اني اتطاول على حد

غير معرف يقول...

ردودي على الشباب اللي ردوا على كلامي

واحد مش فاهم حاجة ::: مش عارف انت تقصد مين بكلامك بس اظنك تقصدني بكلامك على العموم انا اتعودت اني لما باتكلم باقابل ناس زيك همهم الاول يشتموا السلام من غير نقاش و دايماً باتجاهلهم
و كويس فكرتني بموضوع الصورة لاني نسيت اتكلم عنها في ردي على صاحبة الموضوع بخصوص الصورة و حتى لو كانت لابنة اخوه فاظن انه لا تزر وازرة وز اخرى و لا كلامي غلط يا بنت المنصورة ؟؟؟!!!

بشمهندس أحمد ::: اظن لما تقرا ردي على صاحبة الدونة هتعرف قصدي من كلامي على بن لادن و جعلني الله و اياك ممن يتقونه في السر و العلن

desert cat :: اكتر تعليق ضحكت عليه و الله لانه او لانها مش عارف بالظبط بيتكلم عني و كانه يعرفني او اني اتشرفت بمعرفته قبل كده و احب اقولك و الله العظيم انا اول مرة يسعدني الحظ برؤية طلعت سيادتك و مش عارف حضرتك بتشتمني ليه هو علشان قلت رأي مش عاجب سيادتك ابقى جبان و مش عندي اخلاق ؟؟!! تعرف ايه عني سعادتك علشان تشتمني و سبحان الله صاحبة المدونة تقول لي اني تطاولت عليها و زباين مدونتها امثالك لسانهم اطول من اللي في الشتا و بعدين وائل عباس بتاعك ده اعرف هو مين الاول و بعد كده اتكلم و ظفره برقبة واحد زيك انت و معجبينه اما انا و لا اتشرف انه يكون حتى ظفر عندي لان ساعتها اقطع الصباع كله علشان اتخلص من عنصر فاسد زيه و كلامك جميل قوي عن قتل الاطفال الابرياء و النساء في برج التجارة بس عاوز اسألك هو التليفيون عندك مش بيجيب قنوات بتبث من فلسطين و لا ايه !!! و لا نساء و اطفال امريكا ابرياء و نساء العرب و اطفالهم دمهم مباح لكلاب امريكا و اسرائيل !!! و في الاخر بتتريق سبحان الله و الله طول ما فيه زيك في الدنيا عمرها ما هيتصلح حالها و طبعاً الفاظك القذرة اللي كتبتها مش هارد عليها لاني معلش مش زي ما انت بتقول يا مدعي انك تعرفني فانا تربيتي و اخلاقي و مستوايا اكبر بكتير من اني انزل لمستوى الفاظلك

باقي التعليقات سواء من صاحبة المدونة او من باقي الاعضاء احترمها كلها لانها اراء محترمة و مناقشة بهدوء و بدون تجريح

و اخيراً مدام وجودي ضايقكم قوي كده انا مش جاي هنا تاني لاني مش باحب اكون ضيف ثقيل على حد انا بس جيت هنا لاني مرة لقيت رد لصاحبة المدونة بتنتقد فيه اسلوب الرد القذر اللي موجود في احد المدونات فاحترمتها لذلك و حبيت اني اتابع مدونتها و لكن زي ما قلت مش بحب اكون ضيف تقيل على حد و متشكر جداً

و للأخ اللي عامل نفسه عاملني احب اعرفك بالعبد لله انا مهندس كمبيوتر عندي 35 سنة مصري و عايشش في الامارات يعني مش جاي هنا العب معاك و لا انا من سنك

و تقبلي اعتذاري مرة تانية ليكي و للمحترمين ممن ناقشوا الموضوع

nody يقول...

غير معروف
انا ما شهرتش بحد
وبعدين اسامه بن لادن مش حتاج حد يشهر بيه
لانه اس مثال لاى مسلم
وده راى المتواضع
اما بقى بالنسبه للصوره
فا انا واثقه من مصادرى
واهلا وسهلا بيك وبكل ناس المنصوره

nody يقول...

بنت مصريه
تقدرى تقولى بدبح لهم القطه من اولها
وبعدين هو خساره نضيع وقتنا فى اننا نقيمه
بس انا اتغاظت من كلمه شيخ دى
الاسلام برىء من اى جهل وتعصب وارهاب
تحياتى يا قمر

nody يقول...

cry2day
فعلا ابن لادن واقف للامريكان
بس عارف واقف يعمل ايه
بيمسح جزمهم
علشان هما اسياده
وفعلا كفايه

nody يقول...

سفينه
انا مش عصبيه ولا حاجه
بس ده دينى
الى ما بقاش مستحمل انه يتقال على امثال اسامه دول
انهم مشايخ فيه
مش للدرجه دى يعنى
ورايك على عينى وراسى
وطبعا مدونتك من احب المدونات عاندى
واحب اشوفك دايما منورنى

nody يقول...
أزال المؤلف هذا التعليق.
في حب مصر يقول...

على فكرة لقب شيخ في الخليج مش معناه انه رجل دين لا هو معناه انه من الاسرة الحاكمة.. علشان كدة لما تسمعي كلمة شيخ في الخليج يبقى على طول ده شخص من العيلة الحاكمة.. ده بس للتوضيح

أنا عن نفسي عجبتني صورة البنت قريبة اسامة..هههههههههه

nody يقول...

