عاوز تبقى ايه لما تكبر؟
طبعا كلنا فاكرين السؤال ده مافيش حد فينا غير لما اتسأل السؤال ده وهو صغير
(عاوز تبقى ايه لما تكبر؟)
ولسه لغايه دلوقت السؤال بيسأل( وازا كان قل نسبه السؤال
لأن ماحدش بقى عاوز يفكر فى المستقبل)
وزى ما حنا شايفين السؤال واحد عبر كل الأوقات لكت الاجابه اختلفت
من حوالى 25 سنين
كانت الاغلبيه الولد يبص لك بشموخ ويقولك دكتور
تحس ان عنيه بتقولك لانى شاطر عاوز ابقى دكتور
وكذلك البنت تقولك دكتوره
ولو سئلت ليه؟
يكون الجواب
علشان أعالج الناس
وفى الكام سنه الاخرنين من (8-10)سنين
اصبحت الاجابه العظمى
الولد يقف لك ومتنح وعنيه بتطق شرار
ظابط ياعمو لدرجه انك ممكن تخاف من منظره
ولو سألته ليه يقولك علشان أسجن الناس
دلوقت بقى لو سئلت
تلاقى بلاهه على وش الولد وفخر 
لعيب كوره
ليه ياحبيبى ؟
علشان أبقى مشهور
نقطه ومن أول السطر
ليه الاجابه اتغيرت؟
فى الوقت الى كان كل طفل يتمنى انه يبقى دكتور لما يكبر
كان الناس لسه شايفه ان التعليم والعلم هما الحل فى تغير حياتهم وجعلها أحسن
وكان ما زالت الدرجه العلميه ها بتزود شأن صاحبها
وكانت المهن العلميه محترمه
فكان الطبيعى انه يكون حلم اى طفل انه يكون دكتور او مهندس
لانه بيلاقى الدكتور او المهندس الى فى شارعهم او فى بلدهم الناس بتحترمه وتقدره
فا بيتمنى يكون زيه
بعد كده بدأت مفاهيم ومعايير المجتمع
وبقوا بيشوفوا ان المهن العلميه ما بتأكلش عيش وانها اصبحت غير مرموقه
وتغير حال المجتمع وبقت البلطجه هى الحل
واصبح الطفل بيشوف ان الظابط ممكن يسجن جاره
والناس كلها بتخاف منه ومن سلطاته المطلقه
دا غير ان العنف زاد بين الناس والهمجيه
فكان لازم يبقى الحلم انه يبقى ظابط
علشان يعرف ياخد حقه من كل حاجه فى البلد دى
وحاليا خلاص وقعت ورقه التوت
وعلشان العولمه دخلت بلدنا بالهيافه والخيابه بس ولان
أصبح حلم الشهره والثراء السريع هو حلم الشباب
ولان مابقاش فى قدوه غير لعيبه الكوره
وما بقاش حد بيحترم وياخد حقه غير لعيبه كوره
وكمان ضياع العلم والتعليم
وانحطاط وضع اصحاب المهن العلميه
كان لازم يكون الرد لعيب كوره ياعمو
وهى دى المصيبه
هناك ١٧ تعليقًا:
ابن اختى عاوز يطلع بوكسير ويسافر المانيا تخيلى طفل عنده تلات سنين وعارف ثقافه التى فى يا حبيبتى عملت كده والاهل كمان على فكره تحسي الولاد من صغرهم ادركوا الواقع بس مش كله لسه اللى عاوز يبقى دكتور برضه
أهلين ببنت البلد
رغم انى مبحبش حكاية ان فى أصلا حاجة اسمها مهنة حلوة مهنة كبيرة مهنة علمية مهنة مش عارف ايه طول ماالانسان بيقدم حاجة هوا بيحبها وبحترم فيها المجتمع تبقى مهنة ودا مجرد راى
انا معاكى فعلا ان الاجابات اتغيرت وكمان هتتغير وهتتغير زمان كان الولد برده بيقول عايز ابقى دكتور اومهندس بناء على القيمة اللى بيشوفها قدامه للدكتور او المهندس ولانهم هما اللى كانوا ظاهرين انما دلوقتى التربية فى المجتمع بتقول اوصل باى طريقة وبأسرع طريقة وكمان هتبقى مشهور بالاضافة ان مفيش تعليم يوجه الولد دا او يوجه موهبته لو عنده موهبة فى مجال معين
يبقى دا حال طبيعى اننا نوصله
انا اللى نفسى فيه ان الولد يقول انا عايز اطلع دكتور مثلا لانه فعلا شايف انها مهنة هيقدم فيها طاقته مش هتديله وجهة فى المجتمعوخلاص
حكاية اننا نستغل موهبة الطفل دى اللى ممكن تصنع الفرق فعلا
طولت عليكى معلشى
بس موضوع مهم جدا والكلام فيه اكتر من كدا كمان
تقبلى احترامى ومتميزة دائما
كويس انها جت على قد لعيب كورة لو بنت بقى كانت هتبتدى بدكتورة و بعدين مدرسة و بعدين رقاصة بما ان دا بقى الكارير المضمون اليومين دول
انا متابعة مدونتك من زمان على فكرة و بقالى فترة عايزة اعلق..كويس انى جيت على بوست جديد :)
للأسف فعلا هو دة الواقع
البنت عاوزة تطلع مطربة والولد عاوز يطلع لعيب كورة
بكره يقولوا رقاصة وحرامي.. قصدي رجل أعمال.
كل اما تدخل ع الجون الزاوية بتتقفل
...
اهوه كده تمام
واحنا صغيرين كنا لسه بعيد عن الجون
اما دالوقتى
فالجون اتقفل .
