الاثنين، ٣١ مارس ٢٠٠٨

اهلا بيكم ويالا نقول بسم الله
انا مش عارفه هما ليه الناس والاعلام مشغولين قوى اليومين دول بالبمبوطى السويسى الى قتلته نيران احدى السفن الامريكيه
والاعلام عمال يتكلم والصحف تكتب وكرامه مصر وسمعه مصر
صباح الخير يامصر


طب ده شىء عاااااااااااااااااااادى ومتوقع
ايه يعنى لما سفينه امريكيه تقتل واحد مصر
محموقين اوى
على الاقل دى امريكا
مش الامير القطرى بتاع الفورد الى قتل له سته سبعه فى سباق سيارات عند ارض المطاروقبل ما الاسعاف تنقل المصابين
كان جناب البيه سايب مصر
ولا الهانم السعوديه الصايعه بتاعه الشركوى الى كانت سايقه سكرانه
الساعه واحده بعد نص الليل وقتلت سواق تاكس مصرى ودفعت الديه وراحت بلدها
بيجربوا فينا عربياتهم الحفاه العراه الى مكانوش لاقين حتى ياكلوا
والمصرين الى بيتسرقوا وتبهدلوا من الكفيل السعودى فى ارض اسم الله عليه خادم الحرمين
ولا هما العرب اه وامريكا كخه
ماهى لما دوله وزير خارجيتها يتضرب على وشه

المواطن العادى فيها يتقتل برصاص سفينه امريكيه والسفاره الامريكيه ما ترضاش تعتذر عن الحادث
انا شايفه ان بدام سكتنا على كله ولحسناها واحنا مخروسين
يبقى نسكت على دى كمان

مانجيش على ستنا الىمأكلانا قمح مسرطن ونعمل عندنا كرامه
كرامه ايه يدوروا على كرامه المصرين فى اكشاك العيش

بلاش قهر بقى




الى بعده

اكيد الكل عارف ان ابراهيم عيسى الى هو رئيس تحرير جريده الدستور اتحكم عليه بست شهور سجن
علشان قال ان الريس تعبان وفى حاله حارجه


انا ماحرقنيش غير واحده عارفين ايه هى
مش الحكم والله لان ده قضاء مصر الشريف النذيه
انما الى حرقنى
المحامى الخصم الى كان بيتكلم
الراجل ماسك سبحه وعمال يجيب من قلبه ويقول المحكمه رأفت بابراهيم عيسى لان الادله المقدمه من امن الدوله تدينه ادانه واضحه
يا اخى اشوف فيك يوم انت والمحكمه وامن الدوله
عمل ايه المجرم ابراهيم عيسى

جوعكم شردكم خلى الناس مش لاقيه العيش الحاف
موتكم فى طوابير العيش
كاتم على نفس الى جابوكم 26
سايبكم تاكلوا فى بعض وقاعد فى شارم
اقطع دراعى ان ماكان المحامى ده منوفى
اصلهم بيبانوا

ال ابراهيم عيسى مدان

مدان فى عينك


غيره


المحكمه قضت بدفع تعويض من السيده هدى عبد الناصر الى السيده رقيه السادات

اصل الست هدى اتهمت السادات ان هو الى قتل ابوها

وانه كان عميل لامريكا وبيقبض منهم 5 الاف دولار فى الشهر

طب والنبى دى يتقال لها ايه؟

غيره

سيسليا طليقه ساركوزى اتجوزت

االاهم من انها اتجوزت انها اتجوزت واحد من اصل عربى مغربى
ودى حاجه بسطانى قوى

علشان ساركوزى بيعامل المهاجرين العرب معامله سيئه منذ توليه الحكم
ويكفى الناس تعرف ان سيليا رفضت انها تكون سيده فرنسا الاولى واتنازلت عن الاقامه فى الاليزيه علشان واحد عربى
ياللهوى على شكلك ياسركوزى

هناك ١٩ تعليقًا:

Sad Emperor يقول...

الله ينور عليكى
بس فى حاجه هو ايه حكايه ساركوزى معانا الراجل دا من يوم ما مسك فرنسا وبقت سيرته على كل لسان وكل يوم ساركوزى راح ساركوزى جه وسنته فل معانا
بس بجد موضوع جامد وانىت فيكى حاجه كويسه
بتكتبى فى كذا موضوع مع بعض وبتربطى بينهم بطريقه كويسه اوى
والصور فى محلها وربنا يوفقك ونبقى حاجه كويسه كده زيك فى يوم من الايام

nody يقول...

Sad Emperor
مرسيه على مرورك وعلى كلماتك الرقيه ا

محدود الدخل يقول...