غير معروف
معلش اتاخرت
فى التعليق للظروف الصحيه والدراسيه
حضرتك تعليقك كان مهين ليه
يمكن انت ما اخدتش بالك
اما بقى لتعليقات
فا انا ما فيش حد بيهلل
وانا اسفه لو كانوا زعلوك
اما بقى بالنسبه لاسامه بن لادن
فا انا اعرف ان فيه قاعده فقهيه بتقول ان درىء المفاسد خير من جلب المصالح
واذا اعتبرنا ان اسامه هو مخطط 11 ستمبر
فا ياترى المسلمين خسروا ولا كسبوا بسببه
وانا ما احبش انك ما تدخلش عاندى
انا البلوج عاندى ديموقراطى
وتنورنى فى اى وقت

nody يقول...

فى حب مصر
معلش اتاخرت على الرد
بس اللوم على الامتحانات والحساسيه
اعذرنى
مرسيه على المعلومه
تحياتى

إبن مصر يقول...

بسم الله
يابنت المنصوره ياجميلتى العزيزه طبعا انا نبعتك قبل كده او مش نبهتك انا عرفتك انك دايما بتشوفى من ناحيه واحده للإنسان اللى شيفاه وحشفبيفضل وحش والإنسان اللى شيفاه حلو بيفضل حلو انا بقولك يا ايتها لبنت الرقيقه المهزبه الراجل ده بكل المقايس ارهابى ومسوء لسمعة الدين انما لازم نعترف انه الوحيد اللى ورا الناس دول الرعب تمام
الراجل ده له حسناته وسيئاته مع احترامى له
اما وائل عباس فده حبيبى وراجل لا غبار عليه انما مش معنى كده انه مش بيغلط لأنه بطبيعة الحال مش معصوم من الخطأ
فياريت كان يبقى ردك اكثر هدوء على المهاجمين ولو كان فيهتعنيف ليكى فإنتى لابد ان تتقبلى النقد انما فى اطار محترم وكل اللى حابب اقوله ليكى ((اذا حدثك السفيه فلا تجبه فخير من اجابته السكوت ))

tamer.sala7 يقول...

بن لادن جت معاه كدة وساعات بتيجي مع العمي طبات يعني هو في الاول قال انا مليش دعوة ببرج التجارة وامريكا قالتله ليك هو لقي نفسه حيبقي بطل قال ماشي يبقي ليا بس بلاش ناخدة بذنب بنت اخوه او ناخد بنت اخوه بذنبه ( ولا تزر وازرة وزر اخري )
----------------------
وجهة نظري
للاسف كلامك مش صح مش كل واحد مربي دقنه يبقي شيخ لأن الحاخام مربي دقنه والقسيس مربي دقنه والدقن تضفي علي الرجل مزيد من الهيبة لكن كلمة شيخ تطلق علي من تجاوز من الكبر عتيا لأنها تعتبر مرحلة عمرية وبدايتها بتكون
مهد - طفل - مراهق - شاب - رجل - شيخ - كهل - لحد علشان كدة بنقول من المهد الي اللحد

محدود الدخل يقول...

بداية أنا أقر أني بختلف مع تنظيم القاعدة (كفكر وتطبيق ) في بعض الأمور سواء الدينية أو الأستراتيجية
لكن المشكلة أنكم فاكرين تنظيم القاعدة ده منحصر في شخص واحد الي هو الشيخ أسامة
والمشكلة الأكبر أن أغلبكم أو كلكم يجهل تنظيم القاعدة وأستراتيجياته وده الي واضح جداااااااا في الموضوع وفي الردود
عموما...
بعيدا عن الأتفاق معه أو الأختلاف معه
فمجرد أنهم يسعو ده شيء يحمدو عليه
لكن أحنا قاعدين نكتب في مدونات ونتتريق على ناس باعو الدنيا وأشترو الأخرة
مع أحترامي للجميع
الي يحب يتكلم يتكلم عن علم وبموضوعية
يعني يجيب أستراتيجية تنظيم القاعدة العسكرية الي وضعها الشيخ أبو مصعب السوري ويدرسها بعد كده يدخل ينقض الأستراتيجية يعرض مواطن الخلاف فيها ويعرض بدائله المقترحة
لكن التطاول على الأشخاص والتجريح فيهم
فهو للأسف أعتبره فلس
أتمنى كلامي ميزعجش حد لكن بجد الموضوع مستفز والردود أكثر أستفزاز
_____
**ملحوظة صغيرة : بالنسبة للصورة الي وضعتيها ونسبتيها لأبنت أخت الشيخ أسامة فبفرض أنها صحيحة (وده شيء أنا شخصيا متأكد أنو مش صحيح ) فبالبلدي كده كل واحد بيتعلق من عرقوبة
...

غير معرف يقول...

الاول انا مش عارف مين اللى ظهر الصوره دى لو افترضنا انها بنت وبتتكلم عن الاسلام ازاى بتظهرى صوره زى دى وبتتكلمى عن الاسلام ايه الادب دا كله بصراحه مفيش بعد كدا . الشيخ اسامه والدكتور ايمن الظواهرى محبوبين جدا جدا خصوصا فى الصعيد ممكن فى القاهره ومحافظات الشمال مش بتحبه اوى علشان الفساد اللى فيها

غير معرف يقول...

مفيش بنت مؤدبه تظهر صوره زى دى

غير معرف يقول...
أزال أحد مشرفي المدونة هذا التعليق.
بسمه العتيبي يقول...

هو حارب امريكاء سواء له علاه بالبرجين او لاء انتم قاعدين في بيوتكم ولا خوفتم اي امريكي وهو مرعب الامريكيين واحتفلو (احتفال جامد جدا)بوفاته دليل على انه عدو مش طبيعي ياللي بتشتمو فيه لما تعملو زيوه وتقتلو كم واحد امريكي تعالو بقاه واشتموه
وقريبته مالهوش دعوه بيها ولاتز وازرة وزر اخرى