يبقى الاطفال بقى يشوطو مباشرة ع الجون ويقول انا عاوز ابقى لعيب كورة
اما اللى يرقص وعاوز يوصل لحد الشبكة لازم يتشنكل قبل ميروح الجون
فناخدها من قاصرها
فى زمن اصبح المغنى مشهور برقصه لا بصوته والممثله ممتازه بقدر ما تكشف من جسدها والاعلام يبجل الرقاص والمتعريه
هتستنى الولاد يحلموا بايه ثم هما شايفين العلم فين لا فى مدرسه ولا جامعه ايام زمان كان طالب الجامعه بيخافوا من فكره سياسيا دلوقتى طالب الجامعه بيدخل حمار بيخرج احمر
بوست رائع ومشكله حقيقيه
انا كنت عاوز اطلع دكتور وبعدين كنت عاوز اطلع عالم وراثه - متضحكوش - بجد
وبعد ما خلصت علام قولت هوا انا ليه مطلعتش صحفى
ولوقتى باكل عيش فى حاجه بعيد تماما عن كل ما سبق
تحياتى
appy
والله ياحبيبتى الى عاوز يبقى دكتور نسبه كده لاتذكر
انسى اصلا انك تدخلى الفصل من دول وتلاقى فيه طلبه متفوقين وبينافسوا بعض فى امتحانات الشهر واخر السنه
بقت حالات نادره
وطبعا على رايك منهم لله الى فى التلفزيون
وبعدين الولد طالع اروبه لخالته
نورتينى
manoo
ماهو الطفل بيقى لسه مايعرفش ايه الى هو بيحيه او الى ما بيحبوش
بس هو بيقول كده لانه كان بيبقى مبهور بالمهن دى
واكيد طبعا لازم الواحد يشتغل حاجه هو بيحبها علشان يقدر يدى فيها وينجح
واكيد ده راى محترم جدا يابن بلدى
تحياتى وبالتوفيق فى الامتحانات
انا حره
لا معتقدش انهم ها يقولوا رقاصه ولا مغنيه
المهن دى وبفضل رجال الاعمال بتوعنا بقت مهن خطر اوىىىىىىىىى
محدش عاوز ياخد لقب المرحومه ههههههههه
مرسيه على متابعتك وتعلقيك
شرفتينى
manooosh
قصدك رقاصه وقاتل
حرامى دى بقت موضه قديمه
تحياتى
مسدس صغير
ايه ده يامتر
دا انت احسن من مدحت شلبى
بس انا خايفه لو هانخدها من قاصرها بجد
يقول اطلع حرامى
هههههههه
مرسيه على تعليقك
رحله البحث
فكرتنى باايام الجامعه
ياللهوى على الجهل والتبلد الى كان موجود عند الطالبه
حاجه كده تجيب الجلطه
ويسلام لو روضك شيطانك وحبيت تقرا وشافوك وانت معاك كتاب بعيد عنالمنهج تتفضح فضيحه اللحمه فى السوق
ههههههه
ولعلمك الشغل ده نصيب
بس المهم الواحد يحب شغله علشان يقدر يدى فيه
تحياتى
انحناءة يا بنت بلادى فعلا إعدادك للفكرة فى الموضوع رهيب اووووووى
على الرغم من صغر البوست الا انه مرتب اوى وعكس صورة المجتمع واللى بيحصل فيه فعلا حاجة تكسف فعلا يا نودى بوست رهيب وربنا جداااا ومميز اوى
بس تخيل كدا ممكن سلوك المجتمع من الناحية الاقتصادية هو اللى عكس الافكار بشكل دا يعنى لو الابن كان زمان قال قدام والده عاوز اطلع لعيب كورة تخيل رد فعل والدة هيكون اية عكس دلوقتى الاباء بتودى ابنائها مدرسة الكورة
انحناءة يابنت بلدى على البوست التحفة دا بجد
دمتِ يارب بكل حب و ود وفى رعاية الله وحفظه دائما
thunder
والله عندك حق اسمع كده الخطيب وهو بيحكى عن ابوه لما ضربه بسبب الكوره
وكل الناس الى من جيله والى بعده بشويه
انما دلوقت والله كان عاندى دكتور فى الكليه كان قارفنا باابنه الى مدخله مدرسه الكوره
زمان اتقلت فيه البركه والله
مرسيه ياابن بلدى على مجاملتك
ومنورنى دايما
والله دي فعلا مشكلة
السؤال رغم سهولته إلا أنه بيحمل معاني كثيرة
وأكبر مصيبة هي انهيار القيم المجتمعية للشعب المصري
معدش فيه قيم والفلوس هي اللي بتحكم
تحياتي على تلك المدونة والبوست الرائع
ويبقى التواصل
فعلا هى دى الحقيقه واحب اقولك ان اللى دفع الناس لكده الظروف اللى عيشنها دلوقتى الدنيا حالها اتقلب تلاقى واحد مفحوت طول النهار علم ابحاث معامل ولا حد دارى بيه ولا يعرف ده بيعمل ايه اما لعيب الكوره ده يا ستى اول ميجبلو جون الخبر بيطلع على شريط الاخبار وده طبعا بغض النظر على الفروق الماليه المهوله تقبلى مررورى
كل واحد بيختلف طموحه ع حسب الجو الي عايش فيه
او الي اهله معيشينه فيه
يعني لو واحد والده مدرس هيحب يكون كدا
والده بيحب الكوره هيربي في حكايه الكوره
والده دكتور مهندس بردو يحب يكون دكتور او مهندس
وبردو لو شايف حد ادامه مهنته حلوه وعجبه هيحب يقلده او ياخده قدوره ليه ويبقي حلمه انو يحققها
إرسال تعليق