السلام عليكم
أيه الجمال ده
أهو ده البوست السليم في البلوج السليم :)
البوست جميل قوي وأحلى ما فيه أنو كوكتيل منوع من كلو
مع تحفظي على حاجات صغننة في حوار السفينة
بس ما عليناتحفظي خليه لنفسي عشان ميعكرش جو البوست الجميل
مستنيين جديدك
وربنا يجعله عامر
...

nody يقول...

محدود الدخل
مرسيه على تشريفك
وكان يسعدنى اكتر انك تقول تحفظاتك
هنا مكان دميقراطى
بس ديموقراطيه بحق وحقيق وجد وجديد
قول الى انت عاوزه

YHYيــوســف الـمصـرى يقول...

السلام عليكم ورحمة الله وبركاته
.............................
حلوة النظرة السريعة دى على الاحداث

السويسى الى مات راح فدا الوطن وعظيمة يا مصر يا ارض البلح !

أبراهيم عيسى يستاهل حد قله يتكلم ويلعب فى عداد عمره .. داستور يا سيدنا !

هدى عبد الناصر & رقية السادات
ممكن نسميه صراع الحضارات !

مرات الدنجوان ساركوزى مش بتضيع وقت ومظنش حكاية عربى ولا هندى دى فرقه معاها ! والله الفرانسوين دول عالم ريقة !

حلو البوست
تحياتى
:)

غني يابهيه يقول...

بصراحه مش لاقى حاجه اكتبها
جبتى من الا خر

تحياتى
يوم 6\4
الاضراب

nody يقول...

يوسف المصرى
جميل انك معايا على الخط
ومصر ها تفضل مصر
بحكوماتها
وحكامها

nody يقول...

غنى يا بهيه
انا جبت اخرى من الى بشوفه
والله
نورت

في حب مصر يقول...

عجبتني تعليقاتك بصراحة
خاصة التعليق الأول
احب بس أقول انتي ازاي عايزة العرب والأجانب يحترموا المواطن المصري وهو أصلا حكومتة ليل نهار بتذل فيه!!!!!

احنا الحمد لله بقينا بفضل النظام المصري متهانين في الداخل والخارج

بس تعرفي حاجة انا هنا في الإمارات بقالي سنتين، أقدر أقولك بثقة ان تعامل الدول التانية معانا كمصريين أحسن مليون مرة من تعامل حكومتنا الرشيدة معانا؟

nody يقول...

فى حب مصر
انا بس اقصد ان ليه العرب اه اه
وامريكا لا لا
المفروض يكون فيه عدل
وبعدين حكومتنا مش رشيده بس
كده ازعل
حكومانت نظيفه رشيده حبيبه
مغربيه وطبعا مبروكه
نورت

Misrdream يقول...

برد الزياره فى البداية
وبعبر عن اعجابي بالمدونة
تحياتي

nody يقول...

misrdream
شكرا على مرورك الطيب
وعلى مجاملتك الرقيقه

Desert cat يقول...

نود يا احلى بنوتة فى المنصورة
احييكى على قلمك الجرئ
اولا ماما امريكا مش هتعتر .. عايزاها تعتذر لمين الجرابيع اللى بتمن عليهم بالمعونة طب وايه يعنى لما اولادها يتعلموا الصيد عندنا يا سلام هى هزولت هو ده اللى ناقص كمان يعتذروا لنا
بالنسبة للمجرم الخاين العميل ابراهيم عيسى ازاى يتجرأ ويقول الريس تعبان هما الؤرساء بيتعبوا زينا احنا الرعاع ده هيفضل موجود حتى قيام الساعه ده فى تخيله ... اصحاب العقل فى راحة يا بنتى
بصراحة لا فض فوكى فى البوست كله

nody يقول...

قطه الصحراء
اد انتى الى اجمل بنوته فى مصر كلها
انا بارضه بقول كده
امريكا دى ستنا
وابراهيم عيسى ده خاين
مرسيه على مرورك

ياسر يقول...

علشان ساركوزى بيعامل المهاجرين العرب معامله سيئه منذ توليه الحكم
لوتحبي تاريخ حياة ساركوزي
اكتبهولك بالتفصيل الممل
لاني عايش في فرنسا
ومهتم جدا بالسياسة
هنا وبتاريخ وكتب الرؤساء
من شارل ديجول حتي ساركوة
زي ما الناس اطلقت علية الاسم
دة هنا في فرنسا ساركوة
هو ابن مهاجرين بردة يعني
باباة ومامتة مش فرنسين الاصل
وعلشان مطولش عليكي اكلمك
عنة من اول ما بداء يمسك حاجة
في البلد من سنة 2002مسك
وزير الداخلية الفرنسية وبداء
بنزع الحجاب وتحريمة في المدارس
والجامعات او الهيئات الحكومية
مستعيننا بشيوخا وقام بزيارة
لشيخ الازهر وتقدري تشوفي
الفيديو في يوتيب حاجة تكثف
وبعد كدا بدات نظرات الفرنسيين
لنا كعرب مسلمين كا ارهابيين
وبداء في ترحيل العرب والمصريين
والمسلمين بداء يكبر ومسك
منصب رئيس
حزب اليمين الفرنسيUMP

ودة اسم الحزب الا كان رئيسة
بجانب وزارة الداخلية وبدات المعداة
تكبر بينة وبين المهاجرين وفي نوفمبر
2005بداتالشباب بحرق السيارات
والمرافق العامة وضرب واصابة
افراد المطافي والشرطة والعمليات
الخاصة وبدا السباق الي الاليزية
والرئاسة الفرنسية كان مرشح
عن اليمين ساركوة اما عن اليسار
سيجولن رويال وكانت منا فسة شرسة
مناظرات تليفزيونية حادة النقاش وكنا كلنا
كمغتربين مع الست دي سيجولن رويال
لاحترامها وتقديرها للمغتربين وعمل اقامات
لكل الناس ودائما تاتي الرياح بما لاتشتهي
السفن واهو نجح وبقي رئيس فرنسا
بفرق عنها بحوالي نقطتين ونص بس
وبقالة سنة في الحكم وشعبيتة من53في المية
بقت 32 في المية وبتنزل باستمرار كل يوم
وهيخطب النهاردة في التليفزيون هنا بس
هيقول اية معملش حاجة طول السنة
اجازات في كل بلااد العالم طلق سيسليا
واتجوز عارضة ازياء بردة الا كانت معاة في
راس السنة في مصر
ومتاسف والله برغي كتير بس
انا فعلاا عاشق السياسة الفرنسية بجد
واختصرت كتير الله يمسية بالخير شيراك
كان استاذ
وتقبلي مروري الممل دة ههههههههههههههههههههه
ودومتي بخير

ياسر يقول...
أزال المؤلف هذا التعليق.
ياسر يقول...

اما بقي بالنسبة
للسفينة الامريكية ودم
الراجل الا راح بلااش فديت
امريكا لو عاوزين يقتلونا كلنا
هيقتلونا ويضربونا باي حجة زي
اسلحة الدمار الشامل الا ملقوهاش
في العراق لانها كدبة ازاي بلد محاصر
من التسعينات تعمل حاجة زي كدا هما
كانوا عارفين يعيشوا لما يعملوا نووي
المهم بقي طيب اسرائيل الا كل
فترة تقتلها ثلات اربع عساكر
غلابة في حرص الحدود بتاعنا
نقول اية بس حاسبي الله ونعمة الوكيل
وندعي عليهم بس كدا اة
ولو لو لو اعتذروا لازم نقبل اعتذارهم
ونقولهم معلش عارفين انة خطاء فني
او كانوا بيتقدموا في اراضيكم بصراحة
رخصنا نفسنا ودمنا واروحنا بما فية
الكفاية والي متي نفضل يجربوا فينا
في اسلحتهم امتي نصحي بس
ونقول لالالالالالالالالالالالالالالالالالالالالا
دومتي بخير
مع تحياتي لكي ولقلمك البناء

nody يقول...

ياسر
مرسيه كتير على معلوماتك الجميله دى
انا كمان بحب التاريخ قوى
ممكن تقول بعشقه
وانا الايام دى بدات اتجه لتاريخ فرنسا
بس بداتها من الثوره الفرنسيه
وانا متابعه جيده لاخبار الى ما يتسماش ساكوزى
من ساعه الاشاعه الى طلعت عليه انه عميل لاسرائيل
بجد انا سعيده بمشاركتك جدا جدا
اما بقى بالنسبه لامريكا
فادى امريكا
براحتها
نورتنى

غير معرف يقول...

والله يا ستى العرب شوية كلاب وبقر ومتخلفين وشحاتين فاكرين لما كنا بنبعت للزفت السعودية كسوة الكعبة ايام ما كانو شحاتين وفاكرين التكية اللى كنا بنأكلهم فيها من جيوبنا والريس السادات كان زاللهم بيها الله يرحموا من بعد ما مات واحنا اتبهدلنا
وبالمناسبة اية التخلف بتاع بنت عبد الناصر ده هو ابوها يوقعنا فى النكسة والراجل اللى يخرجنا منها تشوه صورته